Solapas principales

Departamento de Cultura

    • Dirección: Casa da Cultura do Milladoiro. Travesia do Porto, s/n, O Milladoiro. 15895 Ames.
    • Teléfono:  662 37 74 44
    • Responsable municipal: Concejalía de Cultura
    • Responsable técnico: María José Vázquez Bermúdez, Técnica Animación Sociocultural
Otros Datos: 
  • Programación AmesON agosto 2020
  • Programación AmesOn fin de semá agosto 2020
  • Programación escolas culturais 2020-2021
  • Funciones:
    • Gestionar las actividades y eventos que desde el Departamento de Cultura se ponen en marcha, responsabilizándose de su adecuado desarrollo.
    • Informar y asesorar a los grupos y entidades culturales del ayuntamiento, así como al público en general, valorar las demandas de los ciudadanas e incentivar la participación
    • Gestionar los programas culturales que oferta la Diputación, Red Cultural, Xunta de Galicia, AGADIC y Cultura en el Camino. Solicitud,desarrollo, justificación.
    • Tramitar las ayudas económicas corresponsales al área de cultura, tanto las que se solicitan desde el Ayuntamiento, como las que se convocan desde la Concejalía de Educación y Cultura de apoyo las entidades culturales y comisiones de fiestas.
    • Coordinar y gestionar las Escuelas Culturales Municipales.

Noticias del departamento

A parroquia de Bugallido celebrará este sábado o seu tradicional Magosto cunha xornada chea de música e baile

A Asociación Veciñal de Bugallido, en colaboración co Centro Cultural Mahía e a Sociedade Agraria de Bugallido, Ortoño e Biduído, organiza mañá, 15 de novembro, o  Magosto de Bugallido, unha das celebracións máis agardadas de todo o ano. Así, ao longo da tarde deste sábado, todas as persoas que se acheguen ata o campo da festa da parroquia amesá poderán degustar as castañas propias desta festa, así como gozar da foliada de música e baile tradicional da man de A Requinta de Lampai, Os Liantes e A Banda das Crechas. 

A parroquia de Bugallido lembra a figura de Antonio Santomil no 40 aniversario do seu pasamento

Ese pasado domingo, 20 de decembro, a parroquia de Bugallido lembrou a Antonio Santomil, cura, párroco e impulsor de iniciativas culturais na parroquia. Entre estas, destacou a formación da Coral Polifónica de Bugallido, que segue en activo na actualidade.

A parroquia de Ortoño celebra as súas festas de San Xoán 2022 do 23 ao 26 de xuño

Dende este xoves 23 e ata o domingo 26 de xuño, a parroquia de San Xoán de Ortoño celebra as festividades do seu patrón, arrincando esta mesma xornada cunha sardiñada, unha queimada e a actuación do grupo Fusión. No seu conxunto, durante os vindeiros días haberá unha serie de misas e procesións, así como verbenas e sesións vermú. Estas festas contan coa colaboración do Concello de Ames e da Concellaría de Cultura, a través do seu programa “Música nas parroquias”.

A parroquia de Ortoño celebra as súas festas de San Xoán 2023 do 23 ao 26 de xuño

Dende este venres, día 23 de xuño, ata o vindeiro luns 26, a parroquia de Ortoño celebra a festividade do seu patrón, San Xoán. As celebracións arrincarán cunha sardiñada e cunha gran queimada, e ao longo dos días sucederanse distintas misas e procesións, así como sesións vermú e verbenas. As festas contan coa colaboración da Deputación da Coruña e do Concello de Ames, e algunhas das actuacións encádranse dentro do programa “Música nas parroquias”, organizado polo departamento de Cultura.

A pintora Silvia G. Armesto inaugura a súa exposición “Arquitecturas Internas”

O Pazo da Peregrina de Bertamiráns acolleu este venres, 8 de maio, ás 20.00 horas, a inauguración da exposición pictórica “Arquitecturas Internas”, da artista galega Silvia G. Armesto. Unha mostra na que se recollen os últimos traballos da pintora realizados en pastel, óleo e acuarelas. A exposición, que comezou o pasado luns 4 de maio, estará aberta ao público ata o vindeiro venres 15 deste mes. No acto de inauguración participaron o alcalde, Blas García, e concelleiros/as do Goberno municipal.

