Solapas principales

Departamento de Cultura

    • Dirección: Casa da Cultura do Milladoiro. Travesia do Porto, s/n, O Milladoiro. 15895 Ames.
    • Teléfono:  662 37 74 44
    • Responsable municipal: Concejalía de Cultura
    • Responsable técnico: María José Vázquez Bermúdez, Técnica Animación Sociocultural
Otros Datos: 
  • Programación AmesON agosto 2020
  • Programación AmesOn fin de semá agosto 2020
  • Programación escolas culturais 2020-2021
  • Funciones:
    • Gestionar las actividades y eventos que desde el Departamento de Cultura se ponen en marcha, responsabilizándose de su adecuado desarrollo.
    • Informar y asesorar a los grupos y entidades culturales del ayuntamiento, así como al público en general, valorar las demandas de los ciudadanas e incentivar la participación
    • Gestionar los programas culturales que oferta la Diputación, Red Cultural, Xunta de Galicia, AGADIC y Cultura en el Camino. Solicitud,desarrollo, justificación.
    • Tramitar las ayudas económicas corresponsales al área de cultura, tanto las que se solicitan desde el Ayuntamiento, como las que se convocan desde la Concejalía de Educación y Cultura de apoyo las entidades culturales y comisiones de fiestas.
    • Coordinar y gestionar las Escuelas Culturales Municipales.

Noticias del departamento

A comedia teatral “As r(h)umorosas" pecha este venres a programación de artes escénicas

Para este venres o departamento de Cultura do Concello de Ames propón unha peza teatral dirixida a público adulto.  A programación cultural do primeiro semestre de 2024 remata mañá, 3 de maio, ás 20:30 horas, coa comedia teatral "As r(h)umorosas". O espectáculo, producido por Etiqueta Negra, emprega o humor para poñer en valor as figuras das grandes mulleres ilustres da historia de Galicia. As entradas para esta obra están esgotadas. Esta representación forma parte do convenio de colaboración entre a Axencia Galega das industrias Culturais (AGADIC) e o Concello de Ames.

A compañía Berrobambán representa este martes no Milladoiro a obra Ubasute

O Concello de Ames, a través do departamento de Cultura, continúa coa súa ampla oferta de espectáculos no ámbito das artes escénicas. Neste lugar, o vindeiro martes 25 de marzo, ás 20.30 horas, o auditorio do Milladoiro acollerá a representación da obra “Ubasute” de Berrobambán. Os convites para esta obra pódense descargar de xeito gratuíto na Billeteira electrónica do Concello de Ames. Esta programación é unha actividade de mediación que a compañía Berrobambán desenvolve por estar a facer unha residencia artística no noso concello.

A compañía teatral catalá Titzina chega a Ames coa representación de “Búho” este venres, 3 de febreiro

A Casa da Cultura do Milladoiro acolle este venres, 3 de febreiro, a representación da obra de teatro “Búho”, da compañía catalá Titzina Teatro. Será ás 20:30 horas. A obra narra —en castelán— a historia de Pablo, un antropólogo forense que sofre un ictus e acaba padecendo amnesia severa. Os espectadores poderán asistir a unha procura interior pola súa memoria para recuperar as súas lembranzas, e, en definitiva, a súa identidade. Esta representación forma parte do convenio asinado entre o Concello e a Axencia Galega de Industrias Culturais (AGADIC), e da programación cultural de Ames para o primeiro semestre do ano. As entradas xa se poden adquirir na Billeteira electrónica do Concello.

A Concellaría de Cultura pon en marcha o programa “Abril de cine”

A Concellería de Cultura vén de organizar unha nova iniciativa cultural para o vindeiro mes de abril. A través do programa “Abril de cine” a veciñanza amesá poderá gozar de tres sesións de cine con filmes galego durante os mércores de abril. A primeira película que se proxectará será Ons, o vindeiro día 7 de abril na Casa da Cultura de Bertamiráns. A seguinte sesión será o 14 de abril co filme A Illa das mentiras, na Casa da Cultura do Milladoiro. A terceira e última sesión realizarase o día 21 de abril, tamén na Casa da Cultura de Bertamiráns. Neste caso proxectarase o filme Trote. Todas as proxeccións serán ás 20.00 horas. A entrada é de balde e débese reservar o convite a través da billeteira electrónica do Concello de Ames. Este programa está patrocinado pola Deputación da Coruña.

