Actualidad
![Maianas presentan o seu novo disco Fala de min! o sábado, 27 de xullo, no parque do Ameneiral Maianas presentan o seu novo disco Fala de min! o sábado, 27 de xullo, no parque do Ameneiral](https://www.concellodeames.gal/sites/default/files/styles/medium/public/noticias/imagenes/2024/07/portadadisco_falademin.jpg?itok=rJZqbl_K)
O parque do Ameneiral, situado en Bertamiráns, acolle o próximo sábado, 27 de xullo, ás 20.00 horas, a presentación do novo disco das Maianas. Fala de min! é o novo traballo discográfico do grupo de cantareiras Maianas, que está formado por doce pezas de composición propia e versións de temas populares. O grupo de cantareiras Maianas formouse no ano 2007 no concello de Ames, tras coñecérense as súas integrantes nos obradoiros municipais de baile e música tradicional do Concello de Ames.
![O Concello de Ames rendeulle homenaxe a Borja Golán con motivo do Día de Galicia O Concello de Ames rendeulle homenaxe a Borja Golán con motivo do Día de Galicia](https://www.concellodeames.gal/sites/default/files/styles/medium/public/noticias/imagenes/2024/07/dia_galicia_portada.jpg?itok=myMrEHzs)
O Concello de Ames celebrou hoxe martes, 23 de xullo, o acto do Día de Galicia. O Pazo da Peregrina de Bertamiráns foi o escenario dun acto de celebración da galeguidade e, ao mesmo tempo, dun acto de recoñecemento ao deportista amesán Borja Golán que recibiu a medalla do Concello de Ames. Ao longo do acto interviron o alcalde e mailas voceiras e voceiros dos diferentes grupos políticos da Corporación municipal. A compañía martaalonsotejada e Mounqup amenizaron o acto coa interpretación de varias pezas de música e danza. O acto estivo presentado pola actriz e creadora Carlota Mosquera.
![Preséntase o programa “Ames en Festas 2024” que recolle dez días seguidos de festexos no Milladoiro e Bertamiráns Preséntase o programa “Ames en Festas 2024” que recolle dez días seguidos de festexos no Milladoiro e Bertamiráns](https://www.concellodeames.gal/sites/default/files/styles/medium/public/noticias/imagenes/2024/07/ames_en_festas1.jpg?itok=Yi0wj5Zi)
Por terceiro ano consecutivo o Concello de Ames, as comisións de festas da Madalena e da Peregrina e a Xuntanza de Empresarios de Ames colaboran para organizar 10 días de festexos no cartel “Ames en Festas 2024”, que encadea as festas da Madalena do Milladoiro, do venres 2 ao martes 6, e as festas da Peregrina de Bertamiráns, do mércores 7 ao domingo 11 de agosto. As mellores orquestras de Galicia pasarán por Ames: Panorama, Gran Parada, Metrópolis, Combo Dominicano, París de Noia, Os Satélites e Los Coleguitas. Tamén haberá concertos a cargo de Guadi Galego, do grupo La Banda de Ayer e Tania Veiras. Este ano como novidade haberá dous pregóns, un de inicio nas festas do Milladoiro o sábado 3 de agosto e outro de peche nas festas de Bertamiráns o domingo 11 de agosto durante a sesión vermú ao mediodía.
![Imaxe de arquivo da festa do chourizo ao viño Imaxe de arquivo da festa do chourizo ao viño](https://www.concellodeames.gal/sites/default/files/styles/medium/public/noticias/imagenes/2024/07/imaxe_de_arquivo_festa_chourizo_2023_0.jpg?itok=zjjPmW3d)
O Concello de Ames, a través da Concellería de Cultura, mantén aberto ata o 31 de xullo o prazo para participar na convocatoria de subvencións en especies para as festas populares celebradas no 2024 por asociación e comisións de festas municipais. O prazo está aberto para as festas que se celebren nos meses de setembro a decembro de 2024. Con estas axudas búscase fomentar a celebración das festas e colaborar na súa organización, facendo máis doada a labor que está a desenvolver o tecido asociativo e as comisións de festas do concello no eido da dinamización sociocultural. A contía total desta liña de axudas ascende a 24.000 euros. Ata o de agora xa se consumiron 15.890 euros, isto representa o 66,20% da contía total. Premendo nesta ligazón pódense obter as bases da convocatoria.
![As “Noites en Vela” da Ponte Maceira volven iluminar o límite municipal entre Ames e Negreira As “Noites en Vela” da Ponte Maceira volven iluminar o límite municipal entre Ames e Negreira](https://www.concellodeames.gal/sites/default/files/styles/medium/public/noticias/imagenes/2024/07/noites_en_vela6.jpg?itok=zNvpNrPq)
A edición 2024 das “Noites en Vela” na Ponte Maceira resultou ser todo un éxito pese a permanente ameaza de choiva existente. O coro “Son Elas” e “Lontreira” fixeron bailar e saltar aos centros de persoas que acudiron ao evento sobre o río Tambre. De novo máis de 1000 candeas iluminaron o entorno da Ponte Maceira nunha das edicións con maio éxito das que recorda a organización, cunha afluencia aproximada de 500 persoas.
