Pestanas principais

Departamento de Normalización Lingüística

    • Enderezo: Pazo da Peregrina. Avenida de Azcárraga, nº 5, Bertamiráns. 15220 Ames.
    • Teléfono:  662 37 72 15
    • Horario de atención ao público: de 9:00 - 14:00 h
    • Responsable municipal: Concellaría de Normalización Lingüística
    • Responsable técnica: Rosa Moreiras Cuñarro, técnica de normalización lingüística
    • Obxectivo principal do servizo:
      • Incrementar o uso e o prestixio da lingua galega en todos os ámbitos municipais.

O Servizo de Normalización Lingüística do Concello de Ames recibe unha subvención anual para gastos de persoal da Deputación da Coruña e outra da Xunta de Galicia.

Outros Datos: 
  • Funcións:
    • Asesorar e colaborar coa planificación lingüística do Concello de Ames
    • Promover actuacións para aumentar o uso do galego no ámbito municipal, de acordo coa normativa vixente, e entre a veciñanza
    • Contribuír á formación lingüística da veciñanza e do persoal municipal
    • Mellorar a calidade lingüística e comunicativa do Concello de Ames
    • Informar e asesorar sobre dereitos lingüísticos da veciñanza e deberes lingüísticos municipais
    • Asesorar sobre cuestións lingüísticas á veciñanza e ao persoal municipal

Novas do departamento

O Concello de Ames presenta o libro antolóxico do XXI Certame Literario

O departamento de Normalización Lingüística do Concello de Ames organizou este sábado 26 de abril, no auditorio da Casa da Cultura do Milladoiro, un acto para presentar o libro antolóxico do XXI Certame Literario. A dito acto acudiron a maior parte dos gañadores e gañadores do certame literario de 2024, así como varios representantes da Corporación municipal, entre os que se atopaban o alcalde e concelleiro de Normalización Lingüística. O acto estivo presentado pola xornalista de Ames Radio, Belén Martínez.

O Concello de Ames presenta o libro antolóxico do XXII Certame Literario

O departamento de Normalización Lingüística do Concello de Ames organiza este sábado 11 de abril, ás 12.30 horas, no auditorio da Casa da Cultura de Bertamiráns, un acto para presentar o libro antolóxico do XXII Certame Literario. Ao dito acto acudirán os gañadores e gañadores do certame literario de 2025, estará conducido pola xornalista amesá Paula Cantelar e amenizado polo dúo musical Xeitodeodus.

O Concello de Ames presenta o libro antolóxico do XXII Certame Literario

O departamento de Normalización Lingüística do Concello de Ames organizou este sábado 11 de abril, no auditorio da Casa da Cultura de Bertamiráns, un acto para presentar o libro antolóxico do XXII Certame Literario. A dito acto acudiron a maior parte dos gañadores e gañadoras do certame literario de 2025, así como varios representantes da Corporación municipal, entre os que se atopaban o alcalde e concelleiro de Normalización Lingüística. O acto estivo presentado pola xornalista amesá Paula Pérez Cantelar e amenizado polo dúo musical Xeito de dous.

O Concello de Ames presenta unha ampla programación cultural para o último terzo do ano da man do programa Apego

O Concello de Ames presentou as propostas que compoñen a programación infantil con Apego de Ames para os meses de setembro, outubro, novembro e decembro de 2023, que inclúen dende xogos, contos, obradoiros, espectáculos musicais e teatrais e foliadas ata maxia ou cinema. O programa abre a vindeira semana coas “Brincadeiras miúdas” de Cé Orquestra Pantasma e a cooperativa Miudiño, que serán o mércores 6 no parque do Ameneiral de Bertamiráns, e o xoves 7 na carballeira de Ventín do Milladoiro. Comezarán ambos días ás 18:00 horas, son de balde e non se precisa inscrición previa. A programación ao completo pode consultarse premendo nesta ligazón.

