Pestanas principais

Departamento de Deportes

    • Enderezo: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención ao público:
      • De luns a venres, en horario das 9:00 ás 14:00 horas.
    • Responsable municipal: Concellaría de Deportes
    • Responsable técnico: Alberto Viaño Moure.
Outros Datos: 
  • Programación escolas deportivas 2023-2024
  • Funcions:
    • Deseñar proxectos deportivos: escolas deportivas, eventos deportivos...
    • Planificar e xestionar programas deportivos e elaborar estratexias de funcionamento.
    • Incentivar a participación cidadá tanto nas actividades como na creación deportiva.
    • Asesorar e informar aos grupos e entidades deportivas do concello, así como ao público en xeral.
    • Colaborar nas programacións da Deputación: Campaña de esqui, campamentos deportivos, circuíto de carreiras populares...
    • Xestionar as subvencións correspondente á área de deportes, ben sexan as da Deputación ou as convocatorias propias do Concello de Ames de apoio ás asociacións deportivas e clubs.
    • Xestionar as instalacións deportivas municipais (pavillóns polideportivos, campos de fútbol e piscinas descubertas municipais).
  • Normativa:
  • Novas relacionadas
  • Axenda

Novas do departamento

Catro rapaces do Escola Ames Xadrez participan nos campionatos galegos sub10 e sub12 de xadrez

O sábado 9 e o domingo 10 de abril tiveron lugar en Padrón os campionatos galegos de xadrez nas categorías sub10 e sub12, nos que participaron catro nenos do Escola Ames Xadrez. Neste senso, destacou a actuación de Sergio Calvo, que se proclamou subcampión sub10.

Centos de nenos e nenas participan nos campamentos deportivos que se están a desenvolver en Ames

Ames acolle ao longo do verán 2023 un total de nove campus e campamentos deportivos organizados por clubs e entidades locais, coa colaboración do Concello, a través do departamento de Deportes, e da Deputación da Coruña. Centos de rapaces e rapazas amesás están gozando xa de propostas de fútbol, fútbol sala, baloncesto, patinaxe e atletismo, orientadas a idades comprendidas entre os 4 e os 17 anos. Todas as iniciativas que comprenden a oferta contribúen á conciliación e á aprendizaxe dos valores do deporte.

Chega a Ames a XIII Carreira Ciclista do Pavo, que se celebrará este sábado 21 de decembro

Este sábado, 21 de decembro, desenvolverase a partir das 16.00 horas, nos arredores do parque do río Ameneiral, en Bertamiráns, a décimo terceira edición da Carreira Ciclista do Pavo. Organizada pola Asociación Galega de Ciclistas, en colaboración coa Federación Galega de Ciclismo e co Concello de Ames, nela poderán participar tanto adultos como os máis pequenos da casa. As inscricións, que son gratuítas, poden realizarse enviando un correo electrónico a deportes@concellodeames.gal proporcionando nome e apelidos e idade dos participantes, ou chamando ao 677 555 748.

Chega a Ames unha nova edición do Día do Deporte e a terceira Carreira e Andaina da Familia

O salón de plenos da Casa do Concello acolleu este martes, 17 de setembro, a presentación dunha nova edición do Día do Deporte e a realización da III Carreira e Andaina da Familia, que se levarán a cabo o sábado, 28 de setembro, no Milladoiro. Con motivo da conmemoración da Semana Europea do Deporte, que se celebra do 23 ao 29 de setembro, a Concellaría de Deportes preparou un programa específico de actividades para conmemorar esta data. Na presentación estiveron presentes a concelleira de Deportes, Susana Señorís, a concelleira de Benestar Social, Luísa Feijóo, representantes de ASANOG e o técnico de Deportes, Alberto Viaño. Toda a recadación do día irá destinada integramente a ASANOG, a Asociación de Axuda a Nenos/as Oncolóxicos de Galicia.

Comezan as obras de renovación do terreo de xogo do campo municipal de fútbol de Bertamiráns

O alcalde de Ames, José Miñones, a concelleira de Deportes, Susana Señorís, técnicos municipais do Concello e técnicos da empresa adxudicataria, visitaron o campo municipal de fútbol de Bertamiráns. O motivo é o inicio das obras de renovación do terreo de xogo, grazas a un convenio subscrito entre o Concello de Ames e maila Deputación da Coruña. Este proxecto foi adxudicado á empresa Prace Servicios Y Obras S.A. por un importe de 312.067 euros. Desta maneira, a Deputación financiará o 80% do proxecto, mentres o Concello de Ames achegará o 20% restante.

