Pestanas principais

Departamento de Cultura

    • Enderezo: Casa da Cultura do Milladoiro. Travesia do Porto, s/n, O Milladoiro. 15895 Ames.
    • Teléfono:  662 37 74 44
    • Responsable municipal: Concellaría de Cultura
    • Responsable técnico: María José Vázquez Bermúdez, Técnica de Animación Sociocultural.
Outros Datos: 
  • Funciones:
    • Xestionar as actividades e eventos que desde o Departamento de Cultura se poñen en marcha, responsabilizándose do seu adecuado desenvolvemento.
    • Informar e asesorar aos grupos e entidades culturais do concello, así como ao público en xeral, valorar as demandas dos cidadás e incentivar a participación.
    • Xestionar os programas culturais que oferta a Deputación, Rede Cultural, Xunta de Galicia, AGADIC e Cultura no Camiño. Solicitude,desenvolvemento, xustificación.
    • Tramitar as axudas económicas correspondentes á área de cultura, tanto as que se solicitan desde o Concello, coma as que se convocan desde a Concellaría de Educación e Cultura de apoio as entidades culturais e comisións de festas.
    • Coordinar e xestionar as Escolas Culturais Municipais.

Novas do departamento

Ames celebra as festas na honra de Santo Tomé o 6 e o 7 de xullo

A Asociación de Festas de Ames organiza esta fin de semana dous días de festa cos que celebrar a conmemoración de Santo Tomé, patrón da localidade. A celebración estará marcada polas actuacións musicais, entre elas a da orquestra Combo Dominicano, e o pasarrúas a cargo do grupo de gaitas Retranqueiros. Os festexos realizaranse no campo da festa de Ames.

Ames celebra esta fin de semana o festival internacional de cine infantil “Cinema Miúdo”

A Concellería de Cultura do Concello de Ames organiza a quinta edición de Cinema Miúdo, un festival internacional dirixido a público infantil que se celebra esta fin de semana nas Casas da Cultura de Bertamiráns e do Milladoiro e que este ano ten como eixo temático o coidado do medio ambiente. Ata o de agora xa se retiraron 500 entradas. As entradas  poden adquirirse nas billeteiras dos centros culturais ou na Billeteira electrónica do Concello de Ames.

Ames celebra este 2025 as dúas décadas do seu Festival Internacional de Maxia, FestiMax

O auditorio da Casa da Cultura de Bertamiráns acolleu esta mañá a presentación do XX Festival Internacional de Maxia de Ames, que, nesta ocasión, terá lugar do 23 ao 26 de outubro nas Casas da Cultura de Bertamiráns e do Milladoiro. Este festival organizado polo Concello de Ames, en colaboración coa Deputación da Coruña, conta cun amplo programa de espectáculos e obradoiros para todos os públicos. Este ano contarase con propostas que se estrearon na edición do 2024 e que contaron cunha gran acollida, como O Baúl da Maxia ou Maxia para os nosos maiores. Por outra banda, contarase coa estrea do espectáculo “Imposible?!” do Mago Rafa e celebraranse os xa clásicos obradoiros de maxia e a Gran Gala Máxica Internacional. As entradas xa se poden adquirir na Billeteira electrónica. Este evento conta coa colaboración da Rede Cultural da Deputación da Coruña.

Ames celebra este mércores un concerto de Nadal de cámara, da man da asociación Peregrinos Musicales

A Casa da Cultura do Milladoiro acollerá este mércores, 21 de decembro, un concerto de Nadal de música de cámara. O recital, promovido pola concellaría de Cultura do Concello de Ames e pola asociación Peregrinos Musicales, terá lugar ás 20:00 horas. Os convites son de balde e xa se poden retirar na Billeteira electrónica. 

Ames celebra o seu décimo cuarto Festival de Maxia do 21 ao 27 de outubro

Esta mañá presentouse no auditorio da Casa da Cultura do Milladoiro o XIV Festival de Maxia de Ames, que se desenvolverá do 21 ao 27 de outubro nas casas da cultura e centros de ensino do concello. Este festival organizado polo Concello de Ames, coa colaboración da Deputación da Coruña, conta cun programa repleto de espectáculos e obradoiros máxicos dirixidos a todos os públicos. Para participar nos obradoiros de maxia para nenos de entre 8 e 14 anos é necesario inscribirse a través do teléfono 981 535 940 do 21 ao 25 de outubro.

