Pestanas principais

Departamento de Normalización Lingüística

    • Enderezo: Pazo da Peregrina. Avenida de Azcárraga, nº 5, Bertamiráns. 15220 Ames.
    • Teléfono:  662 37 72 15
    • Horario de atención ao público: de 9:00 - 14:00 h
    • Responsable municipal: Concellaría de Normalización Lingüística
    • Responsable técnica: Rosa Moreiras Cuñarro, técnica de normalización lingüística
    • Obxectivo principal do servizo:
      • Incrementar o uso e o prestixio da lingua galega en todos os ámbitos municipais.

O Servizo de Normalización Lingüística do Concello de Ames recibe unha subvención anual para gastos de persoal da Deputación da Coruña e outra da Xunta de Galicia.

Outros Datos: 
  • Funcións:
    • Asesorar e colaborar coa planificación lingüística do Concello de Ames
    • Promover actuacións para aumentar o uso do galego no ámbito municipal, de acordo coa normativa vixente, e entre a veciñanza
    • Contribuír á formación lingüística da veciñanza e do persoal municipal
    • Mellorar a calidade lingüística e comunicativa do Concello de Ames
    • Informar e asesorar sobre dereitos lingüísticos da veciñanza e deberes lingüísticos municipais
    • Asesorar sobre cuestións lingüísticas á veciñanza e ao persoal municipal

Novas do departamento

María López Sández, Manuel Núñez Singala e Mariña Pérez Rei forman o xurado do XXII Certame Literario de Ames

O Concello de Ames, a través do departamento de Normalización Lingüística, publica as cifras de participación e os nomes das persoas que integran o xurado da vixésima segunda edición do Certame Literario Concello de Ames. Nesta ocasión, presentáronse 158 traballos, un número similar respecto das edicións anteriores. As persoas encargadas de xulgar os textos desta edición serán María López Sández, Manuel Núñez Singala e Mariña Pérez Rei; as tres pertencentes ao ámbito literario e referentes na creación literaria galega actual.

Milladoiro acolle a Gala Lingua e Empresa na que se desvelarán as gañadoras da oitava edición dos premios

O Concello de Ames, a través do Servizo de Normalización Lingüística e do departamento de Promoción Económica, organizou un ano máis os Premios Lingua e Empresa. Desta volta, presentáronse 32 empresas, un número similar á anterior edición. A alta participación indica a consolidación desta convocatoria como un incentivo para promover o uso do galego no tecido empresarial de Ames. As empresas gañadoras desta edición coñeceranse na Gala Lingua e Empresa que se celebrará na Casa da Cultura do Milladoiro este luns, 15 de decembro, ás 20.30 horas. Os premios están dotados de 1.500 euros e unha campaña publicitaria en Ames Radio, a emisora municipal.

Montse Rivera e Mercedes Prieto protagonizan unha nova sesión dos Seráns de Ames en Bugallido

Este xoves, 21 de agosto, celébrase unha nova sesión dos Serán de Ames que estará protagonizada por As Armadanzas. Montse Rivera e Mercedes Prieto ofrecerán o espectáculo “Do Courel ao Condado” no que se xunta música e teatro. O espectáculo dirixido ao público familiar desenvolverase detrás do Local Social de Bugallido ás 20.00 horas. A programación dos Seráns de Ames pecharase o vindeiro xoves, 28 de agosto, en Tapia, cos Xogos de Miudiño e unha actuación musical a cargo de Mary Iglesias. Estas actividades son de acceso libre e gratuíto.

Murais rosalianos, obradoiros, excursións, andainas e unha gala poético-musical para enxalzar a figura de Rosalía de Castro

O Concello de Ames, a través dos departamentos de Bibliotecas, Normalización Lingüística e Turismo, está desenvolvendo unha programación específica para conmemorar o mes de Rosalía, que se celebra cada ano o 23 de febreiro. Fernando Yáñez realizou unha intervención artística nas rúas de Ames pintando catro elementos de mobiliario público coa silueta de Rosalía e tamén cuns versos da autora. Ademais, o luns 24, ás 19.00 horas, celebrarase unha gala poético-musical na Casa da Cultura de Bertamiráns, na que participará o alumnado dos centros de ensino de infantil, primaria e secundaria. Pódese consultar a programación completa premendo nesta ligazón.

Música para cantar e bailar en compañía no programa Apego, con “Fíos do querer” este venres 18

Xa está aberto o prazo para inscribirse en “Fíos do querer”, unha nova proposta do Apego de Ames para familias con nenas e nenos dos 0 aos 4 anos. Cé Orquestra Pantasma presenta un espectáculo musical participativo, tecido con agullas de amor, lingua, aloumiños e das primeiras experiencias compartidas. Será o próximo venres 18, con dúas sesións ás 17:00 e ás 18:00 horas, no Pazo da Peregrina de Bertamiráns. As persoas interesadas en asistir poden anotarse ata o 17 de febreiro, enviando un correo ao enderezo electrónico normalizacion@concellodeames.gal, no que indiquen nome e apelidos das asistentes, teléfono de contacto e idade das crianzas.

