Pestanas principais

Departamento de Deportes

    • Enderezo: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención ao público:
      • De luns a venres, en horario das 9:00 ás 14:00 horas.
    • Responsable municipal: Concellaría de Deportes
    • Responsable técnico: Alberto Viaño Moure.
Outros Datos: 
  • Programación escolas deportivas 2023-2024
  • Funcions:
    • Deseñar proxectos deportivos: escolas deportivas, eventos deportivos...
    • Planificar e xestionar programas deportivos e elaborar estratexias de funcionamento.
    • Incentivar a participación cidadá tanto nas actividades como na creación deportiva.
    • Asesorar e informar aos grupos e entidades deportivas do concello, así como ao público en xeral.
    • Colaborar nas programacións da Deputación: Campaña de esqui, campamentos deportivos, circuíto de carreiras populares...
    • Xestionar as subvencións correspondente á área de deportes, ben sexan as da Deputación ou as convocatorias propias do Concello de Ames de apoio ás asociacións deportivas e clubs.
    • Xestionar as instalacións deportivas municipais (pavillóns polideportivos, campos de fútbol e piscinas descubertas municipais).
  • Normativa:
  • Novas relacionadas
  • Axenda

Novas do departamento

As Escolas de fútbol sala Trasgos organizan unhas xornadas de portas abertas do 4 a 27 de setembro

As Escolas de fútbol sala Trasgos van desenvolver unhas xornadas de portas abertas de fútbol sala masculino co obxectivo de captar nenos interesados en pasar a formar parte deste club amesán. Esta iniciativa consiste en abrir os adestramentos a todos aqueles rapaces, nados de 2006 ao 2015, que queiran ir probar se lles gusta a práctica do fútbol sala. Poderán acudir ao pavillón do Milladoiro, os mércores de 18.30 a 19.30 horas, e ao pavillón de Bertamiráns, os venres de 18.00 a 19.00 horas. Estas xornadas realizaranse do 4 ao 27 de setembro.

As instalacións do Real Aeroclub de Santiago acolleron a Gran Final do III Circuíto de Golf TUR 43

O Real Aeroclub de Santiago, situado na parroquia amesá de Piñeiro, acolleu este pasado sábado a Gran Final do III Circuíto de Golf TUR 43, un evento deportivo que percorreu desde o mes de maio distintos campos do norte de España e Portugal promovendo o golf e, á súa vez, os atractivos das diferentes rexións. O éxito deste evento deportivo reflíctese nas máis de 1.000 persoas que participaron nesta terceira edición. O alcalde de Ames, Blas García, e maila concelleira de Deportes, Susana Señorís, asistiron á cea de peche de dito torneo que se celebrou no Hotel Oca Porta do Camiño.

As obras de ampliación do polideportivo de Bertamiráns xa están adxudicadas

A Xunta de Goberno local aprobou o procedemento aberto simplificado cun único criterio de adxudicación e tramitación anticipada das obras de ampliación do pavillón polideportivo municipal de Bertamiráns. O proxecto conta cun orzamento de execución por contrata de 499.997,57  euros. A empresa adxudicataria é Ocisat SL.

As piscinas descubertas municipais acollen en xullo sesións de aquagym e ioga de balde

As piscinas ao aire libre de Ames van celebrar ao longo do mes de xullo unha serie de actividades de dinamización deportiva para as persoas usuarias destas instalacións. As propostas consistirán en varias sesións de balde de aquagym e de ioga, que se desenvolverán tanto na piscina descuberta de Bertamiráns coma na do Milladoiro. Dende este luns 27 de xuño, están abertas as inscricións para as clases de ioga, que terán lugar ás 10:00 horas dúas veces á semana, a través da plataforma Cronos. As sesións de aquagym, que serán semanais ás 16:00 horas, non requiren de inscrición previa.

As piscinas municipais descubertas de Bertamiráns e do Milladoiro e a praia fluvial de Tapia abren mañá as súas portas

Despois de levarse a cabo traballos de acondicionamento e mellora nas instalacións, mañá, mércores 1 de xullo, abren as piscinas municipais descubertas de Bertamiráns e do Milladoiro, así como a praia fluvial de Tapia. O horario de apertura das piscinas do Milladoiro e Bertamiráns será de 11.00 a 21.00 horas, de luns a domingo, mentres que na praia fluvial de Tapia o horario de apertura será de 15.00 a 21.00 horas, de luns a venres, e os sábados e domingos, de 11.00 a 21.00 horas. Durante estes horarios haberá servizo de vixilancia e socorrismo.

