Pestanas principais

Departamento de Cultura

    • Enderezo: Casa da Cultura do Milladoiro. Travesia do Porto, s/n, O Milladoiro. 15895 Ames.
    • Teléfono:  662 37 74 44
    • Responsable municipal: Concellaría de Cultura
    • Responsable técnico: María José Vázquez Bermúdez, Técnica de Animación Sociocultural.
Outros Datos: 
  • Funciones:
    • Xestionar as actividades e eventos que desde o Departamento de Cultura se poñen en marcha, responsabilizándose do seu adecuado desenvolvemento.
    • Informar e asesorar aos grupos e entidades culturais do concello, así como ao público en xeral, valorar as demandas dos cidadás e incentivar a participación.
    • Xestionar os programas culturais que oferta a Deputación, Rede Cultural, Xunta de Galicia, AGADIC e Cultura no Camiño. Solicitude,desenvolvemento, xustificación.
    • Tramitar as axudas económicas correspondentes á área de cultura, tanto as que se solicitan desde o Concello, coma as que se convocan desde a Concellaría de Educación e Cultura de apoio as entidades culturais e comisións de festas.
    • Coordinar e xestionar as Escolas Culturais Municipais.

Novas do departamento

Agrón celebra as súas festas na honra de San Lourenzo, o Santísimo Sacramento e San Roque

Dende este mércores e ata o venres 12 de agosto a parroquia de Agrón celebra as festividades na honra de San Lourenzo, o Santísimo Sacramento e San Roque.  Durante os vindeiros días haberá misas e procesións, así como verbenas e sesións vermú. Estas festas contan coa colaboración do Concello de Ames e da Concellaría de Cultura, a través do seu programa “Música nas parroquias”.

Agrón celebra esta fin de semana as súas festas na honra de San Andrés e a Virxe do Rosario

A parroquia de Agrón celebra este sábado 8 e domingo 9 as festividades na honra de San Andrés e a Virxe do Rosario. Durante a fin de semana haberá misas e procesións, así como verbenas e sesións vermú. Neste senso, o Concello de Ames e a Concellaría de Cultura colaboran coas festas a través do programa “Música nas parroquias”, coa actuación da agrupación Os Castros.

Agrón celebra esta fin de semana as súas festas na honra de San Andrés e a Virxe do Rosario

A parroquia de Agrón celebra este sábado 7 e domingo 8 de outubro as festividades na honra de San Andrés e a Virxe do Rosario. Durante a fin de semana haberá misas e procesións, así como verbenas e sesións vermú. Neste senso, o Concello de Ames, a través da Concellaría de Cultura, colaboran coas festas a través do programa “Música nas parroquias”, coa actuación da banda municipal de Brión. Haberá carpa, servizo de cantina no campo da festa e aparcadoiro gratuíto.

Álvaro Lamas inaugura na Casa da Cultura do Milladoiro a exposición “Capturando a natureza”

O concello de Ames é o lugar escollido por Álvaro Lamas para a presentación de “Capturando a Natureza”, que terá lugar este xoves ás 20.00 na no Auditorio da Casa da Cultura do Milladoiro e estará exposta ata o vindeiro 23 de xaneiro. A inauguración da exposición contará cun faladoiro e unha visita guiada polas obras da man do autor. Poderá visitarse, de forma gratuíta, desde o vindeiro venres día 9 ata o 23 de xaneiro en horario de 9.00 a 14.00 horas e de 16.00 a 22.00 horas na Casa da Cultura do Milladoiro.

Álvaro Vieito Trío, Gloria Pavía e Rafa Morales e Yago Vázquez Trío protagonizaron a oitava edición do Ames Jazz

Bertamiráns acolleu esta fin de semana a oitava edición do Ames Jazz, unha iniciativa que combinou diversas propostas musicais durante as noites do venres 4 e o sábado 5. O festival estivo protagonizado polos concertos dos recoñecidos músicos galegos de jazz a nivel internacional, Álvaro Vieito, en trío, e Yago Vázquez, tamén en trío. Ademais, o sábado houbo unha sesión vermú a cargo de Gloria Pavía e Rafa Morales e o faladoiro “A situación do jazz e da música galega”. Nesta edición estímase que aumentou a afluencia de público respecto a edicións anteriores. Arredor de 370 persoas participaron nas diversas actividades do festival, que ano tras ano vaise afianzando como unha cita musical ineludible do verán amesán. 

