O Concello de Ames informa sobre a publicación da listaxe definitiva de solicitudes presentadas ao programa municipal de campamentos de verán 2026 dirixidos ao alumnado de educación primaria. As devanditas listas están publicadas na web municipal e nos taboleiros oficiais do Concello. Nos campamentos ofertados pola Aula da Natureza non é preciso realizar sorteo.

O Concello de Ames dá conta da comunicación emitida polo Instituto Galego de Estadística na que se informa de que durante as vindeiras semanas se vai a realizar unha operación estatística denominada "Enquisa estrutural de Fogares". Está campaña está dirixida a 9.216 vivendas repartidas por todo o territorio galego, entre as que figuran vivendas do concello de Ames. As visitas realizaranse entre o 18 de maio e o 5 de xullo por persoal enquisador debidamente acreditado para cubrir o cuestionario estatístico. As vivendas seleccionadas recibirán unha carta informándolles previamente da obriga de facilitar ditos datos.

Dende o xoves 30 de abril, e ata o 15 de maio está aberto o prazo de inscrición para participar na Escola de Verán, unha oferta educativa e de ocio concibida para conciliar a vida laboral e familiar da veciñanza de Ames durante o período non lectivo dos meses de xullo e agosto. O servizo está dirixido aos nenos e nenas escolarizados no segundo ciclo de Educación Infantil e en Educación Primaria. O programa impartirase no CEIP da Maía, en Bertamiráns, e na EEI do Milladoiro e CEP de Ventín, no Milladoiro. O programa ten un horario de 7:30 a 16:00 horas, e inclúe os servizos de comedores e Bos días. As persoas interesadas deben entregar a documentación necesaria na Sede electrónica do Concello de Ames ou nas oficinas de asistencia en materia de rexistro do Concello de Ames (O Milladoiro e Bertamiráns). As solicitudes presentadas fóra de prazo irán a unha listaxe de agarda.

Premendo nas ligazóns que están ao pé deste aviso pódense obter os menús dos comedores escolares, Bos días cole e Tardes divertidas (almorzos, xantares e merendas). Estes menús foron elaborados pola nutricionista municipal do Concello de Ames.