- Dirección: Praza do Concello, nº 2, Bertamiráns.
- Teléfono: 981 88 30 02
- Horario de atención al público:
- De lunes a viernes, en horario de 9:00 a 14:00 horas.
- Responsable municipal: Concejalía de Promoción Económica
Otros Datos:
Solapas principales
Departamento de Promoción Económica y Empleo
Servicios y programas
Noticias del departamento
O alcalde de Ames, Jose Miñones, e maila concelleira de Promoción Económica e Emprego, Ana Belén Paz, mantiveron unha xuntanza con Alberto Campos, director de operacións, e Berta Caro,directora de desenvolvemento corporativo e responsabilidade social corporativa de Tecalis. En dito encontro os representantes da empresa amesá, Tecalis Innovación, situada no parque empresarial Novo Milladoiro, comunicáronlle ao Concello que lle van ceder, de forma gratuíta, unha aplicación para impulsar o comercio de Ames. Trátase dunha aplicación con tecnoloxía innovadora para a xestión de citas dos clientes nos establecementos comerciais de todo o concello, evitando as colas e a exposición directa e a interacción innecesaria con outras persoas.
A Asociación Europea de Economía e Competitividade concedeu á empresa tecnolóxica amesá Tecalis o Premio Europeo á Xestión e Innovación Empresarial 2019. A distinción recoñece ás empresas máis representativas que apostan pola busca de novas fórmulas de innovación empresarial. Ademais a empresa, que naceu no ano 2011, foi posta fai uns meses no lugar 145 das 1.000 empresas que máis crecen en Europa.
Os veciños e as veciñas de Ames terán que agardar a que o tempo dea unha tregua para gozar de Pepo Suevos, Fátima Pego e Josep Ruíz na “Fase Festa” programada polo AmesON para este xoves 5 de agosto.
O auditorio da Casa da Cultura do Milladoiro acolleu este pasado xoves, 18 de decembro, o acto de entrega de premios da XI edición do Certame de Fotografía Comercial da Asociación de Empresarios do parque empresarial Novo Milladoiro. Un acto que estivo presentado polo cantautor e monologuista Manolo Boquete e no que se proxectaron todas as imaxes presentadas ao concurso. As fotografías gañadoras foron A Forxa da luz, Fin de xornada e Xagal. En representación do Goberno municipal asistiron o alcalde de Ames, Blas García, a concelleira de Promoción Económica, Ana Belén Paz, e o concelleiro de Obras e Servizos Básicos, Gustavo Nieto.
Ana Freire Mato, gañadora da campaña “Ilumina o teu sorriso”, recibiu hoxe o seu móbil de última xeración na clínica dental Lindo Dente de Bertamiráns. Organizada polas asociacións de comerciantes e empresarios, en colaboración co Concello de Ames, este concurso de fotografía tiña por obxectivo a promoción do comercio local, a través da realización de catro fotografías en diferentes lugares de Bertamiráns e do Milladoiro.
A Xunta de Empresarios de Ames (XEA) celebrou este luns, 5 de maio, no Pazo da Peregrina, en Bertamiráns, a segunda edición dos Premios XEA, coincidindo coa presentación da súa nova páxina web e slogan “Eu son XEA”. O evento congregou a preto de cen persoas, a maioría deles socios e socias da asociación aos que tamén se uniron o alcalde de Ames, Blas García, a concelleira de Promoción Económica, Ana Belén Paz, e outros membros do Goberno local, así como representantes dos grupos políticos da Corporación municipal, nun acto que puxo en valor o tecido empresarial do municipio.
O Pleno do Concello de Ames, na sesión extraordinaria celebrada o 9 de marzo de 2022, aprobou de xeito inicial o Orzamento Xeral do Concello para o exercicio 2022. Ao non presentarse alegacións quedou aprobado con carácter definitivo o 7 de abril de 2022, trala publicación do correspondente anuncio no Boletín Oficial da Provincia da Coruña. O orzamento municipal de 2022 ascende á cifra de 28.707.012 euros, continuando un ano máis co compromiso no investimento e desenvolvemento de programas municipais, así como co reforzo e ampliación dos distintos servizos prestados pola Administración local. O expediente completo coa información orzamentaria de 2022 xa pode ser consultada no Portal da Transparencia da web municipal no apartado de Información Orzamentaria.
A ministra de Ciencia e Innovación, Diana Morant, foi recibida polo alcalde, pola concelleira de Promoción Económica e unha ampla representación dos concelleiros e concelleiras que forman parte da Corporación municipal, na visita que fixo este xoves, 25 de maio, ao centro coworking Espazo A Proa, no Milladoiro. A ministra, que estivo acompañada da subdelegada do Goberno na Coruña, María Rivas, participou nun encontro coas empresas amesás do sector da comunicación, innovación, tecnolóxico e audiovisual. Tamén conversou co alumnado e profesorado dos colexios que gañaron o concurso de Innovames 2022 para proxectos educativos innovadores (CEIP Barouta, CEIP Agro do Muíño e IES do Milladoiro).
O salón de plenos da Casa do Concello acolleu esta mañá a presentación dunha nova edición do concurso Canta con Ames, para o que xa están abertas as inscricións nas categorías xuvenil, adultos, dúos e tríos, e profesional. As inscricións poden realizarse a través do correo amesnarua@gmail.com ata o 1 de xullo. Haberá unha fase de preselección no Milladoiro e en Bertamiráns os días 12 e 13 de xullo. A semifinal será no Milladoiro o 3 de agosto e a final celebrase en Bertamiráns o 11 de agosto. O concurso será presentado por Loly Gómez, e o xurado estará composto por Inés Suárez, Noelia Bellas e Lara López. As bases do concurso poden consultarse premendo nesta ligazón.
