Pestanas principais

Departamento de Xuventude

    • Enderezo:
      • Luns, mércores e xoves na Casa do Concello. Praza do Concello, nº2 Bertamiráns. 15220 Ames
      • Martes e venres na Casa da Cultura de Milladoiro. Tavesía do Porto s/n Milladoiro. 15895 Ames
    • Teléfono: 616 08 32 29
    • Horario de atención ao público: 09:00 a 14:00 horas.
    • Responsable municipal:  Concellaría de Mocidade
    • Responsable técnico: Pilar Villaverde Cutrín, técnica de mocidade e información xuvenil.
Outros Datos: 
  • Funcións:
    • Orientar e asesorar á mocidade de Ames,  garantindo que toda a poboación xuvenil do concello teña acceso a unha información ampla, obxectiva e actualizada en relacion aos seus intereses e necesidades.
    • Organizar, xestionar e promover programas e actividades formativas no marco da educación non formal orientadas a facer efectivas a igualdade de oportunidades e o desenvolvemento integral da mocidade a nivel formativo, laboral, familiar, etc.
    • Abordar medidas de cara a mellorar a calidade de vida da poboación xuvenil en diferentes ámbitos como o lecer e tempo libre, saude, educación en valores (igualdade de  oportunidades, interculturalidade,  violencia  de xénero, discapacidade…).
    • Favorecer a participación activa da mocidade na vida social e comunitaria, a través da dinamización de grupos informais e asociacións xuvenis.
    • Dar resposta a cantas dúbidas ou inquedanzas xurdan na mocidade apoiando e dando forma ás súas propostas e iniciativas en calquera ámbito de actuación do seu interese (cultural, formativo, ocio,...).
  • Novas relacionadas
  • Axenda.
  • Normativa
    • Lei 6/2012, de 19 de xuño, de xuventude de Galicia (DOG nº 139 do 20 de xullo de 2012).
    • Lei 39/2015 do procedemento administrativo común das administracións públicas
    • Lei 7/2007 do Estatuto básico do empregado público
    • Lei 2/2015 da función pública de Galicia
    • Lei 7/1985 das bases do réxime local

 

Novas do departamento

Amplíase o prazo de inscricións para o curso de monitores de tempo libre ata o vindeiro xoves, 2 de marzo

O departamento de Xuventude do Concello de Ames informa de que o prazo para inscribirse no curso de monitores de tempo libre que se impartirá no Pazo da Peregrina durante os meses de marzo, abril e maio amplíase ata o vindeiro xoves, 2 de marzo. Dito curso ten un prezo de 172 euros e está dirixido a mozos/as maiores de 18 anos que conten co graduado en educación secundaria ou equivalente, ou ben que sexan técnicos auxiliares en formación profesional. Os interesados en participar deben cubrir a ficha de inscrición e presentala no rexistro municipal (presencialmente ou a través da Sede electrónica do Concello), xunto cunha fotocopia do seu DNI e da súa titulación académica. De non reunir quince participantes, o mínimo para o desenvolvemento das clases, o curso quedará suspendido. As bases ao completo e o calendario poden consultarse premendo nesta ligazón.

Arranca a segunda edición do Certame Galetiktokers, con 600 euros en premios

Os  departamentos de Mocidade e Normalización Lingüística de Ames continúan por segundo ano o certame Galetiktokers, co que buscan estimular a creatividade entre a mocidade, animar a creación de vídeos en galego con novos formatos e temáticas, e darlle visibilidade á crecente comunidade galega na rede social TikTok. Esta mañá, a concelleira de Mocidade e Normalización Lingüística, Escarlata Pampín, xunto ás influencers e presentadoras Lucía Rodríguez e Fátima Pego, presentou o certame, que busca aproveitar o “ talento da xente moza” para “espallar a nosa lingua”, con contidos audiovisuais adaptados a elas e eles.  Nesta edición poderá participar rapazada a partir dos 13 anos de calquera parte do mundo, enviando o seu vídeo e esta ficha de participación ao enderezo electrónico galetiktokers21@gmail.com, ata o 19 de novembro. Repartiranse catro premios de 150 euros nunha gala que se celebrará o 16 de decembro, na Casa da Cultura de Bertamiráns.

Arranca o Programa de sexualidade positiva e saudable [con]sentido para a mocidade

A concellaría de Mocidade vai iniciar o luns día 26 de xullo o programa [con]sentido cunha ampla programación que abrangue un concurso de fotografía, obradoiros de sexualidade, xornadas de Educación Sexual e un videoforum. Con este programa darase resposta á demanda da mocidade amesá nos Orzamentos participativos do ano 2020.