Ames abre a programación cultural de outubro con tres propostas teatrais

O departamento de Cultura do Concello de Ames estrea a súa programación do último trimestre do ano con tres obras teatrais que se representarán no mes de outubro, dúas para público adulto e unha para público infantil. As entradas poden adquirirse na Billeteira electrónica do Concello de Ames, e hai descontos e prezos reducidos para colectivos especiais.

Ames acolle a exposición e a presentación do libro fotográfico “100 Lugares Máxicos do Camiño”

A Casa da Cultura do Milladoiro acolle do 13 ao 20 de outubro a exposición fotográfica “100 Lugares Máxicos do Camiño”. A mostra recolle algunhas das instantáneas incluídas no libro homónimo, que será presentado o próximo luns 17 de outubro no Pazo da Peregrina de Bertamiráns, ás 20:00 horas, coa presenza do autor, o fotógrafo Adolfo Enríquez.

Ames acolle a representación da obra de teatro “Contos arraianos” este venres, 10 de febreiro

A programación de Ames Cultural continúa no mes de febreiro coa obra de teatro “Contos arraianos”, que terá lugar este venres, 10 de febreiro, na Casa da Cultura do Milladoiro, ás 20:30 horas. Esta representación, ofrecida por Sarabela Teatro, enmárcase dentro do convenio asinado entre o Concello de Ames e a Axencia Galega de Industrias Culturais (AGADIC). As entradas xa poden adquirirse a través da Billeteira electrónica do Concello. Premendo nesta ligazón pódese consultar a programación cultural ao completo para o primeiro semestre de 2023. 

Ames acolle a V Xornada Profesional de Promoción Escénica e Musical de Galicia

Hoxe luns 1 de decembro celébrase na Casa da Cultura do Milladoiro a V Xornada Profesional de Promoción Escénica e Musical de Galicia, a cuarta edición xa en colaboración con AGEM. Nesta edición, danse cita 36 compañías socias de Escena Galega e 12 bandas e artistas asociadas a AGEM. Ao longo da mañá presentáronse 17 propostas en formato showcase. Pola tarde, compañías e bandas manterán xuntanzas rápidas enfocadas á promoción dos seus proxectos. Así, hai programados máis de 300 speedmeetings. Esta xornada está sufragada pola Xunta de Galicia, a través da Axencia Galega das Industrias Culturais.

Ames acolle a XIV Mostra de Teatro Afeccionado

A Mostra de Teatro Afeccionado de Ames, organizada pola Concellería  de Cultura de Ames xunto coa Deputación da Coruña, volve un ano máis coa representación de distintas pezas teatrais os días 8, 15 e 30 de novembro, cunha última sesión o 15 de decembro. Serán representadas nos diferentes auditorios do Concello, con entrada gratuíta ata completar aforo.

Eventos del departamento

> Teatro: Aquí non paga ninguén

A programación de Ames Cultural arranca no mes de xullo coa estrea do grupo municipal de teatro, que representará o día 16, ás 20.30 horas, na Casa da Cultura do Milladoiro, a obra “Aquí non paga ninguén”.

> Teatro: Lo del 75

A compañía teatral La Santa Compañía presenta este venres 18 de novembro a obra de teatro "Lo del 75" no auditorio da Casa da Cultura do Milladoiro, ás 20:30 horas. Trátase dunha comedia de humor absurdo escrita e dirixida por Irene Miranda. Narra a historia de Ofelia e Fermín, unha parella que vive en Torrillo ata o momento no que a el o contratan como arquitecto, cando deben comezar a tomar drásticas decisións. As entradas para asistir a este espectáculo pódense adquirir na Billeteira electrónica.

> Teatro: N.E.V.E.R.M.O.R.E.

A compañía Chévere protagoniza unha nova proposta de artes escénicas dentro da programación cultural de Ames para este primeiro semestre do 2023. O espectáculo narra a catástrofe do Prestige vinte anos despois, e representarase o venres, 20 de xaneiro, ás 20:30 horas, na Casa da Cultura de Bertamiráns. A duración da función é de 105 minutos. As entradas xa poden adquirirse a través da Billeteira electrónica do Concello de Ames. 

> Teatro: O auto do Castromil

A segunda das propostas do departamento de Cultura para o mes de outubro terá lugar o venres 6. Trátase da obra O auto do castromil, de Producións Teatrais Excéntricas, que foi merecedora do premio do III Certame Manuel María de Proxectos Teatrais. Terá lugar na Casa da Cultura de Bertamiráns, ás 20:30 horas. As entradas están dispoñibles xa na Billeteira electrónica, e hai descontos e prezos reducidos para colectivos especiais. 

