Pestanas principais

Departamento de Medio Ambiente

    • Aula da Naturaleza
      • Teléfono: 660 00 46 65
      • Horario de atención ao público de 9:00 a 14:00
      • Responsable técnico: Patricia Reboreda Cigarrán
    • Brigada de Garda Medioambiental
      • Telefono: 686 199 301
      • Horario de atención ao público de 9:00 a 14:00
      • Responsable técnico: María Victoria Arufe Vázquez.
Outros Datos: 

 

Brigada de Garda Medioambiental

  • Funcións da responsable da Brigada de Garda Medioambiental
    • Dirixir e planificar  as labores levadas a cabo pola Brigada de Garda Medioambiental
    • Coordinar a recollida de animais abandonados en zona pública  dentro do término municipal de Ames
    • Tramitar as licenzas de Animais Potencialmente Perigosos así como as  inscricións no Rexistro Municipal de Animais Potencialmente Perigosos de acordo a lexislación sectorial vixente.
    • Participar no deseño das campañas e do plan de actuación de medidas preventivas contra os incendios forestais
    • Xestionar e coordinar as tarefas relacionadas ca recollida de limpeza viaria, residuos domésticos (RAEE, voluminosos..)
    • Tramitar e xustificar subvencións destinadas a financiar actuacións medioambientais municipais
    • Xestionar e coordinar  as labores de desratización, desinsectación e desinfección  de  vías públicas, parques, xardíns, redes de sumidoiros,locais e dependencias de titularidade municipal.
    • Xestionar e Coordinar as labores de Prevención e Control da Lexionela nas instalacións deportivas municipais.
    • Atender a veciñanza en relación a distintas temáticas relacionadas ca lexislación sectorial forestal , de residuos, de animais etc. Informar acerca dos distintos temas ambientais para a iniciación dos seus correspondentes expedientes.
  • Funcións dos peóns  Brigada de Garda Medioambiental:
    • Recoller os distintos puntos de vertido incontrolado  das zonas públicas contribuíndo a recuperación de zonas degradadas
    • Mantemento, xestión dos rutas de sendeirismo do concello, incluíndo a realización de desbroces de maleza, vixilancia, sinalización, reposición de infraestruturas deterioradas ou destruídas, e conservación de elementos patrimoniais e arquitectónicos.
    • Participación e colaboración en campañas de sensibilización ambiental.

Responsable da Aula da Natureza

  • Funcions:

1º bloque

    • MEDIO NATURAL
      • VIDA DE ECOSISTEMAS TERRESTRES
        • Planificar e coordinar plans de control de especies exóticas invasoras.
        • Planificar e coordinar plans de conservación, mellora  recuperación e restauración de zonas degradadas.
        • Espazo Rede Natura 2000.
        • Busca, apertura, adecuación e dotación de elementos interpretativos en rutas ambientais do concello.
      • VIDA DE ECOSISTEMAS FLUVIAIS
        • Revisión dos tramos de rios e regos urbanos de competencia municipal.
        • Coordinación do Proxecto ríos no Concello de Ames.
        • Establecemento e dirección das diferentes fases do Plan de recuperación das beiras do rio Sar.
      • LOITA FRONTE A LUMES FORESTAIS
        • Coordinación dos traballos realizados ao abeiro do Plan Municipal de Plantación de frondosas caducifolias.
        • Participación no deseño e implementación dos plans municipal de defensa fronte a incendios forestais.
      • COMPOSTAXE
        • Coordinación do Programa de compostaxe comunitario do concello de Ames.
      • COORDINACIÓN DE BRIGADAS TEMPORAIS:
        • Coordinación da Brigadas Aprol forestal – fluvial.
        • Coordinación da Brigadas Aprol: actualización  PMPDIF.
        • Coordinación da Brigada de Espazos Naturais.
        • Coordinación da Brigadas de protección e defensa fronte lumes forestais baixo o amparo do convenio Xunta - Concellos.

