Solapas principales

Departamento de Promoción Económica y Empleo

Noticias del departamento

O mércores 30 de xuño comeza a fase de preselección do concurso Canta con Ames

Na Praza de Manuel Murguía, ás 17.00 horas, realizarase o acto de preselección do concurso de karaoke "Canta con Ames" o mércores 30 de xuño. Participarán 14 persoas repartidas entre as 3 categorías. 20 persoas como máximo, cada unha na súa categoría correspondente, pasarán á semifinal que se celebrará o vindeiro 28 de xullo no Milladoiro, coincidindo coas festas da Madalena. A ambos eventos poderá acudir público con limitación de aforo.

O Milladoiro acolle mañá a primeira xornada do programa “Volta ao cole co comercio”

Co fin de dinamizar o comercio e a hostalaría local durante o comezo do curso escolar, a Concellaría de Promoción Económica, en colaboración coa Xuntanza de Empresarios de Ames (XEA), organiza as xornadas de “Volta ao cole co comercio”, dúas tardes de propostas lúdicas e sorteos que se desenvolverán o venres 9 de setembro, no Milladoiro, e o martes 13, en Bertamiráns. A xornada do martes 13 realizarase ese día sempre e cando non chova. Informarase ao respecto o luns 12 de setembro. A iniciativa ofrecerá actividades ás nenas e nenos de 3 a 11 anos, das 17:00 ás 19:00 horas, e á mocidade dos 12 aos 18, das 19:00 ás 21:00 horas, ademais de contar con arredor de 160 premios valorados en máis de 2.000 euros.

O Milladoiro e Bertamiráns reciben a Papá Noel ao carón de Noiteboa

A programación “Nadal con Ames na Rúa” continúa a pesar das recentes cancelacións por mor da situación epidemiolóxica, cunha das súas actividades chave. Papá Noel visitará nas próximas xornadas os núcleos urbanos de Ames, O Milladoiro e Bertamiráns, co fin de escoitar as peticións da rapazada, coñecela e fotografarse con eles e elas. O xoves 23 de decembro será a quenda da Biblioteca Municipal do Milladoiro, mentres que o venres 24 Papá Noel desprazarase ao auditorio da Casa da Cultura de Bertamiráns. En ambas localidades, as visitas realizaranse de 11:00 a 14:00 horas e de 16:00 a 19:00 horas, respectando a orde de chegada e a distancia de seguridade interpersoal.

O Nadal ábrese paso en Ames con música, contacontos e a visita de Papá Noel

As actividades da programación de Nadal, organizadas conxuntamente por diversos departamentos municipais, continúan esta semana coa chegada de Papá Noel ao Milladoiro e Bertamiráns os días 22 e 23 de decembro. Ademais, haberá sesións de contacontos  e actividades musicais para todas as idades. Ademais, o venres 22 haberá unha nova sesión do AmesOn infantil a cargo de "Pitusa Semifusa" e o sábado 23 represéntase "Mary Poppins, el musical".

O parque do Ameneiral acolle mañá a final do IV Canta con Ames

Mañá, 11 de agosto, o parque do Ameneiral, en Bertamiráns, acollerá a fase final do concurso “Canta con Ames” a partir das 19:00 horas. O certame, que vai pola súa cuarta edición, “estase a converter nun fenómeno seguido por xente de todas as idades”, afirma a concelleira de Promoción Económica, Ana Belén Paz. Así mesmo, a concelleira destaca que nesta edición se superaron todas as barreiras: “ o nivel é moi alto e non vai ser sinxelo escoller aos gañadores”. O evento retransmitirase en directo a través dos perfís de Facebook e Instagram do Concello de Ames.

O parque do Ameneiral, en Bertamiráns, acolle a segunda xornada de preselección do concurso Canta con Ames

O pasado venres, 21 de xullo, comezou unha nova edición do concurso Canta con Ames coa primeira xornada de preselección. A segunda xornada de preselección realizarase este sábado, 29 de xullo, ás 20.00 horas, no parque do Ameneiral, en Bertamiráns. Nesta edición participan 24 persoas de Ames e doutros concellos como Santiago de Compostela, Vigo e Arteixo. Nesta segunda xornada de preselección daranse a coñecer os/as 20 participantes que pasan á semifinal do 4 de agosto, que se vai celebrar na praza de Manuel Murguía, no Milladoiro. O xurado do concurso está composto por Inés Suárez, Noelia Bellas e Lara López, mentres que a presentadora será Loly Gómez.

