Pestanas principais

Departamento de Deportes

    • Enderezo: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención ao público:
      • De luns a venres, en horario das 9:00 ás 14:00 horas.
    • Responsable municipal: Concellaría de Deportes
    • Responsable técnico: Alberto Viaño Moure.
Outros Datos: 
  • Programación escolas deportivas 2023-2024
  • Funcions:
    • Deseñar proxectos deportivos: escolas deportivas, eventos deportivos...
    • Planificar e xestionar programas deportivos e elaborar estratexias de funcionamento.
    • Incentivar a participación cidadá tanto nas actividades como na creación deportiva.
    • Asesorar e informar aos grupos e entidades deportivas do concello, así como ao público en xeral.
    • Colaborar nas programacións da Deputación: Campaña de esqui, campamentos deportivos, circuíto de carreiras populares...
    • Xestionar as subvencións correspondente á área de deportes, ben sexan as da Deputación ou as convocatorias propias do Concello de Ames de apoio ás asociacións deportivas e clubs.
    • Xestionar as instalacións deportivas municipais (pavillóns polideportivos, campos de fútbol e piscinas descubertas municipais).
  • Normativa:
  • Novas relacionadas
  • Axenda

Novas do departamento

Convivir Deportivo, da Radio Galega, chega o próximo luns á Casa da Cultura do Milladoiro

O auditorio da Casa da Cultura do Milladoiro converterase o próximo luns, 22 de xullo, nun estudo de radio coa retransmisión do programa Convivir Deportivo, da Radio Galega. O programa que conduce Alfonso Pardo aterra en Ames e contará coa participación dun dos máximos expoñentes do deporte amesán, Borja Golán, dezaseis veces campión de España de squash e dúas veces campión de Europa. Convivir Deportivo comezará ás 20:00 horas, con entrada libre e de balde.

Cortes de tráfico e prohibicións de estacionamento en Bertamiráns debido á segunda etapa de “O Gran Camiño”

O concello de Ames acolle o vindeiro venres, 25 de febreiro, parte da segunda etapa da volta ciclista “O Gran Camiño”. A saída realizarase ás 10.30 horas dende a rúa Alcalde Lorenzo, en Bertamiráns. Debido a iso produciranse cortes de tráfico na avenida da Maía, na estrada de Lapido e na rúa Alcalde Lorenzo. Tamén estará prohibido estacionar en tramos de diferentes rúas de Bertamiráns (avenida da Maía, estrada de Lapido, rúa Alcalde Lorenzo, aparcadoiro da rúa Lodeiro e rúa das Pesqueiras). Ademais, verase afectado o servizo de autobús urbano (paradas 01 e 02) na avenida da Maía (dende a estrada de Lapido ata a rotonda do centro de Bertamiráns) de 7.00 a 14.00 horas. Recoméndase evitar a circulación por ditas estradas e utilizar vías alternativas como a AG-56.

Dan comezo no Milladoiro as andainas de marcha nórdica incluídas no programa “Activa Ames Verán”

Este xoves, 10 de agosto, arrinca no Milladoiro a primeira actividade de marcha nórdica “Camiñando no solpor”, incluída dentro da programación do “Activa Ames Verán”, posto en marcha polo departamento de Promoción da Saúde. A andaina volverá a repetirse con saída dende o Milladoiro o 24 de agosto, e dende Bertamiráns os días 17 e 31. A proposta é gratuíta, e non é precisa inscrición previa. Así, complétase o ciclo de iniciativas do “Ames Activa Verán”, que tamén comprende clases de ioga terapéutico, de taichi tradicional e de chi kung. 

Daniel Cariñena, do Club Atletismo MillaRaio, rematou oitavo en salto de lonxitude no campionato de España sub18 ao aire libre

Os días 18 e 19 de xuño desenvolveuse en Xerez da Fronteira o campionato de España sub18 ao aire libre individual, no que participou o saltador do MillaRaio Daniel Cariñena. O atleta conseguiu un gran resultado, rematando oitavo na clasificación final do salto de lonxitude, cunha mellor marca de 6,66 metros e mantendo un rendemento alto ao longo do concurso. Deste xeito, Cariñena mellora o seu resultado no campionato nacional de pista cuberta sub18, no que rematou undécimo o pasado mes de marzo.

