Solapas principales

Departamento de Juventud

    • Dirección:
      • Lunes, miércoles  y jueves en la Casa del Ayuntamiento. Praza do Concello, nº2 Bertamiráns. 15220 Ames
      • Martes y viernes en la Casa de la Cultura de O Milladoiro. Travesía do Porto s/n Milladoiro. 15895 Ames
    • Teléfono: 616 08 32 29
    • Horario de atención al público: 09:00 a 14:00h.
    • Responsable municipal:  Concejalía de Juventud
    • Responsable técnico: Pilar Villaverde Cutrín, técnica de juventud e información juvenil
Otros Datos: 
  • Funciones:
    • Orientar y asesorar a la juventud de Ames,  garantizando que toda la población juvenil del ayuntamiento tenga acceso a una información amplia, objetiva y actualizada en relacion a sus intereses y necesidades.
    • Organizar, gestionar y promover programas y actividades formativas en el marco de la educación no formal orientadas a hacer efectivas la igualdad de oportunidades y el desarrollo integral de la juventud a nivel formativo, laboral, familiar, etc.
    • Abordar medidas de cara a mejorar la calidad de vida de la población juvenil en diferentes ámbitos como el ocio y tiempo libre, salud, educación en valores (igualdad de oportunidades,  interculturalidad,  violencia  de género, discapacidad...).
    • Favorecer la participación activa de la juventud en la vida social y comunitaria, a través de la dinamización de grupos informales y asociaciones juveniles.
    • Dar respuesta a cuantas dudas o inquietudes surjan en la juventud apoyando y dando forma a sus propuestas e iniciativas en cualquier ámbito de actuación de su interés (cultural, formativo, ocio,...).
  • Noticias relacionadas
  • Agenda.
  • Normativa
    • Ley 6/2012, de 19 de junio, de juventud de Galicia (DOG nº 139 del 20 de julio de 2012).
    • Ley 39/2015 del procedimiento administrativo común de las administraciones públicas
    • Ley 7/2007 del Estatuto básico del empleo público
    • Ley 2/2015 de la función pública de Galicia
    • Ley 7/1985 de las bases del régimen local

Noticias del departamento

Este pasado sábado, 8 de febreiro, comezou unha nova edición do curso de monitor/a de actividades de tempo libre que organiza a Concellaría de Mocidade, a través da Oficina Municipal de Información Xuvenil do Concello de Ames. Este curso desenvolverase no anexo da Casa da Cultura de Bertamiráns, ata que rematen as obras no Pazo da Peregrina, durante os meses de febreiro, marzo e abril. Consta de 350 horas de duración (200 horas teórico-prácticas) e 150 horas de prácticas en actividades de tempo libre. O curso, que está homologado pola Xunta de Galicia, tivo moi boa acollida. Participan 25 mozos/as e hai persoas en lista de agarda.

A Concellaría de Mocidade organizou esta fin de semana unha viaxe á estación de invernal de Leitariegos, situada na comarca do Val de Laciana, en León, na que 36 mozos e mozas puideron desfrutar do deporte e da natureza. A excursión, financiada parcialmente pola Concellaría, incluíu desprazamento en autobús, aloxamento e pensión completa, así como acceso ás pistas de esquí, a material e a clases, acompañados por un equipo de monitores. Na saída participaron persoas dos 15 aos 30 anos.

A Concellaría de Mocidade organizou o pasado sábado, 24 de abril, un descenso de rafting polo tramo do río Ula que se atopa entre Carcacía e Herbón.  Esta actividade, organizada pola Oficina Municipal de Información Xuvenil (OMIX), está incluída no programa Trouleando 2021. Proximamente poderase inscribirse en novas actividades.

40 rapaces e rapazas de Ames, de entre 12 e 30 anos, viaxarán ao Aquapark de Cerceda que o programa “Trouleando”, da concellaría de Mocidade, prepara para o 29 de xuño. En menos de 24 horas dende que se anunciou a actividade, as prazas xa estaban cubertas. A listaxe de garda e moi ampla polo que polo momento non se recollerán máis peticións.

O Trouleando do mes de febreiro foi un éxito. Na saída ao campo de paintball do Eo dos Menecos, en Teo, participaron 40 rapaces e rapazas de entre 12 e 21 anos e foron moitos e moitas os que quedaron na listaxe de agarda. Ao longo dunhas tres horas a rapazada amesá gozou dunha tarde de diversión, xogo en equipo e contacto coa natureza. A Concellería de Mocidade xa está argallando unha nova edición do Trouleando para o mes de marzo coa que sorprender á rapazada amesá.

