Solapas principales

Departamento de Servicios Económicos

Noticias del departamento

Queda aprobado de xeito definitivo o orzamento de 2024 que supera os 32 millóns de euros

O Pleno do Concello de Ames, na sesión extraordinaria celebrada o 22 de febreiro de 2024, aprobou de xeito inicial o Orzamento Xeral do Concello para o exercicio 2024. Ao non presentarse alegacións quedou aprobado con carácter definitivo o 22 de marzo de 2024, trala publicación do correspondente anuncio no Boletín Oficial da Provincia da Coruña. O orzamento municipal de 2024 ascende á cifra de 32.568.424,74 euros. Trátase dun orzamento que segue a mesma liña de orzamentos de anos anteriores, onde se blindan áreas como a educación, os servizos sociais e os servizos básicos.

Realízase unha campaña informativa sobre a flexibilización no pago dos impostos municipais xestionados pola Deputación

A Concellaría de Economía e Facenda vén de publicar unha campaña dobre o Plan especial de pagamento individualizado, que permite solicitar o fraccionamento sen xuros dos recibos dos impostos municipais xestionados pola Deputación (IBI, vehículos, IAE, etc.) en 10 mensualidades a partir de 2022 e en 7 meses durante este ano 2021. A veciñanza amesá tamén se pode acoller ao sistema especial de pagamento voluntario dos recibos en dous prazos sen xuros. Para poder acollerse no 2021 a estes plans hai que tramitar a solicitude antes do 30 de abril de 2021. Para obter máis información pódese escribir un correo electrónico ao enderezo atencion.tributaria@dacoruna.gal ou chamar ao número de teléfono gratuíto 900 132 204.

Renóvase a aplicación de Orzamentos Abertos que conta con datos económicos dende 2014 e un vídeo explicativo

Este mércores, 15 de decembro, presentáronse no Pazo da Peregrina, en Bertamiráns, as modificacións realizadas para mellorar a aplicación de Orzamentos Abertos que recolle a información da xestión orzamentaria municipal. Dita aplicación foi creada en 2017 para que a veciñanza amesá teña acceso, de xeito facilmente comprensible e manexable, a toda a información económica do Concello, orzamento municipal, detalle de ingresos e gastos por áreas, pago a provedores, etc. Trátase dunha iniciativa da Concellaría de Economía e Facenda que recolle información económica dende 2014 ata 2021. Esta nova ferramenta informática basease nos principios de transparencia, eficiencia, participación e consulta.