Música “punk” para a cativada amesá no programa Apego, este xoves 28 no Milladoiro

Peter Punk e Brais das Hortas pechan o abril do Apego de Ames cun concerto punk infantil, no que dous cantantes de xéneros tan aparentemente distantes como a música infantil e o “punk” comparten escenario e crean un espectáculo musical e de “clown” divertido e participativo. Será o xoves 28 de abril na Casa da Cultura do Milladoiro, ás 18:00 horas. As inscricións para o concerto, de balde e dirixido ao público infantil e familiar, poderán realizarse dende hoxe ata ao 27 de abril, enviando un correo ao enderezo normalizacion@concellodeames.gal no que se indiquen nome e apelidos das persoas asistentes, teléfono de contacto e idade das crianzas.

Música, teatro, contos, baile, obradoiros e xogos este sábado na II Festa do Apego de Ames

O departamento de Normalización Lingüística do Concello de Ames ten todo listo para II Festa do Apego do Concello de Ames. Por mor das previsións de chuvia para mañá sábado, trasládase toda a programación para diferentes espazos da Casa da Cultura de Bertamiráns e, comezará como estaba previsto, ás once da mañá. Xestionáronse 870 inscricións, 650 con praza reservada e 220 en lista de agarda, o que demostra o interese e a necesidade das familias amesás en participar en actividades e promovan e favorezan a transmisión da lingua ás crianzas.

Na Gala de entrega de premios do Certame Literario de Ames saliéntouse a singularidade do concurso á hora de descubrir novos talentos literarios

Conducida pola xornalista de Ames Radio, Nazaret López, coa presenza do alcalde, Blas García, da concelleira de Normalización Lingüística, Escarlata Pampín, dos membros do xurado, Armando Requeixo e Paulo Calvo, e das gañadoras e gañadores,  celebrouse o pasado venres, 21 de abril, a gala de entrega de premios da XVIII edición do Certame Literario de Ames. O acto comezou cun recital de poemas de Xela Arias a cargo da cantante Fátima Pego e do pianista Josep Ruíz. O dúo encargouse tamén da clausura da velada interpretando unha escolma de cancións galegas. Pódense ver as imaxes do acto na galería premendo nesta ligazón.

Náiade, Triska, Monoulious Dop, De Vacas, Biribirlocke e Sondarúa actuarán este sábado no festival SolporSon de Ames 2019

Este sábado, 14 de decembro, realizarase no campo da festa de Biduído o festival SolporSon de Ames, no que dende as 17.00 horas haberá batalla de galos (regueifa moderna) e unha exhibición de grafite. O festival estará presentado pola xornalista, Paula Señarís. Dende as 19.30 horas actuarán os grupos Náiade, Triska, Monoulious Dop, De Vacas, Biribirlocke e Sondarúa. Tres destas bandas musicais: Náiade, Triska e Biribirlocke son grupos locais de Ames. Náiade e Triska, que ensaian na Factoría, debutan actuando nun festival. Trátase dunha nova iniciativa posta en marcha dende a Concellaría de Mocidade e Normalización Lingüística, que xorde das xuntanzas realizadas cos mozos e mozas dentro da Comisión de orzamentos participativos. Haberá actividades de cultura urbana e moita música, así como unha carpa e un canón de calor.

No obradoiro de acollemento lingüístico de Bertamiráns participan persoas procedentes de sete nacionalidades

O pasado luns, 15 de setembro, comezou o Obradoiro de acollemento lingüístico “En galego, co teu acento”, que se desenvolve na localidade de Bertamiráns ata o vindeiro 8 de outubro. Nesta ocasión, participan catorce persoas de diferentes lugares co obxectivo de achegarse á cultura e lingua galega. Esta iniciativa, na que colaboran as concellarías de Normalización Lingüística e de Benestar Social, tamén se realizará no Milladoiro do 13 de outubro ata o 5 de novembro. A inscrición para participar na quenda do Milladoiro segue aberta e aínda quedan prazas libres. Pódese facer de xeito presencial acudindo ao Servizo de Normalización Lingüística, situado no Pazo da Peregrina de Bertamiráns, ou á oficina do Servizo de Atención ás Persoas Migrantes (SAMI), situada na rúa de Abaixo, número 10, do Milladoiro. Tamén poderá formalizarse a inscrición chamando por teléfono aos números 662 377 215 / 981 535 941. 

Eventos del departamento

“Language Planning” na Casa de Cultura de Milladoiro

Language Planning e unha comedia áceda da compañía “Os Quinquilláns”, baseada nos relatos de “Made in Galicia” de Sechu Sende.

A representación terá lugar na Casa da Cultura de Milladoiro o venres, 8 de outubro ás 20:30 horas.

A obra chega a Ames a través do programa “Fala Redes” da Secretaría Xeral de Política Lingüística da Xunta de Galiciua.

A función é de balde e os convites poden adquirirse xa na billeteira municipal.