As estritas medidas de seguridade que impón a pandemia do coranavirus  non impiden aos mozos e as mozas de Ames gozar dos campamentos que a  Concellaría de Mocidade organiza este verán. Grupos reducidos, máscaras,  respecto da distancia de seguridade e das normas de hixiene e  actividades por quendas son algúns dos cambios que a nova situación  impón nos campamentos de verán. 30 rapazas e rapaces amesáns viven esta  semana a experiencia en Mougás, no municipio de Oia. Actividades  acuáticas, rutas sendeirismo, visitas ao Grove, a Baiona e as Illas Cíes  son algunhas das actividades que realizarán até o domingo que volven a  Ames. Está previsto que o luns 13 parta outro grupo, neste caso de mozos  e mozas de 1º e 2º da ESO. O destino: o cámping de "O Terrón", en Vilanova de Arousa.

A Concellaría de Mocidade, en colaboración con EUROPE DIRECT Coruña e a Asociación Ingalicia, punto de información da Rede Europea Eurodesk, desenvolverá este martes 31 de maio a acción informativa “Somos Moitos Tour: Xuventude 2030”. O alumnado de 1º de Bacharelato do IES do Milladoiro poderá achegarse de 16:00 a 18:30 horas a catro carpas con diferentes actividades relacionadas co emprego, a formación ou o voluntariado, que se instalarán nos propios exteriores do centro educativo.

A Concellería de Mocidade presenta o concerto da banda Pauliña que se celebrará o vindeiro venres, 12 de marzo, ás 19.30 horas, no auditorio da Casa da Cultura de Bertamiráns. O grupo presentará o seu último traballo, A Malfalada, onde mesturan rock, folk country e blues. Por mor das restricións hixiénico-sanitarias, haberá límite de aforo e asignarase unha butaca, ben individual ou por agrupamento familiar, de forma automática na billeteira electrónica. Poderanse reservar como máximo 4 convites por persoa. Pódense reservar os convites na billeteira electrónica do Concello de Ames.

A concelleira de Mocidade, Escarlata Pampín, mantivo unha xuntanza cos/as usuarios/as que empregan o local de ensaio da Factoría, co obxectivo de escoitar as súas proposta no referente a mellorar o servizo e máis este local que se emprega para o ensaio musical. Na actualidade, hai 13 grupos que están facendo uso destas instalacións. Os estilos musicais dos grupos que están usando estas instalacións son variados xa que van dende a música tradicional, o pop rock, o blues, o swing/jazz, etc. A través deste servizo trátase de contribuír a impulsar e fomentar a creación musical. No mes de xullo abrirase o prazo para a renovación do servizo.

A Concellaría de Mocidade, a través da Oficina Municipal de Información Xuvenil (OMIX), oferta a cuarta edición do curso gratuíto de primeiros auxilios, que se impartirá os martes, mércores e xoves, dende o 15 de outubro ata o 3 de novembro. A actividade, que terá lugar na Casa da Cultura de Bertamiráns, en horario de 19.00 a 22.00 horas, está dirixida preferentemente a persoas empadroadas entre os 16 e 30 anos. Para esta actividade ofértanse 12 prazas, que se irán cubrindo por rigorosa orde de inscrición. Para esta edición redúcese o número de prazas pola Covid-19. O prazo para presentar as solicitudes de inscrición comeza o xoves 1 de outubro e estará aberto ata o xoves día 8. Premendo nesta ligazón podes obter a ficha de inscrición.

Eventos del departamento

Co gallo da celebración do día internacional da eliminación da violencia contra as mulleres, a Concellaría de Mocidade conclúe o programa [con]sentido coa proxección do documental “Volar”, e cun debate aproveitando o propio material audiovisual. Será o 26 de novembro, de 19:00 a 21:00 horas, na Casa da Cultura do Milladoiro. As entradas, de balde, xa están dispoñibles na billeteira electrónica do Concello de Ames.

A Concellaría de Mocidade organiza unha sesión de música en directo do grupo galego Los Jinetes del Trópico, que terá lugar o vindeiro sábado 18 de decembro, ás 20:00 horas, no auditorio da Casa da Cultura de Bertamiráns. A banda presentará ao público amesá temas do seu disco debut, “Cabalgando pola ría”, no que mesturan ritmos tropicais con música latinoamericana, como o reggaeton ou a cumbia. Xa se poden reservar os convites a través da billeteira electrónica do Concello de Ames.