A Concellaría de Cultura presenta unha nova edición do programa Abril de Cine, que achegará a Ames sete pezas audiovisuais

Esta mañá celebrouse a presentación de Abril de Cine, unha iniciativa encadrada dentro da programación organizada polo departamento de Cultura do Concello de Ames. O obxectivo do proxecto é achegar o cinema galego á veciñanza amesá. Nesta ocasión, no marco do Abril de Cine proxectaranse as películas O corpo aberto, Matria e As Bestas; a web serie Pringadas; as curtas La entrega e Solpor e o documental Fontán. O primeiro rostro de Galicia. O acto de presentación tivo lugar no auditorio da Casa da Cultura do Milladoiro, lugar no que se proxectarán todas as pezas, e onde o pasado outono se realizou unha modernización das infraestruturas. As entradas poderanse adquirir a través da Billeteira electrónica do Concello de Ames. 

A Concellaría de Cultura programa un novo ciclo de cine coa proxección dos filmes O Corno e Salta

O Concello de Ames, a través da Concellaría de Cultura, programa un novo ciclo de cine durante o mes de novembro no que se proxectarán os filmes O Corno, de Jaione Camborda, que gañou a Concha de ouro á mellor película no Festival de cine de San Sebastián 2023; e Salta, de Olga Osorio, unha longametraxe que adapta a curta Einstein-Rosen, realizada previamente pola propia directora. Ambas as dúas proxección serán no auditorio da Casa da Cultura do Milladoiro os martes 7 e 14 de novembro ás 20.00 horas. Ao final das proxeccións haberá un coloquio coas directoras dos filmes. As entradas xa se poden adquirir a través da Billeteira electrónica.

A Concellaría de Cultura programa un novo ciclo de cine para o mes de novembro

O Concello de Ames, a través da Concellaría de Cultura, programa un novo ciclo de cine durante o mes de novembro no que se proxectarán os filmes “As Neves”, “+Cuñados” e “Os espazos en branco”. Todas elas serán proxetadas no auditorio da Casa da Cultura do Milladoiro os martes 12, 19 e 26 de novembro ás 20.00 horas. Ao final das proxeccións haberá un pequeno coloquio sobre os filmes. As entradas xa se poden adquirir a través da Billeteira electrónica. 

A Concellaría de Cultura publica unha enquisa para valorar a programación de artes escénicas

Co obxectivo de introducir posibles melloras na programación que organiza a Concellaría de Cultura, unha nova enquisa interpela á veciñanza sobre a valoración da organización dos eventos de artes escénicas. Ademais, a enquisa deixa aberta a opción de facer algún comentario adicional ou algunha suxestión que axude a mellorar dita programación. A enquisa publicouse hoxe na web municipal e estará aberta durante varias semanas. Para participar na enquisa podes premer nesta ligazón. Habilitouse un banner na cabeceira da páxina web que estará dispoñible mentres a enquisa estea activa.

A concelleira de Cultura mantén unha reunión coa nova directiva da asociación cultural A Maía da parroquia Bugallido

A concelleira de Cultura, acompañada do concelleiro de Educación e da concelleira de Mocidade, vén de manter unha xuntanza coa nova directiva da asociación cultural A Maía, que desenvolve as súas actividades na parroquia de Bugallido. Dito encontro serviu para coñecer aos novos membros da directiva e intercambiar información sobre as necesidades de mellora do local da antiga escola unitaria de Bugallido e tamén sobre a posibilidade de organizar novas actividades culturais na parroquia. Ademais, falouse de futuros proxectos de colaboración entre a Administración local e dita asociación.

A concelleira de Cultura visita a Escola de Música de Brión co obxectivo de coñecer outros modelos de funcionamento

A concelleira de Cultura, Natividade González, realizou este xoves, 11 de febreiro, unha visita á Escola de Música de Brión co obxectivo de coñecer outros métodos de traballo, funcionamento e instalacións, que se poderían incluír na Escola Municipal de Música de Ames (EMMA). Natividade González foi recibida pola concelleira de Cultura do Concello de Brión, Sandy Cebral. Nesta visita tamén participaron a técnica que coordina a EMMA, Almudena Caamaño, o director da Escola de música de Brión, Carlos Pintor Iglesias, e mailo director da Banda de música de Brión, Jorge Rey Barca. Proximamente, está previsto visitar as escola de música de Negreira e Ribadeo, entre outras.

Eventos del departamento

> Contacontos na biblioteca do Milladoiro

Organizado e posto en escena polas animadoras á lectura das bibliotecas municipais, este contacontos leva por título "Coma gatos e ratos".

Está dirixido a nenos e nenas de entre 3 e 8 anos. 

O prazo de inscrición esténdese do 25 ao 30 de outubro

> Danza contemporánea: "Nina Ninette"

A programación cultural do Concello de Ames durante o primeiro semestre do ano inclúe o espectáculo de danza contemporánea "Nina Ninette", que terá lugar no auditorio da Casa da Cultura do Milladoiro o venres 14 de abril, ás 18:00 horas. Trátase dun conto iniciático que se inspira na estética do Ballet Triádico para danzar unha historia de beleza e rebeldía. As entradas xa se poden adquirir a través da Billeteira electrónica do Concello de Ames. 

