Pestanas principais

Departamento de Normalización Lingüística

    • Enderezo: Pazo da Peregrina. Avenida de Azcárraga, nº 5, Bertamiráns. 15220 Ames.
    • Teléfono:  662 37 72 15
    • Horario de atención ao público: de 9:00 - 14:00 h
    • Responsable municipal: Concellaría de Normalización Lingüística
    • Responsable técnica: Rosa Moreiras Cuñarro, técnica de normalización lingüística
    • Obxectivo principal do servizo:
      • Incrementar o uso e o prestixio da lingua galega en todos os ámbitos municipais.

O Servizo de Normalización Lingüística do Concello de Ames recibe unha subvención anual para gastos de persoal da Deputación da Coruña e outra da Xunta de Galicia.

Outros Datos: 
  • Funcións:
    • Asesorar e colaborar coa planificación lingüística do Concello de Ames
    • Promover actuacións para aumentar o uso do galego no ámbito municipal, de acordo coa normativa vixente, e entre a veciñanza
    • Contribuír á formación lingüística da veciñanza e do persoal municipal
    • Mellorar a calidade lingüística e comunicativa do Concello de Ames
    • Informar e asesorar sobre dereitos lingüísticos da veciñanza e deberes lingüísticos municipais
    • Asesorar sobre cuestións lingüísticas á veciñanza e ao persoal municipal

Novas do departamento

A Real Academia Galega e o Concello de Ames blindan o proxecto ‘Modo galego, actívao!’ cun convenio ata o ano 2026

No curso 2022-2023 a Real Academia Galega e o Concello de Ames estrearon Modo galego, actívao!, un proxecto colaborativo pioneiro que implicou, tras un rigoroso diagnóstico da situación de partida, a posta en marcha de iniciativas de dinamización lingüística alén das aulas entre a rapazada dos colexios de infantil e primaria deste municipio da área periurbana de Santiago de Compostela. Tras os bos resultados obtidos na experiencia piloto, ambas as partes decidiron estender a colaboración coa sinatura dun  convenio ao abeiro do cal se prevé ampliar o programa aos primeiros niveis da ESO nos vindeiros cursos, entre outras medidas que comparten o obxectivo común de frear o abandono do galego na infancia.

A Real Academia Galega e o Concello de Ames celebran a consolidación de Modo Galego, actívao!, un programa arrolado desde o local para se espallar polo país

“Se eu mostro entusiasmo, o alumnado responde ben. E eu este ano estou entusiasmada con Modo Galego, actívao!, di animosa María Isabel Rodríguez, responsable do Equipo de Dinamización Lingüística (EDL) do CEIP A Maía. “Escoller as parroquias de Ames como fío condutor para infantil e primaria foi un acerto. Estamos a desfrutar moito cos retos que se propoñen e que implican descubrir a contorna, investigar e aprender sobre lugares polos que pasamos habitualmente e non reparamos, coñecer os nosos ríos, a pegada de Rosalía de Castro no noso municipio...”, salienta sobre a última edición do proxecto para a promoción do galego que a Real Academia Galega e o Concello de Ames puxeron en marcha en 2023, que se desenvolve ata o 6 de febreiro coa colaboración de case 300 docentes e uns 200 profesionais da educación non formal.

A Real Academia Galega edita unha guía para o plurilingüismo inclusivo dende o galego

A Real Academia Galega presentará o luns 6 de xuño, ás 20.00 horas, Ideas para un plurilingüismo dende o galego no Concello de Ames. O acto de presentación realizarase no auditorio da Casa da Cultura do Milladoiro. A guía responde á demanda de formación do profesorado sobre o tema que aborda, ofrece aclaracións conceptuais e propón estratexias de cara á planificación nos centros educativos.

