Actualidad

Por ejemplo, 29-09-2020
Por ejemplo, 29-09-2020
Lunes, 28 de septiembre de 2020
O Concello de Ames pecha o exercicio 2019 cun superávit de 1.270.000 euros e un remanente de tesourería de 9.250.000 euros

A concelleira de Economía e Facenda, Genma Otero, deu conta no Pleno ordinario de setembro, celebrado este pasado xoves 24 de setembro, do decreto de aprobación da liquidación do 2019. O Concello de Ames pecha o exercicio 2019 cun superávit de 1.270.000 euros e un remanente de tesourería de 9.250.000 euros, medrando ano tras ano as cifras de execución orzamentaria acadando a cifra de obrigas recoñecidas (gastos) os 23.130.000 euros e a cifra de dereitos recoñecidos netos (ingresos) de 24.520.000 euros, cun resultado orzamentario axustado de 2.400.000 euros, continuando o Orzamento na senda de equilibrio, solvencia e estabilidade orzamentaria.

Lunes, 28 de septiembre de 2020
Imaxe da praza da Maía, en Bertamiráns

A información estará publicada na sección de avisos da páxina web municipal. No día de hoxe e despois da fin de semana o número de casos activos en todo o concello é de 62 persoas contaxiado por Covid-19.

Lunes, 28 de septiembre de 2020
Recollida de lixo na actividade "Móllate polos ríos".

O Concello de Ames participou este domingo pasado, 27 de setembro, na actividade “Móllate polos ríos”. Coordinada pola Asociación para a Defensa Ecolóxica de Galicia (ADEGA), esta actividade consiste na limpeza simultánea de lixo en distintos ríos e regatos de Galicia. As persoas voluntarias que participaron en Ames estiveron divididas en dous grupos e recolleron 30 quilos de lixo encontrado no rego dos Pasos, na contorna do paseo fluvial de Bertamiráns e, incluso, se atoparon con electrodomésticos e mobiliario de cociña no río Sar. Neste último tramo, no río Sar, a diferenza do primeiro, no rego dos Pasos, na que se percibiu a mellora na limpeza con respecto ao ano anterior, destacou a cantidade de escombros atopados e o mal estado das augas.

Lunes, 28 de septiembre de 2020
Cartel Aula CeMIT.

A Aula da Rede de Centros para a Modernización e Inclusión Tecnolóxica da Xunta de Galicia, Rede CeMIT, do Concello de Ames programou novos cursos para os meses de outubro, novembro e decembro. Esta aula formativa, situada na Casa da Cultura de Bertamiráns, ten como obxectivo facilitar o acceso dos veciños e veciñas de Ames aos diferentes cursos que oferta ao longo dos vindeiros meses, ademais de dispor dun horario de Aula Aberta para que os interesados e interesadas poidan pasar a rexistrarte nas actividades, solicitar axuda ou outra clase de información, e usar os ordenadores. Por mor da Covid-19 o aforo será limitado para poder manter a distancia de seguridade entre os/as usuarios/as. Ademais, adoptáranse as medidas hixiénico – sanitarias marcadas polas autoridades sanitarias.

Sábado, 26 de septiembre de 2020
O goberno municipal informa que o número de casos positivos Covid en todo o concello de Ames é de 48 persoas.

A extensión das restricións existentes no concello de Santiago de Compostela á totalidade do núcleo urbano do Milladoiro, no Concello de Ames, o día 24 de setembro elevaron a preocupación veciñal e a publicación de determinada información nos medios de comunicación acentuaron a confusión en relación á situación epidemiolóxica municipal. Deste xeito, o goberno municipal informa que o número de casos positivos Covid en todo o concello de Ames é de 48 persoas. A información comunícase despois de solicitarlle á Consellería de Sanidade que fixera públicos os datos por canles oficiais e autorizadas.