A Ponte Maceira acolle un ano máis as “Noites en Vela” con Son Elas e Lontreira

O sábado 20 de xullo, a partir das 21:00 horas, terá lugar unha nova edición das “Noites en Vela”, evento que se consagra como unha tradición que vincula aos concellos de Ames e Negreira dende o ano 2016, e que só puido interromper a pandemia durante as edicións do 2020 e 2021. Este ano os encargados de amenizar a noite serán o coro “Son Elas”, que darán paso a “Lontreira” e estes a un espectáculo pirotécnico que finalizará a velada. O acceso ao evento é de balde.

A Ponte Maceira acolle unha nova edición das Noites en Vela con Balteira e o grupo de gaitas da AC Follas Novas

Este sábado, 18 de xullo, a partir das 21:00 horas, celebrarase unha nova edición das “Noites en Vela”, un evento que xa é toda unha tradición e que vincula anualmente aos concellos de Ames e Negreira dende o 2016, e que só puido interromper a pandemia durante as edicións do 2020 e 2021. Este ano os grupos encargados de amenizar a noite serán o cuarteto Balteira e mailo grupo de gaitas amesán da Asociación Cultural Follas Novas. Ademais, haberá un espectáculo pirotécnico que poñerá o punto final á velada. O acceso ao evento é de balde. A actuación de Balteira está subvencionada pola Xunta de Galicia dentro do programa Cultura no Camiño 2026. Hai máis de 50 persoas inscritas para acudir en autobús, que pasará polo Milladoiro, Bugallido, Agro do Muíño e Bertamiráns.

A Ponte Maceira acolleu unha nova edición das Noites en Vela con máis de 2.000 persoas

A Ponte Maceira acolleu este sábado unha nova edición das Noites en Vela, que reuniu máis de 2.000 persoas neste enclave emblemático para gozar dunha velada de música e cultura coa ponte iluminada unicamente á luz das candeas.

A Ponte Maceira luciu no XIV Encontro de Alfombristas de Cataluña

Unha delegación da Asociación de Alfombristas de Ames, encabezada por María José Bello, participou a finais do pasado mes de setembro na XIV Trobade de Catifaires de Catalunya, na localidade de Arbucias, en Xirona. A artista amesá achegou ao encontro a elaboración da alfombra floral “Ames, camiño de peregrinos”, na que todos os asistentes puideron comprobar a beleza da Ponte Maceira, unha das paraxes máis emblemáticas e fermosas que percorren os peregrinos na súa viaxe a Fisterra. Unha alfombra na que tamén se podía ver a Lucas Ernest René, un peregrino belga amigo persoal de María José Bello, quen xa fixo o Camiño de Santiago en dezasete ocacións. No encontro participaron un total de once entidades, sendo dúas as delegacións convidadas de fóra de Cataluña: Ames e Bueu.

A Ponte Maceira volve acoller as xa tradicionais “Noites en Vela”

O venres 25 de agosto a partir das 20.30 horas terá lugar unha nova edición das “Noites en Vela”, evento que se consagra como unha tradición que vincula aos concellos de Ames e Negreira dende o ano 2016, e que só puido interromper a pandemia durante as edicións do 2020 e 2021. 

Eventos del departamento

> Teatro infantil: Voa, voa!

A obra de teatro para nenos e nenas "Voa, Voa!", da man da compañía talía Teatro, representarase ás 18.00 horas na Casa da Cultura do Milladoiro. Xa se poden mercar as entradas na Billeteira electrónica. A entrada xeral ten un prezo de 4 euros, mentres que as entradas con prezo reducido custan 2 euros. Esta obra está dentro do convenio de colaboración entre a Axencia Galega das Industrias Culturais (AGADIC) e o Concello de Ames.

> Teatro: "A lúa vai encuberta"

No mes de marzo celebraranse cinco obras da programación cultural de Ames do primeiro semestre de 2022. O venres 11 de marzo, ás 20:30 horas na Casa da Cultura de Bertamiráns, a compañía A Quinta do Cuadrante representará “A lúa vai encuberta”, un texto orixinal de Manuel María arredor da realidade galega e da loita por conformar unha identidade propia. As entradas están xa á venda na Billeteira electrónica do Concello de Ames.

> Teatro: "A parábola do angazo"

“A parábola do angazo” será a segunda representación para adultos de febreiro do programa cultural de Ames do primeiro semestre de 2022, o venres 11 ás 20:30 horas, na Casa da Cultura de Bertamiráns. A compañía Talía Teatro conta, a través da comedia, a historia dun mozo dunha aldea galega que esquece a súa lingua ao emigrar uns meses a Castela. Partindo dunha lenda xa recollida polo Padre Sarmiento no século XVII, a obra busca mostrar a capacidade de resistencia do galego. As entradas poderán adquirirse a partir do mércores 5 de xaneiro, a través da Billeteira electrónica do Concello de Ames.

