Pestanas principais

Departamento de Medio Ambiente

    • Aula da Naturaleza
      • Teléfono: 660 00 46 65
      • Horario de atención ao público de 9:00 a 14:00
      • Responsable técnico: Patricia Reboreda Cigarrán
    • Brigada de Garda Medioambiental
      • Telefono: 881 074 705
      • Horario de atención ao público de 9:00 a 14:00
      • Responsable técnico: María Victoria Arufe Vázquez.
Outros Datos: 

 

Brigada de Garda Medioambiental

  • Funcións da responsable da Brigada de Garda Medioambiental
    • Dirixir e planificar  as labores levadas a cabo pola Brigada de Garda Medioambiental
    • Coordinar a recollida de animais abandonados en zona pública  dentro do término municipal de Ames
    • Tramitar as licenzas de Animais Potencialmente Perigosos así como as  inscricións no Rexistro Municipal de Animais Potencialmente Perigosos de acordo a lexislación sectorial vixente.
    • Participar no deseño das campañas e do plan de actuación de medidas preventivas contra os incendios forestais
    • Xestionar e coordinar as tarefas relacionadas ca recollida de limpeza viaria, residuos domésticos (RAEE, voluminosos..)
    • Tramitar e xustificar subvencións destinadas a financiar actuacións medioambientais municipais
    • Xestionar e coordinar  as labores de desratización, desinsectación e desinfección  de  vías públicas, parques, xardíns, redes de sumidoiros,locais e dependencias de titularidade municipal.
    • Xestionar e Coordinar as labores de Prevención e Control da Lexionela nas instalacións deportivas municipais.
    • Atender a veciñanza en relación a distintas temáticas relacionadas ca lexislación sectorial forestal , de residuos, de animais etc. Informar acerca dos distintos temas ambientais para a iniciación dos seus correspondentes expedientes.
  • Funcións dos peóns  Brigada de Garda Medioambiental:
    • Recoller os distintos puntos de vertido incontrolado  das zonas públicas contribuíndo a recuperación de zonas degradadas
    • Mantemento, xestión dos rutas de sendeirismo do concello, incluíndo a realización de desbroces de maleza, vixilancia, sinalización, reposición de infraestruturas deterioradas ou destruídas, e conservación de elementos patrimoniais e arquitectónicos.
    • Participación e colaboración en campañas de sensibilización ambiental.

Responsable da Aula da Natureza

  • Funcions:

1º bloque

    • MEDIO NATURAL
      • VIDA DE ECOSISTEMAS TERRESTRES
        • Planificar e coordinar plans de control de especies exóticas invasoras.
        • Planificar e coordinar plans de conservación, mellora  recuperación e restauración de zonas degradadas.
        • Espazo Rede Natura 2000.
        • Busca, apertura, adecuación e dotación de elementos interpretativos en rutas ambientais do concello.
      • VIDA DE ECOSISTEMAS FLUVIAIS
        • Revisión dos tramos de rios e regos urbanos de competencia municipal.
        • Coordinación do Proxecto ríos no Concello de Ames.
        • Establecemento e dirección das diferentes fases do Plan de recuperación das beiras do rio Sar.
      • LOITA FRONTE A LUMES FORESTAIS
        • Coordinación dos traballos realizados ao abeiro do Plan Municipal de Plantación de frondosas caducifolias.
        • Participación no deseño e implementación dos plans municipal de defensa fronte a incendios forestais.
      • COMPOSTAXE
        • Coordinación do Programa de compostaxe comunitario do concello de Ames.
      • COORDINACIÓN DE BRIGADAS TEMPORAIS:
        • Coordinación da Brigadas Aprol forestal – fluvial.
        • Coordinación da Brigadas Aprol: actualización  PMPDIF.
        • Coordinación da Brigada de Espazos Naturais.
        • Coordinación da Brigadas de protección e defensa fronte lumes forestais baixo o amparo do convenio Xunta - Concellos.