O Pazo da Peregrina acolle este mércores a presentación do anteproxecto do mercado municipal de Ames

O Concello de Ames, a través da Concellaría de Promoción Económica, informa que este mércores, 1 de marzo, realizarase o acto de presentación do anteproxecto do mercado municipal de Ames. Dito acto terá lugar ás 20.30 horas no Pazo da Peregrina de Bertamiráns, e nel participarán o alcalde de Ames, Blas García, a concelleira de Promoción Económica, Ana Belén Paz, e mailo redactor do anteproxecto, Jorge Duarte Vázquez, da empresa Atrio Arquitectura e Urbanismo. A través desta actuación preténdese rehabilitar a Casa de Barbazán, en Bertamiráns, para albergar unha praza de abastos. Ao mesmo tempo crearase un espazo cuberto específico para crear un mercado dos produtores locais e dos seus produtos de proximidade. Tamén está previsto ordenar o espazo exterior, no que na actualidade está situado o aparcadoiro da Telleira, poder acoller actividades de mercado ao aire libre ou outro tipo de eventos.

O Pazo da Peregrina de Bertamiráns acolle este sábado o “Kopa pop-up”, unha xornada de moda, música e arte

A empresa amesá Pato Peluqueros, en colaboración con xóvenes promesas e co Concello de Ames, organiza este sábado un “pop-up” para presentar a nova colección de roupa de verán do deseñador amesán Niko Pato, coñecido artisticamente como Niko Kopa. A xornada desenvolverase no Pazo da Peregrina a partir das 12:00 horas. Os asistentes poderán gozar de descontos especiais no prezo das prendas, recibirán un regalo de benvida e entrarán en diversos sorteos. Ademais, haberá concertos a cargo de artistas noveis de Ames e da súa contorna. Por outra banda, habilitarase unha zona de graffitis.

O prazo de inscrición para participar na cabalgata de Reis abre o luns 16 de decembro

O Concello de Ames, desde o departamento de Promoción Económica e Educación, abre a convocatoria para participar na Cabalgata de Reis deste ano, para que as nenas e nenos do concello poidan acompañar aos Reis Magos nas carrozas o día da cabalgata. O período de inscrición estará aberto desde o luns 16 de decembro ata o vindeiro domingo día 22 de decembro. A capacidade de cada carroza é de 14 rapaces, sendo as prazas ofertadas un total de 84. Poderán participar menores en idades comprendidas entre 6 e 12 anos, empadroados en Ames e que non participaran en cabalgatas anteriores. No caso de que non haxa rapaces suficientes para algunha das cabalgatas, poderase propoñer a cobertura con nenos e nenas que non teñan as preferencias solicitadas. Podes consultar as bases completas de inscrición na seguinte ligazón.

O programa "Volta ao cole co comercio" contou coa participación de máis de 2.500 persoas

A segunda edición de "Volta ao cole co comercio", unha iniciativa posta en marcha pola Concellaría de Promoción Económica de Ames, e que nesta ocasión contou tamén coa colaboración do departamento de Mocidade, logrou acadar un gran éxito nas súas catro xornadas. Arredor de 2.500 persoas achegáronse ao Milladoiro e a Bertamiráns para desfrutar das actividades para nenos e nenas e para a rapazada. As familias participantes entraron nos sorteos de vales e premios para o regreso ás aulas.

Eventos del departamento

>“Fase Festa”, con Pepo Suevos, no Milladoiro

Música e moito humor. O actor, guionista, humorista e veciño de Ames, Pepo Suevos, a cantante Fátima Pego e o músico Josep Ruíz, compoñentes da orquestra "Panorama", soben xuntos ao escenario para amosarnos “Fase Festa”, unha especie de verbena en pequeno formato, adaptada aos tempos que nos toca vivir.