Actualidade

Ex., 24-10-2021
Ex., 24-10-2021
Luns, 18 de outubro de 2021
O Concello de Ames presenta a cuarta edición do Premio Lingua e Empresa que promove o uso do galego na actividade empresarial amesá

O Concello de Ames, a través do Servizo de Normalización Lingüística e do departamento de Promoción Económica, pon en marcha por cuarto ano consecutivo o Premio Lingua e Empresa, co obxectivo de  promover o uso da lingua galega na actividade económica do Concello de Ames, concretamente na actividade empresarial. Optarán a este galardón todas as empresas, con sede social ou centro de actividade no concello de Ames, que sexan propostas ata o 16 de novembro por calquera persoa ou entidade, ou pola propia empresa que queira participar. Premiaranse dúas categorías aquelas empresas que fan un uso diario do galego e aquelas que se crearon nos dous últimos anos ou empregan o galego dende esa mesma data. O premio Lingua e Empresa ten unha dotación económica de 3000 euros.

Mércores, 06 de outubro de 2021
Lucho Penabade Tero Rodríguez

A compañía de teatro Os Quinquilláns trae á Casa da Cultura de Milladoiro a obra Language Planning, unha comedia áceda baseada nos relatos de “Made in Galicia” de Sechu Sende. A representación terá lugar o venres, 8 de outubro ás 20:30 horas. A obra chega a Ames a través do programa “Fala Redes” da Secretaría Xeral de Política Lingüística da Xunta de Galicia. É de balde e os convites poden adquirirse xa na billeteira municipal.

Luns, 04 de outubro de 2021
Destrozos Ruta do Apego

Estes días tívose constancia da desaparición de parte da sinalización da Ruta do Apego e da Ruta das Fragas do Tambre, situadas na parroquia de Lens. Desde o Concello interpúxose a correspondente denuncia para que se investiguen estes feitos vandálicos e para que a persoa ou persoas responsables asuman  as sancións que se estimen pertinentes.

Venres, 01 de outubro de 2021
Inscríbete e participa no obradoiro Orella Pendella

O programa Apego continúa a súa programación co obradoiro Orella Pendella. Será o venres, 8 de outubro, ás 18.00 horas na Casa da Cultura do Milladoiro. Esta actividade está dirixida a familias con crianzas de 0 a 6 anos. Podedes inscribirvos entre o 30 de setembro e o 7 de outubro enviando un correo a normalizacion@concellodeames.gal.

Mércores, 22 de setembro de 2021
cartaz

A casa da Cultura de Milladoiro acolle o venres, 24 de setembro, ás 18:00 horas a representación de “O camiño de Santiago”, un musical da compañía Educateatro dirixido a nenos e nenas de 2 anos. A obra, que chega a Ames da man do programa Apego, aborda a construción do vínculo fraterno. Os convites pódense adquirir na billeteira municipal.  

Venres, 17 de setembro de 2021
I Ruta do Apego do Concello de Ames

O Servizo de Normalización Lingüística de Ames, en colaboración coa Aula da Natureza, acaba de presentar a I Ruta do Apego, unha intervención nun tramo da ruta das Ribeiras do Tambre situado nos lugares de Lens e Oca. Ten como obxectivo estimular nas crianzas o coñecemento e a querencia polo noso patrimonio natural, cultural e lingüístico ao tempo que convida a gozar da fermosura e da riqueza ambiental que agocha o concello. É a primeira Ruta do Apego do Concello de Ames e conta con elementos informativos, de xogo e de descanso accesibles ás crianzas.

Xoves, 16 de setembro de 2021
Os Premios Youtubeiras abren a inscrición

Youtubeiras é unha iniciativa organizada polos servizos de normalización lingüística dos concellos da Baña, Ames, O Grove, Moaña, Negreira, Pontevedra, Ribadeo, Rianxo, Santiago de Compostela e Teo, das universidades da Coruña, Santiago e Vigo e da Deputación da Coruña. Os galardóns, que este ano teñen como lema ‘Magnetismo en liña’, repartirán un total de 7.500 euros entre as persoas gañadoras da ducia de categorías nas que se divide o certame.

Luns, 13 de setembro de 2021
Servizo de Normalización Lingüística

O Concello de Ames convoca unha bolsa de formación para realizar prácticas formativas no Servizo de Normalización Lingüística titorizadas polo persoal técnico municipal. A bolsa terá unha duración de 12 meses e está dirixida a persoas graduadas en Lingua e Literatura Galegas. Podes inscribirte neste enlace.

Xoves, 09 de setembro de 2021
Ruta Apego de Lens

O xoves, 16 de setembro, presentarase a Ruta do Apego de Ames, situada nun dos tramos da ruta das Ribeiras do Tambre, entre os lugares de Lens e Oca. Con este motivo organízase nun andaina guiada dirixida a familias con crianzas na se realizarán actividades ambientais. As persoas interesadas en asistir  poden anotarse ata o 15 de setembro enviando un email a normalizacion@concellodeames.gal no que se indique nome e apelidos das persoas quen van participar,  idade das crianzas e un teléfono de contacto.

Martes, 31 de agosto de 2021
Programa Apego

Contos, música, teatro, xogos, encontros científicos e festivais de cine e de maxia, 15 actividades compoñen a programación infantil con Apego para o último cuadrimestre do ano 2021 que prepararon as concellarías de Cultura e Normalización Lingüística. A primeira delas son as Brincadeiras Miúdas, que terán lugar o 1 e o 2 de setembro. Trátase de dúas xornadas de xogos, baile e cantos ao aire libre. Esta programación pechará o 17 de decembro coa visita do Apalpador no patio do Pazo da Peregrina. Podes consultar o programa completo premendo nesta ligazón.