Pestanas principais

Departamento de Deportes

    • Enderezo: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención ao público:
      • De luns a venres, en horario das 9:00 ás 14:00 horas.
    • Responsable municipal: Concellaría de Deportes
    • Responsable técnico: Alberto Viaño Moure.
Outros Datos: 
  • Programación escolas deportivas 2023-2024
  • Funcions:
    • Deseñar proxectos deportivos: escolas deportivas, eventos deportivos...
    • Planificar e xestionar programas deportivos e elaborar estratexias de funcionamento.
    • Incentivar a participación cidadá tanto nas actividades como na creación deportiva.
    • Asesorar e informar aos grupos e entidades deportivas do concello, así como ao público en xeral.
    • Colaborar nas programacións da Deputación: Campaña de esqui, campamentos deportivos, circuíto de carreiras populares...
    • Xestionar as subvencións correspondente á área de deportes, ben sexan as da Deputación ou as convocatorias propias do Concello de Ames de apoio ás asociacións deportivas e clubs.
    • Xestionar as instalacións deportivas municipais (pavillóns polideportivos, campos de fútbol e piscinas descubertas municipais).
  • Normativa:
  • Novas relacionadas
  • Axenda

Novas do departamento

Dous deportistas da escola Dokkodo competiron no Campionato de España de karate infantil

Esta fin de semana celebrouse en Guadalajara o Campionato de España de Karate Infantil, no que competiron dous deportistas da escola amesá despois de ser seleccionados para representar a Galicia.

Dous ouros e catro pratas para os irmáns Paula e Manuel Blanco no Open de Illescas de kickboxing

Os veciños de Ortoño Paula e Manuel Blanco Prol participaron os pasados sábado 6 e domingo 7 de maio no Open de Illescas de kickboxing, que serviu como segunda parada da Liga Last Round de kickboxing R2G, unha competición a nivel nacional deste deporte de contacto. Paula Blanco conseguiu un ouro e tres pratas na categoría absoluta, mentres que na categoría cadete menor o seu irmán Manuel Blanco levou un primeiro e un segundo posto.

Dous ouros para cada un dos irmáns Blanco no XX Trofeo Internacional Cidade de Ourense de kickboxing

Paula e Manuel Blanco Prol, veciños de Ortoño, continúan a súa tempada de campionatos e competicións de kickboxing, acumulando novos éxitos. O pasado sábado 4 de xuño competiron no XX Trofeo Internacional de kickboxing Cidade de Ourense, que se disputou no pavillón municipal de Oira, na cidade ourensá. Alí os dous irmáns subíronse ao máis alto de podio por partida dobre, gañando ambos os dous nas súas categorías de peso e idade en “pointfighting” e “light contact”.

Dous ouros para o Ames Atletismo e seis podios do MillaRaio nos campionatos galegos sub16

Os días 2 e 3 de xullo as pistas universitarias de atletismo de Elviña, na Coruña, acolleron a disputa dos campionatos galegos sub16 e sub20 individual e de combinadas ao aire libre. Neste senso, os clubs amesáns Ames Atletismo e MillaRaio sumaron sete metais nos campionatos sub16, destacando as dúas vitorias dos atletas do Ames Atletismo, Nicolás Collazo, nos 5.000 metros marcha, e María Estévez, nos 1.500 metros obstáculos, ademais das dúas pratas e dos cinco bronces conseguidas polos deportistas do MillaRaio. Ademais, o club do Milladoiro participou no campionato galego de clubs sub16, celebrado en Pereiro de Aguiar o pasado 26 de xuño, onde o seu equipo masculino obtivo a medalla de bronce.

Dous podios para o club Millaraio no evento “Os 10.000 peregrinos”

O pasado 16 de abril celebrouse en Santiago de Compostela o evento “Os 10.000 peregrinos”, organizado pola Federación Galega de Atletismo e a Deputación da Coruña. Nel participaron dous atletas do club Millaraio na categoría sub18, Lucas Pena e Adrián Sésar. Ambos lograron alcanzar o podio nas súas respectivas modalidades. 

