Solapas principales

Departamento de Normalización Lingüística

    • Dirección: Pazo da Peregrina. Avenida de Azcárraga, nº 5, Bertamiráns. 15220 Ames.
    • Teléfono:  662 37 72 15
    • Horario de atención al público: de 9:00 - 14:00h.
    • Responsable municipal: Concejalía de Normalización Lingüística
    • Responsable técnica: Rosa Moreiras Cuñarro, técnica de normalización lingüística
    • Objetivo principal del servicio:
      • Incrementar el uso y el prestigio de la lengua gallega en todos los ámbitos municipales.

El Servicio de Normalización Lingüística del Ayuntamiento de Ames recibe una subvención anual para gastos de personal de la Diputación de A Coruña y otra de la Xunta de Galicia.

Otros Datos: 
  • Funciones:
    • Asesorar y colaborar con la planificación lingüística del Ayuntamiento de Ames
    • Promover actuaciones para aumentar el uso del gallego en el ámbito municipal, de acuerdo con la normativa vigente, y entre el vecindario
    • Contribuir a la formación lingüística del vecindario y del personal municipal
    • Mejorar la calidad lingüística y comunicativa del Ayuntamiento de Ames
    • Informar y asesorar sobre derechos lingüísticos del vecindario y deberes lingüísticos municipales
    • Asesorar sobre cuestiones lingüísticas al vecindario y al personal municipal

Noticias del departamento

Ames homenaxea a Rosalía de Castro nunha gala protagonizada polo alumnado dos centros educativos

A Casa da Cultura de Bertamiráns acolleu onte, 24 de febreiro,  unha gran festa rosaliana, o evento central das actividades organizadas polo concello para conmemorar o mes da autora. A Gala Rosalía, que contou cunha gran participación da veciñanza e do alumnado dos centros educativos de Ames, puxo en valor a figura da escritora e a súa vinculación co concello. Canda a veciñanza de Ames, na gala participaron Anxo Angueira, presidente da Fundación Rosalía, e María López Sández, membro tamén da dita fundación.  O acto  pechouse cun concerto de Uxía Senlle e Santi Cribeiro que remataron cantando o tema “No bico un cantar” con boa parte do alumnado presente con eles no escenario. Pódese acceder á galería completa de imaxes na seguinte ligazón.

Ames homenaxeou a Rosalía nunha gala na que houbo música, recitados, humor, dramatizacións e videocreacións

O Concello de Ames organizou o pasado venres, 28 de febreiro, un acto en homenaxe a Rosalía de Castro con motivo do 183 aniversario do seu nacemento. Na gala, celebrada no auditorio da Casa da Cultura de Bertamiráns, participuo parte do alumnado dos centros educativos de Ames e outras persoas do mundo da cultura e do ensino. Houbo lecturas, dramatizacións e videocreacións que xiraron ao redor da obra desta poetisa profundamente ligada ao concello. Ao final do acto, que contou coa actuación de MJ Pérez e Iván Bernárdez, os e as asistentes recibiron de agasallo unha rosa e lámina na que se reproducía unha páxina do Herbario de Rosalía de Castro realizado pola escritora escritora María López Sández e a bióloga Isabel Fraga.

Ames pecha a programación do Día de Rosalía 2024 cunha gala poético-musical en homenaxe á escritora

A Casa da Cultura de Bertamiráns acolleu onte, 23 de febreiro, unha gala homenaxe a Rosalía de Castro. Esta gala, que foi o acto central da programación rosaliana organizada polo Concello, puxo o broche de ouro a máis dunha semana de actividades para revitalizar o pensamento e obra da escritora padronesa, e para poñer en valor o seu vínculo co concello de Ames. Premendo nesta ligazón podes acceder á galería de imaxes da gala.

Ames presenta a programación infantil con Apego para o último cuadrimestre de 2022

O Concello de Ames vén de presentar as propostas que compoñen a programación infantil de Ames nos meses de setembro, outubro, novembro e decembro de 2022, que inclúen música, cinema, xogos, tradición oral, contos, maxia ou danza. A primeira actividade é esta mesma semana, o xoves 1 no parque do Ameneiral de Bertamiráns, e o venres 2 no parque dos Piñeiros do Milladoiro, coas “Brincadeiras miúdas” de Cé Orquestra Pantasma. Serán ás 18:00 horas, de balde e sen inscrición previa. A programación ao completo pode consultarse premendo nesta ligazón.

