Pestanas principais

Departamento de Cultura

    • Enderezo: Casa da Cultura do Milladoiro. Travesia do Porto, s/n, O Milladoiro. 15895 Ames.
    • Teléfono:  662 37 74 44
    • Responsable municipal: Concellaría de Cultura
    • Responsable técnico: María José Vázquez Bermúdez, Técnica de Animación Sociocultural.
Outros Datos: 
  • Funciones:
    • Xestionar as actividades e eventos que desde o Departamento de Cultura se poñen en marcha, responsabilizándose do seu adecuado desenvolvemento.
    • Informar e asesorar aos grupos e entidades culturais do concello, así como ao público en xeral, valorar as demandas dos cidadás e incentivar a participación.
    • Xestionar os programas culturais que oferta a Deputación, Rede Cultural, Xunta de Galicia, AGADIC e Cultura no Camiño. Solicitude,desenvolvemento, xustificación.
    • Tramitar as axudas económicas correspondentes á área de cultura, tanto as que se solicitan desde o Concello, coma as que se convocan desde a Concellaría de Educación e Cultura de apoio as entidades culturais e comisións de festas.
    • Coordinar e xestionar as Escolas Culturais Municipais.

Novas do departamento

Aberto o prazo de inscrición do obradoiro sobre Helen Keller impartido polo Grupo Chévere

O vindeiro 24 de abril, ás 19:00 horas, o Grupo Chévere impartirá na Casa da Cultura do Milladoiro un obradoiro para aqueles espectadores que queiran saber máis sobre a súa obra “Helen Keller, a muller marabilla?”. Para participar só hai que enviar un correo a cultura@concellodeames.gal indicando nome, apelidos e un teléfono. Ofértanse un máximo de 20 prazas que se adxudicarán por orde de inscrición.

Aberto o prazo de inscrición para o obradoiro para adultos "Como contar contos"

O programa de “Animación á lectura” das Bibliotecas municipais conta este ano con actividades para adultos como novidade. A primeira actividade é "Como contar contos", un obradoiro formativo impartido por Pedro Brandariz, que se realizará o sábado 17 de outubro, ás 11.00 horas, na biblioteca do Milladoiro. O prazo de inscrición xa esta aberto e, par obter unha das 9 prazas ofertadas, débese chamar ao teléfono 981 530 807 ou enviar un email a biblioteca@concellodeames.gal. 

Aberto o prazo de inscrición para os concursos de Entroido do Concello de Ames

O Concello de Ames, a través das Concellaría de Promoción Económica, Cultura e Educación, e xunto coa colaboración da Xuntanza de Empresarios de Ames (XEA), organiza a programación de Entroido 2026. Dita programación desenvolverase do sábado 14 ao luns 16 de febreiro cunha ampla variedade de actividades dirixidas ao público adulto e infantil. Xa está aberto o prazo de inscrición para o concurso e desfile do Milladoiro, que se vai realizar o domingo 15, e para a festa infantil de disfraces do luns 16 de febreiro en Bertamiráns.

Aberto o prazo de inscrición para participar nos obradoiros do “Día da AMTIC”, que se celebra este sábado 10

O departamento de Cultura e Tecnoloxías da Comunicación do Concello de Ames organiza para este sábado, día 10 de decembro, o evento tecnolóxico “Día da AMTIC”, que terá lugar na Casa da Cultura do Milladoiro. Celebraranse distintos obradoiros de informática, e haberá instalados espazos para o xogo con consolas. Ademais, ofrecerase unha charla denominada “Adiccións e videoxogos. Como evitar que o meu fillo/a me arruíne”. O prazo para inscribirse xa está aberto, e aínda quedan ocos dispoñibles para todas as actividades.

Aberto o prazo de inscrición para que as agrupacións musicais non profesionais de Ames participen nas festas populares ou actividades de dinamización sociocultural de 2026

O Concello de Ames, a través da Concellería de Cultura, informa de que está aberto desde o 21 de febreiro ata o 7 de marzo (ambos incluídos) o prazo de inscrición para que as agrupacións musicais non profesionais do concello de Ames participen nas festas populares ou actividades orientadas á dinamización sociocultural de 2026. Posteriormente, os grupos de música tradicional e corais non profesionais inscritos poderán ser solicitadas por asociación e comisións de festas municipais dentro da convocatoria de subvencións en especies para as festas populares celebradas no 2026. A contía total desta liña de axudas en 2026 ascenderá a 24.000 euros.

