- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
Como parte da Gran Festa de Reis organizada polo Concello de Ames, Melchor, Gaspar e Baltasar visitarán todos os recunchos da vila o 5 de xaneiro, enchendo o concello de maxia e ilusión. Mañá pola mañá, as Súas Maxestades visitarán as parroquias amesás e, xa pola tarde, percorrerán as rúas do Milladoiro e de Bertamiráns coas súas cabalgatas. Ese mesmo día, o fin de festa reunirá a grandes e pequenos nos pavillóns municipais para despedir ás Súas Maxestades de Oriente e desfrutar dunha merenda, amenizada cun espectáculo de animación infantil. Toda a programación municipal de Nadal pode consultarse premendo nesta ligazón.
Melchor, Gaspar e Baltasar van pasar tres días no concello de Ames escoitando os desexos dos máis pequenos e enchendo a vila de maxia e ilusión. A Gran Festa de Reis comeza este mércores cunha Recepción Real nos pavillóns de Bertamiráns e do Milladoiro (que se repetirá ao día seguinte, o 4 de xaneiro) para atender as peticións dos nenos e nenas amesás. O venres pola mañá, as Súas Maxestades visitarán as parroquias do municipio para que a súa maxia chegue a todos os recunchos do concello. Xa pola tarde, percorrerán as rúas do Milladoiro e de Bertamiráns coas súas cabalgatas. Ese mesmo día, o fin de festa reunirá a grandes e pequenos nos pavillóns municipais para despedir ás Súas Maxestades de Oriente e desfrutar dunha merenda amenizada cun espectáculo de animación infantil. Toda a programación municipal de Nadal pode consultarse premendo nesta ligazón.
A segunda edición do concurso “Canta con Ames” comezou o pasado venres, 1 de xullo, no Milladoiro, coa primeira xornada da fase de preselección, que se realizou na praza de Manuel Murguía e na que participaron 11 persoas. A segunda xornada de preselección realizouse o venres, 8 de xullo, no parque do Ameneiral, en Bertamiráns, no que actuaron outros 14 participantes. En total, nesta edición inscribíronse un total de 25 participantes de 7 a 74 anos, repartidos nas categorías infantil, xuvenil, sénior e súper sénior. Tralas dúas xornadas de preselección o xurado xa decidiu que 20 persoas pasan á semifinal que se vai desenvolver o 6 de agosto, ás 19.30h, na praza de Manuel Murguía, no Milladoiro.
A Xunta de Goberno Local aprobou este pasado xoves, 30 de xaneiro, a concesión dos premios ás persoas gañadoras do XIX concurso de escaparates de Nadal e do III concurso de decoración de Nadal veciñal. En total repartiranse 6.000 euros entre os gañadores/as. No concurso de escaparates entregaranse catro premios dotados cun total de 4.000 euros (1.500 euros para o primeiro, 1.100 para o segundo, 800 para o terceiro e 600 para o cuarto), mentres que no concurso de decoración veciñal repartiranse outros catro premios de 500 euros cada un.
A praza de Manuel Murguía no Milladoiro acolleu o pasado venres, 4 de agosto, a semifinal da terceira edición do concurso Canta con Ames. Dos 20 aspirantes, o xurado escolleu aos 12 seleccionados para pasar á final. Esta xornada do Canta con Ames contou, ademais, cunha convidada de excepción, María Iglesias, gañadora da categoría xuvenil da pasada edición do Canta con Ames que interpretou un tema. A final do concurso vaise celebrar o sábado 26 de agosto no parque do Ameneiral, en Bertamiráns. O xurado do concurso está composto por Inés Suárez, Noelia Bellas e Lara López, mentres que a presentadora é Loly Gómez.
Máis de 400 persoas se congregaron este sábado na praza de Manuel Murguía para desfrutar da semifinal da cuarta edición do concurso Canta con Ames. Dos 20 aspirantes, o xurado escolleu a 12 concursantes que son os que pasan á final. Esta xornada do Canta con Ames contou, ademais, cunha convidada de excepción, Antía Holovat, gañadora da categoría infantil da pasada edición do Canta con Ames, que interpretou un tema. A final do concurso vaise celebrar o vindeiro domingo, 11 de agosto, ás 19.00 horas, no parque do Ameneiral, en Bertamiráns. O xurado do concurso está composto por Inés Suárez, Noelia Bellas e Lara López, mentres que a presentadora é Loly Gómez. Premendo nesta ligazón podes acceder á galería de imaxes da semifinal.
A praza de Manuel Murguía no Milladoiro acolleu este sábado día 6 de agosto a semifinal do “Canta con Ames”. De entre os vinte participantes, o xurado escolleu aos 12 seleccionados para pasar á final. Esta xornada do “Canta con Ames” contou, ademais, con dúas convidadas de excepción, Carmen e Lara; as gañadoras da categoría infantil e xuvenil respectivamente da pasada edición do Canta con Ames que interpretaron un tema. A final do concurso vaise celebrar o 27 de agosto en Bertamiráns.
