Pestanas principais

Departamento de Benestar Social

    • Unidade Municipal de Servizos Sociais de Bertamiráns (UTS BERTAMIRÁNS): Praza de Chavián s/n, Bertamiráns, 15220 - Ames (A Coruña)
      • Teléfono:  981 89 09 64
      • Horario de atención ao público Lunes a viernes de 9:00h a 14:00h
    • Unidade Municipal de Servizos Sociais do Milladoiro (UTS MILLADOIRO): Rúa de Abaixo, nº 10, O Milladoiro, 15895 - A Coruña
      • Teléfono:981 53 59 41
      • Horario de atención ao público Lunes a viernes de 9:00h a 14:00h
    • Responsable municipal: Concellaría de Benestar Social
Outros Datos: 
  • Programación actividades Amessan 2020-2021
  • Estrutura do servizo:
    UTS : Milladoiro e Bertamiráns
    As UTS ou Unidades de Traballo Social son a "porta de entrada" ao Sistema de Servizos Sociais e ofrecen un Servizo de Información público, para toda a poboación, desde onde se facilita de forma profesional e confidencial, información sobre os servizos sociais, recursos e prestacións a disposición das cidadás e cidadáns, así como os dereitos que teñen tanto a nivel individual como grupal.
  • Funcións
    Nelas valóranse as necesidades, oriéntase aos recursos máis axeitados, e intervense cando as persoas así o demandan, cara a garantir unha atención persoal e social de calidade, ofrecendo:
    • Información , valoración, diagnóstico e orientación  en canto a  dereitos, recursos e intervencións sociais.
    • Xestión do Servizo de Axuda no Fogar, Xantar na Casa, Fogar de tránsito, Programa de alimentos, Renda Básica Municipal, axudas de  emerxencia social.
    • Actuacións preventivas das situacións de risco e necesidade social do conxunto da poboación, intervindo para acadar a integración social.
  • Novas relacionadas
  • Axenda

Novas do departamento

Alumnas e alumnos do IES de Ames e do IES do Milladoiro celebraron hoxe un acto para a conmemoración do 8M

O IES de Ames acolleu esta maña un acto de conmemoración do Día Internacional da Muller. Nel estiveron presentes, ademais da rapazada do propio instituto, compañeiros/as do IES do Milladoiro que forman parte da Comisión de Igualdade, a directora e subdirectora do centro, representantes da corporación municipal e representantes do CIM. O acto comezou coa lectura do manifesto institucional, representacións e lecturas de poemas, e finalizou coa plantación de dúas árbores no paseo de Carmen Amado.

Ames achega ás persoas maiores ao mundo dixital a través do programa “Ponlle fin á fenda dixital”

O Concello de Ames, a través da Concellaría de Benestar Social, amplía o programa “Ponlle fin á fenda dixital”, que comezou en xaneiro, organizando obradoiros de competencias dixitais básicas para persoas maiores. A nova iniciativa forma parte do programa Amessan, un proxecto con diferentes actividades dirixidas a persoas maiores de 60 anos. Os cursos comezarán a impartirse na Casa dos Maiores, no Milladoiro, os martes e xoves, en horario de 19:00 a 20:00 horas. Continuarán en Bertamiráns e, por último, realizaranse polos locais sociais da parroquias do rural.

Ames acolle este sábado a II Feira da Saúde e a primeira xornada sobre a saúde mental

O Concello de Ames, a través da Concellaría de Promoción da Saúde, está conmemorando ao longo deste mes de abril o Mes da Saúde. A programación comezou o 4 de abril e péchase este sábado, 23 de abril, coa celebración da II Feira da Saúde e Ben-Estar de Ames e coa primeira xornada sobre saúde mental infanto-xuvenil de Ames, Coidados á mente. Un total de 14 asociacións participarán na Feira da Saúde. Montarán os seus stands na zona exterior da Casa da Cultura de Bertamiráns co obxectivo de proporcionar información a todas aquelas persoas que se acheguen por alí. Ao mesmo tempo desenvolverase a primeira xornada dedicada á saúde mental e ao benestar das crianzas e da mocidade. As conferencias, mesa redonda e obradoiros da xornada de saúde mental serán emitidas por streaming.

Ames acolle mañá o acto institucional do 25N, que contará cunha charla contra as violencias machistas e unha actuación da EMMA

O acto institucional do Día internacional da eliminación da violencia contra a muller celebrarase mañá, 25 de novembro, ás 17:00 horas, no Pazo da Peregrina de Bertamiráns. Nel ofrecerase unha charla informativa sobre violencias machistas e agresións sexuais. Ademais, haberá unha performance e unha actuación da man do alumnado da Escola Municipal de Música de Ames (EMMA) e repartirase aos asistentes merchandising co lema da campaña deste ano.

