Solapas principales

Departamento de Promoción Económica y Empleo

Noticias del departamento

O xurado do Canta con Ames xa decidiu quen pasa a semifinais

O xurado, composto polos veciños/as de Ames Ángel Tames Andul, Inés Suárez Rey e María Eva Sebe García, reuniuse para decidir que participantes pasan a semifinais. Son 20 persoas, cada unha na súa categoría correspondente, que competirán o vindeiro 28 de xullo, ás 18.30 horas, na praza de Manuel Murguía, en plena celebración da festividade da Madalena.

O “AMES AV LAB” brindaralle a oportunidade de materializar o seu proxecto a alumnos da USC e do CIFP Imaxe e Son da Coruña

"AMES AV LAB"  a piques de rematar a fase de captación de proxectos está realizando dúas reunións informativas en centros educativos esta semana: o martes na Facultade de Comunicación da Universidade de Santiago de Compostela e mércores no Centro de Formación Profesional CIFP Imaxe e Son en A Coruña. En ambos os centros, realizaranse presentacións a estudantes de último ano de formación e de master, co propósito de brindarlles a oportunidade de materializar a súa idea de proxecto ou o proxecto que teñan en marcha. Premendo nesta ligazón podes descargar as bases do AMES AV LAB.

O “AmesON de verán” continúa nas festas da Madalena do Milladoiro con MJ Pérez e Cé Orquestra Pantasma

A programación do “AmesON de verán” da Concellaría de Promoción Económica prosegue en agosto e súmase ao cartel de “Ames en Festas”, no que se inclúen once días de celebración no Milladoiro e en Bertamiráns, encadeando as festas da Madalena e da Peregrina do 4 ao 14 de agosto. Neste senso, MJ Pérez e Cé Orquestra Pantasma actuarán na praza Manuel Murguía do Milladoiro o domingo 7 e o luns 8, como parte duns días de música, concertos e actividades para todos os públicos. Premendo nesta ligazón pódese consultar o folleto informativo de “Ames en Festas” 2022.

O “AmesON de verán” continúa nas festas da Peregrina en Bertamiráns con Los Jinetes del Trópico e grupo Tinta

A programación do “AmesON de verán” da Concellaría de Promoción Económica prosegue en agosto e súmase ao cartel de “Ames en Festas”, no que se inclúen once días de celebración no Milladoiro e en Bertamiráns, encadeando as festas da Madalena e da Peregrina do 4 ao 14 de agosto. Neste senso, Los Jinetes del Trópico e grupo Tinta actuarán no parque do Ameneiral, en Bertamiráns, o sábado 13 e o domingo 14 de agosto.  Premendo nesta ligazón pódese consultar o folleto informativo de “Ames en Festas” 2022.

O “AmesON de verán” estréase en agosto coas actuacións de Tacón Gitano e Pitusa Semifusa

O programa “AmesON de verán”, organizado pola concellaría de Promoción Económica, prosegue este sábado, día 5, coa actuación do grupo Tacón Gitano, e o luns, 7 de agosto, coa de Pitusa Semifusa. As actividades, enmarcadas dentro do programa “Ames en festas”, desenvolveranse na praza de Manuel Murguía, no Milladoiro. Trátase das dúas primeiras dun total de catro iniciativas que comprende o “AmesON de verán” durante este mes de agosto.

O “AmesON de verán” toca ao seu fin cunha actuación da orquestra Olympus este domingo, 3 de setembro

A iniciativa de música na rúa “AmesON de verán”, posta en marcha pola concellaría de Promoción Económica, chega ao seu fin esta semana. Este domingo, 3 de setembro, terá lugar unha actuación da orquestra Olympus, no aparcadoiro do SuperCor, no Milladoiro. Será ás 19:00 horas. Previamente, as gañadoras das distintas categorías do Canta con Ames 2023, María Caamaño, Antía Boo e Antía Holovat, serán as abreconcertos. 

O “Canta con Ames” arranca este venres cunha preselección no Milladoiro

A segunda edición do concurso “Canta con Ames” dará o pistoletazo de saída este venres 1 de xullo no Milladoiro. A praza de Manuel Murguía vai acoller ás 18:00 horas a primeira fase de preselección. Seguidamente, o venres 8 de xullo terá lugar no parque do Ameneiral, en Bertamiráns, a segunda fase de preselección. Este ano inscribíronse un total de 26 participantes nas distintas categorías do concurso.

O “Canta con Ames” celebra a final da súa segunda edición este sábado 27 de agosto

O parque do Ameneiral, en Bertamiráns, vai acoller este sábado 27 de agosto a fase final da segunda edición do concurso “Canta con Ames”. A partir das 19:30 horas, as 12 persoas seleccionadas polo xurado interpretarán dous temas completos de distinto estilo musical. Da xornada sairán catro gañadoras ou gañadores, un por cada unha das categorías de idade do certame, que ademais de recibiren unha serie de agasallos poderán actuar como abreconcertos da orquestra Panorama, o 18 de setembro no Milladoiro.

O “Canta con Ames” volve este sábado ao Milladoiro coa semifinal do concurso

A praza de Manuel Murguía no Milladoiro acolle este sábado día 6 de agosto ás 19:30 horas a semifinal do “Canta con Ames”. As vinte persoas seleccionadas interpretarán un tema para facerse co voto do xurado. Esta xornada do “Canta con Ames” conta, ademais, con dúas convidadas de excepción, Carmen e Lara as gañadoras da categoría infantil e xuvenil respectivamente da pasada edición do Canta con Ames interpretarán un tema. Nesta fase do concurso o xurado escollerá un máximo de 12 seleccionados para pasar á final que se vai celebrar o 27 de agosto en Bertamiráns.

Organízanse dous concursos de decoración de Nadal dirixidos a comerciantes e á veciñanza en xeral

O Concello de Ames, a través da Concellaría de Promoción Económica, organiza o XVII concurso de escaparates de Nadal. Ademais, este ano como novidade organizase a primeira edición do concurso de decoración de Nadal veciñal. O obxectivo é que tanto comerciantes como a veciñanza en xeral colabore co Concello na decoración de Nadal. Deste xeito, poderanse decorar os escaparates dos comercios, así como as fachadas, balcóns, fiestras e xardíns de edificios e vivendas. O prazo de inscrición xa está aberto para participar en ambos certames. Repartiranse 6.000 euros (4.000 euros no concurso de escaparates e 2.000 no concurso de decoración de Nadal veciñal) divididos en oito premios (haberá catro premios por concurso).

Eventos del departamento

>“Fase Festa”, con Pepo Suevos, no Milladoiro

Música e moito humor. O actor, guionista, humorista e veciño de Ames, Pepo Suevos, a cantante Fátima Pego e o músico Josep Ruíz, compoñentes da orquestra "Panorama", soben xuntos ao escenario para amosarnos “Fase Festa”, unha especie de verbena en pequeno formato, adaptada aos tempos que nos toca vivir.