Pestanas principais

Departamento de Benestar Social

    • Unidade Municipal de Servizos Sociais de Bertamiráns (UTS BERTAMIRÁNS): Praza de Chavián s/n, Bertamiráns, 15220 - Ames (A Coruña)
      • Teléfono:  981 89 09 64
      • Horario de atención ao público Lunes a viernes de 9:00h a 14:00h
    • Unidade Municipal de Servizos Sociais do Milladoiro (UTS MILLADOIRO): Rúa de Abaixo, nº 10, O Milladoiro, 15895 - A Coruña
      • Teléfono:981 53 59 41
      • Horario de atención ao público Lunes a viernes de 9:00h a 14:00h
    • Responsable municipal: Concellaría de Benestar Social
Outros Datos: 
  • Programación actividades Amessan 2020-2021
  • Estrutura do servizo:
    UTS : Milladoiro e Bertamiráns
    As UTS ou Unidades de Traballo Social son a "porta de entrada" ao Sistema de Servizos Sociais e ofrecen un Servizo de Información público, para toda a poboación, desde onde se facilita de forma profesional e confidencial, información sobre os servizos sociais, recursos e prestacións a disposición das cidadás e cidadáns, así como os dereitos que teñen tanto a nivel individual como grupal.
  • Funcións
    Nelas valóranse as necesidades, oriéntase aos recursos máis axeitados, e intervense cando as persoas así o demandan, cara a garantir unha atención persoal e social de calidade, ofrecendo:
    • Información , valoración, diagnóstico e orientación  en canto a  dereitos, recursos e intervencións sociais.
    • Xestión do Servizo de Axuda no Fogar, Xantar na Casa, Fogar de tránsito, Programa de alimentos, Renda Básica Municipal, axudas de  emerxencia social.
    • Actuacións preventivas das situacións de risco e necesidade social do conxunto da poboación, intervindo para acadar a integración social.
  • Novas relacionadas
  • Axenda

Novas do departamento

A asociación Acougo organiza este sábado, 11 de xuño, unha nova xuntanza en familia sobre a diversidade en acollemento

A Asociación Galega de Familias de Acollida (Acougo) realiza este semana un novo encontro entre persoas da comunidade do acollemento, co fin de compartir dúbidas, experiencias ou preocupacións. Será o sábado, 11 de xuño, ás 17:30 horas, no antigo centro de saúde do Milladoiro. Para participar nesta xuntanza, cómpre contactar con Acougo no teléfono 622 672 188, ou ben no enderezo electrónico info@acougo.gal. O tema da última xuntanza deste curso será a diversidade en acollemento. As familias que queiran participar nesta xuntanza teñen que cubrir este cuestionario.

A asociación Acougo organiza un encontro sobre a acollida familiar no Milladoiro

A Asociación Galega de Familias de Acollida (Acougo) vai iniciar “Xuntanzas en familia”, unha serie de reunións entre persoas da comunidade do acollemento, co fin de compartir dúbidas, experiencias ou preocupacións. O primeiro encontro realizarase este sábado 19 de febreiro ás 17.00 horas, no antigo centro de saúde do Milladoiro. Para participar nesta xuntanza, cómpre contactar a Acougo no teléfono 622 672 188, ou ben no enderezo electrónico info@acougo.gal.

A asociación Acougo organiza unha nova xuntanza para familias sobre o acollemento familiar no Milladoiro

Tralo parón durante o verán, a Asociación Galega de Familias de Acollida (Acougo) organiza este sábado, 3 de decembro, un novo encontro entre persoas da comunidade do acollemento, co fin de que poidan compartir dúbidas, experiencias ou preocupacións. Será na Casa da Cultura do Milladoiro, ás 17:30 horas. Para participar na xuntanza cómpre cubrir o formulario que se pode atopar premendo nesta ligazón.