Arredor de 300 mozos e mozas participaron nas sete actividades do programa Trouleando durante o 2021

Entre abril e novembro de 2021, a Concellaría de Mocidade de Ames puxo en marcha sete propostas de ocio saudable baixo o programa Trouleando, do que están “moi satisfeitas coa súa acollida”, segundo a concelleira Escarlata Pampín. Unha media dunhas 40 mozas e mozos sumáronse mensualmente a estas actividades, ofertadas unha fin de semana ao mes como alternativa de ocio participativo, igualitario e saudable. Ademais, este ano contaron coa opinión directa da mocidade, que puido mostrar os seus gustos persoais a través dunha enquisa nas redes sociais da OMIX de Ames.

Biduído acolle este sábado una nova edición do SolporSon no que haberá unha Holi Party e un concerto de Boyanka Kostova

Este sábado, 9 de xullo, realizarase, no campo da festa de Biduído, unha nova edición do SolporSon de Ames. A festa arrancará ás 18:30 cunha Holi Party, trátase dun espectáculo participativo no que lanzarán 150 quilos de po de cores ao ritmo marcado polos DJ´s Dumore e Enter. Despois da festa, ás 22.30 horas, tomará o relevo Boyanka Kostova, considerados os pioneiros do trap en galego. Para asistir ao festival haberá servizo de buses dende o Milladoiro e Bertamiráns co obxectivo de que a mocidade poida acudir e volver á Holi Party e ao concerto sen necesidade de utilizar vehículo propio.

Biduído acollerá unha nova edición do festival SolporSon coa presenza de A Quinkillada, Jinetes del Trópico e Señora DJ

O sábado 8 de xullo terá lugar, no campo da festa de Biduído, unha nova edición do SolporSon de Ames. A festa arrincará ás 22:00 horas, e ata as 3:00 da madrugada sucederanse as actuacións de A Quinkillada, Jinetes del Trópico e Señora DJ. Poñerase a disposición dos asistentes un servizo de autobús para acudir e volver do festival. A entrada será libre e gratuíta. 

Biduído tinguirase de cor e de música trap no SolporSon 2022

O sábado 9 de xullo realizarase, no campo da festa de Biduído, unha nova edición do SolporSon de Ames. A festa arrancará ás 18:30 cunha Holi Party, trátase dun espectáculo participativo no que lanzarán 150 quilos de po de cores ao ritmo marcado polos DJ´s Dumore e Enter. Despois da festa tomará o relevo Boyanka Kostova, considerados os pioneiros do trap en galego. Para asistir haberá servizo de buses dende O Milladoiro e Bertamiráns tanto para acudir como para volver á Holi Party e ao concerto.

Bota a andar o novo Club Xuvenil de Ames “Distrito 13 17” que está dirixido á mocidade amesá

O salón de plenos da Casa do Concello acolleu esta mañá a presentación dunha nova iniciativa promovida pola Concellaría de Mocidade. Trátase do novo Club Xuvenil de Ames Distrito 13 17, un espazo pensado para a xente nova de 13 a 17 anos con ganas de pasalo ben, coñecer xente, crear, participar e facer cousas diferentes. Este proxecto de lecer busca dinamizar e promover a participación da xuventude a través dunha batería de actividades lúdicas e formativas de diversa temática. As actividades comezan o venres, 6 de febreiro, no Pazo da Peregrina, en Bertamiráns, en horario de 19.00 a 21.00 horas, coa iniciativa Creando Rede. Haberá programación cada 15 días durante todo o ano, agás nos meses de verán. Premendo nesta ligazón podes descargar a programación completa de 2026.

Bota a andar o programa de ocio Trouleando que está dirixido á mocidade amesá

O salón de plenos da Casa do Concello acolleu esta mañá a presentación dunha nova iniciativa promovida pola Concellaría de Mocidade. Trátase do programa Trouleando (Findes para a mocidade), a través do cal se organizarán diferentes actividades lúdicas, deportivas e culturais, durante as tardes - noites do fin de semana. Estas actividades en principio vanse a desenvolver nalgún dos fin de semana da última quincena de cada mes do ano. Dita iniciativa comeza cuns obradoiros de danza urbana, que se desenvolverán o vindeiro venres, 31 de xaneiro, entre as 19.30 e as 21.00 horas, na praza da Maía, en Bertamiráns.

