Solapas principales

Departamento de Promoción Económica y Empleo

Noticias del departamento

O alcalde e a concelleira de Promoción Económica comezan unha rolda de contactos coas diferentes asociacións de comerciantes de Ames

Onte comezou a rolda de contactos do Concello de Ames coas diferentes asociacións de comerciantes de Ames. A primeira reunión a través de videoconferencia foi con representantes da Xuntanza de Empresarios de Ames (XEA), pero nas próximos días sumaranse a Asociación de empresarios Palmira Bulevard e a Asociación de Empresarios do Parque Empresarial do Milladoiro. Estas reunións telemáticas teñen como obxectivo coñecer como están a levar esta complicada situación os diferentes comercios do concello, así como a busca de posibles solucións ás súas inquedanzas. 

O alcalde e a concelleira de Promoción Económica visitan a sede de CATEC en Galicia

O alcalde de Ames, Blas García, e a concelleira de Promoción Económica, Ana Belén Paz, visitaron o pasado venres, 14  de marzo, a sede de CATEC en Galicia, situada no parque empresarial do Milladoiro. CATEC, Centro Avanzado de Tecnologías Aeroespaciales, é o único centro tecnolóxico en España dedicado exclusivamente ao sector aeroespacial. Impulsado pola Junta de Andalucía a través de FADA (Fundación Andaluza para o Desenvolvemento Aeroespacial), combina innovación e excelencia nunha contorna de colaboración público-privada.

O alcalde e a concelleira de Promoción Económica visitan as instalacións da empresa Conic Vascular España

O alcalde de Ames, Jose Miñones, e a concelleira de Promoción Económica e Emprego, Ana Belén Paz, visitaron esta mañá a empresa de material sanitario Conic Vascular España, guiados polo presidente e copropietario, Manuel Parente. Situada en Bertamiráns, a empresa está dedicada ao deseño, desenvolvemento e fabricación de dispositivos médicos nos campos de cardioloxía e a radioloxía intervencional. Fai uns meses a empresa asinou un contrato coa compañía saudita NABD Medical Industrial Company, para producir os seus produtos e patentes en Arabia Saudita.

O alcalde e maila concelleira de Promoción Económica reúnense cos xerentes do centro comercial As Cancelas e Carrefour Santiago

O alcalde de Ames, Blas García, e maila concelleira de Promoción Económica, Ana Belén Paz, mantiveron unha xuntanza o pasado 28 de febreiro cos xerentes do centro comercial As Cancelas, Javier Nicola Blanco, e de Carrefour Santiago, Hugo Rodríguez Álvarez. En dito encontro abordaron posibles vías de colaboración para poder facer actuacións de promoción do Concello de Ames no centro comercial e tamén para poder colaborar en cuestións de emprego con Carrefour Santiago.  

O alcalde e maila concelleira de Promoción Económica visitan a empresa Overon

O alcalde de Ames, Blas García, e maila concelleira de Promoción Económica, Ana Belén Paz, realizaron una nova visita a unha empresa do sector do audiovisual. Neste caso, achegáronse ás instalacións da empresa Overon, situada na rúa das Hedras, no parque empresarial Novo Milladoiro. Overon é unha das compañías líder do sector do transporte audiovisual en España. Están especializados en realizar directos de grandes eventos e actividades deportivas (fútbol, ciclismo, rallies, remo, etc) e tamén se encargan do servizo de directos da Televisión de Galicia e doutras cadeas de televisión nacionais e internacionais.

O alcalde e maila concelleira de Promoción Económica visitan as instalación da empresa Ficción Producciones

O Concello de Ames continúa coa rolda de contactos coas empresas do sector audiovisual que teñen instalacións radicadas en Ames. Neste caso o alcalde de Ames, Blas García, e maila concelleira de Promoción Económica, Ana Belén Paz, visitaron as instalación da empresa Ficción Producciones que están situadas na rúa das Hedras, no parque empresarial Novo Milladoiro. Durante a visita Blas García e Ana Belén Paz puideron coñecer as instalacións da produtora e tamén abordaron con  Julio Casal, xerente da produtora, e Toni Veiga, director de produción, distintas vías de colaboración de cara ao futuro.

