Solapas principales

Departamento de Promoción Económica y Empleo

Noticias del departamento

Remata a campaña de tarxetas bono Ames Progresa a través da cal se alcanzaron os 125.000 euros de volume de negocio

O pasado 30 de abril rematou a campaña de tarxetas bono Ames Progresa, posta en marcha por segundo ano consecutivo pola Concellaría de Promoción Económica, para dinamizar e fomentar as compras no comercio e mailo consumo na hostalaría local. Nesta segunda edición da campaña, que se desenvolveu do 1 de marzo ao 30 de abril, realizáronse 5.857 operacións por valor de 125.159,37 euros. Isto representa un 98% sobre a contía total posta en circulación que ascendía a 127.600 euros. En total realizáronse operacións en 212 establecementos cunha media de gasto de 590,37 euros por establecemento. Quedou sen gastar tan só o 2% do saldo total.

Remata a cuarta edición do obradoiro dual de emprego en enerxías renovables a través do cal se instalaron 43 paneis solares en Ames e Brión

Esta mañá o auditorio da Casa da Cultura de Bertamiráns acolleu o acto de clausura do obradoiro dual de emprego en enerxías renovables Renova IV no que participaron dende o pasado mes de outubro 20 alumnos/as (15 de Ames e 5 de Brión). O acto estivo presidido polo delegado territorial da Xunta de Galicia na Coruña, Gonzalo Trenor; a xefa territorial de Emprego e Igualdade, Judit Fontela; polos alcalde de Ames, Blas García, e de Brión, Pablo Lago; as concelleiras de Promoción Económica e Emprego de Ames, Ana Belén Paz, e Brión, Guarina Rey; e polo director do obradoiro, Andrés Novo. Trala intervención das autoridades fíxose entrega dos diplomas ao alumnado participante. Cinco empresas xa mostraron interese na contratación de 14 persoas que participaron neste obradoiro. Un dos participantes xa formalizou o seu contrato laboral e comezou a traballar neste sector.

Remata a edición 2021-2022 do programa integrado de emprego dos Concellos de Ames e Brión superando o 60% de inserción

O programa integrado de emprego dos concellos de Ames e Brión, subvencionado pola Consellería de Emprego e Igualdade con 243.316,35 euros, vén de rematar a edición 2021/2022 con resultados moi satisfactorios en todos os ámbitos do programa. O pasado día 21 de novembro rematou dito programa, no que máis do 60% das persoas participantes tivo algún contrato laboral. Nesta edición, participaron 100 persoas desempregadas (60 mulleres desempregadas dos concellos de Ames e Brión e 40 persoas menores de 30 anos desempregadas e cunha cualificación máxima de Bacharelato), que se formaron nos ámbitos de comercio, almacén, ocio infantil e tempo libre, limpeza e arranxo de habitacións en hoteis, turismo e TICs.

Remata a fase de preselección do Canta con Ames

A Praza da Maía acolleu o segundo acto de preselección do concurso de karaoke "Canta con Ames", o sábado 3 de xullo. 14 persoas,  repartidas entre as 3 categorías, subíronse ao escenario. Esta semana reunirase o xurado para decidir cales serán os 20 cantantes, seleccionados entre as dúas xornadas, que pasarán á semifinal que se celebrará o vindeiro 28 de xullo, ás 18.30 horas, no Milladoiro.

Remata a primeira fase da campaña de tarxetas bono Merc@mes

A Concellaría de Promoción Económica informa de que a partir deste sábado, 1 de maio, quedan bloqueadas as tarxetas bono Merc@mes ata que comece a segunda fase da campaña que se desenvolverá do 1 de setembro ao 31 de outubro. Deste xeito, remata a primeira fase da campaña que comezou o pasado 1 de marzo. As 3.000 tarxetas-bono postas á venda esgotáronse xa a comezos do pasado mes de marzo. Esta iniciativa xerará un volume de negocio de 200.000 euros. A realización das compras con ditas tarxetas pódese realizar exclusivamente nestes dous períodos.

Repártense 1.200 carteis entre os establecementos comerciais para fomentar as compras durante a época de Nadal e o período de rebaixas

O Concello de Ames, a través das Concellarías de Promoción Económica e Normalización Lingüística, puxo en marcha unha nova campaña de apoio ao sector comercial. Deste xeito, repartíronse 1.200 carteis (600 co lema de “Descontos” e outros 600 coa mensaxe de “Rebaixas”). Dita campaña, que se enmarca no Plan Reactiva Ames, ten o obxectivo de fomentar as compras durante a época de Nadal e no período de rebaixas.

Repartidos en menos dunha semana o 36% dos fondos das tarxetas bono “Ames Progresa”

Nos cinco primeiros días da campaña de tarxetas bono “Ames Progresa” repartíronse 220 novas tarxetas de 50 euros e recargáronse 600 bonos de anteriores campañas. Estes datos supoñen que 27.000 dos 75.000 euros investidos polo Concello de Ames nesta iniciativa xa están en circulación, un 36%. A campaña desenvolverase ata o 30 de abril e conta con 219 establecementos adheridos. Para retirar ou recargar bonos, cómpre asistir aos locais das asociacións empresariais amesás, Xuntanza de Empresarios de Ames (XEA), Palmira Bulebar e Novo Milladoiro, ata o martes 15 de marzo.

Representantes municipais e de produtoras audiovisuais de Ames reúnense para buscar estratexias que favorezan tanto ao concello como ao sector audiovisual

O alcalde, a concelleira de Promoción Económica e o concelleiro de Urbanismo reuníronse con representantes do sector audiovisual que teñen empresas radicadas en Ames. O obxectivo desta reunión foi o de establecer un primeiro contacto para no futuro establecer colaboracións que sexan beneficiosas tanto para os profesionais como para o concello.

Seis curtametraxes e catro series, entre os proxectos seleccionados do Ames AV LAB

O espazo colaborativo A Proa, no Milladoiro, acolleu este luns a presentación dos quince proxectos seleccionados para formar parte do Ames AV LAB, o laboratorio amesán para impulsar a nova produción audiovisual. No acto, ao que acudiron representantes do Concello de Ames e de dúas empresas integrantes das comisións de Gobernanza e Avaliación, presentáronse os proxectos seleccionados e o cronograma que se seguirá durante os oito meses de traballo.

Sete coworkers do espazo colaborativo A Proa participaron na Feira das Profesións 2025 celebrada este xoves en Negreira

Sete coworkers do espazo colaborativo A Proa do Concello de Ames participaron na Feira das Profesións 2025, organizada, como vén sendo habitual, polos departamentos de orientación do IESP de Ames, o IES de Brión e o IES Xulián Magariños de Negreira e que, ademais, este ano contou por primeira vez coa colaboración do IES do Milladoiro. O evento organizouse no pavillón Pedra Mámoa, en Negreira, en horario de mañá e tarde.

Eventos del departamento

>“Fase Festa”, con Pepo Suevos, no Milladoiro

Música e moito humor. O actor, guionista, humorista e veciño de Ames, Pepo Suevos, a cantante Fátima Pego e o músico Josep Ruíz, compoñentes da orquestra "Panorama", soben xuntos ao escenario para amosarnos “Fase Festa”, unha especie de verbena en pequeno formato, adaptada aos tempos que nos toca vivir.