Case 60 nenos e nenas participaron no Campamento Dixital que acolleu a Aula AmTIC do Milladoiro durante o mes de agosto

A concellaría de Mocidade organizou durante o mes de agosto, e a primeira semana de setembro, un Campamento Dixital para a rapazada que se desenvolveu na Aula AmTIC do Milladoiro. Participaron un total de 56 nenos e nenas neste programa no que puideron adquirir diferentes competencias e habilidades no ámbito dixital dunha forma lúdica e adaptada a eles. 

Eventos del departamento

>Gala do VI certame Galetiktokers

A Casa da Cultura de Bertamiráns acolle este sábado, 22 de novembro, ás 19:00 horas, a gala de entrega de premios do VI Certame Galetiktokers, unha iniciativa dos departamentos de Xuventude e de Normalización Lingüística do Concello de Ames, que se realiza por sexto ano consecutivo e que ten como obxectivo fomentar e impulsar a creatividade da rapazada e animar a creación de vídeos en galego a través das redes sociais e das novas canles de comunicación. Nesta edición presentáronse 56 vídeos, realizados por arredor de 100 mozos/as de Ames e doutras localidades de Galicia. O evento estará presentado pola actriz e presentadora Carlota Mosquera e amenizado musicalmente polo grupo Sacha na Horta. A gala é aberta ao público e para reservar praza cómpre confirmar asistencia enviando un correo electrónico ao enderezo: galetiktokers25@gmail.com. A gala será emitida en directo a través do Instagram de Xuventude Ames.

>Masterclass Zumba Fitness

A actividade, destinada a todos os públicos, terá lugar na Paraza de Chavián en Bertamiráns. En caso de choiva trasladarase ao pavillón municipal.

>Obradoiro de Son

O espazo multicultural de A Factoría, e Biduido, organiza dous obradoiros de son o 27 e o 28 de decembro, ambos ás 11:00 horas.

 

>Obradoiro linguaxe de signos no Milladoiro

O obradoiro de linguaxe de signos familiar celebrarase no local Retumban Risas, no Milladoiro, de 17:00 a 19:00 horas . Para asistir a estas actividades, débese inscribirse previamente cubrindo este impreso para os nenos e nenas. Tamén se pode solicitar enviando un correo electrónico a promocioneconomica@concellodeames.gal.

>Obradoiro métodos anticonceptivos

A concellaría de Mocidade pon en marcha un novo obradoiro no marco do programa de sexualidade positiva con[sentido]. A próxima cita será o sábado 23 de outubro no Pazo da Peregrina onde terá lugar a Obradoiro métodos anticonceptivos. O obradoiro celebrarase entre as 10:30 e as 13:30.

Para asistir é necesario inscribirse enviando un correo a con.sentido@agasex.org

 

>Obradoiro xoguetería erótica

A concellaría de Mocidade pon en marcha un novo obradoiro no marco do programa de sexualidade positiva con[sentido]. A próxima cita será o sábado 30 de outubro no Pazo da Peregrina onde terá lugar a Obradoiro de xoguetería erótica. O obradoiro celebrarase entre as 17:00 e as 20:00 horas.

Para asistir é necesario inscribirse enviando un correo a con.sentido@agasex.org

>Parkourpark móbil e obradoiro

Desenvolverase na Praza de Manuel Murguía do Milladoiro  e é unha actividade destinada aos rapaces e rapazas de máis de 10 anos.

>Seráns de Ames: concerto de Sr. Salvaje

Este martes, 30 de xullo, ás 20.00 horas, o campo da festa de Biduído acolle unha nova sesión da cuarta edición dos “Seráns de Ames”. A iniciativa, que se desenvolve durante os meses de xullo e agosto, acolle nesta ocasión un concerto do grupo SR. Salvaje. Este concerto estaba previsto inicialmente para o xoves 11 de xullo, pero houbo que adialo por choiva.

>Seráns de Tapia

O programa Apego retoma as súas actividades dentro do marco dos Seráns de Tapia. O Servizo de Normalización Lingüística do Concello de Ames volve programar unha das súas actividades máis exitosas: a Foliada con apego.

A actividade, dirixida ás familias con crianzas de entre 0 e 6 anos de idade, terá lugar ás 19:00 horas

>SolporSon

O SolporSon de Ames 2021 terá lugar o día 18 de xuño no campo da festa de Biduído, nas inmediacións da Factoría local, onde ensaia un dos grupos amesáns que forman parte do cartel do festival. O recinto estará pechado e o evento cumprirá todas as medidas de prevención  da COVID.