> Vermú con Eva e Camilo

A praza do Concello acolle hoxe ás 14:00 unha sesión vermú a cargo do dúo Eva e Camilo.

A actividade é de balde e encádrase dentro do programa AmesON, a través do cal o Concello traballa para dinamizar os sectorescomercial e culturall de Ames.

> XVII Festa do chourizo ao viño

O domingo 9 de xullo, volve a Ames unha das festas gastronómicas de maior tradición no concello, coa celebración da décimo sétima edición da Festa do chourizo ao viño, acompañada da X degustación da orella de porco cocida. A xornada, organizada pola Asociación Gastronómica, Recreativa e Cultural do Chourizo ao Viño, conta co apoio do Concello de Ames a través da Concellaría de Cultura, que achegará a Ortoño ao grupo folk De Vacas co seu programa “Música nas parroquias”, que inclúe numerosas actuacións de agrupacións tradicionais e grupos musicais.

> XVII FestiMax: Gala de novos talentos da maxia

A programación do XVII Festival internacional de Maxia de Ames “FestiMax”, está composta por catro grandes espectáculos que se van a realizar os días 21, 22 e 23 de outubro nas Casas da Cultura de Bertamiráns e do Milladoiro. Neste senso, o venres 21 de outubro ás 20:00 horas, na Casa da Cultura do Milladoiro, desenvolverase o que será a principal novidade desta edición do festival de maxia. Trátase da Gala de novos talentos da maxia, que estará presentada polo mago Rafa e na que participarán Magic Mateo, Mago Iago, El Grand Na, Maga Aldara e Mago Alvart. Os convites para o espectáculo, de balde, poden retirarse xa na Billeteira electrónica do Concello de Ames.

> XVII FestiMax: Gala máxica infantil

A programación do XVII Festival internacional de Maxia de Ames “FestiMax”, está composta por catro grandes espectáculos que se van a realizar os días 21, 22 e 23 de outubro nas Casas da Cultura de Bertamiráns e do Milladoiro. As actividades comezan o venres 21 de outubro, ás 17:00 horas, na Casa da Cultura de Bertamiráns coa Gala máxica infantil. O mago inglés Cliff The Magician presentará o espectáculo Magical Mistery Tour. Este mago é especialista en realizar espectáculos para os máis cativos e cativas. Conta cunha longa traxectoria levando a súa maxia a diferentes teatros e centros educativos de diferentes países. As entradas para o espectáculo xa están dispoñibles na Billeteira electrónica do Concello de Ames.

> XVII FestiMax: Gala máxica internacional

A programación do XVII Festival internacional de Maxia de Ames “FestiMax”, está composta por catro grandes espectáculos que se van a realizar os días 21, 22 e 23 de outubro. Neste senso, a Gala máxica internacional farase o sábado 22 e mailo domingo 23. Como nos últimos anos haberá catro pases, debido á gran demanda que ten este espectáculo entre a veciñanza amesá. A gala estará presentada polo mago Murphy de Madrid e participarán os magos Dani Polo (Galicia), Lore Lavand (Arxentina), Enric Magoo (Cataluña) e Hyun Joon Kim (Corea). Así, o sábado 22 realizarase o espectáculo "Isto é maxia" na Casa da Cultura do Milladoiro, mentres que o domingo 23 de outubro desenvolverase o espectáculo "Agora Maxia", na Casa da Cultura de Bertamiráns. Ambos días a primeira función será ás 17:00 horas e a segunda ás 20:00 horas. As entradas xa están dispoñibles na Billeteira electrónica do Concello de Ames.

> XVII FestiMax: Obradoiros de maxia

A programación do XVII Festival internacional de Maxia de Ames “FestiMax”, está composta por catro grandes espectáculos que se van a realizar os días 21, 22 e 23 de outubro nas Casas da Cultura de Bertamiráns e do Milladoiro. Outra das actividades que se realizan este ano serán os obradoiros de maxia, dirixidos a rapaces e rapazas de entre 8 e 14 anos. Así, o mago David Maestro impartirá dous talleres de maxia, nas Casas da Cultura do Milladoiro, o sábado 22, e de Bertamiráns, o domingo 23. Formaranse dous grupos de 12 participantes cada un. A primeira sesión farase ás 11:00h e a segunda a continuación ás 12:00 horas. Para participar é necesario inscribirse enviando un correo electrónico ao enderezo cultura@concellodeames.gal. En dito correo hai que poñer o nome, apelidos da persoa que quere participar no obradoiro de maxia e un número de teléfono de contacto.