Pestanas principais

Departamento de Normalización Lingüística

    • Enderezo: Pazo da Peregrina. Avenida de Azcárraga, nº 5, Bertamiráns. 15220 Ames.
    • Teléfono:  662 37 72 15
    • Horario de atención ao público: de 9:00 - 14:00 h
    • Responsable municipal: Concellaría de Normalización Lingüística
    • Responsable técnica: Rosa Moreiras Cuñarro, técnica de normalización lingüística
    • Obxectivo principal do servizo:
      • Incrementar o uso e o prestixio da lingua galega en todos os ámbitos municipais.

O Servizo de Normalización Lingüística do Concello de Ames recibe unha subvención anual para gastos de persoal da Deputación da Coruña e outra da Xunta de Galicia.

Outros Datos: 
  • Funcións:
    • Asesorar e colaborar coa planificación lingüística do Concello de Ames
    • Promover actuacións para aumentar o uso do galego no ámbito municipal, de acordo coa normativa vixente, e entre a veciñanza
    • Contribuír á formación lingüística da veciñanza e do persoal municipal
    • Mellorar a calidade lingüística e comunicativa do Concello de Ames
    • Informar e asesorar sobre dereitos lingüísticos da veciñanza e deberes lingüísticos municipais
    • Asesorar sobre cuestións lingüísticas á veciñanza e ao persoal municipal

Novas do departamento

O Concello realiza unha recepción ao IES do Milladoiro como gañador do Club de Debate Alingua 2026

O salón de Plenos da Casa do Concello acolleu un acto de recepción e recoñecemento ao alumnado e profesorado do IES do Milladoiro que vén de gañar a final do Club de Debate Alingua 2026, celebrada no auditorio da Casa da Cultura de Bertamiráns o pasado sábado 25 de abril. A través de dito recibimento púxose en valor o enxeño e capacidade de argumentación da mocidade, así como o seu desenvolvemento das destrezas orais en contextos formais e informais.

O Enreguéifate anima a regueifeiras e regueifeiros a participar no seu certame ata o 20 de marzo

O proxecto Enreguéifate ultima os preparativos para clausurar esta oitava edición co certame de regueifas en vídeo, cuxo prazo de inscrición remata o vindeiro 20 de marzo de 2025. Para anotarse é preciso enviar un ou máis vídeos, cunha duración máxima de 3 minutos, nos que aparezan cando menos 2 persoas regueifando sobre un tema libre. As bases completas poden consultarse na páxina web do certame, a través da cal tamén pode facerse a inscrición. Os servizos de normalización lingüística dos Concellos de Ames, Carballo, Pontevedra, Santiago de Compostela e Teo impulsan este proxecto de dinamización lingüística que pon en valor a regueifa, unha das expresións da poesía popular oral galega.

O Enreguéifate arrinca unha novena edición doutro universo

O Enreguéifate presentou esta mañá as novidades da súa novena edición. O proxecto, impulsado polos servizos de normalización lingüística dos concellos de Ames, Arzúa, Carballo, Pontevedra, Santiago de Compostela e Teo, continúa a consolidarse como un referente na divulgación da improvisación oral en verso –a regueifa– como vía para revitalizar o uso do galego, especialmente entre a mocidade. O programa de actividades inclúe accións formativas para escolares e profesorado e un certame regueifeiro aberto a toda a cidadanía.

O Enreguéifate arrinca unha oitava edición de puro magnetismo

O Enreguéifate presentou este mediodía as novidades da súa oitava edición. O proxecto impulsado polos servizos de normalización lingüística dos concellos de Ames, Carballo, Pontevedra, Santiago de Compostela e Teo, reivindica o valor da improvisación oral en verso, a regueifa, como unha das expresións máis representativas da poesía popular oral galega e como unha vía para fomentar o uso da lingua galega, especialmente entre a mocidade.