A Real Academia Galega, o Concello de Ames e representantes da comunidade escolar presentan os resultados da experiencia de inmersión lingüística de preto de 3.000 nenos e nenas

A Casa da Cultura de Bertamiráns acollerá mañá mércores, 22 de marzo, a presentación da valoración dos resultados da experiencia de inmersión lingüística na que participaron durante tres semanas de preto de 3.000 nenos e nenas dos centros educativos de infantil e primaria amesáns no marco do proxecto Modo galego, actívao!, promovido pola Real Academia Galega e o Concello de Ames. O acto, de entrada libre, terá lugar a partir das 19:00 horas e contará coa participación de representantes da Academia e do Concello e mais da comunidade educativa. Estrearase ademais un vídeo de sensibilización gravado por alumnado, e que poderá verse nas redes sociais da Academia e do Concello de Ames.

A sesión de contos con música en directo para bebés, “Comerá o bebé?”, terá lugar o próximo xoves, 13 de febreiro, na Casa da Cultura de Bertamiráns

“Comerá o bebé?” é unha sesión de contos, poemas, xogos de mans, música e moito máis encadrada dentro do programa Apego. Terá lugar o próximo xoves, 13 de febreiro, na Casa da Cultura de Bertamiráns, en dúas sesións: unha ás 17.30 horas e outra ás 18.30 horas. Unha actividade de balde, destinada a familias que se encontren agardado un bebé ou teñan crianzas de menos de 3 anos.

A V Festa do Apego celébrase na Casa da Cultura de Bertamiráns e no Pazo da Peregrina

O Concello de Ames, a través da Concellería de Normalización Lingüística, organiza a V Festa do Apego, que se celebra ao longo de toda a xornada de hoxe no Pazo da Peregrina de Bertamiráns a excepción dos concertos de Golfiños e  Oviravai, que trasladan á Casa da Cultura de Bertamiráns. Haberá maxia, contos con música, xogos, concertos, teatro de monicreques, obradoiros e moitas máis actividades. A entrada é libre e de balde. Premendo nesta ligazón pódese acceder á programación completa do evento. A través desta ligazón pódese acceder á galería de imaxes do evento.

Aberta inscrición para participar na andaina de presentación da Ruta Apego de Lens

O xoves, 16 de setembro, presentarase a Ruta do Apego de Ames, situada nun dos tramos da ruta das Ribeiras do Tambre, entre os lugares de Lens e Oca. Con este motivo organízase nun andaina guiada dirixida a familias con crianzas na se realizarán actividades ambientais. As persoas interesadas en asistir  poden anotarse ata o 15 de setembro enviando un email a normalizacion@concellodeames.gal no que se indique nome e apelidos das persoas quen van participar,  idade das crianzas e un teléfono de contacto.

Aberto ata o 30 de abril o prazo para participar no XXII Certame Literario Concello de Ames

Desde a Concellaría de Normalización Lingüística lémbrase que está aberto o prazo para participar na XXII edición do Certame Literario de Ames, no que todas as persoas que o desexen poden presentar os seus textos inéditos de temática libre escritos en lingua galega. O prazo de presentación está aberto ata o vindeiro día 30 de abril. Pódese consultar o resumo das bases do certame na seguinte ligazón e descargar a ficha de participación nesta outra ligazón. Así mesmo, tamén se pode consultar o folleto con toda a información desta edición do Certame Literario na seguinte ligazón.

Aberto ata o 30 de abril o prazo para participar no XXIII Certame Literario Concello de Ames

Desde a Concellaría de Normalización Lingüística lémbrase que está aberto o prazo para participar na XXIII edición do Certame Literario de Ames, no que todas as persoas que o desexen poden presentar os seus textos inéditos de temática libre escritos en lingua galega. O prazo de presentación está aberto ata o vindeiro día 30 de abril. Pódese consultar o resumo das bases do certame na seguinte ligazón e descargar a ficha de participación nesta outra ligazón. Así mesmo, tamén se pode consultar o folleto con toda a información desta edición do Certame Literario na seguinte ligazón.