A segunda edición dos Premios Galetiktokers chega ao seu fin coa entrega de premios aos vídeos gañadores. Será na Casa da Cultura de Bertamiráns, o xoves 16 de decembro, ás 20:00 horas. A gala estará conducida por Fátima Pego e Lucía Rodríguez, e contará cos monólogos de Gabi G e Leti da Taberna, ademais da música de DJ Son1c e da propia Fátima Pego. Os convites, de balde, xa se poden reservar na billeteira electrónica do Concello de Ames.

A Concellaría de Mocidade organiza unha saída á estación invernal de Leitariegos, na provincia de León, para persoas de Ames de entre 15 (nados en 2006) e 30 anos. A viaxe terá lugar entre o venres 18 e o domingo 20 de febreiro, cun custe de 150 euros que inclúe desprazamento en autobús, aloxamento, comidas e todas as facilidades para practicar esquí. Nos casos de emerxencia social, a actividade quedará exenta desta taxa. O prazo de inscrición estará aberto unha semana, dende o martes 18 ata o 25 de xaneiro. As prazas adxudicaranse por orde de chegada ás persoas que presenten a seguinte solicitude e a documentación necesaria nos rexistros municipais, preferiblemente a través da sede electrónica do Concello de Ames.

O obradoiro desenvolverase o sábado, 9 de outubro
Lugar: Pazo da Peregrina
Horario: 11:00 a 13:00 horas
O obradoiro é de balde e necesita inscrición previa no enderezo electrónico con.sentido@agasex.org.
Podes descargar aquí a ficha de inscrición.

A Concellaría de Mocidade propón neste mes de maio unha xornada de “hidrospeed” no río Ulla, unha actividade que consiste en descender por augas a bordo dunha táboa acuática flotante coa propulsión dunhas aletas. Será o próximo sábado 21 de maio, nas proximidades de Padrón, con dúas quendas de mañá e tarde dende Bertamiráns e o Milladoiro. As persoas interesadas poden inscribirse enviando esta ficha de inscrición cumprimentada ao enderezo electrónico omix@concellodeames.gal, entre o martes 10 e o venres 13 de maio. As prazas asignaranse por orde de chegada e están abertas á mocidade a partir dos 12 anos (nada no 2009).

A Concellaría de Mocidade, a través do programa Trouleando, propón para o martes, 28 de xuño, unha refrescante xornada no aquapark de Cerceda. As persoas interesadas poden inscribirse enviando esta ficha de inscrición cumprimentada ao enderezo electrónico omix@concellodeames.gal, entre o 15 e o 18 de xuño. As prazas asignaranse por orde de chegada e están abertas á mocidade a partir dos 12 anos (nada no 2009).

A Concellaría de Mocidade comparte a terceira proposta de 2022 do programa Trouleando, unha mañá no kartódromo de Valga. Será o sábado 26 de marzo, con servizo de autobús dende o Milladoiro e Bertamiráns. Para participar, cómpre enviar esta ficha de inscrición cumprimentada ao enderezo electrónico omix@concellodeames.gal, entre o mércores 16 e o sábado 19 de marzo. As prazas asignaranse por orde de chegada e están abertas á mocidade a partir dos 12 anos (nada no 2009).

A Concellaría de Mocidade continúa un ano máis co programa Trouleando, tras poñer en marcha sete actividades durante o 2021. Será o sábado 29 de xaneiro, cunha xornada de videoxogos e competicións nun centro de xogos especializado, dentro dun ambiente lúdico e respectuoso. Para inscribirse, cómpre enviar a ficha de inscrición cuberta ao enderezo electrónico omix@concellodeames.gal, entre o xoves 13 e o mércores 19 de xaneiro. As prazas asignaranse por orde de chegada. A proposta, que terá lugar de 11:00 a 14:00 horas,  contará con servizo de autobuses dende Bertamiráns e o Milladoiro.

A Concellaría de Mocidade ten programada para o sábado 27 de novembro unha nova actividade do programa Trouleando. Será unha xornada de xogos de escapismo que conxuga diversión, aventura en equipo e moito misterio. O prazo para inscribirse nesta actividade estará aberto do 11 ao 17 de novembro. Para inscribirse hai que enviar a ficha cuberta a omix@concellodeames.gal. As prazas, que son limitadas, cubriranse por orde de chegada das inscricións. Esta actividade é de balde e está organizada pola Oficina Municipal de Información Xuvenil (OMIX).