Pestanas principais

Departamento de Normalización Lingüística

    • Enderezo: Pazo da Peregrina. Avenida de Azcárraga, nº 5, Bertamiráns. 15220 Ames.
    • Teléfono:  662 37 72 15
    • Horario de atención ao público: de 9:00 - 14:00 h
    • Responsable municipal: Concellaría de Normalización Lingüística
    • Responsable técnica: Rosa Moreiras Cuñarro, técnica de normalización lingüística
    • Obxectivo principal do servizo:
      • Incrementar o uso e o prestixio da lingua galega en todos os ámbitos municipais.

O Servizo de Normalización Lingüística do Concello de Ames recibe unha subvención anual para gastos de persoal da Deputación da Coruña e outra da Xunta de Galicia.

Outros Datos: 
  • Funcións:
    • Asesorar e colaborar coa planificación lingüística do Concello de Ames
    • Promover actuacións para aumentar o uso do galego no ámbito municipal, de acordo coa normativa vixente, e entre a veciñanza
    • Contribuír á formación lingüística da veciñanza e do persoal municipal
    • Mellorar a calidade lingüística e comunicativa do Concello de Ames
    • Informar e asesorar sobre dereitos lingüísticos da veciñanza e deberes lingüísticos municipais
    • Asesorar sobre cuestións lingüísticas á veciñanza e ao persoal municipal

Novas do departamento

No Servizo de Normalización de Ames recolleranse sinaturas de apoio á creación da canle Xabarín na CRTVG

O Servizo de Normalización Lingüística será un dos puntos de recollida de sinaturas para apoiar o proxecto Xabarín, da Mesa pola Normalización Lingüística. Ames colabora con este proxecto co obxectivo de que a CRTVG aumente a programación infantil e xuvenil en galego. A petición levarase ao Parlamento de Galicia en forma de Iniciativa Popular.

O alumnado do IES Milladoiro gaña coa regueifa máis diversa e a máis reivindicativa no Certame Enreguéifate

Na categoría "Escolar" do Certame Enreguéifate gañaron dous vídeos do alumando do IES do Milladoiro de Ames. Como a regueifa máis reivindicativa, gañou Rimas Coma Balas co vídeo "Exprésate Rimando" e como regueifa diversa, conseguiu o premio Pitifláuticos co título "Nós Queremos Igualdade". Participaron vídeos chegados dende Ames, Baio, Cambre, Caldas de Reis, Santiago, Vigo, Mondoñedo, Rianxo, Pontevedra, Moaña, Malpica de Bergantiños, Ponteareas e Tordoia. Este foi o resultado das votacións que podedes ver nun vídeo onde se anuncian as regueifas gañadoras da man de Mariña e Manolo Maseda.

O Apalpador agasallou aos nenos e nenas de Ames con contos, cantos e árbores

O Apalpador estivo a semana pasada no Pazo da Peregrina, en Bertamiráns, ata onde se achegaron máis de 500 persoas repartidas en seis sesións. A figura galega do Nadal, interpretada por Anxo Moure, contou contos, cantos e repartiu árbores do Courel para que despois, os nenos e nenas, as plantaran. Ademais, debido á situación actual derivada da Covid, o Apalpador realizou unha visita virtual ás bibliotecas municipais, ás escolas unitarias do concello e ás escolas infantís do Bosque e a Madalena. 

O Apalpador anima as familias de Ames a abrazarse ás árbores e á lingua

Máis de catrocentas persoas reuníronse o pasado venres pola tarde no patio do Pazo da Peregrina de Bertamiráns para recibir o Apalpador. A figura tradicional do Nadal galego, interpretada por Anxo Moure, agasallou á cativada con contos, cantos e cunha amizade de por vida. As nenas e nenos que visitaron ao Apalpador levaron consigo unhas pequenas árbores traídas da Serra do Courel, que deberán coidar falándolles e plantándoas nun bo lugar, para botar raíces fortes e medrar xuntos e xuntas.

O Apalpador baixa do Courel para visitar as crianzas de Ames o venres 11 de decembro

Chega o Nadal e, con el, o Apalpador, que deixa as montañas do Courel para visitar aos nenos e nenas do Concello de Ames. O contador Anxo Moure transfórmase nesta figura e estará no Pazo da Peregrina de Bertamiráns o venres 11 de decembro a partir das 17.00 horas. Ademais, haberá un agasallo sorpresa para cada crianza que se achegue.  Para asistir é imprescindible inscribirse previamente, até o 10 de decembro, escribindo a  normalización@concellodeames.gal.