Sábado, 26 de septiembre de 2020
Imaxe da parcela onde se construirá o centro de ocio, cultura e promoción económica no Milladoiro

Este pasado luns, 21 de setembro, celebrouse a sesión constitutiva do xurado do concurso de ideas para a redacción do proxecto de construción do Centro de Mocidade, un edificio dedicado a un centro multifuncional de lecer, cultura e promoción económica dirixido á mocidade e a persoas en proceso de inserción socio-laboral. Este primeira xuntanza tivo lugar despois de que se aprobase o pasado 18 de setembro en Xunta de Goberno Local a composición do xurado. Este proxecto enmárcase dentro do Plan Impulsa Ames, cofinanciado pola Unión Europea, a través do FEDER no marco do Programa Operativo Plurirrexional de España 2014-2020. O centro construirase no Milladoiro, na avenida Muíño Vello, xunto ao parque empresarial e nas proximidades do instituto, a área de ocio, o albergue e a Igrexa do Milladoiro.

Sábado, 26 de septiembre de 2020
Cartel informativo das Escolas deportivas e culturais

Dende o pasado luns, 21 de setembro, está aberto o prazo de preinscrición na nova programación das Escolas deportivas e culturais do Concello de Ames para o curso 2020-2021. O prazo de preinscrición amplíase ata o día  29 de setembro (martes 29 incluído). A xestión realizarase telematicamente a través da plataforma Cronos. Non se admitirá ningún tipo de inscrición presencial. Este ano non se permite a renovación de praza. Todas as persoas que queiran participar nas actividades das Escolas deportivas e culturais terán que facer a preincrición. Nas actividades que haxa máis preinscricións que prazas ofertadas realizarase un sorteo. Non se conceden as prazas por orde de inscrición. A listaxe de admitidos publicarase o 1 de outubro na páxina web do Concello de Ames. Ademais, cada persoa só poderá inscribirse nunha escola deportiva e nunha escola cultural. Non se permite a inscrición en máis dun grupo da mesma actividade.

Viernes, 25 de septiembre de 2020
Os Concellos de Santiago, Ames, Teo, Brión, Oroso e Negreira  amosan o seu malestar ante o pouco prazo dado por Mobilidade para estudar o novo convenio do transporte metropolitano

A xuntanza telemática da comisión de seguimento do Transporte metropolitano, realizada no día de onte, colleu de sorpresa aos poucos presentes ante o anuncio da sinatura dun novo convenio para os vindeiros catro anos e a premura nos prazos dados por Mobilidade para o seu estudio e aprobación. Deste xeito, os Concellos de Santiago, Ames, Teo, Brión, Oroso e Negreira demandan maior información por parte da Consellería e solicitan unha xuntanza urxente.

Viernes, 25 de septiembre de 2020
Imaxe do pleno ordinario do mes de setembro de 2020

Este xoves, 24 de setembro, o Concello de Ames celebrou unha nova sesión plenaria, neste caso a ordinaria do mes de setembro. En dito pleno a Corporación municipal deulle aprobación por unanimidade ao proxecto técnico para a mellora do firme do tramo urbano da avenida da Maía, en Bertamiráns. Informouse da liquidación do exercicio 2019 que amosa un remanente de tesourería de 9.250.000€, un resultado orzamentario axustado de 2.400.000€ e un superávit de 1.270.000€. Ademais, aprobouse por unanimidade a constitución da Asociación de concellos da Ruta Rosaliana “As Pegadas de Rosalía”; a gratuidade das cotas dos segundos fillos/as e sucesivos nas escolas infantís municipais; a segunda modificación das bases de execución do Orzamento de 2020; e unha proposta presentada polo concelleiro José Ramón Oulego para rexeitar o transfuguismo como práctica de corrupción política. Tamén se aprobou por maioría absoluta a afectación durante 10 anos do local adquirido para coworking e unha proposta presentada polo grupo municipal socialista sobre o sobrecuste dos gastos de limpeza e desinfección dos centros educativos de titularidade autonómica para os Concellos.

Viernes, 25 de septiembre de 2020
O Chineiro da Tía María.

Coa técnica tradicional italiana do cantastorie, unha mestura a narración de historias, pintura en grandes lenzos e música, chega ao Pazo da Peregrina “O Chineiro da tía María” da man de Xandobela, educación e cultura. O próximo venres, 2 de outubro, ás 18.00 horas, as familias con crianzas a partir de 3 anos poderán asistir a esta nova actividade do Programa. A inscrición pode realizarse ata o vindeiro 1 de outubro, enviando un correo a normalizacion@concellodeames.gal no que se indiquen nomes e apelidos das persoas solicitantes, idade das crianzas e teléfono de contacto.