O Concello de Ames abre o prazo para solicitar permiso para a realización de cacharelas na noite de San Xoán (23 de xuño de 2022). No caso de  espazos públicos o prazo vai do 6 de xuño ao día 16 de xuño, ás 14.00 horas, mentres que no caso de  espazos privados o prazo de solicitude abrangue do 6 de xuño ao día 21 de xuño, ás 14.00 horas. Estas normas fanse extensivas á celebración de cacharelas/sardiñadas durante todo o mes de xuño. As solicitudes deberán presentarse preferentemente por rexistro telemático, a través da Sede electrónica do Concello de Ames. Para presentar as solicitudes de forma presencial haberá que solicitar cita previa nsa Sede electrónica.

O Pleno aprobou este xoves, 10 de febreiro, a participación do Concello de Ames no plan provincial de cooperación ás obras e servizos de competencia municipal (Plan único de concellos), POS+ 2022, da Deputación provincial da Coruña. O Concello de Ames disporá de 1.076.348,37 euros, dos cales 1.042.547,70 euros (443.863,06€ da achega provincial 2022 e 598.684,66 euros da achega de 2021) son para novos investimentos; e 33.800,65 euros para a redución de débeda con entidades financeiras. Dentro da partida de 598.684,66 euros, da achega de 2021, o Concello achega 3.994,19 euros. No Plan complementario de 2022 recóllese unha partida de 1.472.221,51 euros para a execución de sete proxectos e no POS+ Adicional 1/2022 contémplanse 157.736,37 euros para o financiamento de gastos sociais extraordinarios.

O portal de observación social de ética e transparencia pública Dyntra segue situando ao Concello de Ames como a terceira institución municipal máis transparente de Galicia, e colócao no posto número 109 de España. O Concello conta con 96 indicadores publicados dos 162 que recolle Dyntra, alcanzando así unha porcentaxe do 59,26% no índice DAM (Dyntra Ayuntamientos y Municipios), que inclúe aos municipios de máis de 15.000 habitantes. A avaliación recolle seis apartados, nos cales Ames obtén as seguintes puntuacións: 61,54% en transparencia municipal; 54,55% en participación e colaboración cidadá; 51,85% en transparencia económica-financieira; 75% en contratacións de servizos; 60% en urbanismo e obras públicas e 0% en Open Data.

A Corporación municipal aprobou no pleno ordinario de outubro o expediente de licitación do Servizo de Axuda no Fogar do Concello de Ames. Tamén saíron adiante a revisión ordinaria do canon principal e do canon da ampliación do contrato de limpeza viaria e xestión do punto limpo; a proposta de modificación da porcentaxe de financiamento da subvención nominativa á Agrupación de Voluntarios de Protección Civil; a proposta de revogar parcialmente o acordo de delegación de competencias en materia tributaria na Deputación da Coruña; e a modificación das ordenanzas fiscais do ICIO e do IBI. Igualmente, saíu adiante unha moción de urxencia presentada polo grupo de goberno para asumir o coste dos proxectos incluidos nos Orzamentos Participativos 2019 en función do superávit da liquidación de 2018 e rexeitouse unha moción in voce presentada polo grupo municipal do PP relativa ao funcionamento dos Servizos Complementarios do Concello. Dende o grupo de goberno manifestouse que non podía considerarse como moción, situación que fixo que os concelleiros e concelleiras do PP de Ames abandonaran a sesión. Si se abordou unha proposta presentada pola Anpa do CEIP A Maía relativa o acompañamento dos nenos e nenas que teñen actividades extraescolares no Pavillón de Bertamiráns, facendo bo ese novo procedemento administrativo para que os veciños e as veciñas individualmente, e/ou as entidades veciñais inscritas no rexistro municipal do Concello de Ames, poidan intervir nas sesións do Pleno municipal.