Pestanas principais

Departamento de Deportes

    • Enderezo: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención ao público:
      • De luns a venres, en horario das 9:00 ás 14:00 horas.
    • Responsable municipal: Concellaría de Deportes
    • Responsable técnico: Alberto Viaño Moure.
Outros Datos: 
  • Programación escolas deportivas 2023-2024
  • Funcions:
    • Deseñar proxectos deportivos: escolas deportivas, eventos deportivos...
    • Planificar e xestionar programas deportivos e elaborar estratexias de funcionamento.
    • Incentivar a participación cidadá tanto nas actividades como na creación deportiva.
    • Asesorar e informar aos grupos e entidades deportivas do concello, así como ao público en xeral.
    • Colaborar nas programacións da Deputación: Campaña de esqui, campamentos deportivos, circuíto de carreiras populares...
    • Xestionar as subvencións correspondente á área de deportes, ben sexan as da Deputación ou as convocatorias propias do Concello de Ames de apoio ás asociacións deportivas e clubs.
    • Xestionar as instalacións deportivas municipais (pavillóns polideportivos, campos de fútbol e piscinas descubertas municipais).
  • Normativa:
  • Novas relacionadas
  • Axenda

Novas do departamento

Ames colabora na campaña "Veciño Solidario" posta en marcha por Emesports

Veciño Solidario é unha iniciativa de Emesports , mediante a cal pon a disposición dos concellos que así o requiran, a súa pasarela de inscricións a eventos deportivos co fin de que a xente utilice ese sistema para facer donativos a distintos concellos de Galicia. Estes, encargaranse de repartir o diñeiro recadado a través da plataforma aos fins ou entidades sociais que cada concello receptor estime. No caso de Ames, todos os fondos recadados serán destinados á investigación da Universidade de Santiago (USC) dentro do mecenado que se ten aberto e no que se aglutinan diversos grupos de investigación para unha vacina para o COVID19.

Ames inaugura a etapa Bertamiráns – O Ézaro da volta ciclista “O Gran Camiño”

Bertamiráns acolleu esta mañá a presentación e o arranque da segunda etapa da volta ciclista “O Gran Camiño”, que se celebra do 24 ao 27 de febreiro ao longo das catro provincias galegas. A avenida da Maía foi o punto de partida do percorrido, que foi inaugurado por representantes da Xunta de Galicia, da Deputación da Coruña, do Concello de Ames e da organización da proba. O pelotón, liderado polo maillot amarelo, Magnus Cort Nielsen, partiu pola rúa Alcalde Lorenzo en dirección Teo, para cruzar despois O Milladoiro, volver a Bertamiráns e coller dirección Muxía, pasando pola parroquia de Ames, Lens e Ponte Maceira. Preme aquí para consultar a galería de fotos da etapa Bertamiráns - O Ézaro.

Ames inaugura o verán cos cursos de iniciación ao piragüismo na praia de Tapia

O Concello de Ames incrementa as actividades organizadas ao abeiro da programación estival cunha serie de cursos de iniciación ao piragüismo, que se desenvolverán durante os meses de xuño, xullo e agosto. A actividade, organizada pola Concellaría de Deportes, impartirase os luns, mércores e venres do 21 de xuño ao 23 de agosto. Os cursos están destinados a nenos e nenas nados entre 2005 e 2011, que poderán inscribirse ata que se cubran todas as prazas.

Ames pon en marcha a I Carreira-Andaina dos Inocentes a favor de Solidariedade Galega co Pobo Saharauí

A I Carreira-Andaina dos Inocentes celebrarase por primeira vez no Concello de Ames o próximo 28 de decembro, a partir das 18.30 horas, na contorna da praza de Chavián, en Bertamiráns. É unha actividade destinada a todos os públicos. Pódese participar na carreira-andaina cun prezo por dorsal de 6 euros, os cales serán destinados a Asociación Solidariedade Galega co Pobo Saharauí. Ademais, pódese asistir disfrazo e haberá premios aos mellores disfraces e corredores/as, xunto con agasallos de participación. A inscrición pode formalizarse a través deste enlace, podendo participar en grupo de mínimo 3 integrantes ou individualmente.