Aberto o prazo de preinscrición para matricularse nas clases da A.C. Os Castros para o curso 2025-2026

A asociación cultural Os Castros abre o prazo de preinscrición para matricularse nas clases correspondentes ao curso 2025-2026. Como vén sendo habitual, dende a asociación ofertan a súa escola de gaita e percusión; escla de baile e escola de música e baile (unha actividade de música escollida xunto con baile tradicional). Deste xeito, a veciñanza interesada en participar pode realizar o prazo de preinscrición ata o vindeiro venres, 26 de setembro. Pode realizarse enviando un correo electrónico ao enderezo correo@acoscastros.es ou de xeito presencial na rúa Alcalde Lorenzo Nº2 1ºLocal 3, en Bertamiráns, de 20.30 a 21.30 horas. 

Aberto o prazo de solicitude de axudas en especie para asociacións e comisións de festas do Concello de Ames no 2026

A Xunta de Goberno Local do Concello de Ames aprobou o pasado 5 de marzo a convocatoria de subvencións para as axudas en especies para asociacións e comisións de festas no exercicio 2026. Para solicitar estas axudas, que suman unha contías de 24.000 euros, haberá dous prazos en función da data na que se celebren as festas para as que se soliciten. Premendo nesta ligazón pódese obter máis información sobre a convocatoria.

Aberto o prazo de solicitude de axudas para a promoción de festas populares e actividades culturais

A Xunta de Goberno Local do Concello de Ames aprobou o pasado 5 de marzo as convocatorias de subvencións para a promoción de festas populares e actividades levadas a cabo polas asociacións culturais no exercicio 2026. O prazo para solicitar estas axudas, que suman unhas contías de 30.000 euros para as actividades culturais e de 25.000 euros para as festas populares, estará aberto ata o 10 de abril. Premendo nestas ligazóns pódese obter máis información sobre a convocatoria para as festas populares e para as actividades levadas a cabo por asociacións culturais.

Aberto o prazo de solicitude de axudas para a promoción de festas populares e actividades culturais

A Xunta de Goberno Local do Concello de Ames vén de aprobar a convocatoria de subvencións para a promoción de festas populares e actividades levadas a cabo polas asociacións culturais no exercicio 2023. O prazo para solicitar estas axudas, que suman unhas contías de 30.000 euros para as actividades culturais e de 25.000 euros para as festas, xa está aberto ata o 12 de xuño. Premendo nestas ligazóns pódese obter máis información sobre a convocatoria para as festas populares, ou ben para as actividades culturais. 

Aberto o prazo para a participación das agrupacións musicais non profesionais de Ames nas festas populares ou actividades de dinamización sociocultural de 2025

O Concello de Ames, a través da Concellería de Cultura, informa de que ata o 6 de marzo estará aberto o prazo para que as agrupacións musicais non profesionais do concello de Ames participen nas festas populares ou actividades orientadas á dinamización sociocultural de 2025. Posteriormente, os grupos de música tradicional e corais non profesionais inscritas poderán ser solicitadas por asociación e comisións de festas municipais dentro da convocatoria de subvencións en especies para as festas populares celebradas no 2025. A través desta iniciativa búscase fomentar a celebración das festas e colaborar na súa organización, facendo máis doada o labor que está a desenvolver o tecido asociativo e as comisións de festas do concello no eido da dinamización sociocultural. En 2025 a contía total desta liña de axudas ascenderá a 24.000 euros. Premendo nesta ligazón podes consultar as bases da convocatoria.

Eventos del departamento

> Teatro: "Ás para Álex"

A programación de artes escénicas para o público miúdo e familiar da primeira metade de 2022 inclúe catro obras teatrais, con diferentes idades recomendadas e con presenza de xéneros como o teatro contemporáneo, o musical ou o de monicreques. Este último é o caso da primeira representación do semestre, “Ás para Álex”, que terá lugar o xoves 10 de febreiro, ás 18:00 horas, na Casa da Cultura de Bertamiráns. Pensada para o público familiar e para a cativada a partir dos 5 anos, a obra da compañía Baobab Teatro conta a historia de Álex, un neno de 8 anos apaixonado ao fútbol que de súpeto non pode camiñar. Álex está anoxado co mundo ata que aparece Laura, que comeza a mudar a mirada que ten o rapaz do que lle rodea. As entradas xa están dispoñibles a través da Billeteira electrónica do Concello de Ames.

