Pestanas principais

Servizo de Atención persoal e familiar

Prestar un apoio integral e personalizado a todas as persoas ou familias segundo a súa problemática: carencias económicas e sociais, conflitos relacionais,  desemprego, desarraigo...

Servizo de Atención familiar

Un equipo profesional interdisciplinar formado polo traballador/a social, a educadora familiar, a psicóloga,  intervén conxuntamente cos integrantes de cada unidade de convivencia.

Persoas destinatarias:

Aquelas persoas e familias empadroadas no noso concello que teñen necesidade de apoio para facer fronte a momentos de inestabilidade económica.
Persoas ou familias con sobrecargas, problemas de aillamento ou de integración na contorna.

  • Renda Municipal básica:
    • Prestación periódica , de natureza económica, temporal, subsidiaria e vinculada a un proxecto de inclusión social.
    • Esta Renda está  prevista para persoas, familias ou unidades de convivencia  con recursos económicos insuficientes, en situación de vulnerabilidade e/ou en risco de exclusión social  co fin de evitar, previr ou paliar posibles  situacións de marxinación social.
      Establécese un límite de ingresos para poder acceder a esta Renda por unidade familiar  ou de convivencia do 100% do IPREM vixente en cada ano incrementado nun 10% por cada membro adicional ata un máx de 150%  e unha esixencia de 3 meses de empadroamento. Establécese unha duración inicial para a prestación de 6 meses prorrogable
  • Axudas para a recuperación en situación de emerxencia:
    • Prestación económica de carácter extraordinario e puntual, subsidiaria e complementaria das axudas sociais previstas na lexislación vixente  destinadas a atender situacións de urxencia sobrevidas  que impidan facer fronte as necesidades básicas.
    • Con respecto a anterior Increméntase notablemente o límite de ingresos para acceder a estas axudas do 75  a o 125% do IPREM, incrementado nun 10% por cada membro adicional  e descóntanse por alugueiro ou hipoteca ata un máximo de 350€.
    • Mantense o requisito de empadroamento en 6 meses e a súa duración e contía dependerá da concepto concreto que da lugar  a dita axuda.
  • Programa de alimentos.
  • Tramitación PNC.
  • Tramitación RISGA.
  • Tramitación RAI.
  • Axyudas familia numerosa.
  • Roupeiro Municipal.

Servizo de apoio psicolóxico

Servizo especializado levado a cabo pola psicóloga municipal que intervén  ante  situacións de inestabilidade psicolóxica persoal, de parella ou familiar.
Persoas destinatarias: persoas empadroadas no Concello de Ames en situación de inestabilidade psicolóxica persoal, de parella ou familiar.
O apoio que se presta dende este servizo pode ser individual ou en grupo:

  • Atención
  • Grupos de apoio
  • Calquera outro que se demande

Programa de aloxamento e vivenda

Posibilitar un aloxamento provisional e con carácter urxente a aquelas persoas que se atopen en situación de emerxencia persoal ou familiar e que non é posible a permanencia no propio fogar ou que este non exista.

  • VIVENDA DE TRÁNSITO
    O Concello de Ames  dispón dunha vivenda municipal destinada a situacións de desaloxamentos, perda de vivenda habitual por catástrofes e outras situacións de emerxencia social.
  • PROGRAMA DE VIVENDAS BALEIRAS
  • OUTRAS ALTERNATIVAS DE ALOXAMENTO
    Información sobre o acceso á vivenda: alugueiro de vivendas, residencias, centros de día, aloxamentos alternativo. Axudas económicas

Servizo de atención á infancia

Proxecto de detección e intervención precoz sobre as problemáticas que poidan presentar menores e adolescentes, que na maioría dos casos, conecta co ámbito da intervención familiar, co fin  de:

  • Garantir o acceso aos recursos
  • Servir de plataforma para a integración e participación activa na vida social municipal
  • Contribuír á conciliación familiar e laboral

As actividades que se desenvolven arredor deste servizo están relacionadas con:

  • Coidado persoal e educación para a saúde
  • Fomento da autonomía e participación nas tarefas do fogar
  • Fomento da igualdade de xénero
  • Prevención de condutas adictivas no ámbito escolar
  • Respeto á diversidade
  • Acceso ás novas tecnoloxías