Comezan no Milladoiro e Bertamiráns as actividades deportivas e terapéuticas de verán

Este luns, 1 de xullo, arrincaron no Milladoiro as actividades deportivas e terapéuticas de verán impulsadas pola Concellería de Deportes e Promoción da Saúde. Así, o luns tivo lugar a primeira sesión de taichi-chikung na piscina municipal do Milladoiro, e este mércores comezaron as sesións de ioga na piscina descuberta de Bertamiráns. Estas actividades son gratuítas, e non é necesaria inscrición previa. Premendo nesta ligazón pódese consultar completa a programación de actividades.

Concello de Ames, Bertamiráns FC e SOGAPS colaboran para recadar fondos para o programa Vacacións en Paz

Esta mañá presentouse na Casa do Concello unha nova iniciativa na que colaboran o Concello de Ames, a través da Concellaría de Deportes, o Bertamiráns FC e maila asociación Solidariedade Galega co Pobo Saharauí (SOGAPS) co obxectivo de recadar fondos para o programa Vacacións en Paz 2023. Deste xeito, a contía recadada a través da venda de entradas para o partido Bertamiráns FC – SD Urdilde, que se disputará este domingo 20 de novembro, será doada a SOGAPS para sufragar o programa Vacacións en Paz. O custe das entradas será de 4 euros. Ademais, venderanse rifas e haberá un stand informativo de SOGAPS durante a xornada do domingo na área deportiva de Bertamiráns.

Concello de Ames, Bertamiráns FC e SOGAPS volven colaborar para recadar fondos para os campamentos de refuxiados saharauís

Esta mañá o salón de plenos da Casa do Concello acolleu a presentación da segunda edición do partido de fútbol solidario para recadar fondos para o programa Vacacións en Paz. Deste xeito, a contía recadada a través da venda de entradas para o partido Bertamiráns FC – Bastavales UD, que se disputará o domingo 10 de novembro, será doada a SOGAPS para sufragar o programa Vacacións en Paz. Os fondos servirán para tratar de paliar os efectos das graves inundacións nos campamentos de refuxiados saharauís. O custe das entradas será de 5 euros, e poderán adquirirse o día do partido na taquilla do campo. Ademais, venderanse rifas e haberá un stand informativo de SOGAPS durante a fin de semana na área deportiva de Bertamiráns.

Continúan en febreiro as andainas circulares de SaúdeAndo

O programa SaúdeAndo 2024 continúa no mes de febreiro con cinco novas andainas que sairán dos centros de saúde do Milladoiro e Bertamiráns. Estas andainas, organizadas pola Concellaría de Promoción da Saúde, organízanse cada xoves de semanas alternas ao longo de todo o ano nas localidades de Bertamiráns e do Milladoiro. Son rutas de dificultade media-baixa e que contan cunha duración aproximada de entre unha hora e hora e media.

Convivir Deportivo, da Radio Galega, chega hoxe luns á Casa da Cultura do Milladoiro

O auditorio da Casa da Cultura do Milladoiro converterase hoxe luns, 22 de xullo, nun estudo de radio coa retransmisión do programa Convivir Deportivo, da Radio Galega. O programa que conduce Alfonso Pardo aterra en Ames e contará coa participación dun dos máximos expoñentes do deporte amesán, Borja Golán, dezaseis veces campión de España de squash e dúas veces campión de Europa. Convivir Deportivo comezará ás 20:00 horas, con entrada libre e de balde.

Eventos del departamento

>XVI Carreira Ciclista do Pavo

O 17 de decembro, ás 12:00 horas, celébrase a XVI Carreira Ciclista do Pavo nos arredores do Paseo Fluvial de Bertamiráns.

>XVI Gala do Deporte

A Concellaría de Deporte celebra este venres, 19 de abril, a décimo sexta edición da Gala do Deporte, un evento no que se homenaxeará tanto aos e ás deportistas máis destacados/as do concello, como ás diversas entidades deportivas. O acto terá lugar ás 20:30 horas, na Casa da Cultura do Milladoiro, e será presentado polos xornalistas Lorena Pose e Diego Viaño. Ademais, ofreceranse distintos espectáculos e animacións.