Ames celebra o seu XIX Festival de Maxia do 25 ao 27 de outubro

O auditorio da Casa da Cultura do Milladoiro acolleu esta mañá a presentación do XIX Festival Internacional de Maxia de Ames, que se desenvolverá os días 25, 26 e 27 de outubro nas Casas da Cultura de Bertamiráns e do Milladoiro. Este festival organizado polo Concello de Ames, en colaboración coa Deputación da Coruña, conta cun programa repleto de espectáculos e obradoiros dirixidos a todos os públicos. Este ano como novidade inclúese na programación unha sesión de maxia para maiores e outra para bebés, e un photocall máxico. Ademais, haberá unha gala máxica infantil, obradoiros de maxia e maila gala máxica internacional. As entradas e convites xa se poden adquirir na Billeteira electrónica. Este evento conta coa colaboración da rede cultural da Deputación da Coruña.

Ames cítase co jazz este venres no Pazo da Peregrina de Bertamiráns

A cuarta edición do Festival de Jazz celebrarase na noite do próximo venres 2 de xullo no Pazo da Peregrina ás 22.30 horas. As 200 persoas que asistan poderán desfrutar dos concertos de Xan Campos co espectáculo "Realismo" e David Regueiro Trío, con "Areal". Para asistir, débese retirar os convites de balde a través da billeteira do Concello.

Ames cítase co jazz este venres no Pazo da Peregrina de Bertamiráns

Ames Jazz chega este venres, 20 de setembro, ao Pazo da Peregrina de Bertamiráns. Mónica de Nut e Virxilio da Silva, por unha banda, e Xacobe Martínez Antelo Trío, pola outra, serán os encargados de dar continuidade á aposta do Concello de Ames por este formato musical, que viviu o seu primeiro encontro en xuño do ano pasado. Ames Jazz comezará ás 22:30 horas e con entrada de balde. En caso de choiva, a actividade trasladarase ao auditorio da Casa da Cultura de Bertamiráns.

Ames conmemora o día de Galicia cun acto institucional no Pazo da Peregrina

O Concello de Ames celebra o día de Galicia cun acto ao que está previsto que asistan todos os membros da Corporación Municipal e que interveñan os voceiros dos diferentes grupos políticos que a compoñen. Ademais entregaráselle a medalla do Concello ao Cronista Oficial de Ames, Maximino Viaño. A música correrá a cargo da cantante Paty Lesta e o pianista Cristian Leggiero que interpretarán algúns temas clásicos galegos e guiarán aos asistentes na interpretación do Himno de Galicia co que se pechará o acto. O Pazo da Peregrina é o lugar elixido para a celebración que terá lugar o xoves, 23 de xullo, ás 20:30. Nesta ocasión, por mor da normativa imposta para loitar contra a pandemia do Covid19, o aforo limitarase a 120 persoas e estableceranse corredores que marquen as entradas e as saídas do recinto.

Ames conmemora o Día Mundial de Teatro cun vídeo protagonizado polo alumnado da Escola Municipal de Teatro

Ames conmemora o Día Mundial do Teatro coa publicación dun vídeo que protagonizan algúns dos rapaces e rapazas que integran a Escola Municipal de Teatro . Nel conmemoran este día explicando que significa para eles o teatro. Actualmente estase desenvolvendo a programación cultural do primeiro semestre de 2024 , que inclúe doce representacións de teatro e danza que se representan de xaneiro a maio.

Eventos del departamento

>Abril de Cine: Sirât

O programa Abril de Cine é unha iniciativa promovida polo departamento de Cultura do Concello de Ames co obxectivo de achegar o cinema galego actual á veciñanza amesá. Durante todo este mes proxectaranse tres películas do panorama cinematográfico galego, todas elas os xoves, a partir das 20.00 horas, no auditorio da Casa da Cultura do Milladoiro.

>Acto do Día de Galicia

O Concello de Ames organizou para o martes, 23 de xullo, ás 20.00 horas, unha serie de actividades para celebrar o Día de Galicia. Trátase dun acto institucional, que se celebrará no Pazo da Peregrina de Bertamiráns, onde se lle fará un acto de recoñecemento ao deportista amesán, Borja Golán, que o pasado ano anunciou a súa retirada do deporte profesional. Entregaráselle a medalla do Concello de Ames en recoñecemento a súa carreira deportiva.

