O Concello de Ames acollerá o vindeiro xoves 12 de novembro unha xornada técnica de vixilancia sanitaria nas ADSG de vacún de Galicia, organizado polo Centro de Investigación Agraria Mabegondo (CIAM) pertencente á Axencia Galega da Calidade Alimentaria da Consellería do Medio Rural. O encontro será na sala de exposicións do Pazo da Peregrina en Bertamiráns. Para participar é preciso presentar unha presolicitude a través desta ligazón, para máis información pódese contactar co enderezo da coordinadora da actividade, veronica.gomez.gomez@xunta.gal, ou a través do contacto 881 881 815.

O vindeiro martes, 17 de novembro, o espazo colaborativo A Proa, situado no Milladoiro, acollerá a charla O mito do “non teño tempo”, dirixida a empresarios e empresarias de pemes para afondar en temas como as chaves para recuperar o foco, ordenar prioridades e conseguir que a empresa avance sen depender constantemente do empresario ou directivo. Así, tómase como base lograr que a maneira de dirixir a empresa evolucione ao mesmo tempo que medra. A asesora de empresarios Montse Reymóndez, será a encargada de impartir esta charla que permitirá tomar perspectiva e centrarse no que realmente move o negocio. A sesión impartirase de 12.00 a 13:00 horas. Para participar é necesario inscribirse a través da páxina web da Proa ou enviando un correo electrónico ao enderezo promocioneconomica@concellodeames.gal.

O vindeiro luns, 9 de outubro, ás 12:00 horas, o espazo colaborativo de Coworking A Proa, situado no parque empresarial do Milladoiro, acollerá a charla «Igualdade e progreso para as mulleres rurais», unha actividade organizada por FADEMUR Galicia no marco do programa Por un Rural Vivo e Xoven, en colaboración co Concello de Ames e a Deputación da Coruña. A actividade pretende ser un espazo de encontro, reflexión e intercambio de experiencias, no que poñer en valor o talento, a capacidade emprendedora e a contribución das mulleres e das persoas mozas á construción dun rural vivo, dinámico e con futuro.

Os Concellos de Ames e Brión poñen en marcha unha nova edición do programa integrado de emprego. Deste xeito, xa está aberto o prazo para solicitar a participación na nova edición do programa integrado de emprego dos Concellos de Ames e Brión 2026-2027. O programa está aberto a 100 persoas desempregadas que se formarán nos sectores do ocio e tempo libre; comercio; actividades de almacén e loxística; administración; atención á dependencia; e turismo. O pasado 14 de outubro rematou a edición 2025-2026. Á data de finalización do programa, acadaron, polo menos un contrato, máis do 50% dos participantes, superando o obxectivo de inserción previsto do 40%. As persoas que cumpran os requisitos e estean interesadas poden cubrir o formulario cos seus datos premendo nesta ligazón.