El Mehdi El Nabaoui e Laura Santos gañan a proba absoluta da XXI Carreira Pedestre Popular Concello de Ames

A pesar da choiva que caeu onte durante a carreira pedestre popular Concello de Ames, un gran número de atletas participaron nesta proba deportiva que se desenvolveu na localidade de Bertamiráns e a súa contorna. Na proba absoluta o gañador foi El Mehdi El Nabaoui, do club Oriente Atletismo, cun tempo de 31.27, e Laura Santos, do club Atletismo Lucus Caixa Rural Galega, cun tempo de 34.27. Esta proba pertence ao VIII Circuíto de Carreiras Populares da Deputación da Coruña e forma parte do Campionato de Galicia das categorías sub20, sub23, absoluta e máster da tempada 2021-2022. Premendo nesta ligazón podes consultar as clasificacións da carreira pedestre.

Está aberto o prazo de presentación de solicitudes para as axudas de promoción de actividades levadas a cabo por clubs e asociacións deportivas

O Concello de Ames informa sobre a convocatoria de axudas para a promoción de actividades levadas a cabo no exercicio 2022 polos clubs e asociacións deportivas de Ames. A contía destinada a esta convocatoria ascende nesta anualidade aos 80.000 euros. O prazo de presentación de solicitudes é de 30 días naturais desde a publicación das bases no Boletín Oficial da Provincia (BOP), que tivo lugar o pasado xoves, 13 de abril; polo que remata o 13 de maio. Ao pé desta nova podes atopar as bases e mailos impresos de solicitude.  

Está aberto o prazo para inscribirse no III Campus de verán Basquet Ames

Este verán chega a Ames cargado cunha ampla oferta de campus e campamentos, entre os que destacan as propostas deportivas. Neste eido, chega a terceira edición do Campus de verán Basquet Ames, destinado a nenos e nenas nados entre o 2004 e o 2013. Esta actividade desenvolverase en dúas quendas entre o 1 e o 12 de xullo, tanto no pavillón polideportivo municipal como no ximnasio do instituto do Milladoiro. Para inscribirse será necesario enviar antes do 30 de xuño un correo ao enderezo de correo electrónico basquetames@gmail.com, no que se indiquen os datos do ou da menor e se anexe o comprobante de pagamento. O campus, que está organizado polo propio Club Básquet Ames en colaboración co Concello de Ames, incluirá servizo de madrugadores e comedor.

Estanse a realizar melloras nas pistas polideportivas descubertas do concello

Arranxo de peches, melloras no pavimento, na pintura e no mobiliarioe substitución de canastas e portarías son algunas das obras que a concellaría de Deportes está a executar na actualidade nas pistas polideportivas do Concello de Ames. O alcalde, Blas García, a concelleira de deportes, Susana Señorís e o técnico do departamento, Alberto Viaño, visitaron estes días as obras.

Estase arranxando o peche do campo de fútbol municipal do Milladoiro

O peche perimetral do campo de fútbol do Milladoiro sufriu importantes danos debido ao temporal de choiva e vento que asolou Galicia a finais do pasado mes de decembro. Os postes de dito peche torceron debido á forza do vento coa conseguinte caída da estrutura. Isto ocasionou que durante este mes de xaneiro non se puideran xogar partidos de fútbol nesta instalación. Esta semana colocáronse os postes e os cables tensores. Só falta volver a colocar a rede, que está previsto que se instale esta semana, polo que se os traballos rematan estes días, durante a fin de semana poderían volver a disputarse partidos de fútbol en dita instalación.

Eventos del departamento

>XVI Carreira Ciclista do Pavo

O 17 de decembro, ás 12:00 horas, celébrase a XVI Carreira Ciclista do Pavo nos arredores do Paseo Fluvial de Bertamiráns.

>XVI Gala do Deporte

A Concellaría de Deporte celebra este venres, 19 de abril, a décimo sexta edición da Gala do Deporte, un evento no que se homenaxeará tanto aos e ás deportistas máis destacados/as do concello, como ás diversas entidades deportivas. O acto terá lugar ás 20:30 horas, na Casa da Cultura do Milladoiro, e será presentado polos xornalistas Lorena Pose e Diego Viaño. Ademais, ofreceranse distintos espectáculos e animacións.