Daniel Cariñena, undécimo no campionato de España sub18, e once atletas do MillaRaio participan nos galegos sub16

Esta fin de semana o saltador do MillaRaio Daniel Cariñena participou en Valencia no campionato de España sub18 en pista cuberta, rematando undécimo en salto de lonxitude malia competir con molestias físicas. Ademais, once atletas do club de atletismo participaron nos campionatos de Galicia sub16 en pista cuberta, celebrados en Ourense. O MillaRaio obtivo dous metais, con Nuno Castro rematando segundo no campionato de probas combinadas e Feli Lavandeira cun bronce nos 60 metros lisos.

Daniel Paz e Lucía Peón, gañadores do III Trail e Andaina Ribeiras do Tambre

Onte domingo 20 de febreiro celebrouse a terceira edición do Trail e Andaina Ribeiras do Tambre, unha proba na que se inscribiron 343 persoas. A primeira en cruzar a meta na categoría absoluta feminina foi Lucía Peón, do club Azerbañan, cun tempo de 1:30:23, mentres que o primeiro posto masculino foi para Daniel Paz, do Club Deportivo Brión Hyupersa, que cunha marca de 1:09:01 revalidou a súa vitoria na primeira edición desta proba, celebrada en 2019. Pola súa banda, o club gañador foi o C.A. Cambados – Seguros Noval, que colocou seis corredores no top 20 e que tamén repite a vitoria de 2020. Consulta os resultados ao completo premendo nesta ligazón.

David López e Puri Cariñena acadan catro medallas para o club de atletismo Millaraio no campionato de Galicia máster en pista cuberta

Os/as atletas do club de atletismo Millaraio seguen acadando moi bos resultados nas probas nas que participan. Neste caso David López e  Puri Cariñena conseguiron unha medalla de ouro e outra de bronce cada un no campionato de Galicia máster en pista cuberta celebrado o pasado 22 de febreiro en Ourense. Ademais, oito atletas deste club amesán participaron no campionato de Galicia absoluto de pista cuberta, sendo cinco aínda da categoría sub18.

David Noya, Breixo Lestón e Jorge Nogueiras, do club TKDenodo, participaron no campionato de España de taekwondo

Tres deportistas do club amesán TKDenodo, David Noya Platas, Breixo Lestón Cives e Jorge Nogueiras Rivero, participaron no campionato de España (categorías cadete e júnior) como parte da selección galega de taekwondo. Dito campionato celebrouse os días 15 e 16 de marzo en Tarragona. Os tres deportistas tiveron unha participación destacada. Breixo Lestón e David Noya acadaron o quinto posto, quedando a un paso de acadar medalla. Ademais, estes tres taekwondistas foron convocados pola selección galega para participar no Open de España os días 25 e 26 de abril.

Dez integrantes do Escola Ames Xadrez participaron nos campionatos provinciais de xadrez por idades

O sábado 29 e o domingo 30 de xaneiro disputáronse en Padrón os campionatos provinciais de xadrez por idades, celebrándose o sábado as competicións sub12 e sub14 e o domingo as sub8 e sub10. Dez rapaces e rapazas representaron á Escola Ames Xadrez nas diferentes categorías.

Diego Álvarez e Desiree Fernández gañan a segunda proba do circuíto Transgalaica 2022 que se disputou en Ames

O Club de ciclismo amesán Os Esfola Arrós e a empresa Team Relay, coa colaboración do Concello de Ames, organizaron este domingo, 13 de marzo, a segunda proba do circuíto Transgalaica 2022. Foi a sexta ocasión na que o concello acolleu esta cita, unha das máis importantes do ciclismo no noroeste español. Dende 2016 organízase esta proba do circuíto Transgalaica en Ames. En 2021 non se puido realizar debido a situación epidemiolóxica derivada da Covid-19. Nesta edición inscribíronse 408 ciclistas que tiñan que dar dúas voltas a un circuíto de 33 quilómetros. Foi unha proba moi dura debido ao frío e á chuvia. Preto de 50 persoas tiveron que ser atendidas con hipotermia e houbo preto de 20 incidencias de bicicletas por avarías. Finalmente, 141 ciclistas chegaron á liña de meta.

Eventos del departamento

>XVI Carreira Ciclista do Pavo

O 17 de decembro, ás 12:00 horas, celébrase a XVI Carreira Ciclista do Pavo nos arredores do Paseo Fluvial de Bertamiráns.