2º bloque

    • EDUCACIÓN AMBIENTAL
      • DINAMIZACIÓN DUN PROGRAMA  DE EDUCACIÓN AMBIENTAL E ACHEGAMENTO AO MEDIO
        • Dirección, xestión e coordinación  do plan anual de educación ambiental e achegamento ao medio
      • .COLABORACIÓN COS CENTROS EDUCATIVOS MUNICIPAIS NA DIFUSIÓN DOS OBXECTIVOS DE DESENVOLVEMENTO SOSTIBLE DA ONU
        • Elaboración de proposta, coordinación e desenvolvemento cos centro escolares e ANPAS municipais de obradoiro, actividades  e saídas ambientais que sirvan como complemento ao currículo escolar relacionadas co medio natural e con prácticas medioambientais saudables. Ademais, a Aula recolle propostas de traballo dos centros e planifícanse proxectos en conxunto.
      • PRÁCTICAS MEDIOAMBIENTAIS SUSTENTABLES.
        • Fomento de prácticas medioambientais sustentables mediante o deseño e impartición de obradoiro e actividades en torno a campañas de aforro de enerxía no fogar.
        • Deseño e dinamización da campaña de uso racional da auga.
        • Deseño e dinamización da campaña de compostaxe familiar.
        • Deseño e dinamización da campaña Fogares verdes.
        • Deseño e dinamización da campaña oficinas sostible
    • DESEÑO, ESTABLECEMENTO E SEGUIMENTO DAS HORTAS SOSTIBLE E SOLIDARIAS DO CONCELLO DE AMES.
    • TITORIZACIÓN DE PRÁCTICAS DE CICLOS FORMATIVOS RELACIONADOS CA EDUCACIÓN AMBIENTAL E ACHEGAMENTO AO MEDIO NATURAL E FORESTAL.

3º bloque

    • ATENCIÓN Á VECIÑANZA
      • Facilitar información medioambiental e forestal.
      • Colaboración na realización de trámites administrativos relacionados co medio rural e o medio ambiente.
      • Identificación veciñal de terreos particulares que pertencen as faixas secundarias de protección fronte a lumes forestais.
    • TRABALLOS TÉCNICOS DE XESTIÓN:
      • Tramitación de solicitude de subvencións.
      • Redacción de pregos técnicos de contratación.
      • Participación en comisións, mesas e asesoramento en tribunais.
      • Elaboración de ordenanzas.
      • Redacción de subvencións.

Novas do departamento

Xa está todo listo para celebrar a Festa da Natureza na Pravia Fluvial de Tapia o sábado 5 de xuño. A xornada dará comezo, ás 10.00 horas cunha ruta polo Val do Pasos. Para inscribirse débese enviar a un email a auladanatureza@concellodeames.gal. Como acto conmemorativo, realizaras unha solta de alevíns de troitas no río Tambre. Haberá unha xornada de portas abertas de piragüismo, xogos tradicionais e unha gran xincana. Dentro da feira levarase a cabo un encontro intercultural. Durante toda a xornada estarán abertas as mostras de maquinaria e plantas forestais. A xornada rematará ás 18.00 horas coa actuación musical de "Colt 45". Para máis información, pódese enviar un correo electrónico ao enderezo auladanatureza@concellodeames.gal ou chamando ao 660 004 665. A festa está organizada pola Concellaría de Medio Ambiente e Transición Ecolóxica en colaboración coas de Deportes e Benestar Social. Haberá servizo de autobuses dende o Milladoiro e Bertamiráns ata a Praia Fluvial de Tapia, e viceversa.

A Xunta de Goberno Local aprobou o expediente de licitación do servizo de redacción de proxecto e dirección facultativa da actuación de mellora da eficiencia enerxética no alumeado do rural. Dita actuación ten un orzamento de execución de 1.470.288,94 euros. O 80% do orzamento total será sufragado con fondos europeos concedidos polo IDAE, mentres que o 20% restante, 294.057,80 euros, serán sufragado con fondos propios municipais. Deste xeito, vanse substituír 4.540 puntos das parroquias amesás. Estes puntos para substituír englóbanse en 120 centros de mando, que tamén serán reformados, representando o 69% do total de centros presentes no termo municipal.

O alcalde de Ames, José Miñones, estivo na visita do Ministro de Agricultura, Pesca e Alimentación en funcións, Luís Planas, ás instalacións de CLUN. O rexedor municipal aproveitou a ocasión para entregarlle ao Ministro un dossier do Plan municipal de prevención de incendios forestais, mediante a plantación de frondosas caducifolias na rede de faixas secundarias de xestión de biomasa. Ademais, vaise enviar copia do dossier á Delegación do Goberno para que dito plan sexa estudado por se serve de modelo a nivel nacional.

O I Circuito de Golf TUR 43 afronta a súa recta final cunha dobre cita para esta fin de semana nas instalacións de Piñeiro que ademais de acoller o sábado,16 de outubre a gran final, será sede dun torneo paralelo que se comezará o venres e para o que xa están inscritos 135 golfistas, a meirande parte deles socios do club ubicado no concello de Ames.

O alcalde de Ames, José Miñones, e mailo concelleiro do Medio Rural, Manuel Lens, acompañados das técnicas do departamento de Medio Ambiente, visitaron os ámbitos dos Batáns e de Ventosa, onde se actuou no período 2018- 2019 a través do plan municipal de prevención de incendios forestais. Na terceira fase de dito plan actuouse en 34 fincas de 30 propietarios/as. Plantáronse 514 árbores (238 castiñeiros, 58 carballos, 9 freixos, 23 abeleiras, 41 cerdeiras, 27 pradairos, 97 bidueiros, 12 ameneiros e 9 noceiras) nunha superficie de 34.442 metros cadrados. Está previsto que a vindeira semana se presente a cuarta fase deste plan.