> Danza contemporánea: "Tabú"

A programación cultural do Concello de Ames durante o primeiro semestre do ano remata co espectáculo de danza contemporánea "Tabú", que terá lugar no auditorio da Casa da Cultura de Bertamiráns o venres 21 de abril, ás 20:30 horas. A actuación dura arredor de 60 minutos, e narra a historia de 12 mulleres, retratadas nunha fotografía datada de 1925 por Manuel Riesco. Trátase de xogadoras de fútbol do Arnoia de Allariz e do Celanova, que posan con actitude desafiante e seria, e recollido ao estilo belle époque, baixo o título "Equipo de fútbol feminino no campo vello de Vilanova". Quen eran esas mulleres? Que sucedeu nese partido? Atopámonos ante unhas pioneiras do que a principios do século XX era un tabú? Fronte a eses interrogantes, o espectáculo ofrece un mergullo nas curiosidades das travesías de vida feminizadas. As entradas para ver "Tabú" pódense adquirir na Billeteira electrónica do Concello. 

> Danza: "Bailar agora"

A danza será a protagonista no mes de abril da programación cultural de Ames, con dous espectáculos na Casa da Cultura do Milladoiro. A segunda proposta deste xénero será o venres 22 de abril ás 20:30 horas, con “Bailar agora”, un espectáculo de danza contemporánea da compañía Marta Alonso Tejada Traspediante. “Bailar agora” é un impulso por situarnos no tempo actual das cousas, con plena consciencia sobre o aquí e o agora do que facemos e de como vivimos. As entradas poden adquirirse xa na Billeteira electrónica do Concello de Ames.

> Danza: "DeMente"

A danza será a protagonista no mes de abril da programación cultural de Ames, con dous espectáculos na Casa da Cultura do Milladoiro. O primeiro será “DeMente”, o venres 1 de abril, con dúas sesións ás 17:30 e ás 20:30 horas. Será unha sesión de danza tradicional da compañía Fran Sieira, que tratará de mostrar o estigma que sofren e sufriron as persoas que padecen trastornos mentais, dende os amoreamentos carcerarios ata a a exteriorización dos nosos días. As entradas xa están dispoñibles na Billeteira electrónica do Concello de Ames.

> Danza: "Mimesis"

A programación de actividades para o público infantil de Ames continúa en outubro co espectáculo de danza Mimesis, da compañía Zig Zag Teatro. Trátase dun espectáculo dirixido ás familias con nenas e nenos de 0 a 3 anos, no que se construirá un espazo para ser habitado e compartido polos intérpretes e as persoas asistentes. Será o vindeiro venres 7 de outubro na Casa da Cultura do Milladoiro, ás 18:00 horas. Os convites, de balde, xa se poden retirar na Billeteira electrónica do Concello de Ames.

> EMMA: audición de violín

O alumnado de violín da Escola Municipal de Música participará este mércores, 10 de maio, ás 18.30 horas, nunha audición co obxectivo de compartir o que aprenderon ao longo deste curso. Interpretarán pezas de estilos musicais moi variados.

> Encontro de escolas de música

Co obxectivo de reunir a persoas de distintos municipios para que intercambien impresións e gustos musicais, o día 28 de abril haberá un encontro de escolas de música no aparcadoiro da Casa da Cultura do Milladoiro, ás 19:00 horas. Na cita, organizada pola EMMA, está previsto que participen as escolas musicais de Brión, de Negreira e do Grove. Actuarán arredor de 100 alumnos e alumnas das catro escolas. Haberá unha agrupación de violín, unha banda e combos de diferentes estilos. En total, o concerto durará arredor duns 90 minutos, e cada escola participante non excederá dos 20 minutos de actuación.

> Encontro de grupos de música e baile tradicional de Ames

A Concellaría de Cultura organiza no mes das letras un concerto–encontro das agrupacións de música e baile tradicional de Ames. Será o sábado 21 de maio, ás 20:00 horas, na Casa da Cultura de Bertamiráns. Participan as asociacións culturais Os Castros, Airiños do Paseo do Colón, As Maianas e Retranqueiros. Os convites están dispoñibles na billeteira electrónica do Concello de Ames.

> Evento tecnolóxico: "Día da AMTIC"

O Concello de Ames, a través da Concellaría de Cultura e Tecnoloxías da Comunicación, organiza o evento tecnolóxico “Día da AMTIC”, que se desenvolverá o sábado 10 de decembro de 10:30 a 20:00 horas na Casa da Cultura do Milladoiro. Haberá actividades informáticas como talleres de administración electrónica, de impresión 3D ou do programa GIMP para todos os públicos, así como distintos espazos permanentes con torneos e obradoiros, e unha charla denominada “Adiccións e videoxogos. Como evitar que o meu fillo/a me arruíne”.