>XVII Carreira do Pavo

A localidade de Bertamiráns acolle o domingo, 22 de decembro, a partir das 11.00 horas, a décimo sétima edición da Carreira Ciclista do Pavo. Organizada pola Asociación Galega de Ciclistas, en colaboración coa Federación Galega de Ciclismo e co Concello de Ames, nela participarán tanto adultos como os máis pequenos da casa. As inscricións para os/as ciclistas federados/as poden facerse na páxina web da federación (tamén o poden facer o propio día da carreira), mentres que as persoas non federadas teñen que enviar un correo electrónico a begonaalonso@mundo-r.com ou chamar ao  número de teléfono 677 555 748. Em ambos casos as inscricións poden tramitarse ata o venres 13 de decembro.

>XVII Gala do Deporte

A Concellaría de Deporte celebra este venres, 9 de maio, a décimo sétima edición da Gala do Deporte, un evento no que se homenaxeará tanto aos e ás deportistas máis destacados/as do concello, como ás diversas entidades deportivas. O acto terá lugar ás 20:30 horas na Casa da Cultura de Bertamiráns. Ademais, ofreceranse distintos espectáculos e animacións.

>XX Carreira Pedestre Popular Concello de Ames

O Concello de Ames e a Federación Galega de Atletismo organizan este domingo, 20 de outubro a vixésima edición da carreira pedestre do Concello de Ames. Esta proba pertence ao VII Circuíto de carreiras populares da Deputación da Coruña. A saída e chegada de cada proba farase na rúa Alcalde Lorenzo de Bertamiráns, tal como  se veu realizando nas dúas últimas edicións, unha vez que se decidiu trasladar a proba desde o entorno do Pazo da Peregrina ao centro do núcleo urbano para así facer mais partícipe á veciñanza.

>XXIII Carreira Pedestre Popular do Concello de Ames

O Concello de Ames e a Federación Galega de Atletismo organizan o domingo 20 de outubro a XXIII Carreira Pedestre Popular Concello de Ames, unha proba que pertence ao X Circuíto provincial de carreiras populares da Deputación da Coruña. Contará cun circuíto urbano de 10 quilómetros homologado pola Real Federación Española de Atletismo, con saída e chegada en Bertamiráns, na rúa Alcalde Lorenzo, nas inmediacións da Casa do Concello. O percorrido estará debidamente sinalizado e haberá indicacións en cada quilómetro.

>XXXVIII Rally Berberecho de Noia

A edición deste ano do Rally Berberecho de Noia terá un treito que se disputará de forma íntegra por estradas do noso concello. Será en horario de tarde e haberá un reagrupamento, de 17:15 a 19:30 horas, na avenida José Luís Azcárraga, diante do Pazo da Peregrina, en Bertamiráns, polo que pasarán todos os participantes. O tramo de Ames ten unha lonxitude de 11,2 quilómetros e discorre polas parroquias de Ames, Lens e Tapia. A saída do tramo estará instalada no lugar de Outeiro, mentres que a liña de meta será na estrada que vai dende a aldea de A Mámoa cara o lugar de Pedrouzos. Os pilotos farán unha dobre pasada polo tramo de Ames. A primeira pasada comezará ás 16.50 e a segunda ás 19.40 horas, sendo o último tramo do rally. O final do rally está previsto para as 20.20 horas. As estradas polas que discorre o treito de Ames estarán pechadas ao tráfico de 15.30 a 22.30 horas aproximadamente. Consulta o itinerario do tramo de Ames.

O Milladoiro acolle o programa Convivir Deportivo da CRTVG

O auditorio da Casa da Cultura do Milladoiro converterase o próximo luns, 22 de xullo, nun estudo de radio coa retransmisión do programa Convivir Deportivo, da Radio Galega. O programa que conduce Alfonso Pardo aterra en Ames e contará coa participación dun dos máximos expoñentes do deporte amesán, Borja Golán, dezaseis veces campión de España de squash e dúas veces campión de Europa. Convivir Deportivo comezará ás 20:00 horas, con entrada libre e de balde.

XXXIV Descenso do Tambre de piragüismo