Pestanas principais

Departamento de Xuventude

    • Enderezo:
      • Luns, mércores e xoves na Casa do Concello. Praza do Concello, nº2 Bertamiráns. 15220 Ames
      • Martes e venres na Casa da Cultura de Milladoiro. Tavesía do Porto s/n Milladoiro. 15895 Ames
    • Teléfono: 616 08 32 29
    • Horario de atención ao público: 09:00 a 14:00 horas.
    • Responsable municipal:  Concellaría de Mocidade
    • Responsable técnico: Pilar Villaverde Cutrín, técnica de mocidade e información xuvenil.
Outros Datos: 
  • Funcións:
    • Orientar e asesorar á mocidade de Ames,  garantindo que toda a poboación xuvenil do concello teña acceso a unha información ampla, obxectiva e actualizada en relacion aos seus intereses e necesidades.
    • Organizar, xestionar e promover programas e actividades formativas no marco da educación non formal orientadas a facer efectivas a igualdade de oportunidades e o desenvolvemento integral da mocidade a nivel formativo, laboral, familiar, etc.
    • Abordar medidas de cara a mellorar a calidade de vida da poboación xuvenil en diferentes ámbitos como o lecer e tempo libre, saude, educación en valores (igualdade de  oportunidades, interculturalidade,  violencia  de xénero, discapacidade…).
    • Favorecer a participación activa da mocidade na vida social e comunitaria, a través da dinamización de grupos informais e asociacións xuvenis.
    • Dar resposta a cantas dúbidas ou inquedanzas xurdan na mocidade apoiando e dando forma ás súas propostas e iniciativas en calquera ámbito de actuación do seu interese (cultural, formativo, ocio,...).
  • Novas relacionadas
  • Axenda.
  • Normativa
    • Lei 6/2012, de 19 de xuño, de xuventude de Galicia (DOG nº 139 do 20 de xullo de 2012).
    • Lei 39/2015 do procedemento administrativo común das administracións públicas
    • Lei 7/2007 do Estatuto básico do empregado público
    • Lei 2/2015 da función pública de Galicia
    • Lei 7/1985 das bases do réxime local

 

Novas do departamento

10 mozos e mozas participaron no Obradoiro de Son que se impartiu na Factoría, en Biduído

A través do departamento de Xuventude, o Concello de Ames organizou por primeira vez o Obradoiro de Son, unha master class musical relacionada coa produción e gravación. Nesta primeira edición do obradoiro, dirixido a rapaces e rapazas a partir de 14 anos, participaron 10 persoas. Impartiuse os días 27 e 28 de decembro, e durante ambas xornadas o alumnado puido explorar todas as posibilidades que ofrece o local de ensaio de A Factoría.

122 mozas e mozos participan nos campamentos de Paisaxe II e praia América organizados pola Concellaría de Mocidade

A concelleira de Mocidade, Escarlata Pampín, e maila técnica municipal de mocidade, Pili Villaverde, visitaron a semana pasada as instalacións dos campamentos de Paisaxe II (O Grove) e praia América (Nigrán), onde 122 mozos e mozas de Ames gozan duns días de sol e actividades. Nos dous campamentos desfrutaron de piscina e de veladas nocturnas, xogos na praia, olimpíadas, actividades náuticas, etc. Estas actividades enmárcanse dentro da programación de campamentos de verán que organiza o Concello de Ames durante os meses de xuño, xullo, agosto e setembro.

15 rapaces e rapazas están a participar no curso de monitor de tempo libre organizado pola Concellería de Mocidade

O pasado 13 de xaneiro deu comezo unha nova edición do curso de monitor/a de actividades de tempo libre organizado polo departamento de Xuventude. Este curso, homologado pola Xunta de Galicia, conta 15 participantes, e desenvolverase no Pazo da Peregrina de Bertamiráns ao longo dos meses de xaneiro, febreiro, marzo e abril durante as fins de semana. Ten unha duración total de 350 horas (200 horas teórico-prácticas e 150 horas de prácticas en actividades de tempo libre).

25 mozos e mozas comezan o curso de monitor/a de actividades de tempo libre que organiza a OMIX de Ames

Este pasado sábado, 8 de febreiro, comezou unha nova edición do curso de monitor/a de actividades de tempo libre que organiza a Concellaría de Mocidade, a través da Oficina Municipal de Información Xuvenil do Concello de Ames. Este curso desenvolverase no anexo da Casa da Cultura de Bertamiráns, ata que rematen as obras no Pazo da Peregrina, durante os meses de febreiro, marzo e abril. Consta de 350 horas de duración (200 horas teórico-prácticas) e 150 horas de prácticas en actividades de tempo libre. O curso, que está homologado pola Xunta de Galicia, tivo moi boa acollida. Participan 25 mozos/as e hai persoas en lista de agarda.

