O programa QLab é unha ferramenta creada para a programación audiovisual e para a iluminación no traballo escénico. Co curso, Escena Galega buscaba orientar aos participantes nalgúns aspectos do software, como coñecer a interface de usuario, aprender as rutinas máis importantes para lanzar audio e vídeo, crear pezas dinámicas en sincro ou realizar con cámaras un evento dende o propio QLab.

A actividade englóbase dentro do programa de formación e capacitación da asociación para este ano 2022, e foi impartido por Mariano García, deseñador de son, compositor musical e creador da súa propia academia de dixitalización e software para a realización de eventos. García conta con vinte anos de experiencia na docencia de software audiovisual, e actualmente focaliza toda a súa actividade no desenvolvemento de espectáculos co concepto do son inmersivo.

O curso, organizado en colaboración co Concello de Ames e ca Axencia Galega de Industrias Culturais, completou o seu aforo. A el asistiron quince profesionais con distintos perfís técnicos, pola complexidade e a especificidade das tarefas que se desenvolveron.

Novas relacionadas:

El Correo Gallego: "Formación para quince profesionais do sector audiovisual no programa QLab5"