O Concello de Ames presenta unha nova edición do Certame Literario

O Concello de Ames, a través da Concellaría de Normalización Lingüística, presentou esta mañá a XXIII edición do Certame Literario de Ames, no que todas as persoas que o desexen poden presentar os seus textos inéditos de temática libre escritos en lingua galega. O prazo de presentación está aberto ata o vindeiro día 30 de abril. Pódese consultar o resumo das bases do certame na seguinte ligazón e descargar a ficha de participación nesta outra ligazón. Así mesmo, pódese consultar o folleto con toda a información desta edición do Certame Literario na seguinte ligazón.

O Concello de Ames presenta unha nova edición do Certame Literario de Ames, que cumpre vinte anos

O Concello de Ames, a través da Concellaría de Normalización Lingüística, presentou esta mañá a vixésima edición do Certame Literario de Ames, ao que os/as creadores/as poden presentar os seus textos inéditos de narrativa e poesía en lingua galega. As candidaturas poderán remitirse ata o vindeiro 12 de abril. As bases ao completo do certame poden consultarse premendo nesta ligazón. Descarga aquí a ficha de participación no XX Certame Literario de Ames.

O Concello de Ames presenta unha nova edición do Premio Lingua e Empresa para promover o uso do galego na actividade empresarial local

O Concello de Ames, a través do Servizo de Normalización Lingüística, organiza a quinta edición do Premio Lingua e Empresa, que ten como obxectivo promover o uso do galego no ámbito empresarial local. Poden optar ao galardón todas as empresas con sede social ou centro de actividade en Ames ata o 18 de novembro. A dotación económica do premio é de 3.000 euros, que serán repartidos entre dúas categorías. As bases do concurso pódense consultar premendo nesta ligazón, e a ficha de inscrición aquí.

O Concello de Ames recibe ao alumnado do IES do Milladoiro gañador do X Club de Debate

Varios integrantes do Goberno municipal recibiron esta mañá no salón de plenos da Casa do Concello de Ames, en Bertamiráns, ao equipo de debate do IES do Milladoiro “Xente que fala”, que o pasado venres 6 de maio proclamouse gañador da décima edición do Club de Debate. As oito alumnas e alumnos de 3º da ESO que asistiron á homenaxe recibiron os parabéns do Concello de Ames, que lles fixo entrega de dous agasallos.

O Concello de Ames recibe unha axuda de 20.000 euros para o mantemento do Servizo de Normalización Lingüística municipal procedente da Deputación da Coruña

O Concello de Ames recibe unha axuda de 20.000 euros no marco da convocatoria de subvencións dirixida aos concellos, agrupacións de concellos, mancomunidades e outras entidades locais da provincia da Coruña para a creación, mantemento e reforzo dos servizos de normalización lingüística (SNL) de 2025, posta en marcha pola Deputación da Coruña (FONL 2025). Esta axuda destinarase a financiar gastos de persoal técnico.

O Concello de Ames recibe unha axuda de 20.000 euros para o mantemento do Servizo de Normalización Lingüística municipal procedente da Deputación da Coruña

O Concello de Ames recibe unha axuda de 20.000 euros no marco da convocatoria de subvencións dirixida aos concellos, agrupacións de concellos, mancomunidades e outras entidades locais da provincia da Coruña para a creación, mantemento e reforzo dos servizos de normalización lingüística (SNL) de 2024, posta en marcha pola Deputación da Coruña (FONL 2024). Esta axuda destinarase a financiar gastos de persoal técnico.

Eventos del departamento

“Language Planning” na Casa de Cultura de Milladoiro

Language Planning e unha comedia áceda da compañía “Os Quinquilláns”, baseada nos relatos de “Made in Galicia” de Sechu Sende.

A representación terá lugar na Casa da Cultura de Milladoiro o venres, 8 de outubro ás 20:30 horas.

A obra chega a Ames a través do programa “Fala Redes” da Secretaría Xeral de Política Lingüística da Xunta de Galiciua.

A función é de balde e os convites poden adquirirse xa na billeteira municipal.