Solapas principales

Departamento de Promoción Económica y Empleo

Noticias del departamento

O espazo colaborativo A Proa celebrará o vindeiro xoves, 4 de maio, unha charla sobre podcasting e marca persoal

O espazo de coworking A Proa, no Milladoiro, organiza para o vindeiro xoves, 4 de maio, unha charla sobre podcasting e marca persoal. Terá lugar ás 11:30 horas, nas instalacións da Proa, e estará impartido por María José Bermúdez. A entrada é de balde, e os interesados en asistir poden inscribirse premendo nesta ligazón.

O espazo colaborativo A Proa organiza un obradoiro para impulsar a internacionalización das empresa do Concello de Ames

O vindeiro 5 de decembro o espazo colaborativo A Proa, situado no Milladoiro, acollerá un seminario sobre o programa ICEX Next, impulsado por LEILOIO International, para favorecer a expansión internacional das empresas do Concello de Ames. O consultor homologado polo Instituto de Comercio Exterior de España (ICEX) no 2018 e empregado de LEILOIO, Luis Pombo Pereira, será o encargado de presentar o programa e de explicar como poden adherirse a el as empresas amesás. O obradoiro impartirase de 9:30 a 11:00 horas.

O espazo colaborativo A Proa organiza un taller sobre a xestión do estrés para emprendedores

O espazo de coworking A Proa, no Milladoiro, organiza o próximo mércores, 14 de decembro, un novo evento. Desta volta trátase dun taller sobre a xestión do estrés no emprendemento, que será impartido por Eva Villar. Terá lugar ás 12:00 horas no local do centro A Proa. A entrada é de balde, e os interesados en asistir poden inscribirse premendo nesta ligazón. 

O espazo coworking A Proa acolle dúas novas actividades durante os meses de novembro e decembro

O espazo coworking A Proa organiza este outono dúas novas actividades dirixidas a persoas emprendedoras e autónomas. O primeiro dos obradoiros, “Wordpress en acción”, celebrarase este xoves, 24 de novembro, e nel ensinaranse conceptos básicos sobre a creacións de páxinas web. O xoves 1 de decembro terá lugar un encontro de networking no que se reunirán profesionais do mundo dixital e tecnolóxico.

O espazo coworking A Proa celebrará o vindeiro 16 de febreiro un taller sobre esixencias legais para emprendedores

O espazo de cowoking A Proa, no Milladoiro, organiza para o vindeiro xoves 16 de febreiro o taller “Mínima legal viable”, que versa sobre as esixencias legais coas que deben cumprir as persoas emprendedoras, que será impartido polo avogado José Sendín. Terá lugar ás 12:00 horas, no local do centro A Proa. A entrada é de balde, e os interesados en asistir poden inscribirse premendo nesta ligazón.

O espazo coworking A Proa organiza un evento para emprendedores con motivo do Samaín

O espazo colaborativo “A Proa” organiza o próximo mércores 2 de novembro, ás 19:00 horas, un evento para persoas emprendedoras e autónomas. O taller xirará en torno ás dificultades que supón iniciarse no mundo empresarial e os temores máis frecuentes dos emprendedores. Ademais, o coworker Adrián Nieto presentará o seu último proxecto musical para animar a xornada.

O espazo coworking A Proa organiza un taller de iniciación ao portugués para persoas emprendedoras

O espazo colaborativo “A Proa” organiza o próximo mércores 19 de outubro, ás 17:30 horas, un taller de iniciación ao portugués. No obradoiro ensinaranse conceptos básicos sobre a lingua portuguesa, e perfilaranse as persoas que asistan para crear máis talleres similares adaptados ás súas actividades profesionais. A coworker Kika de Andrade, doutora en Educación pola Universidade de Santiago de Compostela, será a encargada de impartir a sesión. A inscrición para esta actividade pode realizarse de balde premendo nesta ligazón.

O espazo coworking A Proa organiza un taller sobre as axudas para autónomos

O espazo colaborativo “A Proa” organiza para o mércores, 29 de xuño, ás 18.00 horas, unha nova actividade denominada “Todo sobre as axudas para autónomos”. Falarase sobre as axudas para autónomos, os requisitos para solicitalas e a información de interese para os usuarios do coworking e público externo ao Espazo. A charla será impartida por Jorge Couñago, axente de desenvolvemento local no Concello de Ames. A inscrición para esta actividade pode realizarse de balde premendo nesta ligazón.

O espazo coworking A Proa organiza un taller sobre seguridade informática para as PEMEs

O espazo colaborativo “A Proa” organiza para o mércores, 5 de outubro, ás 18.00 horas, unha nova actividade denominada “Taller de seguridade informática nas PEME”. Este obradoiro íase a impartir o pasado 16 de setembro, pero tívose que adiar. Deste xeito, tras un breve parón durante os meses de xullo e agosto, retómanse as actividades no centro de coworking A Proa. O coworker Rafael Yáñez, promotor do proxecto Impulsa Dixital (xunto a súa compañeira Isabel Viñas), será o encargado de impartir dito taller. A inscrición para esta actividade pode realizarse de balde premendo nesta ligazón.

O Espazo de Coworking “A Proa” conta con 17 postos ocupados

O espazo de coworking “A Proa” conta na actualidade con 17 de 36 postos cubertos por 12 empresas.  A concelleira de Promoción Económica, Ana Belén Paz, reuniuse coa xestora do espazo, Nieves Iglesias, o fundador e xerente de WekCo, Juan Diego Pereiro, o técnico Jorge Couñago, e cos coworkers para coñecer de primeira man os proxectos de nova incorporación deste espazo e as dinámicas de colaboración que establecen os e as integrantes.

Eventos del departamento

>“Fase Festa”, con Pepo Suevos, no Milladoiro

Música e moito humor. O actor, guionista, humorista e veciño de Ames, Pepo Suevos, a cantante Fátima Pego e o músico Josep Ruíz, compoñentes da orquestra "Panorama", soben xuntos ao escenario para amosarnos “Fase Festa”, unha especie de verbena en pequeno formato, adaptada aos tempos que nos toca vivir.