A asociación Alcohólicos Anónimos imparte este venres, 14 de xuño, en Cacheiras unha xornada informativa sobre alcoholismo

Este venres, 14 de xuño, a asociación Alcohólicos Anónimos imparte unha xornada informativa sobre alcoholismo, ás 20.00 horas, na Casa común de Cacheiras, situada na Travesía de Cacheiras, número 38, no concello de Teo. Para a charla contarase coa colaboración dun médico de familia, profesionais de traballo social, membros de alcohólicos anónimos e da comunidade de apoio aos familiares de enfermos alcohólicos AlAnon. Esta actividade conta coa colaboración dos Concellos de Ames e Teo, así como da Unidade Pastoral do Milladoiro, Teo e contorna.

A asociación Avesanti organiza o 1 de setembro un taller sobre a reforma do Regulamento de Estranxeiría

A Asociación Sociocultural de Venezolanos en Santiago de Compostela (Avesanti) organiza este xoves 1 de setembro un obradoiro informativo sobre a reforma do Regulamento de Estranxeiría, unha xornada aberta ao público xeral que dá comezo a un ciclo de talleres sobre asesoría legal. O obradoiro terá lugar ás 19:00 horas no antigo centro de saúde do Milladoiro, a cargo da avogada Lorena Fernández Boullón. Para participar, cómpre inscribirse enviando un correo ao enderezo Avesanti2017@gmail.com, ou contactando ao WhatsApp 620 96 85 52.

A asociación Solidariedade Galega co Pobo Saharauí busca dúas familias de Ames que queiran acoller a nenos/as saharauí durante o verán

A asociación Solidariedade Galega co Pobo Saharauí (SOGAPS) puxo en marcha un ano máis o programa Vacacións en Paz, que permite a nenos/as saharauís ser acollidos por unha familia galega durante dous meses de verán. O Concello de Ames sufragará este ano a viaxe de 5 nenos e nenas que serán acollidos por familias amesás. Ademais, dende SOGAPS búscase a outras dúas familias de Ames que estean interesadas en acoller a un/unha neno/a durante o verán. O prazo para apuntarse nesta iniciativa estará aberto ata o 15 de maio.

A avogada Raquel Dopico imparte unha charla informativa sobre o ingreso mínimo vital mañá mércores no Milladoiro

O ingreso mínimo vital é o tema da charla que o Concello de Ames, a través da Concellaría de Benestar Social, organiza para mañá, mércores, 29 de xullo, ás 20.30 horas, na Casa da Cultura do Milladoiro. Raquel Dopico, avogada e asesora xurídica dos servizos socio comunitarios básicos do Concello de Ames, será a encargada de explicar en que consiste o o ingreso mínimo vital, as contías que corresponden en cada caso, quen ten dereito a solicitalo e onde e como debe facerse. Por mor das normas de seguridade e prevención da COVID19, o aforo é limitado e irá cubríndose a medida que vaia chegando a veciñanza. Prégase estar un pouco antes do comezo da charla.

A Axenda 2030 e a cooperación internacional, eixes do novo plan do Fondo Galego de Cooperación

O Fondo Galego de Cooperación, do que Ames é socio e forma parte da súa Comisión Executiva, aprobou por unanimidade as Liñas Estratéxicas 2020-2023 nunha Asamblea Xeral celebrada esta mañá. Foi a primeira asamblea que se desenvolveu de xeito virtual na historia da asociación de concellos e deputacións, a fin de minimizar o risco sanitario derivado da Covid-19. As/os asistentes tamén lle deron luz verde ao Plan de Actividades 2020, que tivo que adaptarse ao novo contexto xerado pola pandemia, tanto para as accións en Galicia como nos países do Sur.

A carreira da muller “Moitos camiños, mesma meta” celebrarase este venres 22 de marzo

Dende a Concellaría de Benestar Social, Igualdade e Voluntariado informan que a carreira da muller “Moitos camiños, mesma meta”, que estaba prevista para o pasado venres 8 de marzo, celebrarase este venres 22 de marzo. Esta actividade forma parte da programación do Día Internacional da Muller 2024. A proba suspendeuse debido a que a previsión meteorolóxica apuntaba choiva para o pasado 8 de marzo. As inscricións, que son de balde, poden seguir realizándose en liña premendo nesta ligazón.