O alcalde, Blas García, e a concelleira de Promoción Económica, Ana Paz, reciben á nova directiva de XEA

Esta mañá o alcalde, Blas García, e maila concelleira de Promoción Económica, Ana Belén Paz, reuníronse coa nova directiva da asociación Xuntanza de Empresarios de Ames, que vén de renovar a directiva, tras un acordo unánime durante a asemblea xeral extraordinaria celebrada o pasado mes de marzo. Tratouse dunha primeira toma de contacto entre a nova directiva de XEA e mailo Goberno municipal que quere seguir mantendo a boa sintonía existente con dita entidade co obxectivo de seguir colaborando na organización de diversas iniciativas en beneficio dos establecementos comerciais e hostaleiros do concello.

O alumnado do obradoiro de emprego ForestAmes-Brión complementa a súa formación asistindo a unha demostración de seguridade e manexo de motoserra

Os Concello de Ames e Brión están desenvolvendo o obradoiro dual de emprego ForestAmes-Brión no que participan 20 alumnos/as traballadores/as e un equipo de 5 persoas que forman o persoal administrativo e docente. Este obradoiro comezou o pasado 28 de decembro de 2020 e realizarase ata o 27 de setembro de 2021. Durante 9 meses os traballadores/as reciben formación específica sobre o certificado de profesionalidade oficial de repoboacións forestais e tratamentos silvícolas, que conta con 410 horas de duración. Durante a xornada de hoxe participaron nunha demostración de seguridade e manexo de motoserra, impartida polo especialista, Carlos Grandío.

O alumnado do obradoiro de emprego ForestAmes-Brión limpa 32 quilómetros de camiños forestais e realiza traballos de repoboación forestal

Esta mañá o alcalde de Ames, Blas García, e maila concelleira de Promoción Económica e Emprego, Ana Belén Paz, acompañados do Axente de Desenvolvemento Local do Concello de Ames, Juan Carlos Carreja, visitaron ao alumnado do obradoiro de emprego ForestAmes-Brión, que están acondicionando o invernadoiro e contorna do viveiro de Barouta. Ademais, visitaron varias fincas municipais en Pedra Dourada e no Bosque Animado, onde dito alumnado realizou traballos de limpeza de camiños forestais e repoboación con árbores autóctonas. En  dita visita estiveron acompañados do director do obradoiro, Andrés Novo Lombao, e por Begoña Corral Goiriz, titora e coordinadora de dito obradoiro.

O alumnado do obradoiro de emprego Renova VII instalará paneis solares fotovoltaicos nas escolas infantís municipais de Ames e na Escola municipal de música de Brión

Os Concellos de Ames e Brión están a desenvolver a sétima edición do obradoiro dual de emprego Renova, no que participan 20 alumnos/as traballadores/as (15 de Ames e 5 de Brión). Nesta edición impártense 9 meses de formación sobre o certificado de profesionalidade oficial de montaxe e mantemento de instalacións solares fotovoltaicas. Ademais, impártense un módulo de instalacións eléctricas en edificios de vivendas e actividades complementarias de informática, prevención de riscos laborais e orientación laboral. Dita formación compleméntase con formación homologada de Prevención de Riscos Laborais; manexo de carretillas elevadoras; operador/a de plataformas elevadoras móbiles de persoal; e prevención de riscos laborais en alturas; como complemento á formación no certificado de profesionalidade.

Eventos del departamento

>“Fase Festa”, con Pepo Suevos, no Milladoiro

Música e moito humor. O actor, guionista, humorista e veciño de Ames, Pepo Suevos, a cantante Fátima Pego e o músico Josep Ruíz, compoñentes da orquestra "Panorama", soben xuntos ao escenario para amosarnos “Fase Festa”, unha especie de verbena en pequeno formato, adaptada aos tempos que nos toca vivir.