27 equipos participaron na primeira edición da Xincana Xove do Concello de Ames

A Casa do Concello, en Bertamiráns, acolleu está mañá o sorteo de premios para coñecer os equipos premiados na primeira edición da Xincana Xove, organizada polo Concello de Ames a través da Concellería de Xuventude e a XEA (Xuntanza de Empresarios de Ames). O obxectivo desta actividade, dirixida a mozos e mozas de entre 14 e 30 anos de calquera concello de Galicia, era que a mocidade explorara e coñecera o municipio de xeito participativo e divertido. Participaron un total de 27 equipos formados por 81 mozas/mozos. Os premio serán entregados o 31 de decembro pola mañá na praza do Concello durante as Prebadaladas de Nadal.

36 mozas e mozos amesás gozan dunha fin de semana de esquí e neve en Leitariegos

A Concellaría de Mocidade organizou esta fin de semana unha viaxe á estación de invernal de Leitariegos, situada na comarca do Val de Laciana, en León, na que 36 mozos e mozas puideron desfrutar do deporte e da natureza. A excursión, financiada parcialmente pola Concellaría, incluíu desprazamento en autobús, aloxamento e pensión completa, así como acceso ás pistas de esquí, a material e a clases, acompañados por un equipo de monitores. Na saída participaron persoas dos 15 aos 30 anos.

40 mozos e mozas amesáns participaron na actividade “Finde na neve” que tivo lugar na estación de esquí de Leitariegos

A Concellaría de Xuventude organizou esta fin de semana a actividade “Finde na neve”, unha viaxe á estación invernal de Leitariegos, situada na comarca do Val de Laciana, en León, na que 40 mozos e mozas amesáns gozaron de dúas xornadas de esquí e natureza. A excursión incluíu o desprazamento en autobús, aloxamento e pensión completa e o acceso ás pistas e ao material de esquí, así como clases impartidas por un equipo de monitores. Na saída participaron persoas de entre 15 e 28 anos.

40 mozos e mozas participaron na actividade de rafting polo río Ulla incluída no programa Trouleando

A Concellaría de Mocidade organizou o pasado sábado, 24 de abril, un descenso de rafting polo tramo do río Ula que se atopa entre Carcacía e Herbón.  Esta actividade, organizada pola Oficina Municipal de Información Xuvenil (OMIX), está incluída no programa Trouleando 2021. Proximamente poderase inscribirse en novas actividades.

40 mozos e mozas viaxarán ao Aquapark de Cerceda co programa “Trouleando”

40 rapaces e rapazas de Ames, de entre 12 e 30 anos, viaxarán ao Aquapark de Cerceda que o programa “Trouleando”, da concellaría de Mocidade, prepara para o 29 de xuño. En menos de 24 horas dende que se anunciou a actividade nesta páxina web, as prazas xa estaban cubertas. A listaxe de garda e moi ampla polo que polo momento non se recollerán máis peticións.

40 rapaces e rapazas de Ames gozaron o pasado sábado dunha tarde de paintball

O Trouleando do mes de febreiro foi un éxito. Na saída ao campo de paintball do Eo dos Menecos, en Teo, participaron 40 rapaces e rapazas de entre 12 e 21 anos e foron moitos e moitas os que quedaron na listaxe de agarda. Ao longo dunhas tres horas a rapazada amesá gozou dunha tarde de diversión, xogo en equipo e contacto coa natureza. A Concellería de Mocidade xa está argallando unha nova edición do Trouleando para o mes de marzo coa que sorprender á rapazada amesá.

Eventos del departamento

> 25N | Elaboración dun graffiti no anfiteatro de Lapido

Entre os días 22 e 25 de novembro artista coruñés do fraffiti, Brais R. pintará no anfiteatro de Lapido un mural baseado en temáticas relacionadas coa Igualdade.

A concellaría de Mocidade organiza esta actividade.

> 25N | [con]sentido Videoforum: "Volar"

Co gallo da celebración do día internacional da eliminación da violencia contra as mulleres, a Concellaría de Mocidade conclúe o programa [con]sentido coa proxección do documental “Volar”, e cun debate aproveitando o propio material audiovisual. Será o 26 de novembro, de 19:00 a 21:00 horas, na Casa da Cultura do Milladoiro. As entradas, de balde, xa están dispoñibles na billeteira electrónica do Concello de Ames.

