Solapas principales

Departamento de Promoción Económica y Empleo

Noticias del departamento

Os traballos gañadores do concurso de ideas de proxectos para a construción do Centro Multifuncional do Milladoiro estarán expostos na Casa da Cultura do Milladoiro

A Casa da Cultura do Milladoiro vai acoller dende hoxe 12 de xullo ata o o 31 de xullo de 2021 a exposición dos traballos que  foron os gañadores do concurso de ideas para a redacción do proxecto de construción do Centro Multifuncional do Milladoiro.

Os vendedores ambulantes deciden que o mercado de rúa de Bertamiráns se realice na contorna da praza do Concello

Esta mañá, ás 13.00 horas, no salón de plenos da Casa do Concello, contabilizáronse os votos emitidos polos/as vendedores/as ambulantes para decidir o emprazamento do mercado de rúa de Bertamiráns. Deste xeito, decidiuse que o mercado de rúa realizarase na praza do Concello, e nas rúas Entrerríos e Ameneiral. Esta opción foi a máis votada co 77% dos votos emitidos. A previsión que ten a Concellaría de Promoción Económica é que o mercado se realice no novo emprazamento dende o vindeiro sábado, 7 de novembro, sempre que se cumpran as normas hixiénico-sanitarias actuais marcadas pola autoridade competente.

Os/as creadores de 13 proxectos do Ames AV LAB expoñen os seus proxectos nun acto celebrado na Casa da Cultura do Milladoiro

O Ames AV LAB, laboratorio para o impulso da nova produción audiovisual do Concello de Ames, celebrou onte un acto no auditorio da Casa da Cultura do Milladoiro, no que 13 dos 15 creadores/as que participan nesta iniciativa, expuxeron os avances dos seus proxectos ante representantes institucionais, profesionais do sector e potenciais investidores. Dita exposición sérvelle á Comisión de Avaliación para determinar a puntuación final que se lle outorgará a cada proxecto. Posteriormente farase un acto entrega de premios no cal se entregarán 7 premios de 10.000 euros cada un, destinados ás actividades de definición e desenvolvemento inicial dos proxectos seleccionados. Premendo nesta ligazón podes ver unha galería de imaxes sobre o acto.

Os/as creadores dos 15 proxectos do Ames AV LAB visitaron as instalacións de Ficción Producións, Mirabelle Comunicación, Cinemar Films, Setemedia Producións e Zenit Televisión

A primeira edición do Ames AV LAB, o laboratorio amesán para impulsar a nova produción audiovisual, afronta a súa recta final. Durante as últimas semanas, os/as creadores/as dos 15 proxectos que participan no Ames AV LAB visitaron ás instalacións das empresas Ficción Producións, Mirabelle Comunicación, Cinemar Films, Setemedia Producións e Zenit Televisión. Tamén participaron nun encontro por vídeo-conferencia con Peter Andermatt (director da Oficina MEDIA España).

Papá Noel visitará O Milladoiro e Bertamiráns esta semana

A programación de Nadal 2022 do Concello de Ames continúa esta semana coa chegada de Papá Noel, que estará no Milladoiro este venres, 23 de decembro, e en Bertamiráns o sábado, día 24. As visitas realizaranse de 11:00 a 13:00 e de 17:00 a 19:00 horas en ambas localidades, e os nenos e nenas que se acheguen a coñecer a Papá Noel poderán sacar unha foto con el e levarán para a casa un agasallo.

Participa este martes, 31 de decembro, nas Prebadaladas 2020 na praza do Concello

O Concello de Ames, a través da Concellaría de Promoción Económica, organizou para este martes, 31 de decembro, unha novidosa actividade que se enmarca dentro da programación de Nadal. Tratase das Prebadaladas 2020, que se desenvolverán na praza do Concello, en Bertamiráns, a partir das 11.00 horas. Haberá animación e monólogos da man do actor e humorista, Pepo Suevos, as prebadaladas con uvas de lambetada e arandos, así como degustación gratuíta de chocolate con churros, castañas, algodón de azucre, flocos de millo e roxóns. Tralas prebadaladas actuará a artista Thais Rudiño, veciña de Ames e finalista da cuarta edición do programa televisivo “La Voz”.

Participa na Festa do Entroido do programa Amessan que se celebra o próximo 26 de febreiro

O próximo sábado, 26 de febreiro, celebrarase na Casa da Cultura de Bertamiráns a Festa do Entroido de Amessan. A partir das 17.00 horas, os asistentes poderán desfrutar de música en vivo a cargo de Ana Angueira. Haberá autobuses para asistir ao evento dende as paradas de costume, reservando praza nos números 662 377 044 ou 683 327 378 antes do xoves 24 de febreiro. Premiaranse aos mellores disfraces. Dende a Concellería de Benestar Social animan á toda veciñanza amesá a asistir disfrazado.

Peluquería Blanco y Negro gaña o XVI Concurso de Escaparates do Concello de Ames

O xurado da décimo sexta edición do Concurso de Escaparates de Nadal do Concello de Ames ditaminou que o mellor escaparate de Nadal do concello foi o de Peluquería Blanco y Negro, do Milladoiro. En segunda posición quedou Kiérete Peluquería, tamén do Milladoiro. A terceira posición foi para PC Bertamiráns Informática, mentres que a cuarta posición foi para Carnicería Sigüeiro, do Milladoiro. O primeiro premio é de 1.400 euros; o segundo, de 1.000 euros; o terceiro, de 600 euros, e o cuarto, de 400 euros. Deste xeito, repartiranse un total de 3.400 euros, o que supón un aumento de 900 euros con respecto á dotación da edición anterior.

Pepo Suevos, Fátima Pego e Josep Ruíz serán os protagonistas da “Fase Festa” do do AmesOn

O martes 10 de agosto o Programa AmesOn organiza unha nova cita. No Parque do Ameneiral, en Bertamiráns, ás 20.00 horas, levarase a cabo a “Fase Festa” da man de Pepo Suevos, Fátima Pego e Josep Ruíz. Trátase dunha pequena verbena con música e humor. O evento estaba programado para o pasado xoves 5 de agosto pero mor da chuvia, viuse obrigado a aprazarse ata esta nova data.

Pili Pampín pecha o agosto do “AmesON de verán”, este venres 26 en Bertamiráns

Continúa a programación do “AmesON de verán” da Concellaría de Promoción Económica, desta volta coa actuación da artista Pili Pampín, que levará este venres 26 de agosto o seu espectáculo ao parque do Ameneiral, en Bertamiráns, a partir das 21:00 horas. Trátase do último concerto de agosto do AmesON e o penúltimo do programa, que pechará a orquestra Panorama o domingo 18 de setembro, no Milladoiro. Premendo nesta ligazón pódese consultar a programación ao completo do “AmesON de verán” 2022.

Eventos del departamento

>“Fase Festa”, con Pepo Suevos, no Milladoiro

Música e moito humor. O actor, guionista, humorista e veciño de Ames, Pepo Suevos, a cantante Fátima Pego e o músico Josep Ruíz, compoñentes da orquestra "Panorama", soben xuntos ao escenario para amosarnos “Fase Festa”, unha especie de verbena en pequeno formato, adaptada aos tempos que nos toca vivir.