Ames presenta a VII Festa do Apego, unha xornada chea de actividades e recursos para favorecer unha crianza positiva, creativa e en galego

O Concello de Ames, a través do departamento de Normalización Lingüística, presentou esta mañá a VII Festa do Apego, unha xornada aberta e chea de espectáculos, actividades e recursos lúdico-educativos para favorecer unha crianza positiva, creativa e en galego, que se celebrará o vindeiro sábado, 6 de xuño, no Pazo da Peregrina de Bertamiráns. Un espazo de encontro para familias, e tamén para docentes e outras persoas interesadas, no que o apego polo noso é protagonista.

Ames segue festexando o Mes do Libro coa presentación do libro cos textos premiados no XX Certame Literario Concello de Ames

O departamento de Normalización Lingüística de Ames organiza este sábado 20 de abril, ás 18.00 horas, na Casa da Cultura de Bertamiráns, a presentación do libro cos 18 textos premiados XX Certame Literario de Ames, á que acudirán as persoas gañadoras da edición de 2023.

Ames sementa cantares para celebrar as Letras Galegas 2025

O Servizo de Normalización Lingüística do Concello de Ames en colaboración cos Equipos de Dinamización da Lingua Galega dos centros educativos de infantil e primaria puxeron en marcha a actividade Sementando Cantares. Con ela preténdese contribuír a festexar as Letras Galegas 2025, no ano no que se lle dedican á poesía popular oral, con especial protagonismo para as pandereiteiras e cantareiras que coidaron e transmitiron a nosa tradición musical. Nos centros estiveron facendo por aulas unha escolma de cantares e plasmándoos nunhas fichas que lles facilitaron desde o SNL. Esta semana estanse colocando as fichas en diversos lugares do concello. Quen as encontre pode movelas e colocalas noutros lugares para continuar a sementeira. Ademais, as escolas unitarias incluíron un código QR que permite escoitar un audio dos nenos e nenas cantando.

Ames volve a promover o uso do galego no eido empresarial cos VIII Premios Lingua e Empresa

O Concello de Ames pon en marcha por oitavo ano consecutivo os Premios Lingua e Empresa, co obxectivo de recoñecer o uso e fomento da lingua galega na actividade empresarial. Optarán a este galardón todas as empresas, con sede social ou centro de actividade no concello de Ames, que sexan propostas ata o 21 de novembro por calquera persoa ou entidade, ou pola propia empresa que queira participar. A dotación económica dos dous premios que se outorgan é de 1.500 euros, que serán repartidos entre dúas categorías. A organización destes premios corre a cargo das Concellarías de Normalización Lingüística e Promoción Económica. Un total de 72 empresas presentáronse a este certame nas sete edicións anteriores, das cales 16 foron premiadas. Premendo nestas ligazóns pódense descargar as bases do concurso e a ficha de inscrición.

Ames, Santiago e Teo promocionan o uso do galego nas empresas a través do portal web #galegoempresas

O Concello de Ames ven de presentar a plataforma web #galegoempresas, un directorio gratuíto que ten como obxectivo ofrecer unha maior visibilidade entre a poboación ás empresas ou negocios da contorna que ofrezan produtos e/ou servizos en galego. A presentación tivo lugar esta tarde, ás 16.00 horas, no salón de plenos da Casa do Concello de Bertamiráns, nun acto a cargo das concelleiras en funcións de Normalización Lingüística, Isabel Vaquero, e de Promoción Económica, Isabel González, así como do técnico da empresa Ágora Aberta, encargado da elaboración desta plataforma web, Óscar Maceira. Ao acto tamén acudiron os/as técnicos/as de Ames, Rosa Moreiras, técnica de Normalización Lingüística, e Jorge Couñago, técnico de Promoción Económica.

Amplíase ata o 14 de maio o prazo de presentación de traballos ao XVII Certame Literario do Concello de Ames

O prazo de entrega de traballos para o Certame Literario de Ames interrompeuse o mesmo día que se declarou o estado de alarma polo coronavirus, e amplíase tantos días como duren as restricións de mobilidade. Debido á aprobación da nova prórroga, o prazo de entrega de traballos para o Certame Literario amplíase ata o 14 de maio, este incluído. Pero esta data non é definitiva e poderá ser obxecto de ampliación se fose aprobada unha nova prórroga.

