- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
13 actuacións musicais compoñen o programa “AmesON” co que, a Concellaría de Promoción Económica xunto coa de Cultura, xuntan forzas este verán para dinamizar a cultura e a economía en Ames durante os meses de xuño, xullo, agosto e setembro. Cómpre salientar que moitos e moitas das artistas que desfilarán polo AmesON son veciños e veciñas de Ames. Dará comezo o sábado19 de xuño coa actuación de Sond de Caracas no Milladoiro, ás 20.00 horas. A programación espallarase polas prazas de Manuel Murguía e da Madalena, no Milladoiro, e no Parque do Ameneiral, en Bertamiráns. Coma novidade, nesta edición haberá unha Festa Latina que homenaxeará a Cuba, o sábado 17 de xullo. O programa pecharase o 3 de setembro coa actuación da París de Noia e cos gañadores do concurso “Canta con Ames” como teloneiros. Todas as actuacións comezarán ás 20.00 horas. Podése ver o cartel ca programación nesta ligazón.
No marco das actividades de dinamización do mercado de produtos da horta e artesanía de Ames, este sábado 31 de xaneiro organízase unha nova sesión do Club tixolas, un club de cociña para nenos e nenas de 6 a 12 anos que pretende achegar aos máis pequenos ao mundo culinario e a realizar receitas con produtos frescos de proximidade. Terá lugar desde as 11.30 ata as 13.00 horas. A inscrición é de balde. Para inscribirse, hai que enviar un WhatsApp ao número de teléfono 667 665 705. Hai 30 prazas dispoñibles que se cubrirán por orde de inscrición. O mercado celébrase na praza da Maía, en Bertamiráns, en horario de 10.00 a 13.30 horas.
O Concello de Ames, a través da Concellaría de Promoción Económica, organiza a segunda edición do concurso de decoración de Samaín, unha iniciativa que fixo a súa estrea o ano pasado e gozou dunha gran acollida entre a veciñanza e os comerciantes amesáns. Deste xeito, preténdese fomentar o comercio local de Ames nunha das noites de maior consumo de todo o ano xunto coa de fin de ano. Repartiranse 2.000 euros en premios: 1.000 euros para o primeiro, 600 para o segundo e 400 para o terceiro. A decoración deberá estar exposta como mínimo dende o luns 27 de outubro ata o domingo 2 e novembro. As inscricións poderán tramitarse dende mañá, 16 de outubro, ata o vindeiro día 22. O motivo e decoración dos escaparates terán como tema principal a festa do Samaín.
Esta mañá foi presentada a terceira edición do concurso de fotografía “Ilumina o teu sorriso”, organizado polas tres asociacións de comerciantes e empresarios amesás, e coa colaboración da Concellaría de Promoción Económica, Rueiro Clínica Dental e o estudo Javier Troitiño Fotógrafo. Para participar na campaña, cómpre facerse dúas fotos en dous dos seis lugares seleccionados polas súas decoracións de Nadal: nas prazas do Concello, da Maía e de Chavián, en Bertamiráns, ou ben nas prazas de Manuel Murguía, da Madalena ou en Anxeriz, no Milladoiro. As persoas participantes poden gañar un teléfono móbil de última xeración, doado por Rueiro Clínica Dental. O obxectivo da proposta é “fomentar e dinamizar o comercio local”, segundo a concelleira de Promoción Económica, Ana Belén Paz.
O Salón de Plenos da Casa do Concello de Bertamiráns acolleu esta mañá a presentación das xornadas “Volta ao cole co comercio”, unha iniciativa que se desenvolverá por terceiro ano consecutivo e que ten como obxectivo dinamizar o comercio e a hostalaría local nos días previos ao comezo do curso lectivo. As concellarías de Promoción Económica e Emprego, Mocidade e Benestar Social, en colaboración coa Xuntanza de Empresarios de Ames, ofrecerán dúas propostas de tardes lúdicas e sorteos que se desenvolverán o 4 de setembro no Milladoiro e o día 6 en Bertamiráns. Haberá iniciativas para nenos e nenas a partir dos 3 anos. Ademais, sortearanse vales de compra no comercio local valorados en 1.500 euros. Como novidade, este ano a celebración conta co patrocinio da empresa Evoa Redes SL.