![Ames acolleu unha xornada do Festival Internacional de Danza e Movemento “Abanea” Ames acolleu unha xornada do Festival Internacional de Danza e Movemento “Abanea”](https://www.concellodeames.gal/sites/default/files/styles/medium/public/noticias/imagenes/2024/07/festival_abanea6.jpg?itok=m_M3tr-9)
O Pazo da Peregrina acolleu este venres, 19 de xullo, por primeira vez, unha das xornadas do Festival Internacional de Danza e Movemento “Abanea”, organizado pola asociación ISMO Cultura. Así, ao longo desta xornada desenvolvéronse diversas actividades arredor da danza e do movemento, co obxectivo de impulsar esta disciplina entre a veciñanza. Houbo encontros para os profesionais da danza, impartíronse os obradoiros “Danza en Familia” e “A danza como lugar de recreo”, e púidose gozar das actuacións a cargo de Suevia Rojo, Paulina Espinosa, Mariana Oliveira, Angel Durán e Mounqup. A artista amesá vinculada ao apoio bienal, Suevia Rojo, estreou “Pensar a contratempo”.
![Este sábado, 20 de xullo, celébrase unha nova edición de Noites en Vela na Ponte Maceira Este sábado, 20 de xullo, celébrase unha nova edición de Noites en Vela na Ponte Maceira](https://www.concellodeames.gal/sites/default/files/styles/medium/public/noticias/imagenes/2024/07/cartaz_noites_en_vela_2024_portada_0.jpg?itok=YBRPg0Os)
Este sábado, 20 de xullo, a partir das 21:00 horas, terá lugar unha nova edición das “Noites en Vela” na Ponte Maceira. Trátase dun evento que une aos concellos de Ames e Negreira dende o ano 2016, e que só puido interromper a pandemia durante as edicións do 2020 e 2021. Este ano os encargados de amenizar a noite serán o coro “Son Elas”, que darán paso a “Lontreira” e estes a un espectáculo pirotécnico que finalizará a velada. O acceso ao evento é de balde.
![Cartaz dos Seráns de Ames 2024 Cartaz dos Seráns de Ames 2024](https://www.concellodeames.gal/sites/default/files/styles/medium/public/noticias/imagenes/2024/07/seransames2024_portada_0.jpg?itok=v8GY-d4c)
Este xoves, 18 de xullo, o campo da festa de Bugallido acolle a terceira das actuacións da cuarta edición dos “Seráns de Ames”. A iniciativa, que se desenvolve durante sete xoves de xullo e agosto, acolle nesta ocasión un espectáculo de danza e circo para todos os públicos. O espectáculo “A vida tola de Pajarito” representarase ás 20:00 horas por parte da compañía galega Pistacatro. Premendo nesta ligazón podes consultar o cartel ao completo dos “Seráns de Ames”.
![O 19 de xullo chega a Ames o Festival Internacional de Danza e Movemento “Abanea” O 19 de xullo chega a Ames o Festival Internacional de Danza e Movemento “Abanea”](https://www.concellodeames.gal/sites/default/files/styles/medium/public/noticias/imagenes/2024/07/cataz_abanea_portada.jpg?itok=gEEHZKpT)
Este venres, 19 de xullo, o concello de Ames acollerá unha das xornadas do Festival Internacional de Danza e Movemento “Abanea”, organizado pola asociación ISMO Cultura. Así, ao longo desta xornada desenvolveranse no Pazo da Peregrina diversas actividades arredor da danza e do movemento, co obxectivo de impulsar esta disciplina entre a veciñanza. Haberá encontros para os profesionais da danza, os obradoiros “Danza en Familia” e “A danza como lugar de recreo”, e actuacións a cargo de Suevia Rojo, Paulina Espinosa, Mariana Oliveira, Angel Durán e Mounqup. A artista amesá vinculada ao apoio bienal, Suevia Rojo, estreará “Pensar a contratempo”.
![Apróbase o reparto de 55.000 euros en axudas para as asociacións culturais e comisións de festas de Ames Apróbase o reparto de 55.000 euros en axudas para as asociacións culturais e comisións de festas de Ames](https://www.concellodeames.gal/sites/default/files/styles/medium/public/noticias/imagenes/2024/07/festas_populares_0.jpg?itok=INS9gumD)
O Concello de Ames acaba de aprobar, na Xunta de Goberno Local do pasado 5 de xullo, a concesión das axudas relativas á promoción das actividades culturais e á organización de festexos tradicionais. Despois de resolver as solicitudes presentadas, o Goberno municipal aprobou o reparto de 30.000 euros entre catorce asociacións culturais e de 25.000 euros entre oito asociacións e comisións de festas. A estas subvencións puideron optar todas as asociacións do concello que realizan actividades de índole cultural e festas tradicionais. As entidades beneficiarias destas axudas teñen ata o 31 de xaneiro de 2025 para presentar a xustificación de gastos. Os gastos a aportar polas entidades beneficiarias teñen que corresponder ao exercicio 2024.
- 1 de 51
- siguiente ›