Ames presenta a sexta edición do Trail e Andaina Ribeiras do Tambre e que este ano contará cos mellores deportistas a nivel nacional

A Casa do Concello, en Bertamiráns, acolleu esta mañá a presentación da VI edición do Trail e Andaina Ribeiras do Tambre, que este ano se celebrará o vindeiro 23 de febreiro. A proba, organizada polo Concello e a Federación Galega de Atletismo, como vén sendo habitual, ten como punto de partida Ponte Maceira. As inscricións poden facerse a través da páxina web de carreiras galegas e estarán abertas ata o vindeiro 19 de febreiro. Desde a organización, agardan superar as cifras de participación do ano pasado de 522 persoas.Pódese consultar as bases e regulamento da proba na seguinte ligazón. 

Ames Saudable ofrece un obradoiro de regulación emocional e “Mindfulness”

A Concellería de Deportes e Promoción da Saúde, a través do programa Ames Saudable, organiza un obradoiro de xestión emocional a través da técnica “Mindfulness”. Esta actividade, dirixida a persoas maiores de 18 anos, desenvolverase ao longo de 8 sesións de 1 hora 45 minutos de duración que comezarán o martes 16 de xaneiro. O obradoiro estará impartido polo psicólogo e instrutor da técnica, Juan Carlos Permuy, e terá lugar os martes 16:30 a 18:15 horas no Pazo da Peregrina de Bertamiráns. A proposta conta con 15 prazas. As persoas interesadas poden inscribirse ata o 12 de xaneiro ás 14:00 horas, cubrindo este formulario.

Ames será sede do equipo filial en Liga EBA do Monbus Obradoiro

O salón de plenos da Casa do Concello acolleu hoxe a presentación do acordo entre o Concello de Ames, o Monbus Obradoiro e maila Fundación Heracles, para que o equipo filial, que compite na liga EBA, pase a denominarse Obradoiro Ames e dispute os seus encontros como local no pavillón municipal do Milladoiro. O acordo terá unha duración de tres temporadas, aínda que se agarda poder prolongalo por máis tempo. O Obradoiro CAB establecerá un convenio de colaboración coa A.D. Básquet Ames como complemento a este convenio para a promoción e dinamización do baloncesto entre a mocidade de Ames.

Ames Xadrez consegue unha vitoria e dous podios nos torneos provinciais de xadrez por idades

Un total de once nenos e nenas da escola municipal e do club Ames Xadrez participaron nos torneos provinciais de xadrez que tiveron lugar os días 4, 5 e 12 de febreiro na Coruña e en Cambre. Os rapaces puideron gozar dunha xornada na que compartiron experiencias e divertimento con outros xogadores, intercambiando ademais os seus coñecementos. Cabe destacar a actuación do pequeno Sergio Calvo, que logrou un pleno de vitorias, o segundo posto de Nico Amado na categoría sub14 e o terceiro lugar de Noel Leis, na competición sub12.

Ames, Camariñas e Noia acollen a primeira Liga Galaica de 3 horas de Resistencia BTT, que terá lugar entre xaneiro e febreiro

Os clubs ciclistas Os Esfola Arrós (Ames), O Toxo (Noia) e Baikers do Vilán (Camariñas), en colaboración cos Concellos de Ames, Camariñas e Noia, organizan a primeira edición da Liga galaica de 3 horas de Resistencia BTT, que se desenvolverá o 26 de xaneiro en Noia, o 2 de febreiro en Ames e 16 de febreiro en Camariñas. As tres probas rexeranse por un mesmo regulamento, contarán con 400 prazas dispoñibles e as inscricións poderán formalizarse premendo neste enlace. O custe da inscrición é de 15 € por participante individual, 24 € para as persoas que participen en parella e 30 € para as que o fagan en tríos.

Ames, Negreira e Brión acollen esta semana o primeiro campionato de España júnior masculino de voleibol

Do 25 ao 29 de maio, 21 equipos protagonizarán a primeira edición do campionato de España de voleibol na categoría júnior masculina, unha modalidade que debuta este ano para amortecer o salto entre categorías base e sénior. Deste xeito, as instalacións deportivas dos concellos de Ames, Negreira e Brión servirán coma sede dun campionato organizado pola Real Federación Española de Voleibol (RFEVB) e o CD Padre Faustino, coa colaboración dos tres Concellos e da Deputación da Coruña. Dos 65 partidos que se disputarán ao longo das cinco xornadas, Ames acollerá 21, nas dúas pistas que se habilitarán no pavillón municipal de Bertamiráns. Preme nesta ligazón para consultar os horarios dos diferentes partidos que se van a disputar neste campionato.