Un total de once propostas compuxeron a oferta de campamentos de verán do Concello de Ames neste 2022, nos que participaron un total de 460 rapazas e rapaces. As actividades comezaron o 26 de xuño e remataron o pasado sábado 3 de setembro, co peche do último campamento na Granxa Escola El Kiriko. Nove dos campamentos foron xestionados pola Aula da Natureza, mentres que a OMIX organizou outros dous. Con estas iniciativas búscase dotar ás participantes das ferramentas precisas para lograr a súa autonomía e independencia, fomentando a convivencia, a cooperación, o respecto e un xeito de vida saudable, ao tempo que se achegan ao medio natural, ao deporte ou á cultura.

A Aula da Natureza está a desenvolver ao longo do mes de xullo os seus campamentos urbanos, dirixidos á rapazada de 6 a 14 anos, e que se realizan nas propias instalacións da aula, situadas na Ameixenda. Uns 50 nenos e nenas completaron as prazas dos campamentos, repartidos entre unha primeira quenda, que se celebrou do 4 ao 15 de xullo, e a segunda, que comezou este luns 18 e rematará o 29 de xullo. As actividades realizadas inclúen obradoiros, saídas, xogos e concursos, co foco posto no coidado e o coñecemento da natureza, o traballo en equipo e a empatía.

Traballos na horta, xogos, obradoiros, excursións, visitas á praia, aprendizaxe lúdica sobre plantas medicinais e fósiles, cociña divertida, deporte, teatro, cancións... O Campamento Urbano de Natureza ampliou quendas este ano e por primeira vez incluíu comedor na primeira delas. 65 rapaces e rapazas participan en total nas tres quendas. Algúns deles repiten dunha para outra. Moitos e moitas levan asistindo a esta actividade, verán tras verán, desde que eran uns e unhas cativiñas. O campamento urbano desenvólvese en plena natureza. A sede é a antiga escola de Quintáns, na parroquia da Ameixenda, remodelada seguindo criterios de bioconstrución e perfectamente integrada no entorno rural onde se atopa.

Ames é o primeiro concello da provincia da Coruña en contar cunha aldea modelo. Este nomeamento chega tras a declaración da aldea de Ferreiros como aldea modelo pola Xunta de Galicia no marco da lei de recuperación da terra agraria de Galicia. A aldea de Ferreiros, en Agrón, conta cunha superficie de 8,55 hectáreas e con 128 parcelas implicadas de 52 titulares catastrais. Ademais, a Xunta declarou aldea modelo á aldea de Soutogrande, no concello ourensán de Vilariño de Conso e á aldea de Cortegazas, no concello de Avión tamén na provincia de Ourense. Coas tres novas declaracións, acádase un total de 21 aldeas modelo aprobadas no conxunto da comunidade para poñer en valor preto de 600 hectáreas.

A Asociación veciñal “O Cantiño” de Quistiláns e a Plataforma pola recuperación do Río Sar, convocan á veciñanza a unha andaina-limpeza do Río do Pego que se desenvolverá o sábado 1 de agosto a partir das 19:00 horas. Con esta acción pretenden reivindicar esta paraxe de gran riqueza natural, antropolóxica, inmaterial e patrimonial e poñer o foco de atención sobre a necesidade de coidar o río e non emporcar de lixo as súas augas. Calquera persoa que queira colaborar deberá levar máscara e luvas. O Concello, a través da Concellaría de Transición Ecolóxica, apoia a iniciativa e anima á veciñanza a participar dela.

Eventos del departamento

Xornada de portas abertas de gandeiría extensiva, exposicións de cogomelos, colmeas antigas e modernas, panais e instrumentos de apicultura e pequenos froitos, presenza de artesáns da cestería e da madeira, mostra dos cereais que se poden cultivar no monte, degustacións de froitos e aceites compoñen a oferta da I Feira do Monte que, organizada pola concellaría de Medio Ambiente, desenvolverase na parroquia de Trasmonte o vindeiro sábado, 23 de outubro. A Feira, que nace con vocación de continuidade, ofrecerá durante todo o día, e co obxectivo de combater o frío, castañas asadas.

A Aula da Natureza do Concello de Ames organiza unha acampada para que rapazas e rapaces do municipio coñezan o seu monte e realicen actividades por mor do San Martiño. O itinerario comeza ás 16.00 horas do sábado 6 e remata ás 14.00 horas do domingo 7, con servizo de autobús dende o Milladoiro e Bertamiráns. A inscrición para a actividade, limitada a 20 prazas para rapazada de 8 a 16 anos, realizarase enviando un correo eléctronico ao enderezo auladanatureza@concellodeames.gal.