O Apalpador bota raíces entre a cativada amesá

Unhas catrocentas persoas, repartidas en catro sesións dunha hora, recibiron ao Apalpador o venres pasado no patio do Pazo da Peregrina, en Bertamiráns. A figura tradicional do Nadal galego, interpretada por Anxo Moure, agasallou á cativada con contos, cantos e cunha amizade de por vida: as nenas e nenos que visitaron ao Apalpador levaron consigo unhas pequenas árbores traídas da Serra do Courel, que deberán coidar falándolles e plantándoas nun bo lugar, para botar raíces fortes e medrar xuntos e xuntas.

O Apalpador chega a Ames da man do programa Apego

O Apalpador visitará Ames o vindeiro venres, 16 de decembro, da man do programa Apego. Estará no patio do Pazo da Peregrina de Bertamiráns, a partir das 18:00 horas e, nesta ocasión, virá acompañado pola Banda da Montaña. Ademais, chegará cargado de contos e cantos e cun agasallo para todos os nenos e nenas que acudan a velo. Os interesados en asistir poden anotarse ata o día 15 de decembro, enviando un correo ao enderezo electrónico normalizacion@concellodeames.gal. Nel, deben indicar o seu nome e apelidos, a idade das crianzas que os acompañan e un teléfono de contacto.

O Apalpador visita Ames da man do programa Apego

O señor Apalpador chegará o vindeiro venres 17 de decembro, ás 17:00 horas, ao patio do Pazo da Peregrina de Bertamiráns, cargado de contos e cantos e cun agasallo máxico nacido na Serra do Courel para toda a rapazada que o veña ver. As persoas interesadas en asistir ao encontro do narrador Anxo Moure poden anotarse enviando un correo ao enderezo electrónico normalizacion@concellodeames.gal, no que indiquen nome e apelidos, idade das crianzas e un teléfono de contacto. Habilitaranse as sesións necesarias para que todas as nenas e nenos que queiran asistir poidan participar nesta actividade programada polo Apego de Ames.

O Apalpador visita Ames da man do programa Apego

O Apalpador visitará Ames o vindeiro venres, 15 de decembro, da man do programa Apego. Estará no patio do Pazo da Peregrina de Bertamiráns a partir das 18:00 horas e, igual que o ano pasado, estará acompañado pola Banda da Montaña. Ademais, chegará cargado de contos, cantos e agasallos para todos os nenos e nenas que acudan a velo. As persoas interesadas en asistir poden inscribirse ata o 14 de decembro enviando un correo ao enderezo electrónico normalizacion@concellodeames.gal. Nel debe indicarse nome e apelidos das persoas asistentes, a idades das crianzas e os acompañan e un teléfono de contacto.

O Apego amesán propón unha xornada en Carballolandia, na Ribeira Sacra

O departamento de Normalización Lingüística de Ames, dentro do programa Apego, prepara para o mes de abril unha nova actividade. Trátase dunha excursión ao Ecomuseo do Pazo de Arxeriz, no Cabo do Mundo, e a Carballolandia, un ecoparque situado no concello de Chantada, na Ribeira Sacra, á beira do río Miño. Será o sábado 15 de abril, e ofrecerase servizo de autobús con saída ás 9:30 e regreso ás 21:00 horas ao Pazo da Peregrina de Bertamiráns. As inscricións para participar na actividade, que está dirixida ao público familiar, son de balde. Hai prazas limitadas, polo que é preciso inscribirse. O prazo está aberto dende hoxe ata o vindeiro xoves, 13 de abril, enviando un correo ao enderezo electrónico normalizacion@concellodeames.gal, no que se indique nome e apelidos das persoas asistentes, teléfono de contacto e idade das crianzas. Premendo nesta ligazón pódese consultar a programación do Apego para o primeiro semestre do ano ao completo. 

Eventos del departamento

“Language Planning” na Casa de Cultura de Milladoiro

Language Planning e unha comedia áceda da compañía “Os Quinquilláns”, baseada nos relatos de “Made in Galicia” de Sechu Sende.

A representación terá lugar na Casa da Cultura de Milladoiro o venres, 8 de outubro ás 20:30 horas.

A obra chega a Ames a través do programa “Fala Redes” da Secretaría Xeral de Política Lingüística da Xunta de Galiciua.

A función é de balde e os convites poden adquirirse xa na billeteira municipal.