Hoxe presentouse na oficina da Asociación de Empresarios do Parque Empresarial do Milladoiro a I Marcha Prevención do Dano Cerebral, na que cada donativo será unha axuda real para que a Asociación de Dano Cerebral de Santiago de Compostela poida ampliar as súas instalacións. No acto estiveron presentes a concelleira de Benestar Social e Voluntariado de Ames, Uxía García; a concelleira de Deportes e Relacións Veciñais de Santiago de Compostela, Pilar Lueiro; o presidente e vicepresidente da Asociación de Empresarios do Parque Empresarial Novo Milladoiro (AEPEM), Javier Santos e Ramón Salgado; e o presidente da Asociación Dano Cerebral de Santiago de Compostela, Luciano Fernández. As inscricións pódense facer premendo nesta ligazón.

Esta mañá, a concelleira de Benestar Social, Uxía García; o coordinador de Alcer Galicia, Alfredo Saborido; e o monologuista Pepo Suevos, presentaron o monólogo “Á caída”, un evento solidario a favor da doazón de órganos que se vai desenvolver o vindeiro venres, 25 de setembro, na Casa da Cultura de Bertamiráns desde as 20.00 horas. O donativo será de 10 euros e poderá facerse a reserva a través do enderezo de correo electrónico eventossolidarios@alcercoruna.org ou chamando ao teléfono 670 339 066. 

O Concello de Ames, de man da asociación Alcer Coruña, organiza o vindeiro venres, 25 de setembro, o monólogo solidario “Á caída”, do humorista veciño de Ames, Pepo Suevos. O evento, que se desenvolverá desde as 20.00 horas na Casa da Cultura de Bertamiráns, terá un carácter solidario a favor da doazón de órganos. O donativo será de 10 euros e poderá facerse a reserva a través do enderezo de correo electrónico eventossolidarios@alcercoruna.org ou chamando ao teléfono 670 339 066. 

Un ano máis, o Concello de Ames colabora co programa Vacacións en Paz, organizado pola Asociación Solidariedade Galega co Pobo Saharauí (SOGAPS). A través desta iniciativa, que se vén desenvolvendo dende hai máis de vinte anos, familias galegas acollen durante os meses de xullo e agosto a nenos e nenas saharauís. Nesta edición, en Ames hai acollidas tres nenas, que están pasando o verán no municipio ata a próxima fin de semana que volverán ao Sáhara. As tres rapazas repiten experiencia, xa que estiveron en Ames na pasada edición. As familias participantes tamén repiten experiencia.