Solapas principales

Departamento de Servicios Económicos

Noticias del departamento

O Goberno municipal presenta o quinto orzamento consecutivo que se achega aos 30 millóns de euros

Esta mañá o Goberno municipal presentou o novo orzamento para o exercicio 2021, que ascende á cifra de 29.888.000 euros, incrementando en 2.518.000 euros (9,20%) respecto do presuposto de 2020. Trátase do maior orzamento municipal que presentou o Concello de Ames. Recolle un forte compromiso en servizos básicos cunha partida para o novo contrato de limpeza viaria; e un incremento de crédito para as áreas de educación e servizos sociais, así como unha forte aposta polo investimento público. Este venres, 5 de marzo, celebrarase a Comisión Informativa de Economía e Facenda e Especial de Contas. O obxectivo é debater a aprobación de dito orzamento nun pleno extraordinario o día 11 de marzo. É o quinto orzamento consecutivo que aprobará, se procede, a Corporación municipal do Concello de Ames dende abril de 2017. Preme nesta ligazón para consultar a presentación proxectada esta mañá sobre o orzamento de 2021.

O Goberno municipal presenta o sétimo orzamento consecutivo que se achega aos 30 millóns de euros

Esta mañá o Goberno municipal presentou o novo orzamento para o exercicio 2023, que ascende á cifra de 29.725.000 euros. Trátase do sétimo orzamento que se presenta de xeito consecutivo e nesta ocasión antes de comezar o ano 2023. Segundo o Goberno local trátase dun orzamento que medra e se consolida reforzando os servizos, blindando as áreas de servizos básicos, educativos e sociais, e ampliando o crédito en todas as áreas de gasto. A principal área de gasto segue a ser Servizos Básicos con 6.047.000 euros (20,34%), seguida de educación con 5.569.000 euros (18,74%) e servizos sociais e promoción social cun crédito asignado de 3.137.000 euros (10,55%). O pasado venres, 16 de decembro, celebrouse a Comisión Informativa de Economía e Facenda e Especial de Contas e este mércores, 21 de decembro, haberá un pleno extraordinario para debater e aprobar de xeito inicial, se procede, dito orzamento.

O Goberno municipal presenta o sexto orzamento consecutivo que se achega aos 29 millóns de euros

Esta mañá o Goberno municipal presentou o novo orzamento para o exercicio 2022, que ascende á cifra de 28.707.012 euros, continuando un ano máis co compromiso no investimento e desenvolvemento de programas municipais, así como co reforzo e ampliación dos distintos servizos prestados pola Administración local. Trátase dun orzamento no que se aposta polos servizos básicos que segue a ser á area de maior gasto con 6.335.568,54 euros (22,07%), seguida de educación con 5.242.367,79 euros (18,26%) e servizos sociais e promoción social cun crédito asignado de 2.556.653,37 euros (9%). Este venres, 4 de marzo, celebrarase a Comisión Informativa de Economía e Facenda e Especial de Contas. O obxectivo é debater a aprobación de dito orzamento nun pleno extraordinario o día 9 de marzo. É o sexto orzamento consecutivo que aprobará, se procede, a Corporación municipal do Concello de Ames dende abril de 2017. Para ampliar información sobre o orzamento de 2022 pódese acceder a esta presentación.

O Goberno municipal presenta un orzamento para 2024 que supera os 32 millóns de euros

Esta mañá o Goberno municipal presentou o novo orzamento para o exercicio 2024, que ascende á cifra de 32.568.424,74 euros. Trátase do oitavo orzamento que se presenta de xeito consecutivo dende o ano 2017. Segundo o Goberno local trátase dun orzamento que segue a mesma liña de orzamentos de anos anteriores, onde se blindan áreas como a educación, os servizos sociais e os servizos básicos. A principal área de gasto pasa a ser educación co 22,30% do total do orzamento. Esta área medra respecto a 2023 un 3,56%. A segunda área con maior gasto é benestar comunitario co 16,80%, e na terceira posición está servizos sociais e promoción social, que representa o 9,80% do orzamento total. O pasado venres, 16 de febreiro, celebrouse a Comisión Informativa de Economía e Facenda e Especial de Contas e este xoves, 22 de febreiro, haberá un pleno extraordinario para debater e aprobar de xeito inicial, se procede, dito orzamento.

O Goberno municipal recibe a María Sánchez, concelleira de Medio Ambiente e Desenvolvemento Sostible do Concello de Valladolid e presidenta de Aquavall

O Goberno municipal de Ames continúa traballando na municipalización do servizo do Ciclo Integral da Auga. Para iso mantiveron esta mañá unha xuntanza na  Casa do Concello con María Sánchez, concelleira de Medio Ambiente e Desenvolvemento Sostible do Concello de Valladolid, así como presidenta da entidade pública empresarial Aquavall. Tratouse dun encontro no que a presidenta de Aquavall explicou o funcionamento de dita entidade pública co obxectivo de que serva de referencia para o proceso de municipalización da agua no Concello de Ames.

