O itinerario cultural de Ames do primeiro semestre de 2022 seguirá en febreiro con “Drop”, da compañía Pistacatro. Recomendada tanto para público adulto como para rapazada a partir de 10 anos, “Drop” é un espectáculo de novo circo, con teatro, música en directo e malabares, chaves na obra para facer unha comparación coa vida e os equilibrios que todos e todas facemos en certos momentos. Será o venres 4 de febreiro, ás 20:30 horas, na Casa da Cultura de Bertamiráns. As entradas poden adquirirse xa a través da Billeteira electrónica do Concello de Ames.

A EMMA vai realizar, un ano máis, unha serie de obradoiros de música dunha xornada, co fin de fomentar entre a veciñanza amesá unhas condutas saudables que contribúan na súa motivación cara a música e o lecer, e que propicien unha actitude activa e participativa, repercutindo así na mellora da súa calidade de vida. Estes talleres celebraranse durante todos os sábados o mes de marzo. O día 4 terá lugar o de batucada, dirixido pola asociación Trópico de Grelos. A proposta busca achegar á cidadanía á batucada, e experimentar a percusión dun xeito accesible, dinámico e grupal. Os participantes aprenderán así a relacionarse co instrumento a través de xogos rítmicos, entrando nun ambiente festivo que convida ao movemento e ao baile.

A EMMA vai realizar, un ano máis, unha serie de obradoiros de música dunha xornada, co fin de fomentar entre a veciñanza amesá unhas condutas saudables que contribúan na súa motivación cara a música e o lecer, e que propicien unha actitude activa e participativa, repercutindo así na mellora da súa calidade de vida. Estes talleres celebraranse durante todos os sábados o mes de marzo. O día 18, o produtor Iago Pico achegará aos participantes á produción musical. No obradoiro resumirase como comeza unha idea para unha canción, así como as distintas fases que se traballan ata lograr un resultado final. Desta maneira, farase un percorrido por todos os procesos da produción musical (a preprodución, o rec, o edit, o mix, o master...).

Co gallo da celebración do seu Día Mundial, a Escola de Teatro de Ames abrirase á veciñanza ao celebrar un obradoiro de aproximación a esta arte escénica. O taller, de balde, desenvolverase na praza de Chavián, en Bertamiráns, de 12:00 a 14:00 horas. Tratarase dunha actividade aberta e accesible, baseada en exercicios de “clown”, pantomima e teatro cómico para os que non cómpre experiencia previa.