> Teatro: "Aibō"

As representacións para público infantil da programación de artes escénicas amesá do primeiro semestre de ano continúan con “Aibō”, a ópera prima da compañía Eléctrica. “Aibō” (compañeira ou compañeiro en xaponés) é a palabra empregada para definir esta fábula, inspirada na Carapuchiña Vermella, que trata de dar unha visión en positivo sobre a nosa relación coa natureza. Orientada á cativada dos 3 aos 6 anos e ao público familiar, a obra representarase o xoves 24 de marzo, ás 18:00 horas, na Casa da Cultura de Bertamiráns. As entradas xa están dispoñibles na Billeteira electrónica do Concello de Ames.

> Teatro: "Ás para Álex"

A programación de artes escénicas para o público miúdo e familiar da primeira metade de 2022 inclúe catro obras teatrais, con diferentes idades recomendadas e con presenza de xéneros como o teatro contemporáneo, o musical ou o de monicreques. Este último é o caso da primeira representación do semestre, “Ás para Álex”, que terá lugar o xoves 10 de febreiro, ás 18:00 horas, na Casa da Cultura de Bertamiráns. Pensada para o público familiar e para a cativada a partir dos 5 anos, a obra da compañía Baobab Teatro conta a historia de Álex, un neno de 8 anos apaixonado ao fútbol que de súpeto non pode camiñar. Álex está anoxado co mundo ata que aparece Laura, que comeza a mudar a mirada que ten o rapaz do que lle rodea. As entradas xa están dispoñibles a través da Billeteira electrónica do Concello de Ames.

> Teatro: "Estrela do Día"

O venres 21 de xaneiro, na Casa da Cultura de Bertamiráns, a compañía Producións Teatrais Excéntricas presentará a comedia “Estrela do Día”, ás 20:30 horas. Tratarase dunha experiencia para que o público recupere a “fe” no teatro, a través de milagres, da inxenuidade e da nova inocencia. As entradas para a segunda obra da programación cultural de Ames do primeiro semestre de 2022 poderán adquirirse a partir do mércores 5 de xaneiro, a través da Billeteira electrónica do Concello de Ames.

> Teatro: "Gloria Nacional"

A primeira representación da programación cultural de Ames do primeiro semestre de 2022 é “Gloria Nacional”, que conta a historia de Uxío Rodas, un escultor e pintor de gran repercusión no seu país ao que o seu presidente lle pide unha gran escultura monumental que represente á súa nación. Dirixida pola compañía Teatro do Noroeste, a representación será o venres 14 de xaneiro, ás 20:30 horas, na Casa da Cultura de Bertamiráns. As entradas estarán dispoñibles dende o mércores 5 de xaneiro na Billeteira electrónica do Concello de Ames.

> Teatro: "Hugo"

A última proposta do semestre da programación de teatro de Ames para o público miúdo e familiar será “Hugo”, da compañía Os Náufragos. A obra representarase o venres 1 de abril, ás 18:00 horas, na Casa da Cultura de Bertamiráns. Hugo é un rapaz con TEA (trastorno do espectro autista) ao que lle gustan os avións e o piano. A obra, dirixida á rapazada dos 4 aos 10 anos, fala da empatía e da beleza da diversidade. As entradas xa están dispoñibles na Billeteira electrónica do Concello de Ames.

> Teatro: "Libre coma os paxaros"

O venres 18 de febreiro ás 20:30 horas, na Casa da Cultura de Bertamiráns, será a quenda de “Libre coma os paxaros” na programación cultural de Ames do primeiro semestre de 2022. O drama da compañía Teatro do Atlántico ten á actriz María Barcala representando o papel dunha muller escritora e poetisa, comprometida coa cultura do seu pobo, que reflicte e denuncia a situación das mulleres, a emigración masiva, a fame e a miseria: María Rosalía Rita de Castro. As entradas están dispoñibles a través da Billeteira electrónica do Concello de Ames.

> Teatro: "Moito ruído e poucas noces"

O Centro Cultural A Mahía e a Asociación de Veciños de San Pedro de Bugallido organizan para o domingo, 4 de xuño, a representación da obra teatral “Moito ruído e poucas noces”. Será ás 19:00 horas, no centro social de Bugallido. O acceso será libre e gratuíto. A obra está patrocinada por polo departamento de Cultura do Concello de Ames, no marco de apoio á creación artística e á difusión de obras de grupos amateurs.