Onte o auditorio da Casa da Cultura do Milladoiro acolleu a gala de entrega de premios da sexta edición do certame fotográfico do parque empresarial do Milladoiro, na que se deron a coñecer os gañadores e gañadoras deste ano. A xornalista Salomé Beiroa foi a encargada de presentar a gala. Estivo acompañada polo humorista Pablo Rios que, a través do seu personaxe da Avoa Eufrasia, comentou unha a unha todas as fotografías. Acudiron á gala a meirande parte dos participantes no concurso. Repartíronse 700 euros en premios. Os galardoados na categoría infantil foron Alejandra Santos e Iria López, e Carolina Castro, Daniel Lado e Diego Espiña que participaban na categoría absoluta.
A Casa do Concello acolleu este xoves, 8 de febreiro, o acto de entrega de premios ás gañadoras e gañadores do XVIII concurso de escaparates de Nadal e do II concurso de decoración de Nadal veciñal. O alcalde de Ames, Blas García, a concelleira de Promoción Económica, Ana Belén Paz, e o técnico do departamento de Promoción Económica, Jorge Couñago , foron os encargados de repartir os galardóns, que consistiron nuns trofeos e diplomas. En total repartíronse 6.000 euros entre os gañadores/as. No concurso de escaparates repartíronse catro premios dotados cun total de 4.000 euros (1.500 euros para o primeiro, 1.100 para o segundo, 800 para o terceiro e 600 para o cuarto), mentres que no concurso de decoración veciñal repartíronse outros catro premios de 500 euros cada un.
O Concello de Ames, a través do departamento de Promoción Económica, organizou o pasado mes de decembro unha edición máis do concurso de escaparates de Nadal, e puxo en marcha, por primeira vez, o certame de decoración de Nadal veciñal. As iniciativas tiñan como obxectivo animar a que a veciñanza colaborase na ornamentación do concello e incentivar as compras nos comercios locais. O xurado, composto por catro persoas (representantes da Oficina municipal de Voluntariado de Ames, da Aula da Natureza, de Protección Civil e da Unión de Consumidores de Galicia), elixiu xa as mellores catro propostas de ambos concursos. En total repartiranse 6.000 euros entre os gañadores. A entrega de premios realizarase o vindeiro luns, día 13 de febreiro, ás 19:30 horas, na Casa do Concello.
- ‹ anterior
- 65 de 66
- seguinte ›
Trámites do departamento
Eventos del departamento
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán no Centro Social do Milladoiro, de 11:00 a 13:00 horas e de 17:00 a 19:00 horas.
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán na Casa dos Maiores de Bertamiráns, de 11:00 a 13:00 horas e de 17:00 a 19:00 horas.
A zona verde da travesía do Porto, no Milladoiro, e o parque do Ameneiral, en Bertamiráns, acollerán durante a primeira semana de setembro, por cuarto ano consecutivo, as xornadas “Volta ao cole co comercio”, que organiza a Concellaría de Promoción Económica e colaboración con XEA e coa participación do departamento de Mocidade. Esta iniciativa traerá dúas tardes de actividades para amenizar os preparativos da volta aos centros de ensino, fomentando á vez o comercio e a hostalaría nos dous principais núcleos de Ames.
A xornada de “Volta ao cole co comercio” do Milladoiro celebrarase finalmente este luns, 15 de setembro. Será a partir das 17.00 horas nas pistas deportivas do Milladoiro. A holi party incluída na programación da actividade realizarase no aparcamento da Casa da Cultura do Milladoiro, polo que estará prohibido estacionar no aparcadoiro desde as 14.00 ata as 22.00 horas do luns día 15.
O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.
O sábado, 15 de decembro, o Pazo da Peregrina de Bertamiráns acolle unha xornada sobre a economía social. Trátase dunha xornada lúdica, educativa e concienciadora dirixida a todos os públicos e que inclúe unha mesa redonda, a proxección dun documental ou un mercado de inverno entre outros. Desenvolverase entre as 10:30 e as 20:00 horas. O obxectivo desta iniciativa é achegarlle á veciñanza o xeito de vivir asociado á economía social, baseado no traballo colaborativo.
O Concello de Ames, a través da Concellaría de Promoción Económica, organizou unha xuntanza para o vindeiro luns, 13 de outubro, co obxectivo de que o persoal das empresas amesás relacionadas coa hostalería e a restauración poidan coñecer o mercado de horta e artesanía e os produtos alimentarios e artesanais que nel se expoñen e venden todos os sábado na praza da Maía, en Bertamiráns. Dito encontro celebrarase ás 9.30 horas no salón de plenos da Casa do Concello. As persoas que estean interesadas en acudir poden confirmar a súa asistencia enviando un correo electrónico ao enderezo promocioneconomica@concellodeames.gal.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Por mor do anuncio de chuvias, "A praia dos afogados" proxectarase no salón de actos da Casa da Cultura do Milladoiro e non no anfiteatro como estaba previsto.
Baseada na novela do mesmo nome de Domingo Villar e dirixida por Gerardo Herrero, “A praia dos afogados” é un thriller ambientado nas Rías Baixas. Está protagonizado polo inspector Leo Caldas, un dos personaxes emblemáticos das obras do escritor galego. Conta coa participación dun bo número de actrices e actores galegos, entre os que se atopa o veciño de Ames, Pepo Suevos.
A actividade forma parte do programa “Visións”, pertencente á rede cultural da Deputación e está incluída no programa de fomento da Economía e a Cultura en Ames, AmesON. A proxección ´´e de balde até completar aforo.
- ‹ anterior
- 22 de 22