As rapazas do CV Bruxas dan a sorpresa no derbi galego da primeira división nacional feminina e gañan por 1-3 ao CV Ourense

O Club Voleibol Bruxas dá a sorpresa gañando con solvencia o derbi galego contra un gran equipo como é o Club Voleibol Ourense situado na cuarta posición da clasificación. Tres puntos que dan aire ao CV Bruxas para afastarse dos postos de descenso nesta a súa primeira tempada na categoría nacional. Bo xogo e gran entrega na pista das xogadoras do equipo de Ames que salvo o segundo set dominou o partido en todo momento dando mostras de seu bo xogo.

As/os patinadoras/es de Ames acadan bos resultados no Campionato provincial libre de categoría nacional celebrado a pasada fin de semana en Bertamiráns

Esta pasada fin de semana celebrouse no pavillón de Bertamiráns o Campionato provincial de categoría nacional cadete, xuvenil, júnior e sénior de patinaxe artística libre individual. Nesta cita participaron as mellores patinadoras e patinadores da provincia da Coruña. Dito campionato estivo organizado polo Club de patinaxe Sarela. As/os patinadoras/es de Ames acadaron uns bos resultados que se poden consultar na páxina web da Federación galega de patinaxe.

Asínase o contrato do proxecto de construción dos novos vestiarios do campo de fútbol do Milladoiro

A semana pasada asinouse o contrato do proxecto de construción dos novos vestiarios do campo de fútbol do Milladoiro. No acto de sinatura participaron o alcalde de Ames, Jose Miñones, a concelleira de Deportes, Susana Señorís, e representantes da empresa adxudicataria do proxecto, Obras Gallaecia SL. Dito proxecto foi adxudicado por un importe de 76.244,28 euros (IVE incluído), que se sufragarán con cargo ao POS Adicional 1/2019. Os novos vestiarios estarán situados baixo as gradas do campo de fútbol. Dita actuación enmárcase dentro do proxecto de construción de gradas e novos vestiarios para esta instalación deportiva.

Asínase o convenio para a renovación do terreo de xogo do campo municipal de fútbol de Bertamiráns

Esta mañá o alcalde de Ames, José Miñones, e o presidente da Deputación da Coruña, Valentín González Formoso, asinaron o convenio polo cal o organismo provincial e mailo Concello van a investir 357.303 euros nas obras de renovación do campo de fútbol de Bertamiráns, dotándoo dun novo terreo de xogo de céspede artificial de última xeración e dunha bancada máis cómoda para os espectadores. O convenio para cofinanciar ditos traballos foi aprobado o pasado 13 de setembro no pleno da Deputación da Coruña. A Deputación achegará o 80% da contía total, 285.906 euros, mentres que o Concello de Ames porá o 20% restante, 71.397 euros.

Avánzase na tramitación para a construción do complexo deportivo do Milladoiro

O Goberno municipal de Ames está traballando na construción dun complexo deportivo na localidade do Milladoiro. Concretamente ditas instalacións situaranse na parcela da rúa Agro do Medio, que está contigua ao novo centro de saúde do Milladoiro. Trala presentación do anteproxecto en febreiro de 2022 o goberno municipal levará ao pleno ordinario deste mes de marzo unha proposta para a concesión de obra para a construción de dita instalación deportiva municipal do Milladoiro e maila explotación do conxunto deportivo que conformará a obra xunto a instalación municipal A Telleira situada en Bertamiráns. Ademais, darase traslado ao Pleno do estudo de viabilidade que terá que estar en exposición publica durante un mes. Cumprimentado o tramite de exposición pública do estudio de viabilidade e achegados os informes de sustentabilidade e demais legalmente previstos, será sometido a aprobación polo Pleno.

Eventos del departamento

>XVI Carreira Ciclista do Pavo

O 17 de decembro, ás 12:00 horas, celébrase a XVI Carreira Ciclista do Pavo nos arredores do Paseo Fluvial de Bertamiráns.