> Teatro: "Búho"

A compañía Titzina achega a Ames a obra de teatro "Búho", que será representada o venres 3 de febreiro no auditorio da Casa da Cultura do Milladoiro, ás 20:30 horas. Nela nárrase a historia de Pablo, un antropólogo forense especializado en xacementos paleolíticos que sofre un ictus e acaba padecendo amnesia severa. Os espectadores poderán asistir a unha procura interior pola súa memoria para recuperar as súas lembranzas, e, en definitiva, a súa identidade. As entradas poden adquirirse na Billeteira electrónica do Concello de Ames. 

> Teatro: "Continente María"

A Casa da Cultura de Bertamiráns acolle o 24 de marzo a representación da obra "Continente María" con motivo do Día Mundial de Teatro. Será as 20:30 horas. A peza pretende recuperar e homenaxear a figura da actriz, achegándoa ao público e falando da propia condición dos artistas nun mundo en continuo cambio, analizando as contradicións da sociedade. As entradas xa se poden adquirir a través da Billeteira electrónica do Concello de Ames. 

> Teatro: "Continente María"

A programación de Ames Cultural do primeiro semestre de 2023 continúa coa representación de "Continente María", unha obra de Ainé Producións. Nela, homenaxéase a figura de María Casares, achegándoa ao público, á vez que se fala da propia condición dos artistas nun mundo de constante cambio, analizando escenicamente as contradicións do país e da sociedade. As entradas pódense adquirir xa na Billeteira electrónica do Concello de Ames. 

> Teatro: "Contos arraianos"

A compañía Sarabela Teatro presenta o venres 10 de febreiro a obra teatral "Contos arraianos" en Ames. Terá lugar ás 20:30 horas, no auditorio da Casa da Cultura do Milladoiro. As entradas poden adquirirse na Billeteira electrónica do Concello de Ames. 

> Teatro: "Estrela do Día"

O venres 21 de xaneiro, na Casa da Cultura de Bertamiráns, a compañía Producións Teatrais Excéntricas presentará a comedia “Estrela do Día”, ás 20:30 horas. Tratarase dunha experiencia para que o público recupere a “fe” no teatro, a través de milagres, da inxenuidade e da nova inocencia. As entradas para a segunda obra da programación cultural de Ames do primeiro semestre de 2022 poderán adquirirse a partir do mércores 5 de xaneiro, a través da Billeteira electrónica do Concello de Ames.

> Teatro: "Gloria Nacional"

A primeira representación da programación cultural de Ames do primeiro semestre de 2022 é “Gloria Nacional”, que conta a historia de Uxío Rodas, un escultor e pintor de gran repercusión no seu país ao que o seu presidente lle pide unha gran escultura monumental que represente á súa nación. Dirixida pola compañía Teatro do Noroeste, a representación será o venres 14 de xaneiro, ás 20:30 horas, na Casa da Cultura de Bertamiráns. As entradas estarán dispoñibles dende o mércores 5 de xaneiro na Billeteira electrónica do Concello de Ames.

> Teatro: "Hugo"

A última proposta do semestre da programación de teatro de Ames para o público miúdo e familiar será “Hugo”, da compañía Os Náufragos. A obra representarase o venres 1 de abril, ás 18:00 horas, na Casa da Cultura de Bertamiráns. Hugo é un rapaz con TEA (trastorno do espectro autista) ao que lle gustan os avións e o piano. A obra, dirixida á rapazada dos 4 aos 10 anos, fala da empatía e da beleza da diversidade. As entradas xa están dispoñibles na Billeteira electrónica do Concello de Ames.

> Teatro: "Libre coma os paxaros"

O venres 18 de febreiro ás 20:30 horas, na Casa da Cultura de Bertamiráns, será a quenda de “Libre coma os paxaros” na programación cultural de Ames do primeiro semestre de 2022. O drama da compañía Teatro do Atlántico ten á actriz María Barcala representando o papel dunha muller escritora e poetisa, comprometida coa cultura do seu pobo, que reflicte e denuncia a situación das mulleres, a emigración masiva, a fame e a miseria: María Rosalía Rita de Castro. As entradas están dispoñibles a través da Billeteira electrónica do Concello de Ames.

> Teatro: "Moito ruído e poucas noces"

O Centro Cultural A Mahía e a Asociación de Veciños de San Pedro de Bugallido organizan para o domingo, 4 de xuño, a representación da obra teatral “Moito ruído e poucas noces”. Será ás 19:00 horas, no centro social de Bugallido. O acceso será libre e gratuíto. A obra está patrocinada por polo departamento de Cultura do Concello de Ames, no marco de apoio á creación artística e á difusión de obras de grupos amateurs.