Pestanas principais

Departamento de Xuventude

    • Enderezo:
      • Luns, mércores e xoves na Casa do Concello. Praza do Concello, nº2 Bertamiráns. 15220 Ames
      • Martes e venres na Casa da Cultura de Milladoiro. Tavesía do Porto s/n Milladoiro. 15895 Ames
    • Teléfono: 616 08 32 29
    • Horario de atención ao público: 09:00 a 14:00 horas.
    • Responsable municipal:  Concellaría de Mocidade
    • Responsable técnico: Pilar Villaverde Cutrín, técnica de mocidade e información xuvenil.
Outros Datos: 
  • Funcións:
    • Orientar e asesorar á mocidade de Ames,  garantindo que toda a poboación xuvenil do concello teña acceso a unha información ampla, obxectiva e actualizada en relacion aos seus intereses e necesidades.
    • Organizar, xestionar e promover programas e actividades formativas no marco da educación non formal orientadas a facer efectivas a igualdade de oportunidades e o desenvolvemento integral da mocidade a nivel formativo, laboral, familiar, etc.
    • Abordar medidas de cara a mellorar a calidade de vida da poboación xuvenil en diferentes ámbitos como o lecer e tempo libre, saude, educación en valores (igualdade de  oportunidades, interculturalidade,  violencia  de xénero, discapacidade…).
    • Favorecer a participación activa da mocidade na vida social e comunitaria, a través da dinamización de grupos informais e asociacións xuvenis.
    • Dar resposta a cantas dúbidas ou inquedanzas xurdan na mocidade apoiando e dando forma ás súas propostas e iniciativas en calquera ámbito de actuación do seu interese (cultural, formativo, ocio,...).
  • Novas relacionadas
  • Axenda.
  • Normativa
    • Lei 6/2012, de 19 de xuño, de xuventude de Galicia (DOG nº 139 do 20 de xullo de 2012).
    • Lei 39/2015 do procedemento administrativo común das administracións públicas
    • Lei 7/2007 do Estatuto básico do empregado público
    • Lei 2/2015 da función pública de Galicia
    • Lei 7/1985 das bases do réxime local

 

Novas do departamento

O prazo de inscrición para participar na décimo primeira edición do curso de monitor de tempo libre abre este martes 7 de xaneiro

O Concello de Ames, a través do seu departamento de Xuventude, organiza unha nova edición do curso de monitor de tempo libre, dirixido a mozos e mozas maiores de 18 anos que queiran obter esta titulación. A formación terá unha duración de catro meses, desenvolvéndose entre os meses de febreiro e maio. As clases impartiranse no Pazo da Peregrina, en Bertamiráns, en horario de 9.00 a 14.00 e de 15.30 a 20.30 horas os sábados e domingos. O prazo de inscrición abre este martes 7 e estará aberto ata o 24 de xaneiro. O prezo do curso é de 172 euros. Ofértanse un máximo de 25 prazas que se cubriran por orde de inscrición. Pódese descargar a ficha de inscrición na seguinte ligazón. A inscrición pode facerse de maneira presencial nos rexistros municipais a través da Sede Electrónica.

O programa Trouleado retoma a súa actividade neste mes de maio cunha xornada do xogo ‘Humor Amarillo’

A Concellaría de Mocidade continúa a organizar diferentes actividades nunha nova edición do programa Trouleando. Desta vez, os mozos e mozas amesáns poderán gozar o vindeiro 25 de maio dunha xornada de ‘Humor Amarillo’, un xogo no que os participantes teñen que realizar varias probas do máis orixinais. A actividade é de balde e está dirixida para a mocidade nada entre 1995 e 2012. O prazo para inscribirse comeza este mércores, día 7 de maio, e estará aberto ata o vindeiro luns, día 12. Para participar, é preciso enviar a ficha de inscrición cuberta e asinada ao enderezo xuventude@concellodeames.gal. Hai 50 prazas dispoñibles e adxudicaranse pola orde de chegada das solicitudes. Pódese descargar a ficha de inscrición na seguinte ligazón.