>XVI Gala do Deporte

A Concellaría de Deporte celebra este venres, 19 de abril, a décimo sexta edición da Gala do Deporte, un evento no que se homenaxeará tanto aos e ás deportistas máis destacados/as do concello, como ás diversas entidades deportivas. O acto terá lugar ás 20:30 horas, na Casa da Cultura do Milladoiro, e será presentado polos xornalistas Lorena Pose e Diego Viaño. Ademais, ofreceranse distintos espectáculos e animacións.

>XVII Carreira do Pavo

A localidade de Bertamiráns acolle o domingo, 22 de decembro, a partir das 11.00 horas, a décimo sétima edición da Carreira Ciclista do Pavo. Organizada pola Asociación Galega de Ciclistas, en colaboración coa Federación Galega de Ciclismo e co Concello de Ames, nela participarán tanto adultos como os máis pequenos da casa. As inscricións para os/as ciclistas federados/as poden facerse na páxina web da federación (tamén o poden facer o propio día da carreira), mentres que as persoas non federadas teñen que enviar un correo electrónico a begonaalonso@mundo-r.com ou chamar ao  número de teléfono 677 555 748. Em ambos casos as inscricións poden tramitarse ata o venres 13 de decembro.

>XVII Gala do Deporte

A Concellaría de Deporte celebra este venres, 9 de maio, a décimo sétima edición da Gala do Deporte, un evento no que se homenaxeará tanto aos e ás deportistas máis destacados/as do concello, como ás diversas entidades deportivas. O acto terá lugar ás 20:30 horas na Casa da Cultura de Bertamiráns. Ademais, ofreceranse distintos espectáculos e animacións.

>XX Carreira Pedestre Popular Concello de Ames

O Concello de Ames e a Federación Galega de Atletismo organizan este domingo, 20 de outubro a vixésima edición da carreira pedestre do Concello de Ames. Esta proba pertence ao VII Circuíto de carreiras populares da Deputación da Coruña. A saída e chegada de cada proba farase na rúa Alcalde Lorenzo de Bertamiráns, tal como  se veu realizando nas dúas últimas edicións, unha vez que se decidiu trasladar a proba desde o entorno do Pazo da Peregrina ao centro do núcleo urbano para así facer mais partícipe á veciñanza.

>XXIII Carreira Pedestre Popular do Concello de Ames

O Concello de Ames e a Federación Galega de Atletismo organizan o domingo 20 de outubro a XXIII Carreira Pedestre Popular Concello de Ames, unha proba que pertence ao X Circuíto provincial de carreiras populares da Deputación da Coruña. Contará cun circuíto urbano de 10 quilómetros homologado pola Real Federación Española de Atletismo, con saída e chegada en Bertamiráns, na rúa Alcalde Lorenzo, nas inmediacións da Casa do Concello. O percorrido estará debidamente sinalizado e haberá indicacións en cada quilómetro.

>XXXVIII Rally Berberecho de Noia

A edición deste ano do Rally Berberecho de Noia terá un treito que se disputará de forma íntegra por estradas do noso concello. Será en horario de tarde e haberá un reagrupamento, de 17:15 a 19:30 horas, na avenida José Luís Azcárraga, diante do Pazo da Peregrina, en Bertamiráns, polo que pasarán todos os participantes. O tramo de Ames ten unha lonxitude de 11,2 quilómetros e discorre polas parroquias de Ames, Lens e Tapia. A saída do tramo estará instalada no lugar de Outeiro, mentres que a liña de meta será na estrada que vai dende a aldea de A Mámoa cara o lugar de Pedrouzos. Os pilotos farán unha dobre pasada polo tramo de Ames. A primeira pasada comezará ás 16.50 e a segunda ás 19.40 horas, sendo o último tramo do rally. O final do rally está previsto para as 20.20 horas. As estradas polas que discorre o treito de Ames estarán pechadas ao tráfico de 15.30 a 22.30 horas aproximadamente. Consulta o itinerario do tramo de Ames.

O Milladoiro acolle o programa Convivir Deportivo da CRTVG

O auditorio da Casa da Cultura do Milladoiro converterase o próximo luns, 22 de xullo, nun estudo de radio coa retransmisión do programa Convivir Deportivo, da Radio Galega. O programa que conduce Alfonso Pardo aterra en Ames e contará coa participación dun dos máximos expoñentes do deporte amesán, Borja Golán, dezaseis veces campión de España de squash e dúas veces campión de Europa. Convivir Deportivo comezará ás 20:00 horas, con entrada libre e de balde.

XXXIV Descenso do Tambre de piragüismo