O Enreguéifate celebrará este luns a entrega dos galardóns deste ano, no que o IES do Milladoiro levou o premio á regueifa máis inclusiva

O auditorio de Galicia, en Santiago de Compostela, acollerá este luns, 19 de maio, ás 11.30 horas, a entrega de premios da oitava edición do certame Enreguéifate, unha cita na que o IES do Milladoiro, xunto co CEE Manuel Navalón, recibirá o seu galardón á regueifa máis inclusiva. O vídeo premiado denomínase Radio Regueifa Inclusiva “Somos diferentes, somos referentes” e nel o alumnado de ambos os dous centros regueifa conxuntamente e a través das ondas para demandar inclusión, diversidade, respecto e non discriminación.

O Enreguéifate entregou os galardóns da súa sétima edición nun acto celebrado no Teatro Principal de Santiago de Compostela

O Teatro Principal de Santiago de Compostela acolleu esta mañá a entrega de premios da sétima edición do certame Enreguéifate, o proxecto desenvolvido polos Concellos de Ames, Carballo, Pontevedra, Santiago de Compostela e Teo para impulsar a difusión da improvisación oral en verso (regueifa). O alcalde e concelleiro de Normalización Lingüística de Ames, Blas García, asistiu á gala do Enreguéifate para, xunto ás alcaldesas de Santiago e Teo, participar na entrega de premios. Os vídeos ganadores poden verse na web do certame ou na canle de Youtube.

O Enreguéifate leva ás aulas de Ames versos doutro universo para fomentar o uso do galego entre a mocidade

Hoxe aterran en Ames os obradoiros escolares do Enreguéifate. Ata seis centros escolares do concello se incorporan nesta segunda rolda de obradoiros do proxecto, que convidan a explorar a improvisación oral en verso –a regueifa– como eixo para revitalizar o uso do galego entre a mocidade.

O Enreguéifate, un imán para os centros escolares que prepara xa o seu certame de regueifas en vídeo

O proxecto Enreguéifate pecha este primeiro trimestre escolar cun total de sesenta obradoiros de improvisación oral realizados nunha trintena de centros dos concellos de Ames, Carballo, Pontevedra, Santiago de Compostela e Teo. O prazo de participación no certame abrirá do 20 de xaneiro ao 20 de marzo. Os galardóns entregaranse o 19 de maio no Auditorio de Galicia.

O equipo do IES do Milladoiro clasifícase para a final do Club de Debate Alingua 2026

O Campus Tecnolóxico Cortizo, en Padrón, acolleu este xoves 5 de marzo a cuarta xornada de clasificación da fase de zona do Club de Debate Alingua 2026. En dita xornada participaron 7 equipos entre os que se atopaban tres equipos de Ames, dous do IES de Ames de Bertamiráns e un do IES do Milladoiro, que competiron contra tres equipos do IES de Cacheiras e un do CPI dos Dices de Rois. O IES do Milladoiro conseguiu a primeira posición cun total de 323 puntos, polo que se clasifica para a fase final que se celebrará no mes de abril.

O equipo “Xente que fala” do IES do Milladoiro gaña a décima edición do Club de Debate

O pasado venres 6 de maio, o Pazo da Cultura de Pontevedra acolleu a final do X Club de Debate, para a que se clasificaran seis equipos de varios centros de educación secundaria dos concellos de Ames, Cedeira, Dodro, Negreira e Pontevedra. A rapazada de 1º de Bacharelato e de 3º e 4º da ESO debateu sobre o tema “Os espazos educativos favorecen o uso do galego?”, defendendo e argumentando ambas as posturas, a favor e en contra, para tratar de conseguir a máxima valoración do xurado. O concello de Ames chegou á final representado por dous equipos do IES de Milladoiro, “Xente que fala” e “1,2,3 Milladoiro”. O primeiro deles, “Xente que fala”, foi o gañador desta décima edición, con 452,5 puntos.

Eventos del departamento

“Language Planning” na Casa de Cultura de Milladoiro

Language Planning e unha comedia áceda da compañía “Os Quinquilláns”, baseada nos relatos de “Made in Galicia” de Sechu Sende.

A representación terá lugar na Casa da Cultura de Milladoiro o venres, 8 de outubro ás 20:30 horas.

A obra chega a Ames a través do programa “Fala Redes” da Secretaría Xeral de Política Lingüística da Xunta de Galiciua.

A función é de balde e os convites poden adquirirse xa na billeteira municipal.