2º bloque

    • EDUCACIÓN AMBIENTAL
      • DINAMIZACIÓN DUN PROGRAMA  DE EDUCACIÓN AMBIENTAL E ACHEGAMENTO AO MEDIO
        • Dirección, xestión e coordinación  do plan anual de educación ambiental e achegamento ao medio
      • .COLABORACIÓN COS CENTROS EDUCATIVOS MUNICIPAIS NA DIFUSIÓN DOS OBXECTIVOS DE DESENVOLVEMENTO SOSTIBLE DA ONU
        • Elaboración de proposta, coordinación e desenvolvemento cos centro escolares e ANPAS municipais de obradoiro, actividades  e saídas ambientais que sirvan como complemento ao currículo escolar relacionadas co medio natural e con prácticas medioambientais saudables. Ademais, a Aula recolle propostas de traballo dos centros e planifícanse proxectos en conxunto.
      • PRÁCTICAS MEDIOAMBIENTAIS SUSTENTABLES.
        • Fomento de prácticas medioambientais sustentables mediante o deseño e impartición de obradoiro e actividades en torno a campañas de aforro de enerxía no fogar.
        • Deseño e dinamización da campaña de uso racional da auga.
        • Deseño e dinamización da campaña de compostaxe familiar.
        • Deseño e dinamización da campaña Fogares verdes.
        • Deseño e dinamización da campaña oficinas sostible
    • DESEÑO, ESTABLECEMENTO E SEGUIMENTO DAS HORTAS SOSTIBLE E SOLIDARIAS DO CONCELLO DE AMES.
    • TITORIZACIÓN DE PRÁCTICAS DE CICLOS FORMATIVOS RELACIONADOS CA EDUCACIÓN AMBIENTAL E ACHEGAMENTO AO MEDIO NATURAL E FORESTAL.

3º bloque

    • ATENCIÓN Á VECIÑANZA
      • Facilitar información medioambiental e forestal.
      • Colaboración na realización de trámites administrativos relacionados co medio rural e o medio ambiente.
      • Identificación veciñal de terreos particulares que pertencen as faixas secundarias de protección fronte a lumes forestais.
    • TRABALLOS TÉCNICOS DE XESTIÓN:
      • Tramitación de solicitude de subvencións.
      • Redacción de pregos técnicos de contratación.
      • Participación en comisións, mesas e asesoramento en tribunais.
      • Elaboración de ordenanzas.
      • Redacción de subvencións.

Novas do departamento

A celebración da IV Feira do Monte “Tanto Monte, Monte Tanto” estenderase dous días e contará con servizo de autobús

O Concello de Ames presentou esta mañá a cuarta edición da Feira do Monte “Tanto Monte, Monte Tanto”, que se celebrará os días 23 e 24 de novembro no campo da festa da parroquia de Trasmonte, co obxectivo de poñer en valor o monte galego e recuperar os oficios ligados ao monte. Será un escaparate excepcional dos oficios e os produtos vinculados ao monte. Na actualidade xa se conta con 18 expositores confirmados e estase pendente de que se poida sumar algún máis. Haberá unha carpa para estar a cuberto e poder participar nas actividades programadas. Así mesmo, durante toda a xornada non faltarán as degustacións e maila música tradicional.

A concellería de Xestión do Medio Rural presenta os iglús para reorganizar as colonias felinas do concello

Esta mañá foron presentados na Casa da Cultura de Bertamiráns os novos iglús que se instalarán no concello para a reorganización e control das colonias felinas. Estas estruturas, deseñadas polo artista Fernando Yáñez sobre colectores reciclados, servirán para facilitar o traballo dos voluntarios e voluntarias encargados do coidado destas comunidades felinas. En Bertamiráns xa se instalaron tres iglús (un preto da Casa da Cultura, e outros dous na rúa Rosaleda) e está previsto que se instalen tamén no Milladoiro unha vez concluída a detección e control das colonias deste núcleo.