A Casa da Cultura de Bertamiráns acolle este sábado, 12 de decembro, un mercado solidario de troco

O Concello de Ames vén de presentar a programación “Un Nadal diferente”. Unha das actividades incluídas en dita programación é o mercadiño solidario de troco, que se vai desenvolver na Casa da Cultura de Bertamiráns este sábado 12 de decembro, en horario de 16.00 a 19.00 horas. Esta iniciativa está organizada pola Concellaría de Benestar Social a través da Oficina de Voluntariado de Ames. O obxectivo é recadar alimentos de Nadal. Os veciños e veciñas que acheguen alimentos poderán escoller algo a cambio. Esta iniciativa súmase á campaña de recollida de alimentos de Nadal que está aberta ata o 14 de decembro.

Eventos del departamento

> Andainas saudables: ruta Noia-Portosín

A Concellaría de Benestar Social e Promoción da Saúde, dentro do seu programa de Andainas Saudables, organiza unha nova actividade pola ruta que conecta Noia e Portosín, que se desenvolverá o sábado 10 de decembro. Haberá dispoñible un servizo de autobús, con saída dende a Casa da Cultura do Milladoiro ás 9:45 horas e dende a Praza do Concello de Bertamiráns ás 10:00 horas. Para participar cómpre inscribirse premendo na seguinte ligazón ou escaneando o código QR do cartaz anexo ata o xoves 8 de decembro, ás 14:00 horas.

> Andainas saudables: ruta polas ribeiras do río Sar

A Concellaría de Benestar Social e Promoción da Saúde continúa en maio co seu programa de andainas saudables, nesta ocasión cunha ruta polas ribeiras do río Sar. O traxecto, de aproximadamente nove quilómetros, partirá de Bertamiráns para percorrer diferentes espazos naturais dos concellos de Ames e de Brión. Será este sábado 21 de abril, dende a praza do Concello, en Bertamiráns, ás 10:30 horas. As persoas que desexen participar poden inscribirse no enderezo electrónico promociondasaude@concellodeames.gal ata o xoves 19 de maio, ás 14:00 horas. Ademais, haberá servizo de autobuses dende a Casa da Cultura do Milladoiro, ás 10:15 horas.

> Andainas saudables: segunda etapa do "Xiro Grande dos Montes de Compostela"

A Concellaría de Benestar Social e Promoción da Saúde, dentro do programa municipal de Andainas Saudables, organiza a segunda etapa do "Xiro Grande dos Montes de Compostela". A ruta realizarase o sábado 14 de xaneiro. Percorreranse uns 12 quilómetros, partindo dende a Lavacolla e chegando ata A Igrexa (Cesar). Hai 70 prazas dispoñibles, e os interesados en participar poden inscribirse cubrindo o seguinte formulario ou escaneando o código QR da imaxe adxunta, ata o xoves, día 12 de xaneiro, ás 16:00 horas. Haberá servizo de autobuses dende a praza do Concello de Bertamiráns (ás 10:00 horas) e dende a Casa da Cultura do Milladoiro (ás 10:15 horas).

> Andainas Saudables: sétima e oitava etapa do Xiro dos Montes

A Concellaría de Benestar Social e Promoción de Saúde pecha as súas andainas saudables polo Xiro dos Montes, na que é a súa terceira sesión do ano 2022. As persoas participantes percorrerán a parte final do circuíto o próximo sábado 26 de marzo, cruzando os montes de Santa Mariñas, o Gaiás e o Viso. Para inscribirse, cómpre enviar un correo ao enderezo promociondasaude@concellodeames.gal, ata o xoves 24 de marzo ás 14:00 horas. Haberá servizo de autobuses, que sairán ás 10:00 horas da praza do Concello, en Bertamiráns, e ás 10:15 horas da Casa da Cultura do Milladoiro.