Eventos del departamento

>Transgalaica

Un ano máis, o circuíto de bicicleta de montaña Transgalaica pasa por Ames, na que é xa a novena cita consecutiva desta proba no noso concello, sen contar o paro de 2021 por mor da situación epidemiolóxica provocada pola Covid. A carreira, que se celebrará o domingo 16 de marzo, é a segunda das cinco que conforman o calendario da Transgalaica 2025. A primeira etapa celebrouse o pasado 2 de marzo en Cerdedo-Cotobade e contou coa organización do Monteferro Bike Club.

>Trofeo de Supercross Gran Premio Concello de Ames

O Motoclub Ameixenda, en colaboración co Concello de Ames e a Deputación da Coruña, organiza o vindeiro domingo, 9 de xuño, unha das probas de supercross da Galicia League. O Gran premio Concello de Ames é un evento deportivo a nivel autonómico, non oficial, non federado, de acordo coa actual normativa galega do deporte segundo a Lei 3/2012. Nesta proba que se desenvolverá no circuíto SX Alex de Moure, situado no lugar do Vilar na parroquia da Ameixenda, participarán os mellores pilotos de supercross de toda Galicia. Estímase que participen entre 60 e 70 pilotos.

>V Trail e Andaina Ribeiras do Tambre

A quinta edición do Trail e Andaina Ribeiras do Tambre, que percorrerá o concello desde A Ponte Maceira ata o Real Aeroclub de Santiago, terá lugar o domingo 17 de marzo. Organizada polo Concello de Ames e a Federación Galega de Atletismo, a proba foi presentada esta mañá na Casa do Concello, en Bertamiráns. Contarase coa colaboración da Policía Local e da Agrupación de Protección Civil

>V Transgalaica Concello de Ames (maratón mtb)

O Club Ciclista Os Esfola Arrós organiza para o domingo 8 de marzo un maratón mtb. Dará comezo ás 9.30 horas no Pazo da Peregrina de Bertamiráns. Para inscribirte, podes premer neste enlace.

>VI Día do Deporte

O Concello de Ames, a través da Concellaría de Deportes, organiza por sexto ano consecutivo unha ampla oferta de actividades no Día do Deporte, que se celebrará este venres, 27 de setembro, na área deportiva do Milladoiro, de 16:30 a 20:00 horas. Ademais, haberá inchables para os máis pequenos.

>XIII Encontro de patinaxe artística das escolas deportivas

O Club de patinaxe Sarela, de Bertamiráns, e o Club de patinaxe artística Omega, do Milladoiro, organizan o  1 de xuño a décimo terceira edición do Encontro de patinaxe artística das escolas deportivas municipais do Concello de Ames. O evento desenvolverase en horario de mañá no pavillón municipal de Bertamiráns. O programa inclúe exhibicións dos clubs de patinaxe amesáns, que realizarán distintas coreografías.

>Xincanas

O domingo 17 de decembro, ás 11:00 horas, vaise celebrar unha xincana nos arredores do Paseo Fluvial de Bertamiráns.

>XIV Carreira Ciclista do Pavo

Tras un ano de parón por mor da situación epidemiolóxica derivada da Covid-19, Bertamiráns acolle unha nova edición da tradicional carreira ciclista do pavo este domingo, 12 de decembro.

>XIV Gala do Deporte

O Concello de Ames, a través da Concellaría de Deportes, organiza a décimo cuarta edición da Gala do Deporte, que se celebrará este sábado, 29 de febreiro, ás 20.30 horas, no auditorio da Casa da Cultura do Milladoiro.

>Xornada de portas abertas "Achégate ao piragüismo"

O Concello de Ames, a través da Concellaría de Deportes, organiza para o sábado 29 de xuño unha xornada de iniciación ao piragüismo que se desenvolverá na praia fluvial de Tapia entre as 11:30 e as 13:30 horas. A través desta actividade búscase que os amesáns e as amesás que o desexen poidan aprender a dominar esta embarcación. A xornada “Achégate ao piragüismo” consistirá nunha sesión de portas abertas á que poderán asistir todas aquelas persoas maiores de 8 anos interesadas nesta actividade, sempre e cando saiban nadar. Para participar nesta actividade gratuíta, que require inscrición previa a través do correo electrónico info@ribeirasdotambre.es, hai que levar traxe de baño, unha camiseta e chancletas