Ames afondará na historia de 12 mulleres relevantes para o feminismo con motivo do 8M

Esta mañá presentouse a programación de actividades da campaña “Ames en igualdade”, coa que o Concello de Ames vai conmemorar o Día Internacional da Muller, que se celebra o 8 de marzo. Ao abeiro desta conmemoración vaise realizar o venres, 5 de marzo, unha nova sesión de autocine na que se proxectará o filme María Solinha, dirixida por Ignacio Vilar. O luns 8 de marzo terá lugar o acto oficial, no que se dará lectura ao manifesto institucional. Tamén se presentará a ruta urbana 8M e descubrirase o monólito dedicado a Filomena Fraga, na praza da Maia. O sábado, 13 de marzo, inaugurarase a ruta urbana 8M, unha ruta circular polas zonas verdes de Bertamiráns na que se colocarán monólitos dedicados a mulleres relevantes, entre elas a escritora e veciña de ames, Filomena Fraga.

Ames afronta “o reto da saúde mental” para o 2022

A concelleira de Benestar Social e Promoción da Saúde, Luísa Feijóo, presentou esta mañá os obxectivos de Ames para o 2022 en materia de prevención da saúde, co gran reto de traballar con maior profundidade no campo da saúde mental. “A nosa intención é seguir traballando neste eido e sobre todo comezar a traballar en sensibilización, información, formación e desmitificación desta gran descoñecida que é a saúde mental”, sinalou Feijóo. Acompañada de Rosana Martínez, técnica de Promoción da Saúde, e dos psicólogos Belén Montesa e Juan Carlos Permuy, a concelleira anunciou que dende a vindeira semana, 350 alumnas e alumnos amesáns de 4º da ESO e de Bacharelato comezarán con sesións de regulación emocional, que acompañarán aos programas xa vixentes de prevención de condutas aditivas e de educación afectivo-sexual, impartidos dende os 8 ata os 16 anos.

Ames alcanza a mellor taxa de dependencia das pensións de Galicia cun ratio de 3,41 contribuíntes por pensionista

Ames continúa a ser un dos concellos que máis medra da comunidade galega, un dato estimulado pola alta porcentaxe de poboación nova que habita o municipio. Así, dende o ano 2000, o concello de Ames duplicou a súa poboación, pasando de 16.549 habitantes aos 32.190 cos que conta na actualidade. Ademais, Ames tamén conta co maior número de contribuíntes por pensionista dos municipios galegos en 2018, cun ratio de 3,41 traballadores/as por cada xubilado/a, cifra que supera a media nacional de 2,21.

Ames apágase para conmemorar o Día Mundial do Medio Ambiente

A partir das 23.00 horas, do sábado 5 de xuño, suspenderase a iluminación da Casa do Concello de Ames co fin de concienciar sobre o consumo enerxético. A acción, para conmemorar o Día Mundial do Medio Ambiente, encádrase no proxecto europeo ‘People and Planet’, que implica á mocidade e aos gobernos locais na loita contra o cambio climático.

Ames blinda os servizos sociais no ano máis difícil

Un millón e medio de euros en axudas directas e preto de 7.000 citas atendidas é o resumo do balance da actividade desenvolvida polos Servizos Sociais do Concello de Ames ao longo do ano 2020. Incrementáronse ademais as horas do Servizo de Axuda no Fogar, elevándose a máis de 50.000 as prestadas ao longo do ano. Atendéronse 60 novas demandas de RISGA, o que supuxo duplicar o computo das xa activas e acelerouse a posta en marcha do servizo de Xantar na casa, servindo unha media de 300 menús ao mes. Tamén se destinaron máis de 200.000 euros á rendas básicas e axudas de emerxencia. Ademais repartíronse menciñas e alimentos a medio milleiro de familias e púxose en marcha o servizo de cestas saudables que permitiu dar unha atención directa a 800 persoas con alimentos saudables e básicos. Tamén medraron as solicitudes no roupeiro municipal e as de asesoramento xurídico e psicolóxico.

Ames celebra a Semana da Saúde cunha exposición de Anedia e accións informativas e preventivas

O vindeiro mércores, 7 de abril, é o Día Mundial da Saúde. O Concello de Ames, a través da Concellaría de Benestar Social, celebrará a Semana da Saúde que, dende o 5 de abril, organizaranse diferentes accións. Os establecementos do Concello relacionados coa área sanitaria colaboran con actividades como revisións gratuítas, análises ou descontos específicos. Ademais, os rapaces e rapazas poderán visitar a exposición “Os Bolechas coñecen o que é a diabetes”.

