Solapas principales

Departamento de Cultura

    • Dirección: Casa da Cultura do Milladoiro. Travesia do Porto, s/n, O Milladoiro. 15895 Ames.
    • Teléfono:  662 37 74 44
    • Responsable municipal: Concejalía de Cultura
    • Responsable técnico: María José Vázquez Bermúdez, Técnica Animación Sociocultural
Otros Datos: 
  • Programación AmesON agosto 2020
  • Programación AmesOn fin de semá agosto 2020
  • Programación escolas culturais 2020-2021
  • Funciones:
    • Gestionar las actividades y eventos que desde el Departamento de Cultura se ponen en marcha, responsabilizándose de su adecuado desarrollo.
    • Informar y asesorar a los grupos y entidades culturales del ayuntamiento, así como al público en general, valorar las demandas de los ciudadanas e incentivar la participación
    • Gestionar los programas culturales que oferta la Diputación, Red Cultural, Xunta de Galicia, AGADIC y Cultura en el Camino. Solicitud,desarrollo, justificación.
    • Tramitar las ayudas económicas corresponsales al área de cultura, tanto las que se solicitan desde el Ayuntamiento, como las que se convocan desde la Concejalía de Educación y Cultura de apoyo las entidades culturales y comisiones de fiestas.
    • Coordinar y gestionar las Escuelas Culturales Municipales.

Noticias del departamento

A Casa da Cultura do Milladoiro acolle este venres a obra de teatro “Hamelin”

O Concello de Ames propón para este venres teatro dirixido a público adulto. A programación cultural de 2024 continúa o venres, 1 de marzo, ás 20:30 horas, coa obra de teatro “Hamelin”. O espectáculo, producido por Redrum Teatro, está dirixido a un público adulto e nel se aborda a pederastia a través dunha adaptación do conto do Frautista de Hamelin. Os convites xa se poden adquirir na Billeteira electrónica. Esta programación forma parte do convenio de colaboración entre a Axencia Galega das Industrias Culturais (AGADIC) e o Concello de Ames.

A parroquia de San Xoán de Ortoño celebra este domingo, 1 de setembro, a romaría na honra de Santa Filomena

Chega o mes de setembro e continúan as festas no concello de Ames. Desta volta tócalle á parroquia de San Xoán e Ortoño que celebra este domingo, 1 de setembro, a romaría na honra de Santa Filomena. Haberá misa solemne, sesión vermú e verbena. Ademais, dende ás 18.00 horas no campo da festa desenvolverase a festa de cores Holi Party FM, na que actuarán os DJs Dumore e Juanma López. Está organizada pola emisora Party FM e a Asociación sociocultural de mulleres de San Xoán de Ortoño. Estas festas contan coa colaboración do Concello de Ames.

As escritoras galegas escollen Ames para presentar as súas obras

Co poemario “Estrita necesidade”, de Carlos Negro, remataron as presentacións de libros que ao longo desta tempada levou a cabo a Concellaría de Cultura, a través do departamento de Bibliotecas. Dende o mes de marzo, o Pazo da Peregrina de Bertamiráns acolleu 10 presentacións e un recital poético. Os eventos satisfixeron as necesidades de todos os públicos, dende adulto, xuvenil ata infantil. Está previsto que as presentacións se retomen no mes de setembro. Cómpre salientar que dezaseis mulleres, dez delas nunha obra colectiva, presentaron as súas obras en Ames.

Carlos Negro presenta en Ames “Non cantan paxaros neste bosque”

O pazo da Peregrina acolle o xoves, 8 de marzo, ás 20:00 horas, a presentación de “Non cantan paxaros neste bosque” do escritor e veciño de Ames, Carlos Negro. A obra, publicada pola editorial Xerais na colección de literatura xuvenil “Fora de xogo”, recolle nove contos que o propio autor cualifica como “relatos de medo”. Na presentación, Carlos estará acompañado pola concelleira de Cultura, Natividade González, o ensaísta, tradutor e crítico literario Xosé Antón López Silva e o director de Xerais, Fran Alonso. A entrada ao acto é gratuíta até completar o aforo que é limitado por mor da normativa de prevención da COVID19. O evento encádrase dentro da programación da Biblioteca Municipal de Ames.