A eclipse poderase ver en Ames nun 99,96% da súa totalidade

O Concello de Ames será un emprazamento privilexiado para visualizar a histórica eclipse parcial do vindeiro mércores 12 de agosto, pois segundo o Observatorio Astronómico Nacional poderase ver ata nun 99,96% da súa totalidade. Ás 20.29 horas será o punto máximo dunha eclipse que comezará ás 19.31 e finalizará ás 21.22 horas. Con motivo deste fenómeno, o Concello de Ames pon á disposición da veciñanza 1.600 gafas máis. 

A exposición Pacto Verde Europeo de EUROPE DIRECT A Coruña chega o 6 de maio a Ames

A mostra itinerante sobre o Pacto Verde Europeo do centro EUROPE DIRECT A Coruña, pertencente á Deputación da Coruña, chega ao concello de Ames o día 6 de maio, onde poderá visitarse durante dúas semanas na Travesía do Porto. A cidadanía poderá achegarse de forma sinxela e didáctica aos obxectivos, retos e medidas climáticas e medioambientais que establece a Unión Europea para as vindeiras décadas. A localidade acollerá tamén unha actuación de malabares, equilibrios e acrobacias na rúa o día 10 de maio. Ese mesmo día, ás 12.30 horas, o deputado Antonio Leira acudirá ao acto de inauguración da exposición que se realizará na Travesía do Porto. Podes dispor de máis información premendo nesta ligazón.

A I Feira do Pan e do Cereal mestura tradición e innovación fomentando o cultivo sostible de variedades autóctonas de cereais panificables

O Campo da Festa da Bugallido acolle este sábado, 6 de maio, a I Feira do Pan e do Cereal. Unha feira que nace co obxectivo de animar ás persoas do rural a recuperar o cultivo das terras agrarias con cereais autóctonos como o trigo, centeo ou a cebada; cultivos que noutros momentos quedaron relegados e que agora teñen unha grande oportunidade de triunfar da man da recuperación e valoración do pan tradicional. O evento, que busca ser un referente dentro do seu sector, arranca ás 11:30 horas con exposicións, charlas, obradoiros e degustacións. Todas as actividades son de balde e con entrada libre ata completar aforo.

A II Feira do Pan e do Cereal celebrarase o 11 de maio en Bugallido

O campo da festa de Bugallido acollerá este sábado, 11 de maio, a II Feira do Pan e do Cereal, coa que se quere poñer en valor un produto esencial na gastronomía, na tradición e na cultura galegas. Esta feira busca animar ás persoas do rural a recuperar o cultivo das terras agrarias con cereais autóctonos como o trigo, centeo ou a cebada; cultivos que noutros momentos quedaron relegados e que agora teñen unha grande oportunidade de triunfar da man da recuperación e valoración do pan tradicional.  O evento, que busca ser un referente dentro do seu sector, foi presentado esta mañá na Casa do Concello. Premendo nesta ligazón podes acceder á listaxe de establecementos participantes na II Feira do Pan e do Cereal.

A OTC Ames e a Comunidade Enerxética “Ames Solar” continúan co seu percorrido informativo polas parroquias de Trasmonte, Lens e Agrón

A Oficina de Transformación Comunitaria de Ames celebrou o pasado 13 de agosto unha nova charla informativa no Local social de Trasmonte, dando continuidade ao seu traballo de proximidade territorial e achegando as comunidades enerxéticas á veciñanza amesá. Ames é un dos concellos galegos que apostan por este modelo enerxético participativo, tras experiencias exitosas como as de Xermade, Ponte Caldelas ou a Illa de Arousa, onde as comunidades enerxéticas xa están a xerar importantes beneficios económicos e ambientais para os seus participantes. 