>XVI Gala do Deporte

A Concellaría de Deporte celebra este venres, 19 de abril, a décimo sexta edición da Gala do Deporte, un evento no que se homenaxeará tanto aos e ás deportistas máis destacados/as do concello, como ás diversas entidades deportivas. O acto terá lugar ás 20:30 horas, na Casa da Cultura do Milladoiro, e será presentado polos xornalistas Lorena Pose e Diego Viaño. Ademais, ofreceranse distintos espectáculos e animacións.

>XVII Carreira do Pavo

A localidade de Bertamiráns acolle o domingo, 22 de decembro, a partir das 11.00 horas, a décimo sétima edición da Carreira Ciclista do Pavo. Organizada pola Asociación Galega de Ciclistas, en colaboración coa Federación Galega de Ciclismo e co Concello de Ames, nela participarán tanto adultos como os máis pequenos da casa. As inscricións para os/as ciclistas federados/as poden facerse na páxina web da federación (tamén o poden facer o propio día da carreira), mentres que as persoas non federadas teñen que enviar un correo electrónico a begonaalonso@mundo-r.com ou chamar ao  número de teléfono 677 555 748. Em ambos casos as inscricións poden tramitarse ata o venres 13 de decembro.

>XVII Gala do Deporte

A Concellaría de Deporte celebra este venres, 9 de maio, a décimo sétima edición da Gala do Deporte, un evento no que se homenaxeará tanto aos e ás deportistas máis destacados/as do concello, como ás diversas entidades deportivas. O acto terá lugar ás 20:30 horas na Casa da Cultura de Bertamiráns. Ademais, ofreceranse distintos espectáculos e animacións.

>XX Carreira Pedestre Popular Concello de Ames

O Concello de Ames e a Federación Galega de Atletismo organizan este domingo, 20 de outubro a vixésima edición da carreira pedestre do Concello de Ames. Esta proba pertence ao VII Circuíto de carreiras populares da Deputación da Coruña. A saída e chegada de cada proba farase na rúa Alcalde Lorenzo de Bertamiráns, tal como  se veu realizando nas dúas últimas edicións, unha vez que se decidiu trasladar a proba desde o entorno do Pazo da Peregrina ao centro do núcleo urbano para así facer mais partícipe á veciñanza.

>XXIII Carreira Pedestre Popular do Concello de Ames

O Concello de Ames e a Federación Galega de Atletismo organizan o domingo 20 de outubro a XXIII Carreira Pedestre Popular Concello de Ames, unha proba que pertence ao X Circuíto provincial de carreiras populares da Deputación da Coruña. Contará cun circuíto urbano de 10 quilómetros homologado pola Real Federación Española de Atletismo, con saída e chegada en Bertamiráns, na rúa Alcalde Lorenzo, nas inmediacións da Casa do Concello. O percorrido estará debidamente sinalizado e haberá indicacións en cada quilómetro.

>XXXVIII Rally Berberecho de Noia

A edición deste ano do Rally Berberecho de Noia terá un treito que se disputará de forma íntegra por estradas do noso concello. Será en horario de tarde e haberá un reagrupamento, de 17:15 a 19:30 horas, na avenida José Luís Azcárraga, diante do Pazo da Peregrina, en Bertamiráns, polo que pasarán todos os participantes. O tramo de Ames ten unha lonxitude de 11,2 quilómetros e discorre polas parroquias de Ames, Lens e Tapia. A saída do tramo estará instalada no lugar de Outeiro, mentres que a liña de meta será na estrada que vai dende a aldea de A Mámoa cara o lugar de Pedrouzos. Os pilotos farán unha dobre pasada polo tramo de Ames. A primeira pasada comezará ás 16.50 e a segunda ás 19.40 horas, sendo o último tramo do rally. O final do rally está previsto para as 20.20 horas. As estradas polas que discorre o treito de Ames estarán pechadas ao tráfico de 15.30 a 22.30 horas aproximadamente. Consulta o itinerario do tramo de Ames.

O Milladoiro acolle o programa Convivir Deportivo da CRTVG

O auditorio da Casa da Cultura do Milladoiro converterase o próximo luns, 22 de xullo, nun estudo de radio coa retransmisión do programa Convivir Deportivo, da Radio Galega. O programa que conduce Alfonso Pardo aterra en Ames e contará coa participación dun dos máximos expoñentes do deporte amesán, Borja Golán, dezaseis veces campión de España de squash e dúas veces campión de Europa. Convivir Deportivo comezará ás 20:00 horas, con entrada libre e de balde.

XXXIV Descenso do Tambre de piragüismo