>Actuación solidaria: "Mary Poppins, el musical"

O sábado 23 de decembro, ás 20:00 horas, a academia de danza Balancé interpretará "Mary Poppins, el musical" no Auditorio de Bertamiráns en beneficio das fundacións Aladina e UCIM.

>Actuación solidaria: "Mary Poppins, el musical"

O mércores 3 de xaneiro, ás 20:00 horas, a academia de danza Balancé interpretará "Mary Poppins, el musical" no Auditorio de Bertamiráns en beneficio das fundacións Aladina e UCIM.

>Alén no Milladoiro

A programación de artes escénicas do Concello de Ames para o primeiro semestre do ano 2026 conta con doce espectáculos de teatro, danza e circo, todos de compañías galegas. O Concello de Ames conta coa colaboración da Axencia Galega das Industrias Culturais (AGADIC), para a realización da programación de artes escénicas do primeiro semestre do ano 2026. Pódese consultar o cartel completo na seguinte ligazón. As entradas están dispoñibles na Billeteira electrónica desde o 8 de xaneiro.

>Ameneiral Romaría Urbana

Por cuarto ano consecutivo o Concello de Ames, as comisións de festas da Madalena e da Peregrina e Xuventude Ames, colaboran para organizar 10 días de festexos no cartel “Ames en Festas 2025”, que encadea as festas da Madalena do Milladoiro, do venres 1 ao martes 5, e as festas da Peregrina de Bertamiráns, do mércores 6 ao domingo 10 de agosto. Estarán presentes en Ames as mellores orquestras de Galicia: Panorama, Olympus, Os Satélites, América de Vigo, Cinema, Assia, Metrópolis, Charleston e Compostela. En tódalas xornadas de verbena contarase con djs, coma Kike Varela ou Sergio Telmo, e disco móbiles.  Ademais, o parque do Ameneiral contará con varias actuacións musicais: Mondra, a celebración do Festival Emerxente e o Ameneiral Romaría Urbana. Así mesmo, continuando coa estela do ano pasado, volverá a haber dous pregóns, un no inicio das festas do Milladoiro, o sábado 2 de agosto, e outro no peche das festas de Bertamiráns o domingo día 10. 

>Ames Jazz

 O festival de Ames Jazz celebrarase na noite do venres 2 de xullo no Pazo da Peregrina ás 22.30 horas. As 200 persoas que asistan poderán desfrutar dos concertos de Xan Campos co espectáculo "Realismo" e David Regueiro Trío, con "Areal". Para asistir, débese retirar os convites de balde a través da billeteira do Concello.

>Ames Jazz 2020

O Ames Jazz 2020  dará comezo ás 21.00 horas na Praza do Concello, onde empezará un pasarrúas do grupo Bregadiers.

Despois dunha pequena actuación na Praza do Concello, será as 21.15 horas, aproximadamente, cando dará comezo o pasarrúas ata a Praza da Maía. Nesta, tamén se realizará outra pequena actuación, que dará comezo arredor das 21.25 horas, e xa ás 21.45 horas aproximadamente, e cando dará comezo o pasarrúas ata o Pazo da Peregrina, onde se realizará outra pequena actuación que comezará arredor das 22.00 horas.

Posteriormente, tamén no Pazo da Peregrina, ás 22.30 horas, dará un concerto o músico Manuel Gutierrez co seu trío.

>Ames Jazz 2025

Os vindeiros días 4 e 5 de xullo, o Pazo da Peregrina acollerá a VIII edición do festival Ames Jazz. Nesta ocasión, o programa inclúe os concertos dos recoñecidos músicos galegos de Jazz a nivel internacional, Álvaro Vieito, en trío, e Yago Vázquez, tamén en trío. Ademais, haberá unha sesión vermú a cargo de Gloria Pavía e Rafa Morales e o faladoiro “A situación do jazz e da música galega”. 

>Ames Jazz 2025

Os vindeiros días 4 e 5 de xullo, o Pazo da Peregrina acollerá a VIII edición do festival Ames Jazz. Nesta ocasión, o programa inclúe os concertos dos recoñecidos músicos galegos de Jazz a nivel internacional, Álvaro Vieito, en trío, e Yago Vázquez, tamén en trío. Ademais, haberá unha sesión vermú a cargo de Gloria Pavía e Rafa Morales e o faladoiro “A situación do jazz e da música galega”.