A OTC de Ames organiza unha xornada aberta sobre o presente e futuro das comunidades enerxéticas

O auditorio da Casa da Cultura do Milladoiro acollerá o vindeiro mércores, 4 de xuño, unha xornada aberta sobre o presente e futuro das comunidades enerxéticas. Ás 9.30 horas farase a recepción e apertura a cargo do presidente da Deputación da Coruña, Valentín González Formoso, e do alcalde de Ames, Blas García. Haberá tres bloques temáticos: o primeiro tratará sobre a afectación xurídica das comunidades enerxéticas; o segundo sobre a transición enerxética e o funcionamento da OTC-Ames; e no terceiro expertos da administración pública amosarán os distintos programas de actuacións, financiamentos, achegas e demais axudas para a creación de comunidades enerxéticas. As inscricións para participar en dita xornada poden realizarse premendo nesta ligazón.

A praia Fluvial de Tapia acolle á Festa da Natureza o sábado 5 de xuño

O Concello de Ames, a través da Aula da Natureza, vén de organizar unha xornada para celebrar o Día Internacional do Medio Ambiente. As actividades comezarán ás 10.00 cunha ruta polo Val do Pasos. Para inscribirse débese enviar a un email a auladanatureza@concellodeames.gal. Durante todo o sábado haberá unha actividade de piragüismo, xogos tradicionais e unha gran xincana. Ademais, levarase a cabo un encontro intercultural entre a veciñanza de Ames e unha solta de alevís de troitas no río Tambre como acto conmemorativo. Durante toda a xornada estarán abertas as mostras de maquinaria e plantas forestais. A xornada rematará ás 18.00 cunha actuación musical. Para máis información, pódese enviar un correo electrónico ao enderezo auladanatureza@concellodeames.gal ou chamando ao 660 004 665.

A USC presenta un estudo do territorio de Ames na Casa da Cultura de Bertamiráns o venres 4 de xuño

Como acto conmemorativo do Día Internacional do Medio Ambiente, a USC organizou a exposición do traballo “Dende o Pedroso ao Monte San Marcos: Caracterización da paisaxe e percepción da veciñanza, propiedades e visitantes sobre os seus posibles usos”. O evento terá lugar na Casa da Cultura de Bertamiráns, o venres 4 de xuño, de 18.30 a 20.00 horas.

Eventos del departamento

> Visita ao X Encontro da Rede Galega de Sementes en Betanzos

A Aula da Natureza propón, para o día 11 de marzo, unha excursión a Betanzos, onde se vai celebrar o X Encontro da Rede Galega de Sementes. Alí terá lugar un intercambio e venda de sementes e plantóns autóctonos, así como charlas, obradoiros e outras actividades. A actividade está pensada para todos os públicos. Ofrecerase servizo de autobús gratuíto dende o Pazo da Peregrina de Bertamiráns (pasará ás 10:30 horas) e dende a Casa da Cultura do Milladoiro (ás 10:45 horas). O regreso farase arredor das 18:00 horas. Os interesados en participar deben enviar a ficha de inscrición ao enderezo electrónico auladanatureza@concellodeames.gal.  

> Xornada “Pragas e doenzas dos castiñeiros”

A Concellaría de Medio Ambiente informa de que xa está aberto o prazo para inscribirse na xornada formativa “Pragas e doenzas dos castiñeiros”, impartida por persoal do Centro de Desenvolvemento Agroforestal de Riós. Será o próximo martes 11 de outubro, de 10:00 a 14:00 horas, no local social de Piñeiro. As inscricións están abertas e poden realizarse ata o 10 de outubro, enviando un correo ao enderezo electrónico auladanatureza@concellodeames.gal.

>Acampada na Aula da Natureza

A Aula da Natureza do Concello de Ames organiza unha acampanada para realizar un rastrexo nocturno.

Os cativos van acampar na contorna da Aula da Natureza, sita na Ameixenda, para realizar un rastrexo entre as 17:00 horas do sábado e as 12:00 horas do domingo.

A actividade está dirixida a nenos de entre 8 e 14 anos e conta con prazas limitadas.

Para inscribirse é preciso enviar un email a auladanatureza@concellodeames.gal.

