Solapas principales

Departamento de Promoción Económica y Empleo

Noticias del departamento

O alumnado do obradoiro de emprego “Renova V” executa melloras de eficiencia enerxética en edificios e instalacións de Ames e Brión

Esta mañá o auditorio da Casa da Cultura de Bertamiráns acolleu o acto de clausura do obradoiro dual de emprego en enerxías renovables “Renova V” no que participaron durante 12 meses, 20 alumnos/as (15 de Ames e 5 de Brión). O acto estivo presidido polo delegado territorial da Xunta de Galicia na Coruña, Gonzalo Trenor; polos alcalde de Ames, Blas García, e de Brión, Pablo Lago; a concelleira de Promoción Económica e Emprendemento de Ames, Ana Belén Paz, e pola directora do obradoiro, María Carmen González. Trala intervención das autoridades fíxose entrega dos diplomas ao alumnado participante. Nesta edición incrementouse de 9 a 12 meses a formación que recibiron os alumnos/as traballadores/as sobre o certificado de profesionalidade oficial de “Montaxe e mantemento de instalacións solares fotovoltaicas” e do módulo de "Montaxe de sistemas domóticos e inmóticos".

O alumnado do programa integrado de emprego dos Concellos de Ames e Brión recibirá teleformación

Os Concellos de Ames e Brión están levando a cabo o programa integrado de emprego Ames e Brión 2019-2020, cofinanciado pola Consellería de Economía, Emprego e Industria. Nesta edición, participan 100 persoas desempregadas menores de 30 anos e persoas desempregadas maiores de 45 anos. Para continuar coa actividade durante o estado de alarma declarado polo Goberno do Estado, contratouse o servizo de subministración dunha plataforma de teleformación, a través da cal se impartirán cursos formativos para o alumnado e formación ao persoal do proxecto. Ademais, acábase de adxudicar a impartición online de dous cursos de operacións básicas de comercio e venda; e de xestión de operacións de almacén.

O AmesOn continúa con música tradicional venezolana no concerto de Aires de Orinoco

O programa “AmesON” organiza un novo concerto o  mércores 11 de agosto. O grupo Aires de Orinoco actuará no Parque de Ameneiral, en Bertamiráns, ás 20.00 horas onde tocará música latina. A actuación, que estaba prevista para o pasado 8 de agosto, tivo que ser aprazada a esta nova data por mor das condicións meteorolóxicas.

O AmesOn pecha o mes de agosto con música pop e rock dos anos 80 e 90

O programa “AmesON” organiza un novo concerto o sábado 28 de agosto. O grupo Virtual Project actuará no Parque de Ameneiral, en Bertamiráns, ás 20.00 horas onde vai sorprender aos asistentes con música pop/rock nacional e internacional dos anos 80 e 90.

O AmesON porá a guinda ao Ameneiral Fest coa actuación de Los Mecánicos

A romaría urbana do “Ameneiral Fest” terá lugar este sábado, 12 de agosto, a partires das 13:30 horas, no parque do Ameneiral. Trátase dunha iniciativa posta en marcha por primeira vez este ano pola comisión de festas de Bertamiráns, que busca achegar os festexos ao centro da vila. Esta xornada de música e cultura terá o seu cumio as 21:00 horas coa actuación de Los Mecánicos, que se engloba dentro do programa AmesON do Concello de Ames, en colaboración coa comisión. Mad Martin, La Reunión, Michu da Rocha e Doctor Snob son as actuacións previstas para esta xornada.

O AmesON segue no Milladoiro con música de versións

O programa organizado pola concellaría de Promoción económica continúa o xoves 29 de  xullo co concerto de SAMCO. O cuarteto versiona clásicos dos 80 e 90 e temas actuais en clave de jazz, rock, pop ou bossa nova. O concerto celebrarase  na praza de Manuel Murguía, no Milladoiro, ás 20.00 horas.

O artista e ilustrador italiano, Piero, escolleu o parque do Ameneiral para facer un mural

O parque do Ameneiral vaise converter no taller do artista italiano dende esta tarde. Ao longo de tres días o artista e ilustrador italiano vai realizar un encargo para un comercio amesá. O artista quere deste xeito visibilizar o seu traballo e ao mesmo tempo engadir un atractivo a esta fermosa contorna do Concello de Ames.

O atelier Juana Rique de Ames expuxo a súa nova colección nupcial na Semana da Moda de Madrid

Atelier Couture, unha das citas da Semana da Moda de Madrid, volveu converterse no escaparate dos atelieres españois na súa oitava edición, os pasados días 4 e 5 de outubro. Un das marcas que participou no Atelier Couture 2022 foi o atelier Juana Rique de Ames. Trátase dunha empresa que naceu desde a experiencia da súa tenda en Bertamiráns, Mariana, da man das irmás Ana e María Verde. O atelier amesá mostrou a súa nova colección nupcial nun desfile celebrado no Palacio de Santoña. O desfile estivo composto de pequenos sets nos que se recollen noivas moi diferentes, eso si, todas, cun denominador común: carácter fortaleza, e autenticidade.

O Canta con Ames chega a semifinais este mércores

O concurso, organizado pola concellaría de Promoción Económica, leva as semifinais á praza de Manuel Murguía, no Milladoiro, en plena celebración da festividade da Madalena. Será ás 18:30 deste mércores 28 de xullo cando vinte concursantes, cada un na súa categoría correspondente, compitan por converterse nas mellores voces do verán.

O Canta con Ames traslada a final ao 8 de agosto

O concurso, organizado pola Concellaría de Promoción Económica, celebrará a fase final o domingo 8 de agosto no Parque do Ameneiral, en Bertamiráns. Ás 20.00 horas, os/as 6 finalistas, cada un na súa categoría correspondente, competirán por converterse nas mellores voces do verán. O acto rematará cunha actuación de Sofía Rial, veciña de Ortoño e gañadora do Concurso Recantos do Luar.

Eventos del departamento

>“Fase Festa”, con Pepo Suevos, no Milladoiro

Música e moito humor. O actor, guionista, humorista e veciño de Ames, Pepo Suevos, a cantante Fátima Pego e o músico Josep Ruíz, compoñentes da orquestra "Panorama", soben xuntos ao escenario para amosarnos “Fase Festa”, unha especie de verbena en pequeno formato, adaptada aos tempos que nos toca vivir.