O programa Trouleando achega en outubro unha xornada de saltos

A Concellaría de Mocidade ten programada para o venres 29 de outubro, unha nova actividade do programa Trouleando, que está dirixida aos/ás mozos/as de Ames. Neste caso, organizouse unha xornada de Nova Jump. O prazo para inscribirse nesta actividade estará aberto do 15 ao 21 de outubro. Para inscribirse hai que enviar a ficha cuberta a omix@concellodeames.gal As prazas, que son limitadas, cubriranse por orde de chegada das inscricións. Esta actividade é de balde e está organizada pola Oficina Municipal de Información Xuvenil (OMIX).

O programa Trouleando continúa en outubro cunha mañá de caiac e laser tag en Vedra

Tras un breve descanso no verán, a Concellaría de Mocidade propón neste mes de outubro unha nova actividade do programa Trouleando, desta volta cunha saída a Vedra, onde se xogará a laser tag e se realizará un pequeno tramo en caiac polo río Ulla. Será na mañá do sábado 22 de outubro, con servizo de autobús dende Bertamiráns e o Milladoiro. As persoas interesadas poden inscribirse enviando esta ficha de inscrición cumprimentada ao enderezo electrónico omix@concellodeames.gal, entre o martes 11 e o venres 14 de outubro. As prazas asignaranse por orde de chegada e están abertas á mocidade a partir dos 12 anos (nada no 2009).

O programa Trouleando do mes de xuño esgotou as súas prazas

A Concellaría de Mocidade, a través do programa Trouleando, propón para o martes, 28 de xuño, unha refrescante xornada no aquapark de Cerceda. As prazas para participar nesta actividade esgotáronse no mesmo día en que abriu o prazo de inscrición.

O programa Trouleando invita á mocidade amesá a participar nun Scape Room Online

A Concellería de Mocidade organizou, para os os días 18 e 19 de decembro, un Scape Room virtual, a nova actividade do programa Trouleando. O venres 18, a sesión está dirixida á mocidade de entre 12 e 16 anos, mentres que o sábado 19 é para mozos/a que teñan a partir dos 17 anos. O prazo de inscrición, que comeza mañá, xoves 10 de decembro, estará aberto ata o mércores 16 de decembro. As persoas interesadas deberán anotarse enviado un correo electrónico ao enderezo omix@concellodeames.gal.

O programa Trouleando invita á mocidade amesá a pasar unha velada de terror polo Samaín

A Concellaría de Mocidade ten programada para o venres, 30 de outubro, unha nova actividade do programa Trouleando. Neste caso, organizouse unha velada de terror, dirixida a mozo/as maiores de 12 anos, que se denomina: “O rego das ánimas”, para celebrar a noite do Samaín. O prazo para inscribirse estará aberto dende maña, martes 20 de outubro, ata o luns 26. Para anotarse, de balde, hai que enviar a ficha cuberta ao enderezo omix@concellodeames.gal. As 30 prazas cubriranse por orde de chegada das inscricións.

O programa Trouleando invita á mocidade amesá a pasar unha xornada no Ecoparque Multiaventura de Marín

A Concellería de Mocidade organizou para o sábado, 29 de maio, unha xornada no Ecoparque Multiaventura (Marín-Pontevedra), onde a mocidade amesá poderá gozar de catro circuítos suspendidos nas árbores con máis de 70 xogos e desfrutar dunha xornada de diversión e aventura salvando obstáculos como lianas, tirolinas, rocódromo, redes, pontes de mono, troncos, táboas... Esta actividade enmárcase dentro do programa Trouleando. O prazo de inscrición, que comeza mañá, martes 4 de maio, estará aberto ata o 11 de maio. As persoas interesadas deberán cubrir a ficha de inscrición e envíala ao enderezo omix@concellodeames.gal. Esta actividade é de balde e está organizada pola Oficina Municipal de Información Xuvenil (OMIX).

O programa Trouleando organiza unha xornada no Ecoparque de Marín no mes de abril para a mocidade amesá

A Concellaría de Mocidade continúa coas actividades desta nova edición do programa Trouleando. Desta vez, os mozos e mozas de Ames poderán gozar o vindeiro 5 de abril dunha divertida xornada no Ecoparque Multiaventura de Marín. A actividade é de balde e está dirixida para a mocidade nada entre 2012 e 1995. O prazo para inscribirse comeza este mércores, día 19, e estará aberto ata o vindeiro domingo, día 23. Para participar, é preciso enviar a ficha de inscrición cuberta e asinada ao enderezo xuventude@concellodeames.gal. Hai 50 prazas dispoñibles e adxudicaranse pola orde de chegada das solicitudes. Podes descargar a ficha de inscrición da actividade na seguinte ligazón.