Aberto o prazo de inscrición no obradoiro Familia Delas Fest, que se celebra este venres, día 1

O festival feminista de arte urbana e contextual, o Delas Fest, desenvolve por primeira vez en Ames o Familia Delas Fest, un obradoiro que busca achegar á cativada á arte urbana contextual dun xeito lúdico. Será este venres, 1 de setembro, ás 17:00 horas no Pazo da Peregrina de Bertamiráns. A actividade destínase a familias con crianzas a partir de 3 anos. Para inscribirse é preciso enviar un correo ao enderezo electrónico 7hcoop@7hcoop.gal ou cubrir este formulario.

Eventos del departamento

> Vive a lingua

Grandes xogos teatralizados sobre cultura e lingua, no Pazo da Peregrina de Bertamiráns. Actividades orientadas á rapazada dende os 8 ata os 17 anos. "A casa do mago", de 16:00 a 17:30 horas, é un xogo de pistas para rapazada de entre 8 e 12 anos, no que, en grupos, as participantes terán que realizar distintas probas acompañadas das variopintas personaxes teatralizadas por monitores e monitoras. "O misterio das pantasmas", de 18:30 a 20:00 horas, é un xogo de investigación no que a rapazada, de 13 a 17 anos, terá que resolver enigmas, descifrar códigos e, sobre todo, interactuar coas diferentes personaxes históricas para acceder á información e resolver o misterio. Cómpre inscrición previa, cun aforo máximo de 40 persoas.

> “Linguaxe e evolución do 'eu'”, charla do programa Apego

Xurxo Mariño (biólogo, experto en neurociencia e divulgador científico) ofrece unha charla sobre o papel da linguaxe na evaluación das crianzas.

Desenvolverase na Casa da Cultura do Milladoiro hoxe, xoves, 18 de novembro, ás 20:00 horas.

A actividade é de balde e está dirixida a público adulto.

INSCRICIÓN PREVIA do 10 ao 17 de novembro enviando un
correo a normalizacion@concellodeames.gal.

>"A alquimista" de Cristina Collazo

O Concello de Ames presenta unha ampla e variada programación con Apego para os meses de setembro, outubro, novembro e decembro de 2025. O obxectivo central de todas estas actividades é achegarlles recursos e propostas creativas ás familias para facilitarlles a transmisión da lingua e favorecer unha crianza positiva e con moito apego polo noso. 

>"A maxia está nos contos" do Mago Paco

O Concello de Ames presenta a programación infantil con Apego para o primeiro semestre do 2025 na que colaboran os departamentos de Bibliotecas, Cultura e Normalización Lingüística. O programa inclúe arredor de 40 actividades dirixidas a familias con crianzas que se desenvolverán entre os meses de xaneiro e xuño. Na ampla variedade de propostas, coas que tamén se festexará o ano das cantareiras, podemos atopar actividades que van desde arrolos, música de diferentes estilos, obradoiros, teatro, contos, picadiscos, novo circo, unha foliada, fotografía, xogos, unha viaxe, maxia e unha festaza con moito Apego, todas elas co obxectivo de achegarlles ás familias recursos lúdicos e culturais que estimulen o coñecemento e o apego pola lingua.

>"Alfabeto Castelao" de Soledad Felloza

O programa Apego continúa coa súa programación de actividades para as crianzas nestes meses de outono. Nesta ocasión, organizan o vindeiro venres 28 de novembro ás 18.00 horas, no Pazo da Peregrina, en Bertamiráns, a sesión de contos “Alfabeto Castelao”, de Sole Felloza. Deste xeito, o programa Apego, súmase á celebración do Ano Castelao cunha sesión de contos a cargo dunha das mellores contadoras do país. O prazo de inscrición está aberto desde hoxe, 20 de novembro, ata o xoves día 27. Para participar é preciso enviar un correo ao enderezo electrónico normalizacion@concellodeames.gal no que se indique o nome e apelidos das persoas asistentes, a idade das crianzas e un teléfono de contacto.