>XVII Carreira do Pavo

A localidade de Bertamiráns acolle o domingo, 22 de decembro, a partir das 11.00 horas, a décimo sétima edición da Carreira Ciclista do Pavo. Organizada pola Asociación Galega de Ciclistas, en colaboración coa Federación Galega de Ciclismo e co Concello de Ames, nela participarán tanto adultos como os máis pequenos da casa. As inscricións para os/as ciclistas federados/as poden facerse na páxina web da federación (tamén o poden facer o propio día da carreira), mentres que as persoas non federadas teñen que enviar un correo electrónico a begonaalonso@mundo-r.com ou chamar ao  número de teléfono 677 555 748. Em ambos casos as inscricións poden tramitarse ata o venres 13 de decembro.

>XVII Gala do Deporte

A Concellaría de Deporte celebra este venres, 9 de maio, a décimo sétima edición da Gala do Deporte, un evento no que se homenaxeará tanto aos e ás deportistas máis destacados/as do concello, como ás diversas entidades deportivas. O acto terá lugar ás 20:30 horas na Casa da Cultura de Bertamiráns. Ademais, ofreceranse distintos espectáculos e animacións.

>XX Carreira Pedestre Popular Concello de Ames

O Concello de Ames e a Federación Galega de Atletismo organizan este domingo, 20 de outubro a vixésima edición da carreira pedestre do Concello de Ames. Esta proba pertence ao VII Circuíto de carreiras populares da Deputación da Coruña. A saída e chegada de cada proba farase na rúa Alcalde Lorenzo de Bertamiráns, tal como  se veu realizando nas dúas últimas edicións, unha vez que se decidiu trasladar a proba desde o entorno do Pazo da Peregrina ao centro do núcleo urbano para así facer mais partícipe á veciñanza.

>XXIII Carreira Pedestre Popular do Concello de Ames

O Concello de Ames e a Federación Galega de Atletismo organizan o domingo 20 de outubro a XXIII Carreira Pedestre Popular Concello de Ames, unha proba que pertence ao X Circuíto provincial de carreiras populares da Deputación da Coruña. Contará cun circuíto urbano de 10 quilómetros homologado pola Real Federación Española de Atletismo, con saída e chegada en Bertamiráns, na rúa Alcalde Lorenzo, nas inmediacións da Casa do Concello. O percorrido estará debidamente sinalizado e haberá indicacións en cada quilómetro.

>XXXVIII Rally Berberecho de Noia

A edición deste ano do Rally Berberecho de Noia terá un treito que se disputará de forma íntegra por estradas do noso concello. Será en horario de tarde e haberá un reagrupamento, de 17:15 a 19:30 horas, na avenida José Luís Azcárraga, diante do Pazo da Peregrina, en Bertamiráns, polo que pasarán todos os participantes. O tramo de Ames ten unha lonxitude de 11,2 quilómetros e discorre polas parroquias de Ames, Lens e Tapia. A saída do tramo estará instalada no lugar de Outeiro, mentres que a liña de meta será na estrada que vai dende a aldea de A Mámoa cara o lugar de Pedrouzos. Os pilotos farán unha dobre pasada polo tramo de Ames. A primeira pasada comezará ás 16.50 e a segunda ás 19.40 horas, sendo o último tramo do rally. O final do rally está previsto para as 20.20 horas. As estradas polas que discorre o treito de Ames estarán pechadas ao tráfico de 15.30 a 22.30 horas aproximadamente. Consulta o itinerario do tramo de Ames.

O Milladoiro acolle o programa Convivir Deportivo da CRTVG

O auditorio da Casa da Cultura do Milladoiro converterase o próximo luns, 22 de xullo, nun estudo de radio coa retransmisión do programa Convivir Deportivo, da Radio Galega. O programa que conduce Alfonso Pardo aterra en Ames e contará coa participación dun dos máximos expoñentes do deporte amesán, Borja Golán, dezaseis veces campión de España de squash e dúas veces campión de Europa. Convivir Deportivo comezará ás 20:00 horas, con entrada libre e de balde.

XXXIV Descenso do Tambre de piragüismo