Eventos del departamento

>Obradoiro “Voces Violetas"

A Concellaría de Normalización Lingüística do Concello de Ames programa para o luns, 18 de novembro, a actividade Voces Violetas, encadrada dentro da campaña Nós Contra a Violencia. Terá lugar ás 20.00 horas no Pazo da Peregrina de Bertamiráns e está destinada a nais, pais, persoal docente ou calquera outra persoa interesada. A entrada é de balde ata completar aforo e non se precisa inscrición previa.

>Obradoiros de arrolos con Mamá Cabra

Obradoiro impartido por Gloria Mosquera e Diego Maceiras no Pazo da Peregrina de Bertamiráns. Destinado a futuros papás e mamás e familias de nenos de 0 a 3 anos.

A entrada é de balde. Necesario inscribirse do 14 ao 21 de novembro enviando un correo a normalizacion@concellodeames.gal.

>Picadiscos MariFaltri

Sesión discoteca con musica infantil para cantar e bailar. No Pazo da Peregrina, previa inscrición do 4 ao 12 de decembro. Actividade gratuíta.

>Presentación do libro antolóxico do XX Certame Literario Concello de Ames

O departamento de Normalización Lingüística de Ames organiza o sábado 20 de abril, na Casa da Cultura de Bertamiráns, a presentación do libro cos textos finalistas do XX Certame Literario de Ames, ao que acudirán as persoas gañadoras da edición de 2023. No acto, o Servizo de Normalización Lingüística presentará o libro cos textos gañadores da vixésima edición do Certame, e os autores e autoras lerán as súas propias creacións.

>Presentación do libro antolóxico XXI Certame Literario

O sábado 26 de abril, ás 12.30 horas, na Casa da Cultura do Milladoiro, presentarase o libro antolóxico que recompila os textos gañadores da edición XXI do Certame Literario do Concello de Ames.

>Presentación do libro antolóxico XXII Certame Literario Concello de Ames

O departamento de Normalización Lingüística do Concello de Ames organiza este sábado 11 de abril, ás 12.30 horas, no auditorio da Casa da Cultura de Bertamiráns, un acto para presentar o libro antolóxico do XXII Certame Literario. Ao dito acto acudirán os gañadores e gañadores do certame literario de 2025, estará conducido pola xornalista amesá Paula Cantelar e amenizado polo dúo musical Xeito de dous.

>Presentación Premios Certame Literario de Ames 2020

Nun acto no que participarán as persoas premiadas, presentarase esta tarde o libro que recolle os 18 traballos gañadores no Certame Literario Concello de Ames do ano 2020. A presentación terá lugar ás 19:00 horas no Pazo da Peregrina de Bertamiráns. Os autores e autoras lerán fragmentos dos seus traballos. A concelleira de Normalización Lingüística recibirá ás persoas galardoadas.

>Programa Apego: espectáculo Aielé

A programación con Apego volve cunha nova actividade. O venres 8 de maio o grupo Golfiños trae a Ames o seu espectáculo “AIELÉ. De colo en colo, de canción en canción”, ás 18.00 horas na Casa da Cultura do Milladoiro. Este é un concerto participativo con cancións orixinais, inspiradas na tradición oral para crear un espazo cheo de xogo, música e emoción. O prazo de inscrición xa está aberto e rematará o xoves 7 de maio. Para poder participar, as persoas interesadas deberán enviar os seus datos persoais a normalizacion@concellodeames.gal. A entrada é de balde. Podes consultar a programación completa na seguinte ligazón.

>Quen canta Alí?

Contacontos da man de Luís Prego e Fabaloba na Casa da Cultura do Milladoiro. Haberá unha primeira sesión ás 17.00 horas e outra ás 18.00 horas. Está destinado a crianzas de 0 a 6 anos (30 familias por sesión).

A entrada é de balde. Necesario inscribirse do 6 ao 13 de novembro enviando un correo a normalizacion@concellodeames.gal.

>Radio Bulebule de Paco Nogueiras no Milladoiro

Paco Nogueiras, compositor e intérprete, conducirá o venres, 13 de novembro ,o concerto virtual Radio Bulebule. Esta sesión, dirixida a nenos e nenas, combinará humor, baile e cancións a través das pantallas. O prazo de inscrición está aberto ata o xoves 12 de novembro e as familias interesadas en participar deberán enviar un correo electrónico ao enderezo: normalizacion@concellodeames.gal.