>Achegándonos á eclipse

A Aula da Natureza xa ten lista a súa programación para os meses de xuño, xullo, agosto e setembro. Unha programación que se centra na cultura castrexa, a recollida de herbas de San Xoán, a eclipse total de sol, a interpretación de petróglifos e a observación de estrelas. Para inscribirse nas actividades da Aula da Natureza, é preciso enviar a ficha de inscrición, que se pode descargar na seguinte ligazón, ao enderezo auladanatureza@concellodeames.gal. Preme nesta ligazón para consultar a programación.

>Achegándonos á eclipse

A Aula da Natureza xa ten lista a súa programación para os meses de xuño, xullo, agosto e setembro. Unha programación que se centra na cultura castrexa, a recollida de herbas de San Xoán, a eclipse total de sol, a interpretación de petróglifos e a observación de estrelas. Para inscribirse nas actividades da Aula da Natureza, é preciso enviar a ficha de inscrición, que se pode descargar na seguinte ligazón, ao enderezo auladanatureza@concellodeames.gal. Preme nesta ligazón para consultar a programación.

>Actividade de limpeza dos ríos

O Concello de Ames participa novamente na iniciativa “Móllate polos ríos”. Coordinada pola Asociación para a Defensa Ecolóxica de Galicia (ADEGA), a actividade consiste na limpeza simultánea de lixo en distintos ríos e regatos de Galicia. Convídase á veciñanza amesá a participar desta iniciativa, que se desenvolverá este domingo, 27 de setembro ás 10.30 horas. As persoas interesadas en participar poden inscribirse ata este sábado 26, ás 14.00 horas, enviando un correo ao enderezo electrónico auladanatureza@concellodeames.gal.

>Adornos para a árbore. Calcetíns de Nadal

O obradoiro levarase a cabo na carpa da Praza de Chavián en Bertamiráns de 11.30 a 13.30 horas, mentres que no Milladoiro se desenvolverá das 17.30 ás 19.00 horas na carpa da Praza de Manuel Murguía no Milladoiro.

A actividade está destinada a nenos de entre 5 a 12 anos. As prazas son limitadas polos que se necesita inscrición enviando un enderezo a auladanatureza@concellodeames.gal, a cal estará dispoñible ata o 18 de decembro.

>Andaina de SaúdeAndo

Para participar nesta actividade é necesario inscribirse antes das 14.00 horas do xoves 7 de novembro a través dun correo electrónico ao enderezo sanidade@concellodeames.gal ou do teléfono 649 450 264. É gratuíta, e conta con servizo de autobuses dende Milladoiro e Bertamiráns.

>Arredor dos castiñeiros

O Concello de Ames, a través da Aula da Natureza, organiza este outono as xornadas “Arredor dos castiñeiros”, que se desenvolverán nos meses de setembro, outubro e novembro. Serán catro sesións centradas nos castiñeiros que contarán con charlas, obradoiros participativos e visitas a empresas de transformación de castaña. A primeira xornada terá lugar o sábado 28 de setembro no local social de Piñeiro. Será unha sesión teórico-prácticas sobre a selección de plantas, variedades requerimentos de cultivo e enfermidades dos castiñeiros. Haberá dúas sesións: de 11:00 a 13:30 horas, e de 16:30 a 18:30 horas.

>Ás voltas cos cogomelos

A Aula da Natureza está desenvolvendo as diferentes actividades que compoñen a súa programación de outono. Deste xeito, para os meses de outubro e novembro ten previsto impartir a actividade “Ás voltas cos cogomelos”, que consta de tres saídas para recoller cogomelos que se realizarán os días 5 e 19 de outubro e mailo 30 de novembro. O obxectivo destas saídas é mellorar o coñecemento da veciñanza sobre estes prezados fungos. Trátase dunha actividade aberta a todos os públicos. Para inscribirse nesta actividade hai que enviar a ficha de inscrición ao enderezo auladanatureza@concellodeames.gal. A programación ao completo pode consultarse premendo nesta ligazón.