O Salón de Plenos da Casa do Concello de Bertamiráns acolleu esta mañá a presentación das xornadas “Volta ao cole co comercio”, unha iniciativa que se desenvolverá por segundo ano consecutivo e que ten como obxectivo dinamizar o comercio e a hostalaría local nos días previos ao comezo do curso lectivo. As concellarías de Promoción Económica e Emprego e Mocidade, en colaboración coa Xuntanza de Empresarios de Ames, ofrecerán dúas propostas de tardes lúdicas e sorteos que se desenvolverán o 4 e o 6 de setembro no Milladoiro e os días 5 e 7 en Bertamiráns. Haberá iniciativas para nenos e nenas de ata 11 anos e para a mocidade a partir dos 12. Ademais, sortearanse 200 premios valorados en máis de 2.000 euros.
O parque do Ameneiral acolleu esta mañá a presentación das xornadas “Volta ao cole co comercio”, unha iniciativa organizada polas Concellarías de Promoción Económica e Mocidade, en colaboración coa Xuntanza de Empresarios de Ames (XEA), que se celebra por cuarto ano consecutivo e ten como obxectivo dinamizar o comercio e a hostalaría local nos días previos ao comezo do curso escolar e a volta á rutina. Realizaranse dúas xornadas, unha no Milladoiro o vindeiro mércores 3 de setembro, e outra en Bertamiráns o venres día 5. Nestas propostas de tardes lúdicas, haberá actividades para os nenos e nenas, sorteos e premios. Ademais, o Concello de Ames organizará un sorteo de 40 vales en total, cun importe de 20 euros cada un para gastar en diferentes librerías e papelerías de Bertamiráns e do Milladoiro. Por outra banda, dende XEA organizarán unha ruleta na que se sortearán libretas, bolígrafos, rotuladores, xogos, bolsas de tea e bolsas de lambetadas. Para participar, é preciso realizar unha compra superior a 10€ nos establecementos adheridos a XEA nos días previos ás xornadas.
O Concello de Ames, a través das Concellarías de Promoción Económica e Xestión do Medio Natural, vén de presentar unha nova edición dos seus tradicionais concursos de decoración de Nadal destinados á veciñanza e aos comerciantes locais. Estas iniciativas, consolidadas xa como un dos clásicos do Nadal amesán, busca a colaboración de toda a veciñanza na decoración do concello durante estas festas. Deste xeito, comercios e particulares decorarán establecementos, vivendas, xardíns, fiestras ou balcóns coa temática de Nadal. En total repartiranse 6.000 euros en premios: 4.000 destinados ao concurso de escaparates e 2.000 ao de decoración veciñal. O prazo de inscrición estará aberto do 5 ao 12 de decembro. Ao pé desta nova podes consultar as bases dos concursos e descargar os impresos de solicitude editables.
O Concello de Ames, a través da Concellaría de Promoción Económica, puxo en marcha a terceira edición do concurso de decoración de Nadal veciñal en Ames, unha iniciativa que pretende fomentar á colaboración da veciñanza na decoración do municipio nestas festas. O prazo de de inscrición está aberto ata o vindeiro luns 16 de decembro, as solicitudes deberán de facerse a través da Sede electrónica do Concello de Ames ou de xeito presenciar nos rexistros municipais. Os concursantes terán que enviar dúas fotos da súa decoración ao enderezo de correo electrónico promocioneconomica@concellodeames.gal antes do 18 de decembro.