A Aula da Natureza de Ames organiza "Baños de bosque: outono" na Carballeira de Ventín, unha actividade pensada para rapazada dende os 6 ata os 12 anos. A proposta consiste na observación da natureza cos cinco sentidos: sentir o contacto co aire, tocar diferentes texturas, e escoitar o son do vento entre ás árbores e os paxaros para logo levalo ao papel, creando unha paisaxe de outono. A actividade terá dúas sesións: unha de mañá, de 11:30 ás 13:30 horas, e de tarde, de 16:00 a 18:00 horas. Contarase con servizo de autobús dende O Milladoiro e Bertamiráns. Hai 20 prazas dispoñibles entre ambas sesións, para as que hai que inscribirse enviando un correo ao enderezo auladanatureza@concellodeames.gal.

A Aula da Natureza programa para abril un campamento de natureza dirixido á rapazada dos 6 aos 16 anos. O luns 11, martes 12, e mércores 13 de abril, realizaranse actividades tanto ambientais como de ocio, baseados na compresión e no desfrute da natureza. A proposta desenvolverase de 11:00 a 18:00 horas na Aula da Natureza, e contará con servizo de autobuses. Para inscribirse nas 25 prazas dispoñibles, cómpre enviar a ficha de inscrición ao enderezo electrónico auladanatureza@concellodeames.gal.

Co fin de poder descubrir as plantas cotiás, este venres 13 de maio o andar baixo da Casa da Cultura de Bertamiráns acollerá unha exposición que mostrará diversos tipos destas especies en detalle. Esta proposta irá acompañada de proxeccións de vídeos e ata tres visitas guiadas ao longo da xornada. Pola mañá, o alumnado dos centros escolares de Ames gozará da exposición e de varias charlas relacionadas co tema. Xa pola tarde, o público xeral poderá sumarse a dúas visitas guiadas, ás 17:30 e ás 19:00 horas.

A Aula da Natureza organiza o sábado 7 de maio unha Festa dos Maios, pensada para a rapazada de entre 6 e 16 anos. As persoas participantes repartiranse varias tarefas centradas no proceso de elaboración dos maios ao longo da xornada, co fin de coñecer e gozar desta celebración tradicional. A proposta desenvolverase de 11:00 a 18:00 horas na Aula da Natureza, e contará con servizo de autobús. Para inscribirse nas 40 prazas dispoñibles, cómpre enviar a ficha de inscrición ao enderezo electrónico auladanatureza@concellodeames.gal.

O sábado 26 de febreiro remata o programa “Inverno de chocolate” da Aula da Natureza, dirixido á rapazada dos 6 aos 12 anos, cunha xornada dedicada ao Entroido e á súa cociña tradicional. As nenas e nenos que asistan aprenderán a facer filloas e orellas, así como a elaborar doces con produtos locais. A proposta desenvolverase de 11:00 a 18:00 horas na Aula da Natureza, e contará con servizo de autobuses. Para inscribirse nas 25 prazas dispoñibles, cómpre enviar a ficha de inscrición ao enderezo electrónico auladanatureza@concellodeames.gal.

O sábado 19 de febreiro continúa o programa “Inverno de chocolate” da Aula da Natureza, dirixido á rapazada dos 6 aos 12 anos. Nesta quenda, a rapazada participante creará máscaras cunha enorme variedade de material natural, como paus, palla, landras, ourizos, cascas ou herbas. A proposta desenvolverase de 11:00 a 18:00 horas na Aula da Natureza, e contará con servizo de autobuses. Para inscribirse nas 25 prazas dispoñibles, cómpre enviar a ficha de inscrición ao enderezo electrónico auladanatureza@concellodeames.gal.

Este sábado 5 de febreiro comeza a primeira actividade do programa “Inverno de chocolate” da Aula da Natureza, dirixido á rapazada dos 6 aos 12 anos. Co gallo da celebración da festa da luz ou das candeas o 2 de febreiro, os participantes farán farois seguindo a tradición e coñecerán os ritmos da natureza. A proposta desenvolverase de 11:00 a 18:00 horas na Aula da Natureza, e contará con servizo de autobuses. Para inscribirse nas 25 prazas dispoñibles, cómpre enviar a ficha de inscrición ao enderezo electrónico auladanatureza@concellodeames.gal.

Para as persoas a partir dos 16 anos ofértanse dous talleres de arte floral na Aula da Natureza, impartidos por Beate Méndez, de Florifarma a través da asociación ASVINOR, ambos das 17:00 ás 19:00 horas. O primeiro obradoiro, relacionado co adorno de portas, impartirase o 27 de novembro.