Comeza a XV edición do Festival de Maxia de Ames

Coa primeira Gala Máxica Galega comeza esta tarde en Bertamiráns a XV edición do Festival de Maxia de Ames. Unha edición marcada polas restricións que impón a loita contra a Covid-19 e que levaron ao departamento de Cultura a decidir esta mesma semana trasladar os eventos que se ían a realizar no Milladoiro á localidade de Bertamiráns. Deste xeito, os dous obradoiros de maxia e as dúas funcións da Gala Máxica Internacional que se desenvolverán o domingo 25 de outubro no Milladoiro, mudan de espazo e se trasladan á Casa da Cultura de Bertamiráns. A sesión das 20:00 horas da tarde desta Gala Internacional será retransmitida por streaming. Poderase ver a través da canle de YouTube do Concello de Ames e da páxina de directo do Concello de Ames.

Este venres, 2 de outubro, comenzan as actividades de “Animación á lectura” co contacontos infantil "A Cinicleta na biblioteca"

O programa de “Animación á lectura” arranca mañá, venres 2 de outubro, coas sesións de Conto contiño, uns contacontos para nenos de entre 3 e 8 anos. Inaugúrase con “A Cinicleta na biblioteca” a cargo de Brais Moure. O encontro, que nun primeiro momento ía celebrarse na praza Chavián, trasládase á Casa da Cultura de Bertamiráns por mor da chuvia. A actividade comezará ás 17.30 horas.

500 persoas asistiron en Ames aos concertos da semana da música pola Santa Icía

O Concello de Ames, a través do seu departamento de Cultura, desenvolveu esta pasada semana as actividades culturais programadas na honra da Santa Icía, a patroa dos músicos, ás que asistiron arredor de 500 persoas entre todos os concertos. Deste xeito, celebráronse varios espectáculos musicais e un de danza que puxeron en valor os talentos musicais afincados no noso concello e tamén os talentos emerxentes das nosas agrupacións musicais municipais.

770 escolares serán os primeiros espectadores da quinta edición do festival Cinema Miúdo

Os días 24, 25, 26 e 27 de novembro o Concello de Ames prenderá o proxector das Casas de Cultura do Milladoiro e Bertamiráns e recibirá a centos de nenos e nenas ávidos de desfrutar de boas historias na pantalla. Isto é posible grazas a Cinema Miúdo, o festival internacional de cinema infantil que a Concellaría de Cultura de Ames organiza desde 2018 e que inclúe a proxección de máis de 60 curtametraxes internacionais, un obradoiro, actuacións e música. Preme nesta ligazón para ver o catálogo do festival.

A adaptación de Excéntricas de “O porco de pé” chega a Bertamiráns este venres 30 de setembro

A compañía Producións Teatrais Excéntricas achega a Ames a obra “O porco de pé”, unha representación da clásica novela de Vicente Risco. A adaptación da sátira, orixinalmente baseada nos anos vinte do século XX, mostrará un relato de corrupción política, amor e personaxes grotescos e caricaturescos. Será o próximo venres 30 de setembro, ás 20:30 horas, no auditorio da Casa da Cultura de Bertamiráns. As entradas poden adquirirse xa na Billeteira electrónica.

A Ameixenda celebra as súas festas na honra da Santa Mariña

Dende este venres 26 de agosto e ata o domingo 28 de agosto a parroquia da Ameixenda celebra as festividades na honra de Santa Mariña. Durante os vindeiros días haberá misas e procesións, verbenas e sesións vermú. Estas festas contan coa colaboración do Concello de Ames, así como da Xunta de Galicia a través do programa Cultura no Camiño.

Eventos del departamento

> Cinema: "Tres"

A Concellaría de Cultura prosegue en novembro co Ciclo Mestre Mateo, coa proxección do filme “Tres”, galardoada con tres premios Mestre Mateo da Academia Galega do Audiovisual (mellor película, mellor interpretación feminina protagonista para Marta Nieto e mellor son para Daniel Fontrodona, Oriol Tarragó, Marc Bech e Marc Orts).

>Ames Jazz

Este venres, 20 de setembro, ás 22.30 horas, celebrarase o segundo Encontro de jazz de Ames. Trátase dunha iniciativa do departamento de Cultura, a través da cal se quere potenciar esta disciplina musical. Actuarán Mónica de Nut e Virxilio da Silva; así como Xacobe Martínez con Antelo Trío. O concerto desenvolverase no Pazo da Peregrina, en Bertamiráns. No caso de que chova, trasladarase ao auditorio da Casa da Cultura de Bertamiráns. Esta actividade está dirixida a todos os públicos. A entrada é de balde.