> Concerto "Anfiteatro en vivo": Killo Karallo e La Nasa

O anfiteatro do Milladoiro acolle este sábado 12 de novembro, ás 13:30 horas, o concerto “Anfiteatro en vivo”, que reunirá na localidade a varios artistas do concello e da comarca que comezan a despuntar no mundo da música. Actuarán os grupos Killo Karallo e La Nasa.

> Concerto: Los Jinetes del Trópico

A Concellaría de Mocidade organiza unha sesión de música en directo do grupo galego Los Jinetes del Trópico, que terá lugar o vindeiro sábado 18 de decembro, ás 20:00 horas, no auditorio da Casa da Cultura de Bertamiráns. A banda presentará ao público amesá temas do seu disco debut, “Cabalgando pola ría”, no que mesturan ritmos tropicais con música latinoamericana, como o reggaeton ou a cumbia. Xa se poden reservar os convites a través da billeteira electrónica do Concello de Ames.

> Entrega de premios do II certame Galetiktokers

A segunda edición dos Premios Galetiktokers chega ao seu fin coa entrega de premios aos vídeos gañadores. Será na Casa da Cultura de Bertamiráns, o xoves 16 de decembro, ás 20:00 horas. A gala estará conducida por Fátima Pego e Lucía Rodríguez, e contará cos monólogos de Gabi G e Leti da Taberna, ademais da música de DJ Son1c e da propia Fátima Pego. Os convites, de balde, xa se poden reservar na billeteira electrónica do Concello de Ames.

> Esquí en Leitariegos

A Concellaría de Mocidade organiza unha saída á estación invernal de Leitariegos, na provincia de León, para persoas de Ames de entre 15 (nados en 2006) e 30 anos. A viaxe terá lugar entre o venres 18 e o domingo 20 de febreiro, cun custe de 150 euros que inclúe desprazamento en autobús, aloxamento, comidas e todas as facilidades para practicar esquí. Nos casos de emerxencia social, a actividade quedará exenta desta taxa. O prazo de inscrición estará aberto unha semana, dende o martes 18 ata o 25 de xaneiro. As prazas adxudicaranse por orde de chegada ás persoas que presenten a seguinte solicitude e a documentación necesaria nos rexistros municipais, preferiblemente a través da sede electrónica do Concello de Ames.

> Festa de DJs en Bertamiráns

O sábado 18 de febreiro vaise organizar unha festa de Entroido con Djs e carpa climatizada dirixida á mocidade amesá. Comezará ás 22.00 horas e desenvolverase no aparcadoiro da rúa Alcalde Lorenzo, en Bertamiráns, que está situado detrás das oficinas da Policía Local e do servizo municipal de Urbanismo. Elaborarase un programa especifico para esta actividade. Farase venda anticipada de entradas para acceder á festa.

> Festival SolporSon

O campo da festa de Biduído acollerá unha nova edición do SolporSon de Ames. Será este sábado, 8 de xullo. O festival, que naceu co obxectivo de organizar e programar unha alternativa musical en liña coa escoita activa á poboación moza; así como de dar difusión aos grupos que ensaian no local da Factoría e de achegar a cultura ao rural, volve a ter lugar por cuarto ano. 

> Finde na neve (Leitariegos)

A Concellaría de Xuventude volve organizar a iniciativa “Finde na neve”, dirixida á mocidade empadroada en Ames. A actividade desenvolverase do 10 ao 12 de marzo na estación invernal de Leitariegos. Poden anotarse un total de 40 mozos/as entre os 15 (nados en 2007) e os 30 anos. O custe da actividade é de 158 euros, e inclúe transporte, estadía, manutención, forfait, alugueiro do material de esquí, curso de 4 horas, o servizo que ofrecen os/as monitores/s, etc. Premendo neste enlace podes descargar o impreso de inscrición nesta actividade.

> Gala de entrega de premios do III Certame Galetiktokers

A Casa da Cultura do Milladoiro acolle este sábado 5 de novembro, ás 19:00 horas, a gala de entrega de premios do certame Galetiktokers, unha iniciativa da Concellaría de Mocidade e de Normalización Lingüística que se pon en marcha por terceiro ano consecutivo e que ten como obxectivo fomentar a creatividade da rapazada e animar a empregar o galego a través das redes sociais e das novas canles de comunicación. Nesta edición, o evento contará coa actuación da cantante Pauliña, e participarán tamén as integrantes do xurado: a comunicadora audiovisual Noelia Francisco Lens, e a tiktoker Sara Seco Rial.