Dende hoxe, sábado 12 de abril, xa está aberto o prazo para solicitar as axudas para a promoción do comercio local. A convocatoria de ditas axudas saíu publicada no BOP da xornada de onte, venres 11 de abril, co cal o prazo para presentar as solicitudes é dun mes dende o día seguinte de dita publicación, polo que estará aberto ata o 11 de maio. O importe desta convocatoria de subvención é de 40.000 euros: 33.000 euros para a promoción comercial e 7.000 euros para infraestruturas e equipamentos. As solicitudes hai que presentalas a través da Sede electrónica do Concello de Ames ou do Rexistro electrónico do Punto de Acceso Xeral do Estado (REC).
- ‹ anterior
- 64 de 66
- seguinte ›
Trámites do departamento
Eventos del departamento
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán no Centro Social do Milladoiro, de 11:00 a 13:00 horas e de 17:00 a 19:00 horas.
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán na Casa dos Maiores de Bertamiráns, de 11:00 a 13:00 horas e de 17:00 a 19:00 horas.
A zona verde da travesía do Porto, no Milladoiro, e o parque do Ameneiral, en Bertamiráns, acollerán durante a primeira semana de setembro, por cuarto ano consecutivo, as xornadas “Volta ao cole co comercio”, que organiza a Concellaría de Promoción Económica e colaboración con XEA e coa participación do departamento de Mocidade. Esta iniciativa traerá dúas tardes de actividades para amenizar os preparativos da volta aos centros de ensino, fomentando á vez o comercio e a hostalaría nos dous principais núcleos de Ames.
A xornada de “Volta ao cole co comercio” do Milladoiro celebrarase finalmente este luns, 15 de setembro. Será a partir das 17.00 horas nas pistas deportivas do Milladoiro. A holi party incluída na programación da actividade realizarase no aparcamento da Casa da Cultura do Milladoiro, polo que estará prohibido estacionar no aparcadoiro desde as 14.00 ata as 22.00 horas do luns día 15.
O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.
O sábado, 15 de decembro, o Pazo da Peregrina de Bertamiráns acolle unha xornada sobre a economía social. Trátase dunha xornada lúdica, educativa e concienciadora dirixida a todos os públicos e que inclúe unha mesa redonda, a proxección dun documental ou un mercado de inverno entre outros. Desenvolverase entre as 10:30 e as 20:00 horas. O obxectivo desta iniciativa é achegarlle á veciñanza o xeito de vivir asociado á economía social, baseado no traballo colaborativo.
O Concello de Ames, a través da Concellaría de Promoción Económica, organizou unha xuntanza para o vindeiro luns, 13 de outubro, co obxectivo de que o persoal das empresas amesás relacionadas coa hostalería e a restauración poidan coñecer o mercado de horta e artesanía e os produtos alimentarios e artesanais que nel se expoñen e venden todos os sábado na praza da Maía, en Bertamiráns. Dito encontro celebrarase ás 9.30 horas no salón de plenos da Casa do Concello. As persoas que estean interesadas en acudir poden confirmar a súa asistencia enviando un correo electrónico ao enderezo promocioneconomica@concellodeames.gal.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Por mor do anuncio de chuvias, "A praia dos afogados" proxectarase no salón de actos da Casa da Cultura do Milladoiro e non no anfiteatro como estaba previsto.
Baseada na novela do mesmo nome de Domingo Villar e dirixida por Gerardo Herrero, “A praia dos afogados” é un thriller ambientado nas Rías Baixas. Está protagonizado polo inspector Leo Caldas, un dos personaxes emblemáticos das obras do escritor galego. Conta coa participación dun bo número de actrices e actores galegos, entre os que se atopa o veciño de Ames, Pepo Suevos.
A actividade forma parte do programa “Visións”, pertencente á rede cultural da Deputación e está incluída no programa de fomento da Economía e a Cultura en Ames, AmesON. A proxección ´´e de balde até completar aforo.
- ‹ anterior
- 22 de 22