O alcalde de Ames, Blas García, e a concelleira de Promoción Económica, Ana Belén Paz, participaron esta mañá na visita institucional á rodaxe do filme Un deus que non baila (anteriormente titulada Serenade), que foi un dos sete proxectos premiados con 10.000 euros cada un dentro do Ames AV LAB, para as actividades de definición e desenvolvemento inicial. Esta longametraxe conta coa dirección do amesán, Pedro Díaz, e con María Vázquez e Bruna Cusí nos papeis protagonistas.

O Concello de Ames participará un ano máis no encontro “Innpulso Emprende 2026”, organizado pola Red de Ciudades de la Ciencia y la Innovación (Red Innpulso), entidade dependente do Ministerio de Ciencia, Innovación e Universidades (MICIU). Ames forma parte desta rede dende o ano 2018. O evento celebrarase os días 29 e 30 de setembro na cidade de Terrassa. Premendo nesta ligazón podes consultar as bases completas da convocatoria.

O Concello de Ames, a través da Concellería de Promoción Económica e Emprego, amplía o número de postos do mercado tradicional dos sábados pola tarde en Bertamiráns, incluíndo 21 novos posto de venda ambulante, que se localizarán nos espazos que actualmente se atopaban baleiros das rúas Entrerríos e Ameneiral, e ampliase a localización do mercado incluíndo a praza do Concello. Deste xeito, o total de puntos de venta con esta ampliación pasará a ser de 62, con produtos de calzado, bixutería, complementos, téxtil, utensilios de cociña, embutidos, xoguetes didácticos, churros, verduras e froitas. Ademais, estréase a nova numeración do mercado trala colocación de chapas numeradas, e haberá animación musical, de 17.00 a 19.00 horas, a cargo da Asociación Cultural Os Castros.

O vindeiro martes, 26 de maio, o espazo colaborativo A Proa acolle unha xornada aberta ao público con motivo da Startup Europe Week, que se celebra do 25 ao 29 de maio. As persoas que o desexen poderán achegarse de 9:00 a 14:00 horas, para probar como é traballar en Espazo A Proa e coñecer a comunidade emprendedora do espazo. O obxectivo principal é amosar ás persoas emprendedoras locais os recursos e o apoio dispoñible no seu propio territorio para axudalas a prosperar. Durante a xornada participarán os técnicos municipais e as autoridades do Concello de Ames para presentar iniciativas e recursos de apoio ao emprendemento no municipio. Ademais, impartirase a charla formativa “Emprender sen filtros: compartindo os erros que máis ensinan”.