O programa AmesOn de verán chega ao seu fin este domingo, 18 de setembro, coa actuación da orquestra Panorama e das gañadoras do concurso Canta con Ames: Adriana Vigo, María Iglesias, Montse Angueira e José Rey. Dita actividade realizarase no aparcamento da rúa Agro do Medio, ao carón do Supercor, no Milladoiro. Estará prohibido estacionar no aparcadoiro do Supercor e no tramo da rúa Agro do Medio, nos cruces coa rúa Pardiñeiros e coa rúa Cruxa, dende as 16.00h do sábado 17 de setembro ata as 8.00 horas do luns 19 de setembro.
- ‹ anterior
- 4 de 55
- siguiente ›
Trámites del departamento
Eventos del departamento
Volve a ter nas dúas principais vilas de Ames a iniciativa "Volta ao cole co comercio 2023". O día 6 no Milladoiro e o 7 en Bertamiráns, terán lugar as iniciativas para a mocidade de entre 12 e 17 anos, en horario de 18:30 a 21:30 horas. Para eles haberá toro mecánico, barredora, DJs e unha Holi Party, a festa de polvos de cores.
Co fin de dinamizar o comercio e a hostalaría local nos primeiros días do curso lectivo, a Concellaría de Promoción Económica, en colaboración coa Xuntanza de Empresarios de Ames (XEA), organiza as xornadas de “Volta ao cole co comercio”, dúas tardes de propostas lúdicas e sorteos que se desenvolverán o venres 9 de setembro, no Milladoiro, e o mércores 21, en Bertamiráns. A iniciativa ofrecerá actividades ás nenas e nenos de 3 a 11 anos, das 17:00 ás 19:00 horas, e á mocidade dos 12 aos 18, das 19:00 ás 21:00 horas, ademais de contar con arredor de 160 premios valorados en máis de 2.000 euros.
O Concello de Ames e Maker Faire Galicia organizan unha nova edición de Innovames, unha xornada de innovación para as empresas de Ames que terá lugar o 16 de decembro no pavillón polideportivo do Milladoiro e na que se contará coa presenza de grandes referentes da innovación que conviven no propio concello. O obxectivo deste evento é poñer en valor os recursos e a capacidade de innovación local, fomentando a sinerxía e a colaboración entre as empresas e dando a coñecer ao público xeral o capital empresarial de Ames. Para dispor de máis información sobre o InnovAmes pódese consultar a páxina web do evento.
As personaxes de "Disney" volverán unha ano máis aos principais núcleos urbanos de Ames para visitar aos máis cativos do municipio nestas datas. A súa segunda parada será na Casa dos Maiores de Bertamiráns o sábado 28, en horario de 11.00 a 13.30 horas pola mañá e de 17.00 a 19.30 horas pola tarde.
As personaxes de "Disney" volverán unha ano máis aos principais núcleos urbanos de Ames para visitar aos máis cativos do municipio nestas datas. A súa primeira parada será no Centro Social do Milladoiro o venres 27, en horario de 11.00 a 13.30 horas pola mañá e de 17.00 a 19.30 horas pola tarde.
O martes, 26 de maio, o espazo colaborativo A Proa acolle unha xornada aberta ao público con motivo da Startup Europe Week, que se celebra do 25 ao 29 de maio. As persoas que o desexen poderán achegarse de 9:00 a 14:00 horas, para probar como é traballar en Espazo A Proa e coñecer a comunidade emprendedora do espazo. O obxectivo principal é amosar ás persoas emprendedoras locais os recursos e o apoio dispoñible no seu propio territorio para axudalas a prosperar. Durante a xornada participarán os técnicos municipais e as autoridades do Concello de Ames para presentar iniciativas e recursos de apoio ao emprendemento no municipio. Ademais, impartirase a charla formativa “Emprender sen filtros: compartindo os erros que máis ensinan”.
O Concello de Ames dará comezo a súa programación destas festas co tradicional acendido de luces de Nadal o sábado 7 de decembro ás 18.00 horas na Praza do Concello. Os asistentes poderán degustar chocolate con churros e e gozar da actuación do alumnado da Escola Municipal de Música de Ames (EMMA).
Este xoves, 4 de decembro, a partir das 17.45 horas, na praza do Concello, en Bertamiráns, está previsto que se celebre o tradicional acto de acendido das luces de Nadal. Actuarán arredor de 50 alumnos/as da Escola Municipal de Música e membros dos coros de Bertamiráns e do Milladoiro do programa Amessán. Ademais, haberá unha degustación gratuíta de chocolate con churros. A churrería Jorge repartirá 900 churros entre a veciñanza amesá. Jesús, do bar Rufino de Trasmonte; Lola, de Mercería Marlo de Bertamiráns; e Carlos, de Papelería e Administración de lotería Boo do Milladoiro, serán os encargados de premer o botón de acendido do alumeado de Nadal. Repartiranse mochilas vibratorias para as persoas con discapacidade auditiva.
Co obxectivo de dinamizar o Comercio Local, a concellaría de Comercio organiza para o venres 3 de xullo e o sábado, 4 obradoiros de conciliación e actividades de animación de rúa.
O Concello de Ames ten preparado un amplo programa de actividades para as festas de Nadal deste ano. O programa, organizado por varios departamentos municipais, inclúe múltiples actividades dirixidas a todo tipo de públicos, que se desenvolverán ao longo do mes de decembro e comezos de xaneiro.
- ‹ anterior
- 4 de 14
- siguiente ›