> Andainas Saudables: Terceira e cuarta etapa do Xiro dos Montes

A Concellería de Promoción da Saúde continúa un ano máis co seu programa de Andainas Saudables nas fins de semana. Este sábado 22 de xaneiro realizaranse a terceira e a cuarta etapa do Xiro dos Montes, dando continuidade ás rutas programadas os pasados meses de novembro e decembro. Para participar na andaina polo percorrido, duns 8,6 quilómetros entre o Monte de Deus e o Monte de Vidán, cómpre inscribirse no enderezo promociondasaude@concellodeames.gal, ata o xoves 20 de xaneiro ás 14:00 horas. Haberá servizo de autobuses, que sairán ás 10:00 horas da praza do Concello, en Bertamiráns, e ás 10:15 horas da Casa da Cultura do Milladoiro.

> Andainas saudables: Vía Verde Cerceda - Oroso

A Concellaría de Benestar Social e Promoción da Saúde prosegue o seu programa de andainas saudables en outubro, cunha saída pola Vía Verde entre os concellos de Cerceda e Oroso. O percorrido, duns quince quilómetros, discorre sobre o antigo trazado ferroviario pertencente á liña Santiago – A Coruña. Será o sábado 8 de outubro, con saída en autobús dende Bertamiráns, ás 9:00 horas, e dende O Milladoiro, ás 9:15 horas. Para participar, cómpre inscribirse no enderezo electrónico promociondasaude@concellodeames.gal, ata o xoves 6 de outubro, ás 14:00 horas.

> Andainas SaúdeAndo en Bertamiráns

O programa SaúdeAndo é unha iniciativa da Concellaría de Promoción da Saúde, en colaboración cos centros de saúde do Milladoiro e de Bertamiráns. Como é habitual, será dende estes propios centros de saúde onde comecen as 38 andainas circulares programadas ao longo do ano, que se organizan cada xoves de semanas alternas, ás 17:30 horas, con rutas de dificultade media-baixa e de entre unha hora e hora e media de duración. Estas saídas van sempre acompañadas da presenza dun monitor de marcha nórdica, pensado para as persoas que desexen practicar esta modalidade, sempre de maneira voluntaria.

> Andainas SaúdeAndo en Bertamiráns

O programa SaúdeAndo é unha iniciativa da Concellaría de Promoción da Saúde, en colaboración cos centros de saúde do Milladoiro e de Bertamiráns. Como é habitual, será dende estes propios centros de saúde onde comecen as 38 andainas circulares programadas ao longo do ano, que se organizan cada xoves de semanas alternas, ás 17:30 horas, con rutas de dificultade media-baixa e de entre unha hora e hora e media de duración. Estas saídas van sempre acompañadas da presenza dun monitor de marcha nórdica, pensado para as persoas que desexen practicar esta modalidade, sempre de maneira voluntaria.

> Andainas SaúdeAndo en Bertamiráns

O programa SaúdeAndo é unha iniciativa da Concellaría de Promoción da Saúde, en colaboración cos centros de saúde do Milladoiro e de Bertamiráns. Como é habitual, será dende estes propios centros de saúde onde comecen as 38 andainas circulares programadas ao longo do ano, que se organizan cada xoves de semanas alternas, ás 17:30 horas, con rutas de dificultade media-baixa e de entre unha hora e hora e media de duración. Estas saídas van sempre acompañadas da presenza dun monitor de marcha nórdica, pensado para as persoas que desexen practicar esta modalidade, sempre de maneira voluntaria.

> Andainas SaúdeAndo en Bertamiráns

O programa SaúdeAndo é unha iniciativa da Concellaría de Promoción da Saúde, en colaboración cos centros de saúde do Milladoiro e de Bertamiráns. Como é habitual, será dende estes propios centros de saúde onde comecen as 38 andainas circulares programadas ao longo do ano, que se organizan cada xoves de semanas alternas, ás 17:30 horas, con rutas de dificultade media-baixa e de entre unha hora e hora e media de duración. Estas saídas van sempre acompañadas da presenza dun monitor de marcha nórdica, pensado para as persoas que desexen practicar esta modalidade, sempre de maneira voluntaria.