O programa Trouleando volve en febreiro cunha xornada de Laser Tag

O Concello de Ames, a través da Concellería de Mocidade de Ames, organiza unha nova actividade do programa Trouleando cunha xornada no Titans Laser Tag, en Teo, o próximo sábado 28 de febreiro. O prazo de inscrición estará aberto do 12 ata o 18 de febreiro. As persoas interesadas deben inscribirse enviando a ficha de inscrición debidamente cumprimentada ao enderezo electrónico xuventude@concellodeames.gal. Hai 42 prazas dispoñibles que se asignarán por orde de chegada. Pódese descargar a ficha de inscrición nesta ligazón.

Eventos del departamento

>Trouleando: xornada de hidrospeed no río Ulla

O Concello de Ames, a través da Concellería de Mocidade de Ames, organiza unha nova actividade do programa Trouleando cunha xornada de deporte de aventura, no río Ulla, o próximo sábado 25 de abril.O prazo de inscrición estará aberto dende o 9 e o 16 de abril. As persoas interesadas deben inscribirse enviando a ficha de inscrición debidamente cumprimentada ao enderezo electrónico xuventude@concellodeames.gal. Hai 50 prazas dispoñibles que se asignarán por orde de chegada. Pódese descargar a ficha de inscrición nesta ligazón.

>Xornada de emprendemento e emprego xuvenil

O departamento de Mocidade organiza na Casa da Cultura do Milladoiro unha xornada sobre emprendemento e emprego xuvenil o mércores 16 de outubro, de 16:30 a 19:30 horas. A esta xornada poden acudir tanto mozos e mozas interesados/as nesta cuestión como público xeral. Para inscribirse é necesario enviar un correo electrónico ao enderezo xuventude@concellodeames.gal.

>Xornada GAMING

O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.

>Xornadas de educación sexual

A Concellaría de Mocidade organizou o programa [con]sentido. Con el preténdese inculcar aos mozos e mozas de Ames unha sexualidade positiva e saudable. A Xornada de Educación Sexual será na Casa da Cultura do Milladoiro entre as 10 e as 14 horas.

>Xuntanza do Club xuvenil de Ames

A Concellaría de Mocidade vén de poñer en marcha o Club xuvenil de Ames. Trátase dunha nova iniciativa a través da que se trata de crear un grupo de ata 30 mozos e mozas de entre 13 e 18 anos, para que compartan experiencias e proxectos. O venres, 22 de marzo, ás 19.00 horas, haberá un encontro na Casa da Cultura do Milladoiro. O obxectivo de ir facendo grupo e que os mozos e mozas interesados se unan a este club xuvenil

>Xuntanza do Club xuvenil de Ames

A Concellaría de Mocidade vén de poñer en marcha o Club xuvenil de Ames. Trátase dunha nova iniciativa a través da que se trata de crear un grupo de ata 30 mozos e mozas de entre 13 e 18 anos, para que compartan experiencias e proxectos. O sábado, 23 de marzo, ás 11:00 horas, haberá un encontro no Pazo da Peregrina de Bertamiráns. O obxectivo de ir facendo grupo e que os mozos e mozas interesados se unan a este club xuvenil

>“CeibaRimas” no anfiteatro do Milladoiro

O anfiteatro do Milladoiro acolle hoxe o obradoiro de rimas en galego “CeibaRimas” que organiza a Dirección Xeral de Xuventude da Consellaría de Política Social da Xunta e Galicia en colaboración coa OMIX de Ames. Trátase dun proxecto de rap improvisado en galego que ten como obxectivo prioritario a normalización da lingua galega entre a mocidade.

Obradoiro de métodos anticonceptivos

Celebrase hoxe no Pazo da Peregrina entre as 10:00 e as 13:00 horas.
Os obradoiros están dirixidos a persoas mozas dende os 14 anos, e conta con prazas limitadas.
Para inscribirse débese enviar a ficha de inscrición cuberta a partir do 13 de outubro  con.sentido@agasex.org