O Pleno aproba de xeito inicial o maior orzamento municipal de Ames cunha cifra de 27.370.000 euros para o exercicio 2020

O salón de plenos da Casa do Concello acolleu este xoves, 20 de febreiro, un pleno extraordinario no que a Corporación municipal aprobou de xeito inicial o orzamento municipal de Ames para o exercicio 2020. Deste xeito, adiantase nun mes a aprobación do presuposto respecto ao exercicio 2019 e en dous meses respecto aos orzamentos aprobados en 2017 e 2018. É o cuarto orzamento consecutivo que aproba a Corporación municipal do Concello de Ames dende abril de 2017. O orzamento de 2020 ascende a cifra de 27.370.000 euros, incrementando en 1.370.000 euros (5,29%) respecto do presuposto de 2019. Trátase do maior orzamento municipal aprobado no Concello de Ames. Recolle un forte compromiso nos capítulos de investimentos, desenvolvemento dos servizos básicos, e blinda as áreas de educación e servizos sociais.

O Pleno aproba de xeito inicial o orzamento de 2024 que supera os 32 millóns de euros

A Corporación municipal aprobou de xeito inicial o orzamento municipal de Ames para o exercicio 2024, nunha sesión plenaria extraordinaria que se desenvolveu este xoves, 22 de febreiro. Agora, dende a súa publicación no BOP, o documento orzamentario estará en exposición pública durante 15 días hábiles. Trátase do oitavo orzamento que se aproba de xeito consecutivo dende o ano 2017. O orzamento xeral de 2024 ascende á cifra de 32.568.424,74 euros. Trátase dun orzamento que segue a mesma liña de orzamentos de anos anteriores, onde se blindan áreas como a educación, os servizos sociais e os servizos básicos. A principal área de gasto pasa a ser educación co 22,30% do total do orzamento. Esta área medra respecto a 2023 un 3,56%. A segunda área con maior gasto é benestar comunitario co 16,80%, e na terceira posición está servizos sociais e promoción social, que representa o 9,80% do orzamento total.  Premendo nesta ligazón podes ver o vídeo do pleno extraordinario sobre o orzamento de 2024.

O Pleno aproba de xeito inicial un orzamento para 2022 que se achega aos 29 millóns de euros

A Corporación municipal aprobou de xeito inicial o orzamento municipal de Ames para o exercicio 2022, nunha sesión plenaria extraordinaria que se desenvolveu este mércores, 9 de marzo. Agora, dende a súa publicación no BOP, o documento orzamentario estará en exposición pública durante 15 días hábiles. É o sexto orzamento consecutivo que aproba a Corporación municipal do Concello de Ames dende abril de 2017. O orzamento de 2022 ascende á cifra de 28.707.012 euros. Trátase dun orzamento no que se aposta polos servizos básicos que segue a ser á area de maior gasto con 6.335.568,54 euros (22,07%), seguida de educación con 5.242.367,79 euros (18,26%) e servizos sociais e promoción social cun crédito asignado de 2.556.653,37 euros (9%).

O Pleno aproba por unanimidade o crédito extraordinario 1/19, por valor de 312.127 euros, para sufragar as actuacións de 2019 incluídas no Plan Impulsa Ames da EDUSI

Este xoves, 31 de xaneiro, celebrouse o pleno ordinario correspondente ao mes de xaneiro no que a Corporación municipal aprobou por unanimidade concertar o crédito extraordinario 1/19, por valor de 312.127 euros, para sufragar as actuacións do exercicio 2019, incluídas no Plan Impulsa Ames da EDUSI. Outros temas que saíron adiante foron: a aprobación inicial da ordenanza de Convivencia cidadá do Concello de Ames; a aprobación inicial do regulamento do programa Xantar na Casa; a resolución das alegacións e maila aprobación definitiva da modificación do regulamento de Comedores Escolares, Bos Días Cole e Tardes divertidas; e mailo Acordo para a estabilización do emprego temporal no Concello de Ames.

O Pleno debaterá a aprobación inicial do crédito extraordinario 1/19 para sufragar as actuacións de 2019 incluídas no Plan Impulsa Ames da EDUSI

Este xoves, 31 de xaneiro, celebrarase o pleno ordinario correspondente ao mes de xaneiro no que a Corporación municipal debaterá a aprobación inicial do crédito extraordinario 1/19 para sufragar as actuacións do exercicio 2019 incluídas no Plan Impulsa Ames da EDUSI. Outros temas que debaterá a Corporación municipal son a aprobación inicial da ordenanza de Convivencia cidadá do Concello de Ames, así como a aprobación inicial do regulamento do programa Xantar na Casa. Tamén se aprobará, se procede, a resolución das alegacións e maila aprobación definitiva da modificación do regulamento de Comedores Escolares, Bos Días Cole e Tardes divertidas, o Acordo para a estabilización do emprego temporal no Concello de Ames, e unha proposta presentada polo grupo municipal do Partido Popular. Premendo no enlace que está a túa dereita, baixo o apartado de descargas, poderás obter a convocatoria coa orde do día do pleno ordinario de xaneiro.