>"Arrolos de salitre" de Guadi Galego e Guillerme Fernández

O Concello de Ames presenta a programación infantil con Apego para o primeiro semestre do 2025 na que colaboran os departamentos de Bibliotecas, Cultura e Normalización Lingüística. O programa inclúe arredor de 40 actividades dirixidas a familias con crianzas que se desenvolverán entre os meses de xaneiro e xuño. Na ampla variedade de propostas, coas que tamén se festexará o ano das cantareiras, podemos atopar actividades que van desde arrolos, música de diferentes estilos, obradoiros, teatro, contos, picadiscos, novo circo, unha foliada, fotografía, xogos, unha viaxe, maxia e unha festaza con moito Apego, todas elas co obxectivo de achegarlles ás familias recursos lúdicos e culturais que estimulen o coñecemento e o apego pola lingua.

>"Caldo con unto e ósos de defunto" de Ángeles Goás

O programa Apego continúa coa súa programación para as crianzas nestes meses de outono. Desta volta, o venres 31 de outubro, ás 18.00 horas, festexarase o Samaín cunha sesión de contos de medo a cargo de Ángeles Goás. “Caldo con unto e ósos de defunto!” é unha sesión de contos para vivos que se acordan dos mortos. Contos que queren ser de medo pero que tamén dan risa. Esta proposta é de balde e está dirixida para público familiar. O prazo de inscrición está aberto desde o 23 ata o 30 de outubro. Para participar é preciso enviar un correo ao enderezo electrónico normalizacion@concellodesmes.gal no que se indique o nome e apelidos das persoas asistentes, a idade das crianzas e un teléfono de contacto.

>"Canta, buguina, canta!" de Marta Ortiz

O Concello de Ames presenta a programación infantil con Apego para o primeiro semestre do 2025 na que colaboran os departamentos de Bibliotecas, Cultura e Normalización Lingüística. O programa inclúe arredor de 40 actividades dirixidas a familias con crianzas que se desenvolverán entre os meses de xaneiro e xuño. Na ampla variedade de propostas, coas que tamén se festexará o ano das cantareiras, podemos atopar actividades que van desde arrolos, música de diferentes estilos, obradoiros, teatro, contos, picadiscos, novo circo, unha foliada, fotografía, xogos, unha viaxe, maxia e unha festaza con moito Apego, todas elas co obxectivo de achegarlles ás familias recursos lúdicos e culturais que estimulen o coñecemento e o apego pola lingua.

>"Contos debuxados, debuxos contados" de Caxoto e Marc Taeger

O programa Apego continúa coa súa programación de actividades para as crianzas nestes meses de outono. Nesta ocasión, organizan o vindeiro xoves, 4 de decembro, ás 18.00 horas, no Pazo da Peregrina, en Bertamiráns, a actividade “Contos debuxados, debuxos contados”, de Caxoto e Marc Taeger. O prazo de inscrición está aberto desde hoxe, 27 de novembro, ata o mércores 3 de decembro. Para participar é preciso enviar un correo ao enderezo electrónico normalizacion@concellodeames.gal no que se indique o nome e apelidos das persoas asistentes, a idade das crianzas e un teléfono de contacto.

>"Ecoralia, a lambona ecolóxica" de Pakolas

O Concello de Ames presenta a programación infantil con Apego para o primeiro semestre do 2025 na que colaboran os departamentos de Bibliotecas, Cultura e Normalización Lingüística. O programa inclúe arredor de 40 actividades dirixidas a familias con crianzas que se desenvolverán entre os meses de xaneiro e xuño. Na ampla variedade de propostas, coas que tamén se festexará o ano das cantareiras, podemos atopar actividades que van desde arrolos, música de diferentes estilos, obradoiros, teatro, contos, picadiscos, novo circo, unha foliada, fotografía, xogos, unha viaxe, maxia e unha festaza con moito Apego, todas elas co obxectivo de achegarlles ás familias recursos lúdicos e culturais que estimulen o coñecemento e o apego pola lingua.