Os tres atletas amesáns participantes no campionato de España sub20 celebrado en Albacete esta pasada fin de semana acadaron uns resultados substanciais en cada unha das probas nas que competiron. Deste xeito, María Estévez da Sociedad Gimnástica de Pontevedra; Nico Collazo; Lucas Pena, tamén da Sociedad Gimástica de Pontevedra; e Nico Collazo, do Ames atletismo Savante, regresaron de terras manchegas con boas sensacións logo da súa participación na competición estatal.

Desde o día 6 ata o 19 de xullo está aberto o prazo de inscrición para a segunda quenda dos cursos de natación deste verán, que se desenvolverán ao longo do mes de agosto. Estas actividades terán lugar de luns a venres, tanto na piscina descuberta de Bertamiráns coma na do Milladoiro. Esta iniciativa está organizada pola Concellaría de Deportes en colaboración coa Deputación da Coruña. As inscricións hai que tramitalas a través da nova app Deportes Concello de Ames.

A karateka de Ames, Olivia Parga, vén de proclamarse como Grand Winner da tempada 2025-2026 tras a fase final da Liga Galega de karate disputada o pasado sábado, 13 de xuño, na localidade de Cedeira. Deste xeito, a deportista amesá consegue o trofeo por segundo ano consecutivo, o que pon de manifesto a súa gran progresión.

O auditorio da Casa da Cultura de Bertamiráns acolleu este xoves, 18 de xuño, ás 20.00 horas, un acto de recoñecemento a equipos e deportistas amesáns que destacaron ao longo da temporada 2025-2026. O alcalde, Blas García, e a concelleira de Deportes, Susana Señorís, foron os encargados de entregarlles un pequeno obsequio en recoñecemento dos éxitos logrados durante a tempada que vén de rematar. Os recoñecementos grupais foron para o Bertamiráns FC, Milladoiro SD, Ames Atletismo, o CB Ames e o CPA Omega. Ademais, os recoñecementos individuais foron para María Estévez, Mateo Riveiro, Miguel Bascoy, Mauro Vrhovski, Claudia Veiga, Hugo Vrhovski, María Peña, Inés Peña, Jorge Sanmartín, Lucía García, e os irmáns Olivia e Xoán David Parga.