Eventos del departamento

>Festa do Entroido do programa Amessan

O próximo sábado, 22 de febreiro, celebrarase na Casa da Cultura de Bertamiráns a Festa do Entroido de Amessan. A partir das 17.30 horas, os asistentes poderán desfrutar de música en vivo co Trío Alborada Show e a degustación de pratos típicos de Nadal. Dende a Concellería de Benestar Social animan á toda veciñanza amesá a asistir disfrazado.

>Festa final do curso Amessán

O programa Amessán clausúrase este curso cunha xornada con música e actividades no Parque do Ameneiral, en Bertamiráns o sábado 19 de xuño.

>Festival de Nadal Amessan

O 17 de decembro, ás 17:00 horas, a Casa dos Maiores de Bertamiráns acolle o Festival de Nadal Amessan. Esta iniciativa forma parte do programa municipal de envellecemento activo, co que se busca o benestar dos maiores do Concello de Ames.

>Gala do voluntariado de Ames

Coincidindo coa conmemoración do Día internacional do voluntariado, este xoves 5 de decembro, a Concellaría de Benestar Social organiza a primeira edición da Gala do voluntariado de Ames onde se homenaxeará os 42 voluntarios/as que  colaboran coa Oficina municipal de Voluntariado de Ames (OVA). En dito acto entregaráselle aos/ás voluntarios/as un carné e un pequeno agasallo. Tamén se lle entregará un galardón aos/ás catro voluntarios/as máis veteranos/as. Contarase coa actuación musical de Os D´Abaixo.

>II Gala da Diversidade

Este ano, dentro da programación do Nadal en Ames, celebrarase a segunda edición da Gala da Diversidade, un evento que se realizou por primeira vez no 2022 con motivo do Día Internacional das Persoas con Diversidade Funcional, que se conmemora cada ano o 3 de decembro. Desta volta, a gala terá lugar o domingo 8 de decembro, ás 17.30 horas, no auditorio da Casa da Cultura de Bertamiráns.

>III Cea Solidaria Obra Social Pediatría & Concello de Ames

O Concello de Ames colabora na organización da terceira edición da cea solidaria Obra Social Pediatría & Concello de Ames, un evento que este ano terá lugar o vindeiro 27 de xuño, ás 20.30 horas, no Pazo da Peregrina, en Bertamiráns. A finalidade desta cea é recadar fondos para contribuír, por unha parte, á investigación sanitaria e ao incremento e mellora da calidade asistencial dos pacientes pediátricos do CHUS. O evento está organizado pola Xuntanza de Empresarios de Ames (XEA), Obra Social Pediatría e Albarín Catering e eventos. Podes acceder nesta ligazón ao formulario para mercar as entradas e á información da Fila Cero por se queres realizar un donativo. Para obter máis información tamén se pode chamar ao 641 11 60 05. As entradas poderán recollerse a partir da semana que vén nos puntos de venta autorizados.

>Masterclass de empoderamento sexual feminino

A Casa da Cultura de Bertamiráns acolle entre as 11:00 e as 13:00 horas unha masterclass de empoderamento sexual feminino. A inscrición é gratuíta e pode facerse a través do enderezo electrónico infoigualdade@gmail.com ou do whatsapp 682 660 580. O aforo é limitado.

>Masterclass de empoderamento sexual feminino

A Casa da Cultura de Bertamiráns acolle entre as 11:00 e as 13:00 horas unha masterclass de empoderamento sexual feminino. A inscrición é gratuíta e pode facerse a través do enderezo electrónico infoigualdade@gmail.com ou do whatsapp 682 660 580. O aforo é limitado. 

>Mercadiño solidario de troco

A Casa da Cultura de Bertamiráns acolle este sábado 12 de decembro, en horario de 16.00 a 19.00 horas, un mercadiño solidario de troco. Esta iniciativa está organizada pola Concellaría de Benestar Social a través da Oficina de Voluntariado de Ames. O obxectivo é recadar alimentos de Nadal. Os veciños e veciñas que acheguen alimentos poderán escoller algo a cambio.

>Noite Meiga

A Conceellaría de Benestar Social e Saúde organiza a "Noite Meiga". Realizarase unha andaina circular, con saída do Pazo da Peregrina, ás 19:00 horas. Precísase inscrición previa enviando un email ao correo electrónico promociondasaude@concellodeames.gal ou chamando ao número ( enviando un WhatsApp) 649 45 02 64. Hai 25 prazas dispoñibles.