A praza do Concello tinxiuse onte de violeta para amosar o rexeitamento da cidadanía contra a violencia de xénero. O alcalde e varios membros da corporación municipal leron un manifesto no que se lembrou o número de vítimas, se falou do aínda vixente “teito de cristal”, se convidou aos homes a loitar pola igualdade e se  puxo o acento no papel das administracións locais na loita contra a violencia machista. Acudiron preto de 150 persoas. Moitas delas luciron as máscaras e as camisetas da campaña “Corta co machismo” que os propios traballadores de Servizos Sociais repartiron antes e despois do acto. Entregáronse ao redor de 500 tapabocas, 300 máscaras, 300 cadernos, pulseiras e bolsas. O acto comezou e rematou cun concerto de batucada a cargo da sección de mulleres de “Trópico de Grelos”. Unhas 20 persoas animáronse despois a participar nun obradoiro deste ritmo brasileiro de influencias africanas. Preme nesta ligazón para acceder á galería de imaxes e ver as fotos do acto do 25N.

Con motivo da celebración do Día Internacional do Orgullo LGBTIQ+, o Concello de Ames prepara unha serie de iniciativas para o día 28 de xuño nas dúas vilas principais, Bertamiráns e O Milladoiro. Pola mañá realizarase a lectura do manifesto na Casa do Concello de Bertamiráns. Pola tarde, O Milladoiro acollerá actividades para nenos e nenas e a actuación do DJ WANA. Ademais, os monólitos de acceso ao concello lucirán a bandeira co arco da vella e o lema “Ames a quen Ames, faino con orgullo”. 

Este mércores, 28 de xuño, celébrase o Día Internacional do Orgullo LGTBIQ+. O Concello de Ames, a través do departamento de Igualdade, sumouse a esta conmemoración coa lectura dun manifesto reivindicativo na praza do Concello, que tivo lugar esta mañá. Ao longo da tarde sucederanse distintas actividades para nenos e nenas no Paseo da Igualdade (no aparcadoiro da Casa da Cultura do Milladoiro), así como a actuación do DJ Wana. 

O Concello de Ames súmase á campaña “Cores para a Esclerose”, organizada pola Asociación Compostelá de Esclerose Múltiple, para conmemorar o Día Mundial da Esclerose Múltiple, que se celebra o 30 de maio de cada. A iniciativa promove a divulgación e visibilización da enfermidade dirixida aos centros de educación primaria de Santiago de Compostela, Ames, Brión, Teo e Oroso.  Ademais, o alumando poderá participar no concurso de debuxo sobre a enfermidade.