> "Son de Tres" na praza da Madalena

“Música na noite” trae ao Milladoiro ao grupo Son d3. A actuación desenvolverase na praza da Madalena a partir das 22:00 horas.
O Aforo é limitado.

> 25N | Cine: "Nación"

O mércores 17 de novembro, ás 20.30 horas, na Casa da Cultura de Bertamiráns proxectarase o cine documental, dirixido a adultos, "Nación". A sesión inclúe un coloquio antes da proxección coa directora, Margarita Ledo. Reserve o seu convite na billeteira electrónica.

> 8M | Teatro: "As que limpan"

O venres 18 de marzo volve a comedia á programación cultural de Ames do primeiro semestre de 2022, coa produción da compañía A Panadaría, “As que limpan”. Será na Casa da Cultura de Bertamiráns, ás 20:30 horas. A obra pon o seu foco nas camareiras de piso dos hoteis, e na súa loita por conseguir uns dereitos laborais e sociais xustos. As entradas xa están dispoñibles na Billeteira electrónica do Concello de Ames.

> 8M | Teatro: "Asdomare"

A segunda das catro obras da programación de artes escénicas de Ames da primeira metade de 2022 dirixidas ao público miúdo e familiar será “Asdomare”. A representación terá lugar o xoves 17 de marzo ás 18:00 horas, no auditorio da Casa da Cultura de Bertamiráns. “Asdomare”, recomendada para rapazada dos 6 aos 10 anos, é unha proposta de narración oral e música, que fala das mulleres do mar ou do mar de mulleres a través do teatro. As entradas xa están dispoñibles a través da Billeteira electrónica do Concello de Ames.

> 8M | Teatro: "GOLFA"

“GOLFA” é unha comedia transmedia sobre a sexualidade dende as artes escénicas, orixinalmente programada para o 25 de marzo. Finalmente, e tras ser adiada, a compañía Crémilo Proxectos Culturais e Dist. Espectáculos levará esta peza á Casa da Cultura de Bertamiráns o venres 8 de abril, ás 20:30 horas. As entradas xa poden adquirirse a través da Billeteira electrónica do Concello de Ames.

> Abril de cine: "Pringadas"

A Concellería de Cultura pon un ano máis en marcha a iniciativa "Abril de Cine", que ten como obxectivo achegar o cinema galego á veciñanza amesá. A terceira das pezas audiovisuais que se proxectará no marco deste programa será a webserie "Pringadas". A sesión terá lugar o sábado 15 de abril, ás 20:00 horas, no auditorio da Casa da Cultura do Milladoiro. Os convites, que son de balde, xa se poden descargar a través da Billeteira electrónica do Concello de Ames. 

> Acto do Día de Galicia

O Concello de Ames está organizando para o luns, 24 de xullo, ás 20.00 horas, unha serie de actividades para celebrar o Día de Galicia. Trátase dun acto institucional, que se celebrará no Pazo da Peregrina de Bertamiráns, onde se lle fará un acto de recoñecemento á Coral polifónica de Bugallido con motivo dos seus 50 anos de traxectoria musical. Dita coral foi creada no ano ano 1972 na parroquia de Bugallido. O alcalde entregaralle a Xosé Luís Castro Tourís, presidente da coral polifónica de Bugallido, a medalla do Concello de Ames. Ao longo do acto intervirán o alcalde e mailas voceiras e voceiros dos diferentes grupos políticos da Corporación municipal. Tamén haberá unha quenda de intervencións aberta á veciñanza. O músico, Javier Constenla, encargarse de amenizar o evento interpretando ao piano varias pezas musicais, mentres que o xornalista de Ames Radio, Juan Luis Silva, será o encargado de presentar o acto.

> Acto do Día de Galicia 2022

O Concello de Ames celebra o Día de Galicia cun acto institucional que neste 2022 recoñecerá á veciña amesá, María Victoria Otero Espinar, catedrática de Análise Matemático na Universidade de Santiago de Compostela e vicepresidenta primeira da Real Sociedade Matemática Española. O Concello fará entrega a Otero Espinar da medalla do Concello de Ames, nunha recepción oficial na que intervirán as voceiras e voceiros dos diferentes grupos políticos da Corporación municipal, así como amizades e familia da homenaxeada. O acto de celebración terá lugar o venres, 29 de xullo, no Pazo da Peregrina, en Bertamiráns, a partir das 20:30 horas, e contará coa música do grupo As Lens.